Fréttablaðið - 08.10.2003, Blaðsíða 4

4 8. október 2003 MIÐVIKUDAGUR
Eiga stjórnvöld að grípa til að-
gerða til að bæta hag Bíldælinga?
Spurning dagsins í dag:
Heldurðu að Ásmundur Stefánsson
muni standa sig vel sem sáttasemjari?
Niðurstöður gærdagsins
á www.frett.is
53%
35%
Nei
12%Veit ekki
Já
Kjörkassinn
Farðu inn á frett.is og segðu þína skoðun
frétt.is
LÖGREGLA Samkvæmt upplýsingum
frá rannsóknardeild lögreglunnar í
Reykjavík kom eldurinn í bíla-
verkstæðinu á Viðarhöfða á mánu-
dagskvöld upp þegar starfsmaður
verkstæðisins notaði ryksugu til
að tæma óhreinindi úr bensíntanki
bíls.
Lögregla segir að svo heppilega
hafi viljað til að starfsmaðurinn
hafi einmitt brugðið sér frá bílnum
til að ná í verkfæri þegar ryksug-
an, sem var í gangi, hafi sprungið
og eldur læst sig á svipstundu um
verkstæðið. Augljóslega væri um
óhapp að ræða.
Starfsmaðurinn, sem lenti í
þessum hremmingum, er sonur
annars eiganda verkstæðisins.
Honum tókst að komast út ómeidd-
ur. Faðir hans, Hafliði Guðjónsson,
segir verkstæðið og allt sem í því
var einfaldlega vera ónýtt, meðal
annars þrír bílar sem voru innan
dyra. Tryggingarfélagið hafi þó
þegar sagst munu endurbyggja
verkstæðið á sama stað. Tíminn
leiði í ljós hvort starfseminni get-
iðhaldið áfram annars staðar á
meðan á uppbyggingunni stendur.
„Það komst neisti í þetta og svo
kom bara stór blossi. Það var hon-
um til happs að hann hafði rétt
brugðið sér frá,“ segir Hafliði. ■
Kennarar og starfslið Mýrarhúsaskóla og Valhúsaskóla samtaka:
Rök fyrir sameiningu marklaus
SVEITARSTJÓRNIR Kennarar og starfs-
lið Valhúsaskóla og Mýrarhúsaskóla
er afar ósátt við þá ætlan bæjar-
stjórnar að sameina yfirstjórn skól-
anna á einni hendi.
Kennarar og aðrir starfsmenn
Valhúsaskóla mótmæla harðlega til-
lögu um sameiginlega stjórn í álykt-
un frá á mánudag. Þeir segjast lýsa
undrun á „ófaglegum og ólýðræðis-
legum“ vinnubrögðum tillöguflytj-
endanna:
„Rökstuðningur tillögunnar er
að okkar mati algerlega marklaus
og mótsagnakenndur,“ segja Val-
húsamenn sem lýsa stuðning við yf-
irstjórn skólans.
Starfslið og kennarar Mýrar-
húsaskóla bendir á að skólanefnd
bæjarins hafi ákveðið í mars að
gerð yrði fagleg úttekt á kostum
þess og göllum að sameina skól-
anna. Það hafi ekki verið gert.
Hætta sé á uppnámi í skólastarfinu.
„Við teljum að sá rökstuðn-
ingur sem kemur fram í tillög-
unni sé illa unninn, mótsagna-
kenndur og ekki sá grundvöllur
sem ætti að liggja að baki slík-
um breytingum sem fyrirhugað-
ar eru,“ segir í ályktun starfs-
fólks Mýrarhúsaskóla sem ein-
nig lýsir yfir stuðningi við yfir-
stjórn síns skóla. ■
Einn skólastjóri
á Seltjarnarnesi
Bæjarstjórn Seltjarnarness ætlar að sameina stjórnir Valhúsaskóla og
Mýrarhúsaskóla undir einn skólastjóra. Meirihluti bæjarstjórnar segir
faglegar ástæður ráða. Starfsfólk hafnar rökunum sem illa unnum.
SVEITARSTJÓRNIR Meirihluti bæjar-
stjórnar á Seltjarnarnesi hyggst
sameina stjórnun Valhúsaskóla og
Mýrarhúsaskóla.
Andstaða er við þessi áform inn-
an skólanna. Til-
laga Bjarna Álf-
þórssonar, for-
manns skóla-
nefndar Seltjarn-
arness, um sam-
eininguna verður
lögð fram á bæj-
arstjórnarfundi í
dag.
Bjarni segir
að eftir samein-
inguna verði til einn skóli með um
800 nemendum á aldrinum 6 til 15
ára. Í dag eru 6 til 11 ára börn í Mýr-
arhúsaskóla og 12 til 15 ára börn í
Valhúsaskóla. Bjarni segir starfs-
fólki ekki munu fækka og að ekki sé
ætlunin að ná fjárhagslegri hagræð-
ingu af sameiningunni. „Ástæðurn-
ar eru fyrst og fremst faglegar.
Þetta er gert með hagsmuni skóla-
barnanna í huga,“ segir hann.
Jónmundur Guðmarsson bæjar-
stjóri leggur áherslu á að ekki eigi
að sameina skólana tvo: „Það er ver-
ið að sameina stjórnun skólanna.
Eftir breytinguna verður einn
skólastjóri fyrir báðum skólunum.
Áfram verður stjórnunarteymi í
hvorum skóla fyrir sig,“ segir hann.
Að sögn Jónmundar er markmið-
ið að ná sveigjanleika í nýtingu
starfsliðs, húsrýmis, gagna, tækja
og sérþekkingar. „Nú hafa menn
tekið á sig rögg til að gera gott
skólastarf á Nesinu enn betra. Með
þessu vilja menn líta á grunnskól-
ana okkar sem eina heild og þá veg-
ferð nemenda um þá sem óslitna
skólagöngu. Þetta er tækifæri en
ekki ógnun,“ segir bæjarstjórinn.
Sunneva Hafsteinsdóttir, fulltrúi
minnihluta Neslistans í skólanefnd
og bæjarstjórn, segir tillögu Bjarna
Álfþórssonar hafa komið mjög á
óvart. „Menn hafa ekkert fyrir sér í
því að þarna séu faglegar ástæður
að baki. Það er algerlega vonlaust
að sameina skólana án þess að gera
það í nánu samráði við kennarlið,
skólastjórendur og foreldra. Ef
menn fái ekki fólk í lið með sér hef-
ur það áhrif á skólastarfið. Hins
vegar ef þetta er gert opið og á fag-
legum rökum þá hafa menn góðan
málsstað að verja,“ segir Sunneva.
Hvorki Sigfús Grétarsson, skóla-
stjóri Valhúsaskóla, né Fríða Regína
Höskuldsdóttir, skólastjóri Mýrar-
húsaskóla, svöruðu skilaboðum í
gær.
„Rökstuðningur tillögunnar er
að okkar mati algerlega marklaus,“
segir í ályktun kennara og starfsliðs
Valhúsaskóla, sem lýsa yfir fullum
stuðningi við skólastjórnina. Starfs-
fólk Mýrarhúsaskóla tekur í sama
streng.
gar@frettabladid.is
Engar bætur í þrjá daga:
Viðsnúning-
ur ráðherra
ATVINNULEYSISBÆTUR „Það er alveg
rétt að þetta er ekki rétt leið að því
marki,“ sagði Árni Magnússon fé-
lagsmálaráðherra en samkvæmt
nýju frumvarpi hans verða engar
atvinnuleysisbætur greiddar fyrir
fyrstu þrjá dagana sem einstakling-
ur er án atvinnu. Samkvæmt álykt-
un á flokksþingi Framsóknarflokks-
ins fyrir kosningar var ákveðið að
leita leiða til að hækka atvinnuleys-
isbætur á þessu kjörtímabili.
„Þessar aðgerðir eru gerðar í
tengslum við fjárlagafrumvarpið.
Það er hins vegar rétt að flokksþing
Framsóknarflokksins hefur ályktað
um að það beri að skoða leiðir til að
hækka atvinnuleysisbætur. Ég hef
hins vegar óskað eftir því forystu-
menn verkalýðshreyfingarinnar að
taka atvinnuleysistryggingakerfið í
heild sinni til endurskoðunar.“
Með þessari aðgerð lækka út-
gjöld ríkisins um 170 milljónir
króna. ■
STARFSBRÆÐUR Á NATÓFUNDI
Antonio Martins da Cruz, utanríkisráðherra
Portúgals, með Halldóri Ásgrímssyni, utan-
ríkisráðherra Íslands, á Íslandi í maí 2002.
Skólavist dóttur ráðherra:
Kostaði ráð-
herrastóla
LISSABON, AP Utanríkisráðherra
Portúgals, Antonio Martins da
Cruz sagði af sér í gær vegna
ásakana um að hann hefði beitt
áhrifum sínum til að koma dóttur
sinni inn í háskóla.
Utanríkisráðherrann sagðist
hafa hreina samvisku, hann hefði
ekki gert neitt rangt. Ásakanir
síðustu daga hefðu hins vegar
skaðað sig og fjölskyldu sína svo
að afsögn hefði ekki verið umflú-
in. Pedro Lynce, ráðherra mennta-
mála í Portúgal, sagði af sér
vegna sama máls í síðustu viku. ■
edda.is
„Engin yngri en 9 ára
má missa af flessari
bók og mamma mín
las hana meira a› segja,
sem segir a› hún sé líka
fyrir fullor›na. Og ég sá
líka bró›ir minn lesa hana
en hann er 15 ára.“
Nanna 11 ára, kistan.is
Madonna hittir í mark
1. sæti
Mál og menning
og Penninn Eymundsson
24.–30. sept.
Barnabækur
Slapp ómeiddur úr sprengingu á bílaverkstæði:
Var að ryksuga
bensíntank
VIÐARHÖFÐI 2
Bifreiðaverkstæðið E H sjálfskiptingar er gjörónýtt eftir eldsvoða á mánudagskvöld. Ryk-
suga sem notuð var til að þrífa bensíntank sprakk í loft upp.
JÓNMUNDUR GUÐMARSSON
„Með þessu vilja menn líta á grunnskólana
okkar sem eina heild og þá vegferð nem-
enda um þá sem óslitna skólagöngu,“
segir bæjarstjórinn um fyrirhugaða sam-
einingu yfirstjórnar grunnskólanna á Sel-
tjarnarnesi.
„Algerlega
vonlaust að
sameina skól-
ana án þess
að gera það í
nánu sam-
ráði.
MÝRARHÚSASKÓLI Á SELTJARNARNESI
Meirihluti Sjálfstæðisflokks á Seltjarnarnesi vill drífa í gegn tillögu um að sameina stjórn
Valhúsaskóla og Mýrarhúsaskóla á eina hendi.
VALHÚSASKÓLI
„Rökstuðningur tillögunnar er að okkar mati algerlega marklaus og mótsagnakenndur,“
segja kennarar og starfslið Valhúsaskóla.
Hyggjast auðga úraníum:
Ekki notað
í sprengjur
BRASILÍA, AP Brasilísk stjórnvöld
hafa tilkynnt að þau hyggist hefja
framleiðslu á auðguðu úraníum á
næstu árum.
Roberto Amaral, ráðherra vís-
inda- og tæknimálaráðuneytisins,
segir að úraníumið verði notað til að
knýja kjarnorkuver landsins og
tryggja þar með næga orku fyrir
íbúa landsins. Í dag eru kjarnorku-
verin knúin áfram af úraníum sem
auðgað er í Evrópu. Stefna Brasilíu-
menn að því að árið 2014 verði allt
úraníum sem notað verður í kjarn-
orkuverum landsins, auðgað innan-
lands.
Amaral þvertekur fyrir að úran-
íum verði notað í kjarnorkusprengj-
ur. Í Brasilíu er að finna mikinn
forða af úraníum, eða þann sjötta
mesta í heiminum. ■
Sjúkrahús Suðurlands:
Hættan liðin
HEILBRIGÐISMÁL „Við gerum okkur
vonir um að allt verði komið í gott
horf í dag [í gær],“ sagði Ágúst
Örn Sverrisson, deildarlæknir að
Sjúkrahúsi Suðurlands, en þar
varð að loka einu deild hússins
vegna veirusýkingar starfsmanna
og sjúklinga.
„Þetta var ekki alvarlegt. Um
var að ræða veiru sem veldur nið-
urgangi og uppköstum. Hún er
hins vegar ekki hættuleg og á að
ganga yfir á einum til þremur
dögum. Við vitum hvaða tegund af
veiru þetta er, hún er algeng og
það lítur út fyrir að allt sé um
garð gengið í þetta sinn.“ ■