Fréttablaðið - 24.10.2003, Síða 30

30 24. október 2003 FÖSTUDAGUR
GÓÐ TILÞRIF
Rod Snow, kanadíski landsliðsmaðurinn í
rugby, sýndi góða takta þegar hann reyndi
fyrir sér á brimbretti við strönd Sydney
þegar hann átti frí frá keppni. Heimsmeist-
aramótið í rugby fer fram í Ástralíu.
Rugby
FÓTBOLTI „Okkur gekk alveg þokka-
lega,“ sagði Veigar Páll Gunnars-
son, leikmaður KR. Hann og sam-
herji hans Kristján Örn Sigurðsson
léku með varaliði Bolton á miðviku-
dag en það tapaði 3-1 fyrir West
Bromwich Albion. „Ég lék frekar
aftarlega á miðjunni og þurfti því
að vinna mikla varnarvinnu.“
Lárus Orri Sigurðsson, leikmað-
ur WBA, fylgdist með Kristjáni
bróður sínum í leiknum á miðviku-
dag. „Hann komst ágætlega frá
leiknum,“ sagði Lárus. „Lið Bolton
var blanda af yngri leikmönnum og
eldri. Það er ekki sami hraði í leikj-
um varaliða og í deildarleikjum.
Þessir leikir eru fyrst og fremst til
að halda mönnum í leikæfingu.“
Kristján var miðvörður í leiknum
og fannst Lárusi hann leysa sitt
hlutverk vel.
Veigar og Kristján æfðu í viku
hjá Bolton en léku aðeins þennan
eina leik. „Við erum mjög sáttir
með vikuna hjá Bolton, bæði mót-
tökur félagsins og fótboltalega
séð,“ sagði Veigar. ■
Verðum að vita
hvar við stöndum
HANDBOLTI „Við verðum að spila
við toppliðin svo við vitum hvar
við stöndum,“ sagði Guðmundur
Guðmundsson, þjálfari A-lands-
liðs karla, þegar hann tilkynnti
hópinn sem mætir Pólverjum um
aðra helgi. Leikið verður í
Kaplakrika, Ólafsvík og Laugar-
dalshöll. „Pólska liðið er frá-
bært. Í því eru leikmenn sem eru
í lykilstöðum hjá félögum í
þýsku deildinni. Að mínu mati er
pólska liðið eitt það efnilegasta í
Evrópu.“
Íslenska landsliðið kemur
saman á mánudag og æfir sjö
sinnum fyrir landsleikina.
„Framundan er mikil vinna á
stuttum tíma,“ sagði Guðmund-
ur. „Við ætlum að ná meiri hraða
og gæðum í sóknarleiknum,
vinna að nýju afbrigði af 6-0
vörn og nýrri útfærslu á hraða-
upphlaupum sem gæti leitt til
annarrar uppstillingar á vörn. Þó
svo leikmenn leiki 6-0 vörn með
sínu félagsliði geta verið aðrar
áherslur hjá landsliðinu og því
þarf að skóla þá til.“ Liðið mun
einnig æfa nýja leikaðferð þegar
það er einum fleiri, eða færri, og
þegar fimm leikmenn eru í hvoru
liði.
Í hópnum eru tveir nýliðar,
Björgvin Gústafsson og Brynjar
Þór Hreinsson en nokkrir leik-
menn koma inn í hópinn að nýju.
„Reynir Reynisson hefur varið
best í RE/MAX-deildinni að mínu
mati og Gylfi Gylfason leikur í
sterkustu deildinni. Björgvin
Gústafsson kemur úr U-18 ára
liðinu sem varð Evrópumeistari
og Brynjar Þór Hreinsson hefur
staðið sig vel í vetur. Það er mik-
ilvægt að framtíðarleikmenn fái
að kynnast landsliðinu. Það er
líka mikilvægt að þeir sem stan-
da sig vel hér heima fái umbun.
Þetta eru jafnframt skilaboð til
þeirra sem komust ekki að núna
um að leggja meira á sig.“
Guðmundur ræddi möguleik-
ana á að setja leikmenn í nýjar
stöður. Hann hefur hug á að
prófa Jaliesky Garcia í miðri
vörninni en hann hefur staðið sig
vel í þeirri stöðu hjá Göppingen.
Nokkrir lykilmenn eru meidd-
ir og taka því ekki þátt í leikjun-
um gegn Pólverjum. Guðmundur
vonar að Patrekur Jóhannesson
verði byrjaður að æfa eftir tvær
vikur en Aron Kristjánsson verð-
ur frá til áramóta og jafnvel
lengur. Roland Eradze verður
hins vegar mun lengur frá. ■
Ásgeir Sigurvinsson:
Ekkert heyrt
frá Herthu
FÓTBOLTI Þýska fótboltaritið
Kicker heldur því fram að Hertha
Berlin vilji að Ásgeir Sigurvins-
son taki við af þjálfaranum Huub
Stevens. „Fjölmargir þýskir
blaðamenn hafa spurt mig um
þetta en ég hef ekkert heyrt frá
félaginu,“ sagði Ásgeir.
„Ég þekki Dieter Höness,
framkvæmdastjóra Herthu, en
hef ekkert heyrt frá honum.“ Ás-
geir og Höness voru samherjar
hjá Bayern München á sínum
tíma og Höness var einnig fram-
kvæmdastjóri Stuttgart hluta
þess tíma sem Ásgeir lék með fé-
laginu. ■
Mikilvægt að leika gegn bestu liðunum segir Guðmundur Guðmundsson landsliðsþjálfari.
Tveir nýliðar eru í hópnum sem leikur þrjá leiki við Pólverja um aðra helgi.
GUÐMUNDUR GUÐMUNDSSON
Framundan er mikil vinna á stuttum tíma. Guðmundur ætlar að skóla til landsliðsmenn-
inna og stýrir þeim í þremur viðureignum gegn Pólverjum.
hvað?hvar?hvenær?
21 22 23 24 25 26 27
OKTÓBER
Föstudagur
■ ■ LEIKIR

19.15 Grindavík leikur við KFÍ í
Grindavík í INTERSPORT-deildinni í
körfubolta.

19.15 Keflavík og Breiðablik
keppa í Keflavík í INTERSPORT-deildinni
í körfubolta.

19.15 Þór mætir Njarðvík í Þor-
lákshöfn í INTERSPORT-deildinni í körfu-
bolta.

19.15 Selfoss fær bikarmeistara
HK í heimsókn í suðurriðli RE/MAX-
deildar karla í handbolta.

19.15 Grótta/KR keppir við Víking
á Seltjarnarnesi í norðurriðli RE/MAX-
deildar karla í handbolta.
■ ■ SJÓNVARP

18.00 Olíssport á Sýn. Fjallað er
um helstu íþróttaviðburði heima og er-
lendis.

20.00 Gillette-sportpakkinn á Sýn.

20.30 Alltaf í boltanum á Sýn.

21.00 UEFA Champions League á
Sýn. Fréttaþáttur um Meistaradeild Evr-
ópu.
LANDSLIÐSHÓPURINN
landsleikir
Markverðir
Guðmundur Hrafnkelsson Kronau 381
Reynir Reynisson Víkingi 39
Björgvin Gústafsson HK 0
Línu- og hornamenn:
Guðjón Valur Sigurðsson Essen 86
Brynjar Þór Hreinsson Gróttu/KR 0
Gylfi Gylfason Wilhelmshavener HV 5
Einar Örn Jónsson Massenheim 71
Sigfús Sigurðsson SC Magdeburg 67
Róbert Sighvatsson HSG Wetzlar 138
Róber Gunnarsson Aarhus GF 12
Útileikmenn:
Dagur Sigurðsson A1 Bregenz 171
Jalesky Garcia Padron Göppingen 4
Snorri Guðjónsson Grosswallstadt 27
Rúnar Sigtryggsson Massenheim 90
Heiðmar Felixson Bidasoa 50
Ólafur Stefánsson Ciudad Real 177
Ragnar Óskarsson US Dunkerque 47
Ásgeir Örn Hallgrímsson Haukum 2
Kristján Sigurðsson og Veigar Páll Gunnarsson:
Léku með
varaliði Bolton
VEIGAR PÁLL GUNNARSSON
Lék með varaliði Bolton gegn WBA.
* Gildir í október.
OKTÓBERFEST
0,5 l Holsten á kr.350*
Trúbador 24.okt.