Fréttablaðið - 03.11.2003, Page 6

6 3. nóvember 2003 MÁNUDAGURVeistusvarið?
1Hver er formaður SjómannafélagsReykjavíkur, sem gagnrýnir fjármála-
ráðherra fyrir að vilja afnema sjómanna-
afsláttinn?
2Hvað hét faðir Arnalds Indriðasonarspennusagnahöfundar, sem einnig var
margrómaður rithöfundur?
3Ríkharður Daðason skoraði tvö mörkfyrir lið sitt í norsku 1. deildinni um
helgina og tryggði því sæti í efstu deild.
Hvert er liðið?
Svörin eru á bls. 30
Kúariða kostaði heimsbyggðina 8.200 milljarða:
Á við þrjátíuföld útgjöld ríkissjóðs
LANDBÚNAÐUR Kúariðufaraldurinn
hefur kostað samfélagið um 8.200
milljarða króna í töpuðum tekjum
og kostnaði sem hefur hlotist af
viðbrögðum við faraldrinum.
Þetta kemur fram í skýrslu sam-
taka evrópskra framleiðenda
landbúnaðarafurða þar sem mat
er lagt á umfang kúariðufarald-
ursins.
Kostnaðurinn samsvarar um tí-
unda hluta heildarframleiðslu
nautakjöts í Evrópu ár hvert. Sé
hann settur í annað samhengi
nemur kostnaðurinn af kúariðu
frá 1986 til þessa dags þriðjungi
af stuðningi aðildarríkja Efna-
hags- og framfarastofnunarinnar
við bændur í öllum greinum land-
búnaðar árið 2001 eða rúmum
þrjátíuföldum útgjöldum ríkis-
sjóðs samkvæmt fjárlögum þessa
árs.
Skýrsluhöfundar komast að
þeirri niðurstöðu að kúariðufar-
aldurinn sé að fjara út og að næg
vitneskja sé fyrir hendi til að
koma í veg fyrir að slíkur farald-
ur brjótist út í framtíðinni. Til
þessa dags hafa 136 manneskjur
greinst með þá tegund kúariðu
sem verður vart í mönnum.

Fjöldi þátttakenda
framar væntingum
INNLENT Mun meiri aðsókn var að
reiðnámskeiði fyrir fatlaða sem
haldið var í Reiðhöllinni Svaða-
stöðum en við var búist. Nám-
skeiðið var haldið af Íþróttasam-
bandi fatlaðra í samvinnu við
Hestamiðstöð Íslands.
„Það var miðað við að 24 ein-
staklingar myndu mæta í verkleg-
ar æfingar en þegar það voru
komin á bilinu 30 til 40 manns
þurftum við að loka,“ segir Anna
Karólína Vilhjálmsdóttir hjá
Íþróttasambandi fatlaðra, sem
var stödd á Sauðárkróki til að
fylgjast með gangi mála. „Það er
greinilega mjög mikil þörf á
þessu. Þetta er fólk úr öllum átt-
um með mismunandi bakgrunn.“
Anna segir Íþróttasambandið
hafa leitað til Hestamiðstöðvar-
innar fyrir tveimur árum síðan
eftir að hafa fundið fyrir miklum
áhuga frá fötluðum sem hvergi
gátu leitað sér leiða til þess að
læra tökin á hestbaki. Sambandið
mætti miklum skilningi frá
Hestamiðstöðinni og um helgina
voru fluttir inn tveir enskir leið-
beinendur frá Daimons Center í
Surrey í Bretlandi, sem hafa
reynslu í því að kenna fötluðum.
Verkleg námskeið voru haldin
á laugardag en í gær fór fram
málþing þar sem skólastjóri Dal-
brautarskóla var með erindi auk
fleiri aðila.
Anna segir námskeiðið hafa
tekist vel og að íslenski hesturinn
nýtist fötluðum vel. „Hér er mikið
talað um það sem verið er að
rannsaka erlendis, að nota megi
reiðþjálfun sem hluta af sjúkra-
þjálfun. Það er til dæmis orðið
vinsælt í Danmörku. Íslenski
hesturinn er alveg kjörinn í það
verkefni, vegna smæðar sinnar,
geðslags og hreyfingarmýktar,“
segir Anna að lokum og vonast til
þess að námskeiðið verði til þess
að fatlaðir eigi greiðari aðgang
upp á hestbak í framtíðinni.
biggi@frettabladid.is
Verkfall póstmanna:
Viðræður
hafnar
LUNDÚNIR, AP Breska póstþjónustan,
Royal Mail, hefur tekið upp samn-
ingaviðræður að nýju við fulltrúa
stéttarfélags starfsmanna í von
um að hægt verði að binda enda á
óformlegt verkfall sem lamað hef-
ur póstþjónustuna í Bretlandi.
Báðir aðilar eru
bjartsýnir á að við-
ræðurnar muni
skila árangri.
Á undanförn-
um tveimur vik-
um hafa að
minnsta kosti
20.000 starfsmenn
lagt niður vinnu
til að leggja
áherslu á kröfur
sínar um hærri
laun. Verkfallið
hefur komið harð-
ast niður á póstþjónustunni í
Lundúnum. Royal Mail hefur orð-
ið að negla aftur hátt í 15.000 póst-
kassa í höfuðborginni og gríðar-
legt magn póstsendinga hefur
hrúgast upp á pósthúsum.

ÍSLENSKUR KÁLFUR
Kúariðan barst til margra Evrópulanda
en ekki til Íslands.
Milli 30 og 40 manns nýttu sér tækifærið þegar Íþróttasamband fatlaðra og Hestamiðstöð Íslands
buðu upp á reiðnámskeið fyrir fatlaða um helgina. Hugmyndir eru uppi um að nota reiðþjálfun
sem hluta sjúkraþjálfunar hjá fötluðum.
LEIÐBEINENDURNIR
Judy Lord og Anthea Pell komu frá Bretlandi til að leiðbeina fötluðum í reiðmennsku.
LEIÐBEINT Í REIÐMENNSKU
Mun fleiri tóku þátt í reiðnámskeiði fyrir
fatlaða en búist hafði verið við fyrir fram.
M
YN
D
IR
/I
N
G
IM
AR
I
N
G
IM
AR
SS
O
N
Fyrrum
framkvæmdastjóri:
Sýknaður
af ákæru
DÓMSMÁL Gísi Marteinsson, fyrr-
um framkvæmdastjóri Lífeyris-
sjóðs Austurlands, var sýknaður í
Héraðsdómi Reykjavíkur af
skaðabótakröfu sem lífeyrissjóð-
urinn höfðaði á hendur honum
vegna meintrar heimildarlausrar
lánveitingar.
Lífeyrissjóðurinn gerði kröfu um
að framkvæmdastjóranum fyrr-
verandi yrði gert að greiða skaða-
bætur upp á meira en fimmtíu
milljónir króna vegna lánveiting-
arinnar.
Eftir starfslok Gísla hjá Líf-
eyrissjóði Austurlands komu
fram ásakanir á hendur honum
fyrir fjárfestingar í óskráðum fé-
lögum og einnig lánveitingu sem
stjórn sjóðsins sagði Gísla hafa
veitt í heimildarleysi.

Norðurlönd:
Átak gegn
sýkingum
HEILBRIGÐISMÁL Norrænir sýkla-
fræðingar og smitsjúkdómalækn-
ar telja nauðsynlegt að ráðist verði
í samnorrænt átak vegna þess
vanda sem stafar af ört vaxandi
fjölda sýkinga af völdum fjöló-
næmra staphylokokka. Þetta kom
fram á 20. ársþingi þeirra í Óðins-
véum. Lögð var áhersla á að þörf
væri á stuðningi heilbrigðisyfir-
valda og stjórnmálamanna.
Fram kom að sýkingum af þess-
um völdum hefur farið ört fjölg-
andi á evrópskum sjúkrahúsum en
nú þurfi einnig að hafa áhyggjur af
því að sýkinga verði vart í auknum
mæli úti í samfélaginu.

MORGUNBLAÐIÐ
Moggamenn efndu til veislu í gær í tilefni
90 ára afmælis blaðsins.
90 ára afmæli:
Blásið til
veislu
FJÖLMIÐLAR Morgunblaðið fagnaði í
gær 90 árum frá því að blaðið kom
fyrst út, 2. nóvember 1913. Í tilefni
dagsins gaf blaðið út 32 síðna af-
mælisrit þar sem lesendur fengu
tækifæri á að skyggnast inn í
Morgunblaðshúsið og kynnast
starfseminni þar og starfsfólki.
Einnig var blásið til veislu.
„Við byrjuðum á því að bjóða
starfsfólki, börnum og barnabörn-
um á sýningu á Línu Langsokki í
Borgarleikhúsinu,“ sagði Hallgrím-
ur Geirsson, framkvæmdastjóri
Árvakurs, útgáfufyrirtækis blaðs-
ins. „Svo vorum við með kaffiboð
bæði fyrir starfsmenn og þá sem
eru hættir vegna aldurs.“
Hallgrímur segir blaðið hafa
tekið miklum breytingum á af-
mælisárinu, ekki síst útgáfu á
mánudögum. Einnig hafa verið
gerðar breytingar á útsíðum auk
þess sem nýtt blað, Fólk, fylgir nú
með á föstudögum.
„Það sem við ætlum að gera
næst er að breyta sunnudagsútgáf-
unni. Það verður tímarit sem mun
fylgja aðalblaði Morgunblaðsins á
sunnudögum. Þetta er á teikni-
borðinu ennþá og ekki alveg búið
að ákveða á hvaða degi fyrsta blað-
ið kemur út. Það verður þó líklega
núna í nóvember,“ segir Hallgrím-
ur að lokum og vill ekkert gefa upp
um efnistök blaðsins.

LOKAÐUR
PÓSTKASSI
Hátt í 15.000
póstkassar hafa
verið negldir aftur
í Lundúnum og
nágrenni.