Fréttablaðið - 03.11.2003, Page 32

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
ÞRÁINS BERTELSSONAR
edda.is
Endurminningabók
Elín Pálmadóttir á að baki einstakan
feril bæði heima og erlendis en hún
hefur um áratuga skeið verið einn
kunnasti blaðamaður þjóðarinnar. Í
þessari áhugaverðu bók rifjar hún
upp eftirminnilega atburði á lifandi
og áhrifaríkan hátt.
• Kynntist listalífi Parísar á sjötta
áratugnum með Gerði
Helgadóttur myndhöggvara.
• Lenti í svaðilförum í óbyggðum,
við fréttaflutning fyrir
Morgunblaðið af eldgosum,
jöklum og virkjanamálum á
hálendinu.
• Gisti flóttamannaeyju í Asíu, varð
bensínlaus í afskekktum skógi í
Afríku og steig fyrst kvenna fæti
á íseyju norður í höfum.
eins og þær gerast bestar!
Kemur í
verslanir á
morgun
Skemmtileg og fræðandiÞ
að var maklegt og rétt að dæma
grænmetismafíuna í 50 milljón
króna sekt fyrir að halda leynifundi í
Öskjuhlíðinni og rotta sig þar saman
um að okra á neytendum. Það afrek
Samkeppnisstofnunar að sanna „ólög-
legt verðsamráð“ á grænmetismafí-
una var ekkert áhlaupaverk, því að
þótt allir „viti“ eitthvað þá er allt
annar handleggur að „sanna“ fyrir
rétti að svo sé. „Ólöglegt verðsam-
ráð“ er nefnilega óáþreifanlegt hug-
tak sem erfitt getur verið að hand-
sama og leggja fram fyrir rétti út-
makað í óvéfengjanlegum fingraför-
um eða DNA-lífssýnum sem glæpa-
mennirnir hafa skilið eftir sig.
NÆSTA MÁL á dagskrá er trúlega
olíumafían, og þar næst vonandi
tryggingamafían, og svo koll af kolli,
uns búið verður að útrýma þeirri teg-
und af skipulagðri glæpastarfsemi í
viðskiptalífinu sem flokkast undir
„ólöglegt verðsamráð“.
BYRJUNIN lofar góðu, en viðbrögð
grænmetismafíunnar vekja því mið-
ur ekki bjartsýni um að þau fyrir-
tæki sem dæmd hafa verið fyrir
ólöglega starfshætti hafi séð villu
síns vegar og ætli í framtíðinni að
reyna að feta hinn mjóa veg dyggð-
anna.
ÞEGAR sektardómur upp á 50 millj-
ónir var kveðinn upp yfir grænmet-
ismafíunni sagði hún að um stórsigur
hefði verið að ræða! Upphaflega
hefði ákærandi farið fram á 100
milljón króna sekt, svo að í raun og
veru hefði grænmetismafían grætt
50 milljónir á málinu, og gæti því lit-
ið á 50 milljón kallinn sem opinbera
viðurkenningu á starfsemi sinni og
heiðarleika.
ÞESSI viðbrögð hjá aðilum sem
sluppu með milda refsingu fyrir ljóta
og ódrengilega glæpastarfsemi benda
til þess að erfitt verði að vinna bug á
þeim einbeitta brotavilja sem haft
hefur áratugi til að hreiðra um sig á
ákveðnum sviðum viðskiptalífsins.
Þessi harðsvíraða afstaða bendir til
þess að Samkeppnisstofnun nægi
ekki í framtíðinni að gægjast í tölvu-
póst grunaðra fyrirtækja ellegar
fylgjast með forstjórum sem leiðast
um Öskjuhlíðina í heilsubótargöngu.
Brotaviljinn er greinilega einbeittur
og siðleysið fáheyrt, svo að löggjaf-
inn verður að útvega Samkeppnis-
stofnun þau vopn sem duga til fram-
tíðar gegn mafíum þessa lands.
Einbeittur
brotavilji