Fréttablaðið - 03.11.2003, Page 10

10 3. nóvember 2003 MÁNUDAGUR

Lögreglufréttir
SKEMMTIGARÐUR
Í skemmtigarðinum Aiins World í Buchon í
Suður-Kóreu geta gestir virt fyrir sér gríðar-
stór líkön af heimsfrægum byggingum á
borð við Tvíburaturnana, Empire State og
Chrysler-bygginguna í New York.
Sjónvarpsmenn mynduðu skotárás:
Skaut á lögmann sinn
LOS ANGELES, AP Bandarískur lög-
fræðingur særðist í skotárás sem
fest var á filmu af sjónvarps-
mönnum sem staddir voru fyrir
utan dómshús í Los Angeles.
Fréttamennirnir voru að fylgjast
með réttarhöldunum yfir leikar-
anum Robert Blake, sem ákærður
er fyrir að hafa myrt eiginkonu
sína.
Á myndbandsupptökum af
árásinni sést lögfræðingurinn
Gerry Curry reyna að skýla sér á
bak við tré á meðan maður að
nafni William Strier beinir að hon-
um byssu og skýtur ítrekað að
honum af stuttu færi. „Fyrst hélt
ég að þetta væri grín því það kom
enginn reykur. En skothvellirnir
voru mjög háværir. Þetta var
mjög óhugnanlegt,“ sagði ljós-
myndarinn Steve Grayson, sem
varð vitni að árásinni.
Þegar Strier lét byssuna síga
skjögraði Curry frá trénu og
hneig niður í grasið. Strier var yf-
irbugaður af lögreglunni, hand-
tekinn og ákærður fyrir morðtil-
raun. Curry var fluttur á sjúkra-
hús en áverkar hans eru ekki tald-
ir alvarlegir.
Curry var lögfræðingur fjár-
haldsmanns Striers. Heimildir
herma að Strier hafi verið ósáttur
við það að lögfræðingurinn skyldi
fá greitt fé úr sjóði í hans eigu.

Vestfirðingar vilja
háskólasamfélag
Nefnd iðnaðarráðherra sem leitar leiða til að styrkja vestfirska byggð
er á fullri ferð. Bæjarstjóri Ísfirðinga segir mikla möguleika liggja í
nýsköpun á sviði háskólamála og rannsókna.
BYGGÐAMÁL „Að mínu mati liggja
mestu möguleikar Vestfirðinga í
nýsköpun á sviði háskólamála og
verkefna á því sviði,“ segir Halldór
Halldórsson, bæjarstjóri á Ísafirði,
sem er einn þriggja ráðherraskip-
aðra nefndarmanna í atvinnumála-
nefnd sem ætlað er að gera tillögur
til iðnaðarráðherra um leiðir til
þess að styrkja byggð á Vestfjörð-
um. Nefndin hefur
þegar haldið þrjá
fundi um atvinnu-
málin og sjálfur er
Halldór bæjarstjóri
nýkominn frá Finn-
landi þar sem hann
heimsótti borgina
Oulu. Þar er mikið háskólasamfélag
sem vakti Halldór til umhugsunar
um möguleikana á Vestfjörðum.
„Þarna hafa fleiri þúsund
manns atvinnu við þróun og rann-
sóknir. Sem dæmi má nefna að
4.000 manns vinna í þróunarvinnu
fyrir Nokia í tengslum við öflugan
tækniháskóla. Ég sé fyrir mér að
við byggjum á okkar þekkingu og
sérstöðu í sjávarútvegi. Hér gæti
orðið miðstöð veiðarfærarann-
sókna og farið yrði í viðamiklar
rannsóknir á því sviði sem og á
sviði rannsókna á þorskeldi,“ segir
Halldór.
Hann bendir á að Ísfirðingar
eigi öflug tæknifyrirtæki á borð
við 3X stál og Póls.
Aðspurður um það hvort Vest-
firðingar hafi ekki áhuga á stór-
iðju segist hann persónulega vilja
fara allt aðra leið.
„Ég vil frekar horfa allt öðru-
vísi á hlutina og leggja áherslu á að
við erum umhverfisvænt samfélag
sem byggir á þekkingu og mat-
vælaframleiðslu og myndi leggja
áherslu á umhverfismálin. Úti um
allan heim er mikil eftirspurn eftir
þekkingu á sviði umhverfismála,“
segir Halldór.
Hann segir að nefndin sé þegar
komin á fulla ferð í starfi sínu.
„Við höfum óskað eftir því að
Atvinnuþróunarfélag Vestfjarða
leggi okkur til starfskraft til að
halda utan um tillögur og starfið.
Síðan ætlum við að fá aðstoð frá
heimamönnum til að móta betur
þær tillögur sem settar verða fram
til ráðherra,“ segir Halldór Hall-
dórsson bæjarstjóri.
„Nefndin á að vinna hratt því
við munum leggja fram tillögur til
ráðherra í ársbyrjun 2004,“ segir
Halldór að lokum.
rt@frettabladid.is
FRAMHALDSSKÓLANEMAR
Félagsþjónustan, Áfengis- og vímuvarnar-
ráð, Íþrótta- og tómstundaráð, Rauði kross
Íslands og Rannsókn og greining stóðu að
rannsókninni.
16-19 ára unglingar:
Utanskóla
líður ver
RANNSÓKN Verulegur munur er á
andlegri og líkamlegri heilsu ung-
menna eftir því hvort þeir eru í
framhaldsskóla eða ekki. Ung-
menni utan skóla eru líklegri til að
vera leið, gráta eða langa að gráta
og 36% þeirra hafa verið einmana
á móti 17% framhaldsskólanema.
Þá telja þau ungmenni sem ekki
eru í skóla heilsu sína vera sæmi-
lega eða lélega á móti 21-25%
ungs fólks í skóla.
Þetta kemur fram í rannsókn
sem gerð hefur verið á félagslegri
stöðu ungmenna á aldrinum 16-19
ára sem ekki eru í framhaldsskóla
í samanburði við framhaldss-
skólanema.



„Úti um allan
heim er mikil
eftirspurn eftir
þekkingu á
sviði umhverfis-
mála.“
Perfectil er einstök blanda 25 vítamína og steinefna sem
talin eru mikilvæg og jafnvel nauðsynleg til að fegra og
styrkja húð, hár og neglur.

Perfectil er söluhæsta bætiefnablandan í Bretlandi og
státar af sérstökum meðmælum frá Premier
umboðsskrifstofunni fyrir fyrirsætur.
Premier umboðsskrifstofan er m.a. með ofurfyrirsætur
eins og Naomi Campell og Claudiu Schiffer á sínum
snærum.
Perfectil inniheldur hvorki lyf né hormóna.
Fegurðin kemur
innan frá
Mest selda bætiefnablandan í Bretlandi fyrir
hár, húð og neglur loksins fáanleg á Íslandi.
Perfectil® vítamín- og steinefnablandan fegrar og
styrkir húð, hár og neglur á náttúrulegan hátt.
www.perfectil.com
Gleymdu öllum
fegrunaraðgerðum
- Perfectil® dregur
fram þína
náttúrulegu
fegurð! Fæst í öllum helstu apótekum og lyfjaverslunum.
ÍSRAELSK JARÐÝTA
Palestínsk ungmenni kasta grjóti að jarð-
ýtu ísraelska hersins í borginni Nablus á
Vesturbakkanum.
Ísraelski herinn:
Fjarstýrðar
jarðýtur
JERÚSALEM, AP Ísraelski herinn ætl-
ar að taka í notkun fjarstýrðar
jarðýtur til að jafna við jörðu hús
Palestínumanna á Vesturbakkan-
um og Gaza-ströndinni.
Talsmenn hersins segja að
markmiðið með þessari tækninýj-
ung sé að auka öryggi hermann-
ana. Palestínumenn óttast aftur á
móti að þetta muni leiða til þess
að áhlaupum Ísraela á byggðir
þeirra fjölgi og aukin harka fær-
ist í átökin fyrir botni Miðjarðar-
hafs.
Jarðýturnar voru hannaðar af
ísraelska hernum en framleiddar
í Bandaríkjunum. Stefnt er að því
að taka þær í notkun á næstu vik-
um.

VARSJÁ, AP Jolanta Kwasniewska,
eiginkona Aleksanders Kwasni-
ewskis Póllandsforseta, segist
vera að íhuga að bjóða sig fram í
embætti forseta þegar kjörtímabil
manns hennar rennur út árið 2005.
Nýlegar skoðanakannanir sýna að
hún nýtur fylgis þriðjungs kjós-
enda. Sá sem næstur henni kom
mældist með 10% fylgi.
„Ég mun takast á við þessa erf-
iðu spurningu þegar frá líður. Það
er of snemmt hér og nú. En eitt er
víst að ef ég læt slag standa og
býð mig fram, þá hefur enginn
komið betur undirbúinn í þann
slag en ég,“ sagði Jolanta.
Eiginmaður hennar Aleksand-
er Póllandsforseti er á sínu öðru
kjörtímabili og má ekki sitja leng-
ur. Ef Jolanta nær kjöri yrði það í
fyrsta sinn í sögunni sem hjón
gegna forsetaembætti í heima-
landi sínu.

Eiginkona Kwasniewskis, forseta Póllands:
Íhugar forsetaframboð
SKOTÁRÁS
Lögfræðingurinn Gerry Curry reyndi að skýla sér á bak við tré þegar William Strier hóf að
skjóta að honum.
FORSETAHJÓNIN
Aleksander Kwasniewski, forseti Póllands,
og kona hans Jolanta Kwasniewska.
HALLDÓR HALLDÓRSSON
Vill að háskólasamfélag styrki byggð á Vestfjörðum.
ÍSAFJARÐARBÆR
Horft er til nýrra atvinnutækifæra.
VALT ÚT Í SKURÐ Bílvelta varð á
Hvalfjarðarvegi við Lambhaga
um tvöleytið í gærdag. Bíllinn fór
eina veltu og hafnaði úti í skurði.
Tvennt slasaðist, maður og kona,
og voru þau flutt á Landspítala til
aðhlynningar. Að sögn lögregl-
unnar í Borgarnesi var engin
hálka á vegum og er ekki vitað
um tildrög slyssins. Málið er í
rannsókn.

Lögreglufréttir
VILDI SOFA LENGUR Lögreglan í
Borgarnesi fékk tilkynningu um
fjögurleytið í gærdag um að mað-
ur væri hreyfingarlaus í kyrr-
stæðum bíl í Skorradal. Bað lög-
reglan þann sem tilkynnti að gá
betur að manninum. Í ljós kom að
hann hafði lagt sig um nóttina
vegna þreytu eftir að hafa keyrt
yfir Draghálsinn. Fór svo vel um
manninn að hann rumskaði ekki
fyrr en bankað var á rúðuna á
bílnum.