Fréttablaðið - 03.11.2003, Blaðsíða 17

17MÁNUDAGUR 3. nóvember 2003
Að láta lífið rætast – ástarsagaaðstandanda er titill bókar eft-
ir Hlín Agnarsdóttur sem nýlega
kom út hjá Bókaútgáfunni Sölku.
Bókin er einstök að því leyti að
Hlín skyggnist af einlægni inn í líf
sitt með Þorvaldi Ragnarssyni,
sem glímdi við alkóhólisma öll
helstu manndómsár sín:
„Ég byrjaði að hugsa af alvöru
um þetta efni og skrifa hjá mér
punkta um áramótin 2000-2001 en
mig hafði lengi langað til að skrifa
um þetta samband og allar furð-
urnar sem því tengdust,“ segir
Hlín og bætir því við að það sé eitt
að skrifa og annað að gefa út.
„Það eru svo margir sem hafa
dvalið í þessum heimi alkóhól-
isma allt sitt líf án þess að fá
nokkurn botn í hvað þar fór
fram,“ segir hún og neitar að hún
hafi haft í huga að skrifa bókina
til hjálpar en það sé vissulega gott
ef saga hennar geri það.
Hlín játar að bókin sé hlífðar-
laus skoðun og úrvinnsla á
ákveðnu tímabili í lífi sínu.
„Ég hafði hugsað mér að skrifa
skáldsögu um þetta efni en þegar
ég fór að hugsa nánar um það
fannst mér það ekki henta efn-
inu,“ segir Hlín og neitar að út-
gáfa bókarinnar hafi gengið
nærri henni eftir að hún var
ákveðin, þótt hún neiti ekki að
sjálf skrifin hafi reynt verulega á
hana eins og kemur fram í eftir-
mála bókarinnar.
„Ég hefði aldrei haft þrek til að
ljúka þessu verki ef ég hefði ekki
grafist vandlega fyrir um orsakir
og afleiðingar alls þess sem dreif
á daga mína á meðan ég var í
þessum skringilega heimi.“

Bókmenntir
HLÍN AGNARSDÓTTIR

Sendir frá sér einlæga og hispurslausa
bók um sextán ára samband. Viðbrögðin
segja henni hve margir hafi staðið í
hennar sporum.
Ekki skrifuð til að sverta neinn

Nýjar bækur
ADAM ANT
Eða Stuart Leslie Goddard eins og hann
heitir í raun og veru, er 51 árs í dag.
Út er komin ljóðabókin Úrþagnar djúpum eftir Jón
Hjörleif Jónsson, fyrrverandi
skólastjóra Hlíðardalsskóla og
prest Aðvent-
kirkjunnar í
Reykjavík.
Bókin er gefin
út í tilefni 80
ára afmælis
höfundar. Jón
hefur verið
síyrkjandi frá
barnsaldri og
liggur eftir
hann verulegt
magn ljóða, en þeim hefur ekki
verið safnað á bók fyrr en nú. Út-
gefendur eru eiginkona hans,
börn og systurdóttir ásamt mök-
um. Bókin er 224 bls.
Út er komin hjá Almennabókafélaginu skáldsagan
Hrapandi jörð eftir Úlfar Þor-
móðsson. Í fréttatilkynningu út-
gefanda segir að Hrapandi jörð
sé söguleg skáldsaga eins og þær
gerast bestar og má glöggt sjá að
mikil heimildavinna liggur að
baki verkinu,
enda hefur höf-
undurinn, Úlfar
Þormóðsson,
margsinnis dval-
ist í Norður-Afr-
íku við rannsókn-
ir. Miskunnar-
laust Tyrkjarán-
ið, ferðin suður í
Barbaríið og nýtt
líf í framandi heimi er meginvið-
fangsefni þessarar skáldsögu.
Súrefnisvörur
Karin Herzog
...fegurð og ferskleiki...
w
w
w
.k
a
ri
n
h
e
rz
o
g
.c
h

Endurbyggja húðina

Vinna gegn öldrunareinkennum

Vinna á bólum og bólgum

Stinna og þétta húðina

Vinna á appelsínuhúð og sliti

Viðhalda ferskleika húðarinnar

Þær eru ferskir vindar
í umhirðu húðar
Kynningar á Akureyri:
Þriðjudaginn 4. nóvember:
Apótekarinn, Akureyri
Fimmtudaginn 6. nóvember:
Lyf & Heilsa, Glerártorgi, Akureyri
Jóhann Friðgeir Valdimarsson,söngvari hjá Íslensku óper-
unni, hefur verið ráðinn til að
syngja við óperuhús í Þýskalandi í
vetur. Á laugardag söng hann því
á sínum síðustu tónleikaum í Ís-
lensku óperunni að sinni.
Jóhann Friðgeir segir það hafa
komið sér í opna skjöldu að fá
þetta boð. Hann hafi í sakleysi
sínu verið að syngja í Macbeth
þegar umboðsmaður hafi komið
og hlustað á. Í framhaldi bauð
hann honum að koma út og syngja
og var hann ráðinn. „Ég bjóst ekki
við þessu og var ekkert viss um að
mig langaði neitt mikið til þess,“
segir hann og er ákveðinn í að
flytja ekki út. „Ég ætla að halda
áfram að vera Íslendingur og búa
hér áfram. Hér á ég konu, börn og
einn hund og kem heim eins oft og
ég get. Líklega þarf ég að fá mér
íbúð úti og konan og börnin koma
þegar þau geta, en hundurinn ekki
því hann kemst ekki svo glatt úr
landi, eða réttara sagt heim aft-
ur,“ segir Jóhann og hlær hraust-
lega.
Jóhann var við nám á Ítalíu í
þrjú ár en kom heim og hefur síð-
an sungið með Íslensku óperunni.
Hann segist hafa verið sáttur við
það en vissulega sé gaman að fá
að reyna sig í Evrópu. „Það ríður
enginn feitum hesti frá þessu til
að byrja með. Það er ekki fyrr en
eftir einhvern tíma ef vel gengur
sem eitthvað fer að gerast í þeim
efnum,“ segir hann og bætir við
að það gerist fljótt ef vel gangi.
Jóhann verður í Frankfurt en
fyrsta sýningin verður í Madame
Butterfly í byrjun janúar og eftir
það ýmis önnur verk í öðrum óp-
eruhúsum. „Umboðsmaðurinn er
búinn að gera samning um 35 sýn-
ingar á næsta ári en það vantar
alltaf tenóra,“ segir Jóhann, sem
kvíðir því mest að þurfa að vera
um jólin úti við æfingar. En það
kemur í ljós síðar.

HLÍN AGNARSDÓTTIR
Skrifaði bók um samband sitt við Þorvald
Ragnarsson, virkan alkóhólista.
JÓHANN FRIÐGEIR VALDIMARSSON
Hann er búinn að ráða sig til vinnu í útlöndum en ætlar að búa heima þrátt fyrir það.
Tímamót
JÓHANN FRIÐGEIR
VALDIMARSSON

Jóhann er á leið til Wiesbaden til æf-
inga og hættur í Íslensku óperunni.
Á hér konu, börn og hund