Fréttablaðið - 10.01.2004, Blaðsíða 2
2 10. janúar 2004 LAUGARDAGUR
„Já, ég er ánægður með að vera
kominn heim og svara fyrir mig. Það
var greinilega ekki vanþörf á því.“
Hannes Hólmsteinn Gissurarson var í
útlöndum þegar gagnrýni á bók hans um
Halldór Laxness komst í hámæli. Nú er hann
kominn heim til að svara fyrir sig.
Spurningdagsins
Hannes, er gott að vera kominn heim?
■ Lögreglufréttir
LANDBÚNAÐUR Áformað er að nefnd
sem unnið hefur að stefnumótun í
mjólkurframleiðslu skili landbún-
aðarráðherra skýrslu á næstu vik-
um. Nefndinni er ætlað að meta
stöðu og horfur mjólkurfram-
leiðslunnar í undirbúningi fyrir
næstu mjólkursamninga, en nú-
gildandi samningur ríkisins og
Bændasamtakanna rennur út í
ágúst árið 2005.
Við endurskoðun núgildandi
samnings skal lagt mat á stöðu
kvótafyrirkomulagsins sem stund-
að hefur verið í greininni og kann-
að hvort, og þá hvernig og hvenær,
eigi að leggja þetta kerfi niður og
hvað geti þá tek-
ið við í staðinn.
Starfsskilyrði í
framleiðslu og
vinnslu mjólkur
og mjólkur-
afurða hafa ver-
ið skoðuð sér-
staklega, en í því
sambandi er
meðal annars
horft til þess
hvaða kvaðir al-
þjóðlegir samn-
ingar kunna að
leggja á herðar stjórnvalda á kom-
andi árum. Guðmundur B. Helga-
son, ráðuneytisstjóri í landbúnað-
arráðuneytinu og formaður nefnd-
arinnar, segir að alþjóðlegir samn-
ingar kunni að setja því skorður
með hvaða hætti stefnan verði
mótuð og útfærð.
„Það ríkir óvissa um það hvað
kann að vera í vændum í alþjóð-
legum samningum. Það er hins
vegar ljóst að þeir hafa kallað á
aðlögun að breyttum veruleika í
landbúnaðinum á heimsvísu. Ég
tel ekki tímabært að fjalla efnis-
lega um stefnumörkunarvinnuna
fyrr en endanlegar niðurstöður
hennar liggja fyrir.
Sigurgeir Þorgeirsson, fram-
kvæmdastjóri Bændasamtakanna,
segir að nái kröfur Alþjóða-
viðskiptastofnunarinnar, WTO, um
minni tolla og styrki fram að
ganga kunni það að valda umtals-
verðum erfiðleikum í íslenskum
landbúnaði.
„Það er ljóst að það er verið að
krefjast ákveðinna breytinga til að
greiða fyrir raunverulegri verð-
samkeppni. Við teljum að þær
muni þrengja möguleikana á því
að bændum verði greiddir fram-
leiðslutengdir styrkir. Evrópusam-
bandið hefur að mestu leyti breytt
sínu styrkjakerfi, það tengist ekki
lengur framleiðslunni sem slíkri
heldur er greitt út á landið og gerð-
ar auknar kröfur um meðferð
þess. Menn verða að skoða þetta
vel í framtíðinni og vera undir það
búnir að þessar breytingar nái til
Íslands,“ segir Sigurgeir.
bryndis@frettabladid.is
RÁN Tveir menn, vopnaðir bareflum
og með hulin andlit, ruddust inn í
útibú SPRON við Hátún á tólfta tím-
anum í gær ógnuðu starfsfólki,
brutu gler í einni gjaldkerastúkunni
og hrifsuðu peninga úr skúffu áður
en þeir hlupu út.
Hörður Jóhannesson yfirlög-
regluþjónn segir mennina haf kom-
ið að bankanum á reiðhjólum. Ann-
að var notað til að komast í burtu og
fannst það á Skúlagötu. Hitt hjólið
var skilið eftir við bankann. Hnífur
fannst þegar lögreglan rakti slóð
mannanna en Hörður segir óvíst
hvort hann tengist ráninu. Þjófarn-
ir ógnuðu starfsfólki bankans ekki
með hníf.
Andri Guðmundsson, starfsmað-
ur á bifreiðaverkstæði ofan við
bankann, sá til bankaræningjanna.
„Ég sá tvo stráka hlaupa fyrir horn-
ið og kasta frá sér rörbút. Annar
hjólaði í burtu en hinn hljóp með.
Báðir hlupu þeir neðan við
Fíladelfíukirkju og í áttina að mið-
bænum.“ Fjöldi lögreglumanna tók
þátt í að leita uppi mennina sem
taldir eru vera milli tvítugs og þrí-
tugs. Báðir voru dökklæddir.
Útibúi SPRON við Hátún var lok-
að í gær. Þetta er fyrsta bankaránið
sem framið er á árinu. Átta banka-
rán voru framin á síðasta ári. ■
Kjaraviðræður:
Reynt til
þrautar
KJARAMÁL Viðræðunefndir Starfs-
greinasambands Íslands og Sam-
taka atvinnulífsins sammæltust um
það í gær að reyna til þrautar á
næstu tveimur til þremur vikum að
ná saman um nýja kjarasamninga.
Viðræðunefndirnar þinguðu í
gær og urðu fulltrúar deilenda
sammála um að einhenda sér í við-
ræðurnar strax eftir helgi og
reyna að ná niðurstöðu sem fyrst
án átaka. Fundir eru boðaðir strax
eftir helgi.
Langlundargeð Starfsgreina-
sambandsins gagnvart ríkinu er
hins vegar mun minna og verður
staðan í viðræðum við ríkið metin
upp á nýtt að loknum fundum
deilenda í næstu viku. ■
Endurskoðandi:
Dró sér 25
milljónir
DÓMSMÁL Endurskoðandi var
dæmdur í eins og hálfs árs fang-
elsi fyrir að draga sér 25 milljónir
króna úr dánarbúi sem hann fór
með sem lögráðamaður tveggja
dætra hins látna. Þegar Héraðs-
dómur Reykjaness felldi úrskurð
sinn í gær hafði maðurinn endur-
greitt nærri helming þess fjár
sem hann dró sér.
Maðurinn gekkst við brotum
sínum. Fallið var frá kröfu um
sviptingu réttinda mannsins sem
löggilts endurskoðanda enda hafði
hann skilað inn starfsleyfi sínu. ■
Í DÓMSSAL Í FYLGD LÖGREGLU
Fjársvikamennirnir framvísuðu fölsuðum
vegabréfum til að fá íslenskar kennitölur.
Kongómaður og Belgi:
Dæmdir fyr-
ir skjalafals
DÓMUR Belgi af marakkóskum upp-
runa og maður frá Kongó voru
dæmdir í fjögurra mánaða fangelsi,
í Héraðsdómi Reykjaness í gær,
fyrir skjalafals, fimm brot hvor.
Mennirnir urðu sér út um ís-
lenskar kennitölu á Hagstofu
Íslands með því að framvísa
fölsuðum frönskum vegabréfum.
Hvor um sig notaði falsað vegbréf
við stofnun reikninga í bönkum í
Reykjavík. Kongómaðurinn fram-
vísaði fölsuðu vegabréfi þegar
hann kom hingað til lands þann 19.
desember. Belginn framvísaði
hins vega fölsuðu vegabréfi þegar
hann var handtekinn í Reykjavík
daginn eftir. Mennirnir hafa setið
í gæsluvarðhaldi frá 21. desem-
ber. Afplánun þeirra hófst eftir að
dómur var kveðinn. ■
Olís og Essó lækkuðu bensínverð:
Bensínstríðið heldur áfram
NEYTENDUR Olís og Esso lækkuðu
bensínlítrann á 95 oktan bensíni á
stöðvum sínum um tvær krónur
og tuttugu aura í gær. Lítrinn
kostaði þá 93,7 krónur í sjálfs-
afgreiðslu. Félögin lækkuðu bæði
verð á dísilolíu og seldu lítrann á
35,90 krónur. Shell lækkaði verðið
ekki og kostar lítrinn af 95 oktan
bensíni því áfram 96,90 krónur í
sjálfsafgreiðslu.
Samúel Guðmundsson, fram-
kvæmdastjóri áhættustýringar-
sviðs Olís, segir um tímabundna
lækkun að ræða. „Ástæða lækk-
unarinnar er stefna fyrirtækisins
að bjóða viðskiptavinum okkar
samkeppnishæft verð.“
Bensínstríð skall á í kjölfar
þess að Atlantsolía hóf að selja 95
oktan bensín á 92,50 krónur lítr-
ann í fyrradag. Í kjölfarið fylgdu
allar sjálfsafgreiðslustöðvar á
höfuðborgarsvæðinu. Ódýrastur
var bensínlítrinn hjá Orkunni á
Skemmuvegi sem lækkaði 95 okt-
an bensíni í 91,40 krónur. Verð
hélst óbreytt í gær hjá sjálfs-
afgreiðslustöðvunum. ■
DÆLT Á BÍLINN
Neytendur njóta góðs af bensínstríði sem skollið er á milli olíufélaganna.
Fimm mánaða fangelsi:
Ástralinn
dæmdur
DÓMUR Ástralinn, sem kom hingað
til lands í byrjun nóvember með
tvær kínverskar stúlkur í fylgd
með sér, var dæmdur í fimm mán-
aða fangelsi í Héraðsdómi
Reykjaness í gær, fyrir skjalafals
og brot á lögum um útlendinga.
Ástralinn hefur setið í gæslu-
varðhaldi frá 7. nóvember. Kín-
versku stúlkurnar tvær voru
sendar til síns heima milli jóla og
nýárs. ■
BANKARÆNINGI HRIFSAR TIL SÍN PENINGA
Öryggismyndavél bankans náði myndum af bankaræningjunum. Báðir huldu andlit sitt. Til
að komast að gjaldkeranum brutu þeir gler á gjaldkerastúkunni.
Vopnað bankarán framið í útibúi SPRON við Hátún:
Ruddust inn fyrir
gjaldkerastúku
KÝR Í HAGA
Nefnd vinnur að því að skoða starfsskilyrði kúabænda og er meðal annars horft til þess
hvaða kvaðir alþjóðlegir samningar kunna að leggja á herðar stjórnvalda í þeim efnum á
komandi árum.
„Það er ljóst
að það er
verið að krefj-
ast ákveðinna
breytinga til
að greiða fyr-
ir raunveru-
legri verð-
samkeppni.
FR
ÉT
TA
B
LA
Ð
IÐ
/G
VA
BENSÍNVERÐ Á
SJÁLFSAFGREIÐSLUSTÖÐUM
BENSÍNSTÖÐVA Í GÆR
bensín dísilolía
Atlantsolía 92,50 35,00
Esso Express 92,50 34,90
Orkan 92,40 34,80
Orkan Skemmuvegi 91,40 34,90
ÓB 95,50 35,00
Esso 93,70 35,90
Olís 93,70 35,90
Shell 96,90 41,80
Kvótafyrirkomulag
til endurskoðunar
Nefnd sem vinnur að stefnumótun í mjólkurframleiðslu skoðar meðal
annars hvort leggja eigi kvótakerfi kúabænda af. Breytt umhverfi á
alþjóðavísu setur því skorður hvernig styðja má við bakið á landbúnaði.
ELDUR Í ÞVOTTAHÚSI
Slökkviliði var tilkynnt um eld í
kjallara í fjölbýli í Miðtúni um
klukkan sjö í gærkvöldi. Eldur
reyndist vera í þvottahúsi og réð
slökkvilið niðurlögum hans og
reykræsti. Aðgerð slökkviliðs var
lokið á innan við tuttugu mínút-
um eftir að útkall barst.