Fréttablaðið - 22.01.2004, Side 4

4 22. janúar 2004 FIMMTUDAGUR
Ætlar þú út í sumar?
Spurning dagsins í dag:
Hefur þú áhyggjur af
gróðurhúsaáhrifum?
Niðurstöður gærdagsins
á www.frett.is
25,2%
49,3%
Nei
Veit ekki 25,5%
Já
Kjörkassinn
Farðu inn á frett.is og segðu þína skoðun
frétt.is
Brim í sardínuveiðar og vinnslu í Marokkó:
Hálfs milljarðs velta í upphafi
SJÁVARÚTVEGUR „Þetta er verkefni
sem við höfum verið að vinna að í
nokkurn tíma, ásamt ráðgjafarfyr-
irtækinu Icecon, sem við keyptum
hlut í fyrir nokkru. Umfangið verð-
ur umtalsvert, við reiknum með
rúmlega hálfs milljarðs króna
veltu til að byrja með,“ sagði Guð-
brandur Sigurðsson, framkvæmda-
stjóri Brims.
Stjórnvöld í Marokkó hafa veitt
Brimi tvö veiðileyfi á sardínu við
strendur landsins og er fyrirtæk-
inu heimilt að veiða samtals 30 þús-
und tonn. Aflinn verður sjókældur
um borð og unninn í landi.
Verkefnið er unnið í samstarfi
við marokkóska fyrirtækið
Tawarta Pelagics.
„Strandlengja Marokkó er löng
og fiskimiðin mjög gjöful, sérstak-
lega hvað varðar uppsjávarfisk á
borð við makríl, sardínur, ansjósur
og fleiri tegundir,“ sagði Guð-
brandur.
Meðal annars fyrir tilstuðlan
forseta Íslands var formlegu sam-
starfi komið á við Brim eftir heim-
sókn sjávarútvegsráðherra
Marokkós hingað til lands í ágúst
síðastliðnum.
Guðbrandur segir að fyrirtækið
muni byggja upp vinnslu í
Marokkó með þarlendu vinnuafli, í
krafti reynslu og þekkingar Íslend-
inga á sjávarútvegi. Um 100 starfs-
menn munu vinna hjá fyrirtækinu
og verða helstu yfirmenn Íslend-
ingar. ■
Hundur lifði í rúma
viku í rústum Bakka
Björgunarsveitarmenn grófu hundinn Lappa úr rústum bæjarins Bakka í gær
þegar unnið var að hreinsun á svæðinu. Hundurinn, sem hafði borist tuttugu
metra með snjóflóðinu, fannst átta dögum síðar.
HAMFARIR „Það má teljast merki-
legt að hundurinn skyldi lifa
þetta af. Hann er dálítið niður-
dreginn og áttavilltur en að öðru
leyti í lagi,“ segir Jón Árnason,
eigandi border collie hundsins
Lappa sem fannst í gær á lífi í
rústum bæjarins Bakka í Ólafs-
firði. Björgunarsveitarmenn frá
Ólafsfirði, Akureyri og Dalvík
sem voru að hreinsa og bjarga
verðmætum úr rústum bæjarins
eftir snjóflóðið þriðjudaginn 13.
janúar, fyrir rúmri viku, komu
niður á hundinn sem þá hafði lif-
að í átta sólarhringa í rústunum.
Georg Kristinsson, formaður
björgunarsveitarinnar Tinds á
Ólafsfirði, var ásamt félögum
sínum að grafa niður í rústirnar
þegar hundurinn kom í ljós. Hann
segir það kraftaverki líkast að
dýrið skyldi komast af í flóðinu.
Veggir hússins féllu og þakið lá í
heilu lagi um tuttugu metrum
neðan við bæjarstæðið. Þar undir
var hundurinn Kátur.
„Það var ótrúlega mikið lífs-
mark með hundinum og hann var
óskaddaður að sjá. Hann lá metra
undir þakskegginu og hefur
borist um 20 metra með snjóflóð-
inu. Hann var ósköp ánægður
með að sjá okkur,“ segir Georg.
Hann segir snjóað hefði yfir
flóðið og að talið hafi verið
óhugsandi að eitthvert líf væri að
finna í rústunum. Hundurinn,
sem er tveggja ára, hafði verið í
fóstri á bænum en hann er í eigu
Jóns Árnasonar bónda á Syðri-Á.
Skömmu eftir að Lappi fannst á
lífi fundu björgunarsveitarmenn
annan hund, Skugga, dauðan
nokkra metra þaðan sem Lappi
hafði haldið til.
Georg sagði að 20 björgunar-
sveitarmenn ynnu að hreinsun
svæðisins auk 15 vélamanna og
annarra. Hann reiknaði með að
ljúka því starfi í gær.
„Skilyrðin til að vinna að
hreinsun eru mjög góð en það er
þó snjóflóðahætta úr fjallinu þar
sem mikinn snjó hefur fest. En
með okkur er eftirlitsmaður frá
Veðurstofunni sem fylgist
grannt með fjallinu,“ segir
Georg.
Snjóflóðið var allt að því 350
metra breitt og nokkra metra á
þykkt. Bóndinn á Bakka, Kári
Ástvaldsson, fórst í snjóflóðinu.
rt@frettabladid.is
ROCKNES TÓK NIÐRI Siglinga-
málayfirvöld í Noregi segja að
flest bendi til þess að norska flutn-
ingaskipið Rocknes hafi tekið niðri
og vatn komist inn í skipsskrokk-
inn. Í næstu beygju hafi vatnið
raskað jafnvægi skipsins með þeim
afleiðingum að því hvolfdi. Átján
skipverjar fórust með Rocknes.
ÍSRAELAR VÆGJA Ísraelar ætla að
taka þátt í alþjóðlegri ráðstefnu um
þjóðarmorð í Svíþjóð þrátt fyrir að
snuðra hafi hlaupið á þráðinn í
samskiptum Ísraela og Svía þegar
ísraelski sendiherrann vann
skemmdir á listaverki í þjóðminja-
safninu í Stokkhólmi.
SKATTAMÁL Eftir hækkun á skatt-
mati vegna afnota bifreiða og
fasteigna eiga hvorki launþegar
né vinnuveitendur að hafa
nokkurn hag af því að ráðstafa
hluta af launum í formi hlunninda
af þessu tagi að sögn Indriða H.
Þorlákssonar ríkisskattstjóra.
„Launþegar og vinnuveitendur
hafa einungis hag af þessu ef
skattmatið er rangt,“ segir Ind-
riði. „Það á ekki að vera neitt
skattalegt hagræði af þessum
hlunnindum, en það hefur verið
það undanfarin ár vegna þess að
ósamræmi hefur verið milli skatt-
lagningu hlunninda og launa-
tekna.“
Samkvæmt nýlegum breyting-
um hækkar skattmat á hlunnindi
vegna bifreiða og fasteigna um 25
til 40 prósent. Indriði tekur í sama
streng og fjármálaráðherra og
segir hækkunina
vera leiðréttingu á
fyrra skattmati sem
hafi verið orðið úr-
elt. Hann segist
engan hafa heyrt
gagnrýna hækkun-
ina á þeim forsend-
um að nýja skatt-
matið sé rangt.
„Ef gagnrýnin er
ekki á þeim grund-
velli þá eru þeir
sem gagnrýna að
segja að þeir vilji
hafa misræmi í
skattlagningunni.
Ef menn telja þetta
óhóflegt mat þá er
þeim í lófa lagt að
skila bifreiðunum og taka greiðsl-
urnar út í beinum launum og
kaupa síðan bílinn sjálfir.“ ■
LESTARSTÖÐ Í PEKING
Þrjú tilfelli bráðalungnabólgu hafa komið
upp í Kína á undanförnum vikum.
Bráðalungnabólgan í Kína:
Síðasti
sjúklingurinn
útskrifaður
PEKING, AP Kínverskur kaupsýslu-
maður sem greindist með heil-
kenni alvarlegrar bráðrar lungna-
bólgu hefur verið útskrifaður af
sjúkrahúsi í Guangzhou í Guang-
dong-héraði. Að sögn kínverskra
lækna er nú enginn sjúklingur með
HABL á sjúkrahúsum landsins.
Þrír einstaklingar hafa greinst
með bráðalungnabólgu í Guang-
dong-héraði á undanförnum vikum
en þeir hafa nú allir náð fullum
bata. Fjöldi manna var settur í
sóttkví þegar þessi tilfelli komu
upp en enginn sýndi einkenni sjúk-
dómsins.
Stjórnvöld í Kína hafa gefið
leyfi fyrir því að nýtt bóluefni
gegn sjúkdómnum verði prófað á
mönnum. Bóluefnið hefur verið í
þróun síðan í apríl. ■
INDRIÐI H. ÞORLÁKSSON
Ríkisskattstjóri segist engan hafa heyrt
gagnrýna hækkunina á þeim forsendum
að nýja skattmatið sé rangt.
Ríkisskattstjóri um hækkun skattmats á hlunnindum:
Gamla matið olli mis-
ræmi í skattlagningu
SARDÍNUR
Brim hefur fengið veiðileyfi fyrir sardínu-
veiðar við strendur Marokkó.
■ Norðurlönd
HUNDUR OG HÚSBÓNDI
Lappi sem hafði verið í átta sólarhringa í rústum íbúðarhússins á Bakka fagnaði húsbónda
sínum, Jóni Árnasyni, skömmu eftir að björgunarsveitarmenn mokuðu ofan af honum.
M
YN
D
/E
XT
R
A
M
YN
D
/G
EO
RG
VERÐMÆTABJÖRGUN
Björgunarsveitarmenn af Norðurlandi
unnu í gær að hreinsun og björgun verð-
mæta úr rústum íbúðarhússins á Bakka.