Fréttablaðið - 03.02.2004, Page 4

4 3. febrúar 2004 ÞRIÐJUDAGUR
Hefurðu áhyggjur af fákeppni á
fjölmiðlamarkaði?
Spurning dagsins í dag:
Á að stöðva söluna á SPRON til KB
banka?
Niðurstöður gærdagsins
á www.frett.is
47%
53%
Nei
Já
Kjörkassinn
Farðu inn á frett.is og segðu þína skoðun
frétt.is
■ Bandaríkin
ALÞINGI „Ég er afar undrandi,
þetta kemur algjörlega flatt upp á
okkur. Við höfum ekki séð þetta
frumvarp og því ekki getað tekið
afstöðu til þess,“ sagði Hjálmar
Árnason, þingflokksformaður
Framsóknarflokksins í gærkvöld.
Greinilegt var að honum var
ekki skemmt yfir þeim fréttum að
frumvarp til breytinga á lögum
um fjármálafyrirtæki, sem meðal
annars felur í sér að salan á
SPRON til KB banka verði stöðv-
uð, hafði verið lagt fram í þing-
flokkum Sjálfstæðisflokksins og
Samfylkingarinnar í gær.
„Það kom mér á óvart að heyra
þetta. Ég heyrði raunar fyrst af
málinu eftir þingflokksfundi,“
sagði Hjálmar í gærkvöld.
„Nú veit ég að það hafa verið
viðræður milli nefndarmanna í
efnahags- og viðskiptanefnd um
þessi mál og ég vissi ekki betur en
að það væri í ákveðnum farvegi.
Ég hélt að þar væri allt í lukkunn-
ar velstandi, þar væru menn að
ræða frumvarp sín í milli, þannig
að þetta kom nokkuð flatt upp á
okkur,“ sagði Hjálmar Árnason.
Aðspurður um hvort hann líti á
meðferð málsins sem trúnaðar-
brest í stjórnarsamstarfinu svar-
aði Hjálmar: „Ég tel að einhver
hafi hlaupið fram úr sjálfum sér í
þessu máli.“ ■
Salan á Brimi var rán
Breytingar á eignarhaldi í sjávarútvegi voru ræddar utandagskrár á Alþingi í gær. Jón Bjarna-
son, Vinstri grænum, sagði söluna á Brimi sýna gallana í sjávarútvegskerfinu. Sjávarútvegsráð-
herra sagðist hafa áhyggjur af brotthvarfi sjávarútvegsfyrirtækja úr Kauphöllinni.
ALÞINGI Jón Bjarnason, þingmaður
Vinstri grænna, var málshefjandi
í utandagskrárumræðu um breyt-
ingar á eignarhaldi í sjávarútvegi
á Alþingi í gær og var Árni M.
Mathiesen sjávarútvegsráðherra
til andsvara. Jón benti á að salan á
Brimi snerti 12% af heildarkvóta-
eigninni og því væri um stórmál
þjóðarinnar að ræða. Hann sagði
að salan hefði vakið gríðarlegt
óöryggi úti á landsbyggðinni.
„Landsbankinn keypti Eimskip
á einni nóttu og hinir nýju eigend-
ur vissu hvar fjármagn væri að
finna í sjávarútvegsfyrirtækjum
Eimskips. Með sölunni á Skag-
strendingi, Útgerðarfélagi Akur-
eyringa og Haraldi Böðvarssyni
fengu eigendur Landsbankans um
3 milljarða króna í hreinan gróða.
Þetta er ekki eðlilegur arður á
eignunum, þetta er rán í skjóli
ranglátra laga. Í stað þess að eig-
endur Landsbankans kæmu með
nýtt fjármagn inn í sjávarútveg-
inn þá er hann blóðmjólkaður á ör-
fáum dögum. Peningarnir voru
síðan sendir úr landi og dúkka upp
í kaupum á búlgarska símanum,“
sagði Jón Bjarnason. Hann spurði
meðal annars um það hvort sjáv-
arútvegsráðuneytið hefði lagt mat
á það hvaða áhrif salan á Brimi
hefði haft á atvinnuöryggi fólks í
sjávarútvegi og framtíð minni út-
gerðarfyrirtækja.
Árni M. Mathiesen sjávarút-
vegsráðherra sagði að miklar
breytingar hefðu orðið í íslensku
atvinnulífi að undanförnu og að
angi þeirra breytinga væri salan á
sjávarútvegsfyrirtækjum Brims.
Hann sagði að rétt væri að menn
hefðu haft áhyggjur af atvinnu-
öryggi og rekstri fyrirtækjanna
meðan á ferlinu stóð.
„Niðurstaðan er hins vegar sú
að það var miklu minni ástæða til
þess að hafa áhyggjur af því sem í
kjölfar söluferlisins kom. Staðan
er reyndar sú að atvinnuöryggi
þeirra sem starfa í fyrirtækjun-
um hefur ekki raskast. Þeir sem
þarna hafa fjárfest virðast hafa
fjárfest með langtímasjónarmið í
huga og ætla að standa að rekstri
þessara fyrirtækja,“ sagði Árni
og bætti því við að það yrði skylda
stjórnvalda að ganga þannig frá
málum að það yrði hagstætt að
fjárfesta í sjávarútvegi í framtíð-
inni.
„Ég hef hins vegar áhyggjur af
því sem óbeint tengist þessu, að
sjávarútvegsfyrirtæki hverfi úr
Kauphöllinni. Hverfi þannig frá
fjármögnun í gegnum hlutafé-
lagamarkaðinn í fjármögnun í
gegnum einkafyrirtæki sem eru
mjög skuldsett með lánum í bönk-
um. Þetta getur haft áhrif á þá
hugsun sem ríkir í rekstrinum,“
sagði sjávarútvegsráðherra.
bryndis@frettabladid.is
STRANGT EFTIRLIT
Fuglaflensa heldur áfram að breiðast út í
Asíu og hefur nú greinst í alifuglum á
fimm nýjum svæðum í Kína.
Fuglaflensan:
Tvö dauðs-
föll staðfest
ASÍA, AP Tvö ný dauðsföll af völd-
um fuglaflensu voru staðfest í
Asíu í gær en þau látnu eru 18 ára
piltur frá Víetnam og 58 ára göm-
ul kona frá Taílandi. Þar með eru
staðfest dauðsföll orðin tólf, níu í
Víetnam og þrjú í Taílandi.
Alþjóða heilbrigðisstofnunin
tilkynnti í gær að ekki væri hægt
að útiloka að tvær systur sem lét-
ust í Víetnam hafi smitast af bróð-
ur sínum, sem einnig lést úr flens-
unni. Ef rétt reynist eru það
fyrstu tilfellin sem vitað er um
þar sem flensan hefur smitast
milli manna.
Áður höfðu kínversk yfirvöld
tilkynnt að fuglaflensa hefði
greinst í alifuglum á fimm nýjum
svæðum í landinu og í Þýskalandi
er verið að rannsaka flensusýni úr
tveimur konum sem nýkomnar
eru frá Taílandi. ■
UNDRANDI Á VINNUBRÖGÐUNUM
Hjálmar Árnason, þingflokksformaður
Framsóknarflokks, segir það hafa komið
flatt upp á framsóknarmenn að frumvarp
um sparisjóðasölu hafi verið kynnt þing-
flokkum Sjálfstæðisflokks og Samfylkingar.
Þingflokksformaður Framsóknarflokks:
Undrandi á vinnubrögðunum
Iceland Express:
Magnús
kaupir ekki
VIÐSKIPTI Magnús Þorsteinsson, að-
aleigandi Atlanta og einn kjöl-
festufjárfesta Landsbankans,
mun ekki ætla að kaupa hlut í
Iceland Express.
Samkvæmt heimildum átti
Magnús fund með forráðamönn-
um Iceland Express og var honum
boðið að koma að félaginu. Magn-
ús er mikill flugáhugamaður og á
auk Atlanta stóran hlut í Íslands-
flugi. Áhugi Magnúsar beinist
fyrst og fremst að flugvéla-
rekstri, en ekki ferðaþjónustu eða
farþegaflugi sem rekstur Iceland
Express snýst um. ■
ÁRNI M. MATHIESEN
Sjávarútvegsráðherra segist hafa áhyggjur af því að sjávarútvegsfyrirtæki hverfi úr Kauphöllinni og hverfi þannig frá fjármögnun í gegnum
hlutafélagamarkaðinn.
JÓN BJARNASON
Þingmaður Vinstri grænna segir að salan á
sjávarútvegsfyrirtækjum Brims sýni að það
séu gallar í íslenska sjávarútvegskerfinu.
Þetta kom fram í utandagskrárumræðu
um breytingnar á eignarhaldi í sjávarútvegi
á Alþingi í gær.
STJÓRNMÁL Pétur H. Blöndal,
stjórnarmaður í SPRON og for-
maður efnahags- og viðskipta-
nefndar Alþingis, telur að ekki sé
hægt að samþykkja lög sem ógildi
áform KB banka um kaup á
SPRON.
Hann segir að búið sé að und-
irrita kaupsamning þótt fyrirvar-
ar séu um samþykki stofnfjáreig-
enda og Fjármálaeftirlitsins.
„Það segir sig sjálft að Alþingi
getur ekki sett lög til að hindra
ákveðna gjörninga sem gerðir
eru í samræmi við gildandi lög,“
segir Pétur.
Hann segir að jafnvel þótt
meirihluti þings vilji koma í veg
fyrir söluna á SPRON sé það ekki
nægjanlegt. „Það getur verið að
menn langi til að gera eitt og ann-
að en réttarríkið bannar ýmsa
hluti,“ segir Pétur.
Pétur Blöndal segir að þótt
þingflokkur Sjálfstæðisflokksins
hafi heimilað Einari Oddi Krist-
jánssyni að leggja málið fram feli
það ekki í sér að þingflokkurinn
styðji efnisatriði málsins. Í því
sambandi nefnir hann að hann
sjálfur hafi oft fengið leyfi þing-
flokksins til þess að leggja fram
mál sem síðan hafi ekki notið
stuðnings; til dæmis hafi hann
fengið heimild til að leggja fram
frumvarp um að fiskveiðikvóta
þjóðarinnar yrði dreift jafnt á alla
landsmenn. ■
Pétur H. Blöndal, þingmaður Sjálfstæðisflokksins:
Ekki hægt að stöðva söluna
PÉTUR BLÖNDAL
Pétur segir að þótt þingflokkur Sjálfstæðis-
flokksins hafi heimilað Einari Oddi Krist-
jánssyni að leggja málið fram feli það ekki
í sér að þingflokkurinn styðji efnisatriði
málsins.
MEÐ FORSKOT Á BUSH Nýjar
skoðanakannanir sýna að John
Kerry, sem berst um útnefningu
Demókrataflokksins í Bandaríkj-
unum fyrir forsetakosningarnar í
haust, hefur náð töluverðu for-
skoti á George Bush Bandaríkja-
forseta. Í könnun á vegum sjón-
varpsstöðvarinnar CNN nýtur
Kerry 53% stuðnings en Bush
46%. Aðrir frambjóðenda
demókrata standa Bush að baki í
könnuninni. Önnur skoðanakönn-
um, sem framkvæmd var af
Quinnipiac-háskólanum, sýnir að
forysta Kerry sé meiri; hann
fengi 51% gegn 42% forsetans.