Fréttablaðið - 03.02.2004, Síða 10

10 3. febrúar 2004 ÞRIÐJUDAGUR
HÚSALEIGUBÆTUR „Sveitarfélögin
virðast alltaf bera skarðan hlut frá
borði þegar samið er við ríkið,“ seg-
ir Kristinn Jónasson, bæjarstjóri í
Snæfellsbæ. Bæjarstjórnin hefur
farið fram á það við Samband sveit-
arfélaga að greiðsluskipting húsa-
leigubóta verði endurskoðuð.
„Þegar sveitarfélögin sömdu við
ríkið um greiðsluskiptingu greiddi
ríkið 57% af húsaleigubótum og
sveitarfélögin 43%. Svo var samið
um að sveitarfélögin tækju þetta al-
farið yfir og að við fengjum
ákveðna upphæð í gegnum jöfnun-
arsjóð sveitarfélaga. Framlag ríkis-
ins dugar nú ekki nema fyrir 40% af
húsaleigubótum. Þetta erum við
mjög ósátt við og sjálfur er ég
þeirrar skoðunar að sveitarfélögin
eigi ekki að sjá um húsaleigubæt-
urnar.“
Kristinn segir að viðmiðunar-
tímabilið sem notað var við samn-
ingana hafi ekki reynst réttur
grunnur því ríkið hafi síðar breytt
reglunum. Nú geta nemendur á
heimavistum og stúdentagörðum
fengið húsaleigubætur og einnig
fatlaðir á sambýlum. Þetta hafi ekki
verið inni í viðmiðunartölum og
menn ekki gert sér grein fyrir
þeirri aukningu sem yrði. ■
SVEITARSTJÓRNAMÁL Félagsmálaráð-
herra og Samband íslenskra sveit-
arfélaga skipuðu nefnd til að
kanna með hvaða hætti væri hægt
að efla sveitarstjórnarstigið hér á
landi. Sérstöku átaksverkefni var
hrint af stað, en í verkefnastjórn
sitja þingmennirnir Hjálmar
Árnason og Arnbjörg Sveinsdóttir
og Vilhjálmur Vilhjálmsson, for-
maður Sambands íslenskra sveit-
arfélaga.
Opinber stjórnsýsla á Íslandi
skiptist þannig að ríkið hefur um
70% verkefna með höndum og
sveitarfélögin um 30%. Þessu er
nákvæmlega öfugt farið á hinum
Norðurlöndunum og þýðir það að
hér er meiri miðstýring en hjá ná-
grannalöndunum og sveitar-
stjórnarstigið er mun veikara.
Ýmis þjónusta er hér enn fremur
minni fyrir vikið. Stefnt er að því
að tillögur liggi fyrir um það á
næstu vikum hvaða verkefni eigi
að fara frá ríki til sveitarfélaga.
„Markmið verkefnisins er að
fara yfir það með hvaða hætti
megi efla sveitarstjórnarstigið og
færa þjónustuna nær fólkinu.
Nefndin hefur verið að kynna
þetta fyrir forsvarsmönnum
sveitarfélaganna og kallað eftir
hugmyndum. Það fer ekki á milli
mála að sveitarstjórnarmenn
horfa mjög mikið til þessa verk-
efnis, en það hafa engar ákvarð-
anir verið teknar enn. Endanlegar
tillögur eiga svo að liggja fyrir
vorið 2005, einu ári fyrir næstu
sveitarstjórnarkosningar,“ segir
Hjálmar.
Ljóst er að ef aukin verkefni og
völd færast yfir á sveitarfélögin
mun þjónustustigið í einstökum
sveitarfélögum hækka, en til þess
að taka við fleiri verkefnum
þyrftu sveitarfélögin hugsanlega
að stækka, sem þýðir að þau
þyrftu að sameinast. Undir verk-
efnastjórninni eru tvær nefndir
sem skoða hugsanlega samein-
ingu sveitarfélaga og tekjuskipt-
ingu milli ríkis og sveitarfélaga.
„Þær hugmyndir sem þegar
hafa komið fram snerta til dæmis
málefni fatlaðra, framhaldsskóla,
félagslega þjónustu og heilbrigð-
ismál. Þetta vill oft skarast mikið,
sumt tilheyrir ríkinu og sumt
sveitarfélögunum, og þarna
myndast mörg grá svæði. Það má
segja að með þessu verkefni sé
verið að reyna að eyða gráum
svæðum. Hornfirðingar og fleiri
hafa þegar gert tilraun í þessu
sambandi, meðal annars tekið yfir
málefni heilsugæslu og fatlaðra
og samkeyrt þau með mjög góðum
árangri. Fyrir 20 árum voru sveit-
arfélögin faglega vanbúin til þess
að taka við þessum þáttum, en
með hækkuðu menntastigi hefur
staðan breyst gríðarlega og þau
hafa alla burði til þess að sinna
auknum faglegum verkefnum,“
segir Hjálmar.
bryndis@frettabladid.is
Verðbólguspár:
Verðhjöðn-
un í febrúar
EFNHAGSMÁL Greiningardeildir fjár-
málastofnana gera ráð fyrir því að
vísitala neysluverðs lækki í febrúar.
Landsbankinn gerir ráð fyrir 0,3%
lækkun og Íslandsbanki 0,1% lækk-
un. KB banki fer bil beggja og spáir
0,2% lækkun vísitölunnar. Reynist
spárnar réttar mun tólf mánaða
verðbólga verða rétt við 2,5% verð-
bólgumarkmið Seðlabankans.
Helstu ástæður lækkunar eru
að hækkun vegna þjónustu sér-
fræðilækna gengur til baka vegna
samninga við Tryggingastofnun.
Auk þess má vænta þess að útsöl-
ur hafi áfram áhrif á vísitöluna í
febrúar. ■
BÍLDUDALUR
Vinnslan er að hrökkva í gang aftur og
bjartsýni hefur tekið völdin.
Vestfirðir:
Allt í blóma
á Bíldudal
FISKVINNSLA Fiskvinnslufyrirtækið
Bílddælingur er að hefja rekstur
sinn í vikunni, að sögn fréttavefj-
arins bb.is. Haft er eftir Jens
Valdimarssyni framkvæmda-
stjóra að 16 starfsmenn hafi verið
ráðnir, þar af 10 konur. Atvinna
hefur legið niðri frá því Jón Þórð-
arson ehf. lokaði á seinasta ári.
Bílddælingur, sem keypti rekstur-
inn, verður ekki með útgerð en
kaupir hráefni á markaði. Jens
segir að öll tilskilin leyfi til
vinnslu hafi verið fengin og ekk-
ert því til fyrirstöðu að byrja að
vinna í salt og frystingu. Bjart-
sýni ríkir á Bíldudal enda er hitt
stóra fyrirtækið á staðnum,
Rækjuver, í startholunum með að
hefja rekstur. Þá styttist í að
framkvæmdir hefjist við nýja
kalkþörungaverksmiðju sem
áformað er að gefi 15 störf.
Bílddælingar, sem hafa búið
við svartnætti í atvinnumálum
undanfarna mánuði, sjá því fram
á betri tíma og heimildir herma
að lesa megi bjartsýni úr hverju
andliti. ■
Erjur í Arkansas:
Sendu ná-
granna snák
í pósti
BANDARÍKIN Bandarískur lögfræð-
ingur og 20 ára gamall sonur
hans frá Pocahontas í Arkansas
eiga yfir höfði sér 27 til 44 mán-
aða fangelsisdóma fyrir það að
senda nágranna sínum baneitr-
aðan snák í pósti.
Ástæðan fyrir þessu uppátæki
feðganna var að til deilna kom
milli þeirra og nágrannans vegna
bílaviðskipta en nágranninn
hafði keypt bíl af syninum og
deildu þeir um það hvor ætti að
greiða reikning vegna viðgerðar.
Deilan endaði með illindum
sem leiddu til þess að lögfræð-
ingurinn lagði til við soninn að
hann yrði sér úti um eitraðan
snák til þess að senda nágrann-
anum, sem hann og gerði með
hjálp vinar síns.
Eiginkona nágrannans, sem
tók við póstsendingunni, slapp
ósködduð en lögreglan hand-
samaði snákinn. ■
RANNSÓKN Rannsókn á því hvort
Guðrún Jóna Gunnarsdóttir,
hjúkrunarforstjóri Heilsugæsl-
unnar í Búðardal, hafi í leyfis-
leysi farið inn á sjúkraskrár
pólitískra andstæðinga sinna
stendur enn.
Að sögn Önnu Birnu Þráins-
dóttur sýslumanns er enn verið
að kanna nokkra þætti málsins.
Tölvudeild ríkislögreglustjóra
hefur lokið sinni rannsókn þar
sem staðfest er að farið var inn
á sjúkraskrárnar frá tölvu Guð-
rúnar Jónu á sama tíma og hún
var stödd á vinnustaðnum, en
Guðrún Jóna var í leyfi á þess-
um tíma. Sjálf hefur hún þver-
tekið fyrir að hafa farið inn á
sjúkraskrárnar en telur líklegt
að yfirlæknirinn hafi verið þar
að verki í því skyni að koma á
sig sök. Guðrún Jóna var send í
ótímabundið leyfi vegna máls-
ins. Þá varð hún að segja af sér
sem oddviti og var úthýst úr
nefndum.
Pétur Jónsson, fram-
kvæmdastjóri Heilsugæslunn-
ar í Búðardal, vil engu spá um
niðurstöðu rannsóknarinnar en
segist bíða niðurstöðu sýslu-
manns. Hann segir að hvernig
sem allt velti telji hann nær úti-
lokað að Guðrún Jóna snúi aftur
til fyrri starfa. Annað starfs-
fólk heilsugæslunnar hóti að
hætta snúi hún til baka.
„Annað hvort fæ ég hana
eina til starfa eða held öllum
hinum starfsmönnunum,“ segir
Pétur. ■
Snæfellsbær vill endurskoða greiðsluskiptingu húsaleigubóta:
Bæjarstjórinn ósáttur við stöðuna
KRISTINN JÓNASSON
Bæjarstjórinn í Snæfellsbæ telur að ríkið
eigi að sjá um húsaleigubætur. Hann er
ósáttur við að sveitarfélögunum séu sífellt
falin fleiri verkefni.
Rannsókn á sjúkraskrármálinu í Búðardal:
Hóta að hætta komi
hjúkrunarkona úr fríi
FRÁ RÍKI TIL SVEITARFÉLAGA
Með átaksverkefni félagsmálaráðherra og Sambands íslenskra sveitarfélaga er markmiðið
að efla sveitarstjórnarstigið og færa þjónustuna nær fólkinu. Þetta gæti leitt til þess að
fleiri sveitarfélög yrðu að sameinast.
Stefnt að því að
efla sveitarstjórnir
Nefnd sem skoðað hefur með hvaða hætti væri hægt að efla sveitar-
stjórnarstigið hér á landi skilar væntanlega tillögum á næstunni. Mark-
miðið meðal annars að færa þjónustuna nær fólkinu.
VINNUVÉLADEILD
MÚRMELDÝRIÐ PHIL
Múrmeldýrið Phil, frá bænum Punxsu-
tawney í Pennsylvaníu, spáir því að vetur-
inn þar um slóðir eigi eftir að standa í sex
vikur. Phil spáði þessu á árlegum degi
múrmeldýrsins í gær og er spáin byggð á
því hvenær hann sá skuggann sinn í
morgunsárið.