Tíminn - 03.05.1972, Blaðsíða 5

Miðvikudagur 3. mai 1972
TÍMINN
5
Fólk gerir sér oft ekki grein fyrir
því, að það á verðmæta hluti
Fylgzt með Listmunauppboði Knúts Bruun 1. maí
Knútur Bruun stendur við uppboöspúltið og heldur á lofti búk, og bókastaflar á boröinu við hlið hans.
(Tlmamynd Róbert)
Siðdegis 1. mai var hópur
fólks saman kominn i
Átthagasal Hótel Sögu:
læknar, lögfræðingar, leigu-
bilstjórar: efnafólk og
háskólaborgarar: húsmæður
og ungt fóik. Eitter þessu fólki
sameiginlegt — áhugi á
bókum- Knútur Bruun heldur
nú sjöunda bókauppboð sitt á
þessum vetri, en si. sumar
fékk hann leyfi til að reka
listmunauppboð, og er þriðji
aðilinn i borginni, sem það
gerir.
Það er misjafnt, hvernig
menn bjóða i bækur, sumir
hækka boð sin jafnt og þétt,
aðrir taka6tór og óvænt stökk i
þeirri von að hnekkja á keppi-
nautunum, sem stundum
tekst, stundum ekki. Og kúnst
uppboðshaldarans er rögg-
semi og gott skap. Ekki má
hann heldur draga of lengi að
slá mönnum bækur, þá kemur
urgur i mannskapinn. Þetta
virðist Knúti Bruun takast vel
hann lætur ekki góðglaðan 1.
mai hátiðagesti, sem vill fá
hinar aðskiljanlegustu upp-
lýsingar um verkin, sem þó
hafa verið til sýnis i tvo daga,
slá sig út af laginu. Þetta er
óvenjulegur gestur á bóka-
uppboði sem vekur kátinu
hjá bókamönnum og öðru upp-
boðsfólki.
Á þessu uppboði voru seld
100 verk. Hæst verð, 31.000 kr.,
var greitt fyrir Klausturp-
óstinn 1.—9. árgang gefinn út i
Beitistöðum og Viðey 1818—27
Ferðabók Eggerts Ólafssonar
og Bjarna Pálssonar á
dönsku, Reise igmnem Island,
gefin út i Sórey 1772 ásamt
korti, mesti kjörgripur, var
slegin á 29.000 kr.
Fornmannasögur I. —XII.
bindi Khöfn 1825—37 fóru á •
18.000 kr. Náttúrúfræðing-
urinn 1,—37. árgangurá 12.500
kr. og Árbækur Espólins
1,—12. deild, ijósprentun,
Rvik. 1943—47. á 9000 kr.
Aðrar bækur seldust á lægra
verði, allt niður i 200. kr.
Að loknu uppboðinu náðum
við tali af Knúti Bruun og
spurðum hann um þessa starf-
semi.
— Ég hef haldið uppboð á
gömlum bókum reglulega yfir
vetrarmánuðina og ætla mér
að halda þvi áfram, ef ég
mögulega get. Aðsókn að upp-
boðunum hefur verið góð og
aukizt jafnt og þétt. Fasta-
gestir eru margir, og ég held
það sé vinsælt, að uppboðin
hafa verið reglulega einn
mánudag i mánuði á sama
tima og stað, þ.e. kl. 5 siö-
degis hér i Atthagasal Hótel
Sögu.
— Fyrirtæki þitt heitir
Listmunauppboð, hefurðu
hugsað þér að selja aðra muni
en bækur?
— Ég hef i hyggju að halda
eitt málverkauppboð annað
hvort nú i vor, og þá i lok, mai
eða næsta haust. Ég hef verið
beðinn að selja nokkur góð
málverk. Til gamans má
einnig geta þess að ég fékk
upp i hendurnar tvær æva-
gamlar útskornar rúmfjalir,
aðra frá miðri 17. öld og hina
frá miðri 18. öld. Þær ætla ég
að selja á þessu sama uppboöi.
Annars hef ég einvörðungu
selt bækur til þessa, en
Listmunauppboð Sigurðar
Benediktssonar hf. og Lista-
verkauppboð Kristjáns Fr.
Guðmundssonar hafa verið
þeir aðilar, sem hafa haldið
uppboð á málverkum
— Hvernig gengur þér áð fá
bækur til að selja á upp-
boðum?
— Þaðernú galdurinn. Það
er mjög mikil eftirspurn eftir
gömlum bókum, og sennilega
ennþá meiri eftir málverkum,
og þvi erfitt að fá þessa hluti.
Það er óhugsandi að halda
úti bókauppboðum nema
maður fái öðru hverju stór
bókasöfn til að selja. 1 sumar
fékk ég gott bókasafn,
sem Ingólfur heitinn Islólfsson
átti, og það bjargaði mér fram
eftir vetri. Nú er ég að reyna
að tryggja mér eitt býsna
stórt safn, og raunar fleiri, en
þau mál eru enn á umræðu-
stigi.
— Hverjar telurðu
orsakirnar fyrir að svo tregt
framboðer a gömlum bókum?
— Fyrst og fremst þær , að
fólk á meira af verðmætum
bókum en það gerir sér grein
fyrir.
Annars fer framboðið mikið
eftir liðan þjóðarinnar
almennt. 1 góðræri er litið
framboð áf bókum og lista-
verkum, en þegar harðnar i
ári eykst það að mun. Hins
vegar eru alltaf nógir kaup-
endur einnig á erfiðum
timum.
— Hvernig er verð hér á
gömlum islenzkum bókum?
Það er heldur lægra en það,
sem gerist erlendis. Stundum
getur munurinn orðið mjög
mikill. Ég fór utan fyrir
skömmu m.a. til að athuga um
kaup á gömlum islenkum
bókum. Þá varð ég t.d. vitni
að þvi, að Sóreyjarútgáfan af
Ferðabók Eggerts og Bjarna
var til sölu i fornbókaverzlun á
9.000 kr. danskar (tæpar
120.000 isl kr.), sama útgáfa og
var seld núna á uppboðinu
fyrir 29.000 kr. isl.
— Er ekki mikil vinna við
að halda bókauppboð?
— Jú, það þarf að flokka
bækurnar og númera. Ég
reyni lika að skoða allar
bækurnarog ganga úr skugga
um að þær séu ógallaðar, þótt
ég taki ekki ábyrgð á að svo
sé, enda geta viðskipta-
vinirnir sjálfir skoðað þær. Þá
hef ég reynt að gera góðar
bókaskrár fyrir uppboðin, og
nýt við það aðstoðar fróðra og
ágætra manna. Fyrst i vetur
voru þær tilbúnar hálfum
mánuði fyrir uppboðin, og það
gerði mér kleift að fá erlenda •
kaupendur Nú hins vegar get
ég ekki haft skrarnar tilbúnar
fyrr en fáum dögum fyrir
uppboð vegna, þess, hve treg-
lega gengur að fá bækur.
— Ertu með nokkuð fleira á
prjónunum?
— A hausti komanda hef ég
fullan hug á að gera tilraun
með uppboð á gömlum antik-
munum og öörum safnhlutum
auk bókanna og málverkanna.
En þetta er allt óskrifaö blað
ennþá. SJ
Ráðstefna ÆSI
Strandríki hafi sérréttindi til
að ákveða fiskveiðilögsögu sína
ÞÓ—Reyk.iavik.
A ráðstefnu Æskulýðssambands tslands um mengun hafsins og
landhelgismál, urðu miklar umr-ður um fyrirhugaða útfærslu fiskveiði-
lögsögu tslendinga. A fundi þeim, sem snérist um landhelgismálið voru
menn á einu máli um það, að undir öllum venjulegum kringumstæöum
skyldu ibúar strandrikja hafa sérréttindi til þess, að nýta auðlindir
hafsins vegna landfræðilegra, haffræðilegra og efnahagslegra að-
stæðna.
Þá var einróma viðurkennt, að
Island hefði algera sérstöðu að
þessu leyti. Hins vegar voru
menn ekki sammála um, hvernig
réttast væri að leysa deiluna um
landhelgismálið, enda tæpast
von, þar sem bæði Bretar og
Vestur-Þjóðverjar tóku þátt i um-
ræðunni, þ.á.m. brezki þingmað-
urinn Patric Wall.
Æskilegt var talið, að alþjóð-
legri verkaskiptingu skyldi komið
á, svo að þau lönd, sem þannig
væru sett, að þau gætu framleitt
vörur á betri og hagkvæmari hátt
en aðrar þjóðir ættu að einbeita
sér að slikri framleiðslu, slik
vinnubrögð myndu koma öllum til
góða.
Þá var og rætt um stjórn og
skiptingu náttúruauðlinda. Talið
var nauðsynlegt að koma á stjórn
á nýtingu náttúruauðlinda og
reyna á þann hátt, að koma i veg
fyrir óskynsamlega nýtingu
þeirra og rányrkju.
Fjórðungsmót norðlenzkra
hestamanna
GÓ—Sauðárkróki.
Fjórðungsmót norðlenzkra
hestamanna verður háð á félags-
svæði skagfirzku hestamannafé-
laganna á Vindheimamelum 7., 8.
og 9. júli i sumar.
Tiu félög eru aðilar að mótinu,
og auk þeirra þrjú hrossaræktar-
sambönd, sem starfandi eru i
Norðlendingafjórðungi.
Formaður
framkvæmdanefndar er Egill
Bjarnason héraðsráðunautur.
Fiskveiðar voru nefndar, sem
gott dæmi um óábyrga og óskyn-
samlega nýtingu náttúruauðlinda
og brýn nauðsyn talin á þvi, að
koma þar á skipulagi og friðun.
Strandrikin voru talin rétti aðil-
inn, miðað við núverandi aðstæð-
ur, til þess, að koma á skipulagi
og friðun á þessu sviði. Hins veg-
ar var talið, aö langtima lausn á
þessum málum þyrfti að finna og
þá helzt rætt um alþjóðastjórn á
nýtingu fiskistofnanna.
Varðandi mengun, þá var lögð
áherzla á, að mögulegt væri að
endurvinna mörg þau úrgangsefni
sem hafið tæki nú við og skapa
þannig verðmæti, sem nú væri
kastað. Úrgangsefni, sem ekki
væru hæf til endurvinnslu þyrfti
að ganga þannig frá, að þau
menguðu ekki umhverfið. Um
þetta þyrfti, að setja alþjóðalög,
sem skilyrðislaust yrði að fram-
fylgja I hverju landi. Aðferðir
sem þessar hefðu vissulega
kostnað i för með sér, og þann
kostnað yrði hver aðili að bera,
sem hlut ætti að máli, þannig að
samkeppnisaðstaða fyrirtækja og
þjóða i milli, þyrfti ekki endilega
að raskast, þótt til þessa ráða yrði
gripið.
WFTLEIDIR.
\
Aðalfunaur
Loftleiða h.f.
verður haldinn föstudaginn 2. júni n.k. i Krist-
alsal Hótels Loftleiða kl. 2 e.h.
Dagskrá: l. Venjuleg aðalfundarstörf
2. Önnur mál.
Reikningar vegna ársins 1971 munu liggja
frammi i aðalskrifstofu Loftleiða, Reykja-
vikurflugvelli, frá 26. þ.m., og geta hluthafar
vitjað aðgöngumiða sinna þangað frá og með
þeim degi.
2. mai 1972
STJÓRN LOFTLEIÐA H.F.