Fréttablaðið - 19.05.2004, Blaðsíða 36
28 19. maí 2004 MIÐVIKUDAGURTENNIS
Alþjóðaólympíunefndin gengur frá umdeildu máli:
Kynskiptingar á Ólympíuleika
ÓLYMPÍULEIKAR Alþjóðaólympíu-
nefndin hefur nú samþykkt að kyn-
skiptingar megi taka þátt í Ólympíu-
leikunum í Aþenu í sumar. Þeir
verða að hafa lokið meðferð og öll-
um nauðsynlegum aðgerðum sem til
þarf. Þetta á bæði við um þá sem
láta breyta sér úr karli í konu og öf-
ugt og hormónameðferð verður að
hafa verið lokið að minnsta kosti
tveimur árum áður en Ólympíuleik-
ar fara fram. Allt fram til ársins
1999 voru keppendur á Ólympíuleik-
um látnir gangast undir afar um-
deilda rannsókn til þess að reyna að
ganga úr skugga um kynferði þeirra
en þessum niðurlægjandi prófum
var hætt fyrir Ólympíuleikana í
Sydney árið 2000. Löngum hefur
verið deilt um þetta mál en nú er
niðurstaða loksins fengin. Ýmsir
meðlimir Alþjóðaólympíunefndar-
innar hafa haft af því áhyggjur að
karlmenn sem hafi látið breyta sér í
konur kunni að hafa erfðafræðilega
líkamlega yfirburði yfir kvenkyns
keppinauta sína.
Giselle Davies, talsmaður Al-
þjóðaólympíunefndarinnar, sagði
það frekar sjaldgæft að kynskipt-
ingar væru að keppa í fremstu röð
„en það er hins vegar að verða æ al-
gengara“. „Það var kominn tími á að
ganga frá þessu umdeilda máli,“
sagði Patrick Scham-
asch, yfirmaður
læknamála hjá Al-
þjóðaólympíunefnd-
inni, og bætti við: „Við
þurftum að festa niður
reglur og reglugerðir
og þó að allar íþrótta-
greinar geti lent í ein-
hverjum vandræðum
þess vegna og ýmsar
spurningar kunni að
vakna í kjölfarið þá er
þó búið að skapa eðli-
legra regluumhverfi
og móta einhvers kon-
ar stefnu.“ ■
Liverpool samþykkti tilboð Taílendinganna:
Sjá roðann í austri
FÓTBOLTI Forsætisráðherra
Taílands, Thaksin Shinawatra,
fullyrðir að stjórn Liverpool hafi
samþykkt 60 milljón punda boð
hans í 30% hlut í félaginu. Tvö til-
boð hafa verið uppi á borðum, frá
Taílandi og svo Steve Morgan,
auðjöfri sem hefur verið aðdá-
andi Liverpool frá blautu barns-
beini. Margir rótgrónir Liver-
pool-menn á öllum aldri vildu
gjarnan sjá tilboði Morgans tekið
og þó nokkrar efasemdarraddir
hafa heyrst úr ýmsum hornum
vegna vafasamrar stöðu mann-
réttindamála í Taílandi. Finnst
mörgum óviðeigandi viðeigandi
að stór eignarhluti sigursælasta
liðs enskrar knattspyrnusögu
lendi í höndum manna sem mögu-
lega hafi óhreint mjöl í pokahorn-
inu. Forráðamenn Liverpool
benda hins vegar á að tilboð
Morgans hafi einfaldlega ekki
verið nægilega gott og alls ekki
náð að endurspegla raunverulegt
verðmæti félagsins. Tilboð Taí-
lendinganna sé töluvert betra og
það hafi verið mjög erfitt að
horfa framhjá þeirri staðreynd.
Nú virðast mál endanlega frá-
gengin og orð talsmanns Taílend-
inganna, Santiparb Tejavanija,
bjóða ekki upp á miklar efasemd-
ir eða túlkanir: „Ég er á leiðinni
til Liverpool. Tilboði okkar hefur
verið tekið.“ Svo mörg voru þau
orð. Forsætisráðherrann var þó
aðeins varari um sig í samtali við
BBC: „Í grundvallaratriðum hafa
þeir gengið að tilboði okkar og nú
erum við að fara yfir smáatriðin,“
sagði hinn moldríki forsætisráð-
herra, Thaksin Shinawatra.
Mikið hefur verið spáð í ástæð-
ur þess að Shinawatra sé að at-
hafna sig á þessum nýju knatt-
spyrnuslóðum en samstarfsmenn
hans segja það fyrst og fremst
vegna ástar hans á fótbolta. Aðrar
raddir segja ástæðuna aðallega
vera þá að auka pólitískar vin-
sældir Shinawatra í Taílandi en
óvíða er áhugi á knattspyrnu
meiri en þarlendis. Gangi allt eft-
ir gjörbreytir þessi innkoma Taí-
lendinganna stöðu Liverpool en
langt er síðan liðið datt af stalli
sem besta félagslið Evrópu. Nú
getur Liverpool væntanlega keppt
við stærstu og ríkustu félagslið
heimsins, bætt við sig leikmönn-
um og farið á fullt í byggingu nýs
leikvangs á Stanley Park. Áætlað-
ur kostnaður við þennan leikvang,
sem taka á við af hinum goðsagna-
kennda Anfield Road, er áætlaður
80 milljónir punda og því munu
blóðpeningar ættaðir úr austrinu
koma í góðar þarfir, hvað svo sem
hinn almenni Liverpool-aðdáandi
kann að segja. ■
Úrslitakeppni NBA:
Sá stærsti til
þessa
KÖRFUBOLTI Minnesota Timber-
wolves tekur á móti Sacramento
Kings í sjöunda leik liðanna í
undanúrslitum vestursins NBA-
deildarinnar í Target Center í
Minnesota í kvöld. Staðan í ein-
vígi liðanna er 3-3 og er þetta
oddaleikur sem mun skera úr
um hvort liðið mætir Los Angel-
es Lakers í úrslitum vestursins
en Lakers sló ríkjandi meistara
San Antonio Spurs út í sex leikj-
um.
Leikir Minnesota og Sacra-
mento hafa verið hnífjafnir,
bæði lið hafa unnið útileik en
síðustu tveir leikir liðanna hafa
endað með öruggum sigri
heimaliðsins. Í síðasta leik ætl-
aði allt að ganga af göflunum
þegar Anthony Peeler, leikmað-
ur Sacramento, lamdi Kevin
Garnett, helstu hetju Minnesota,
í andlitið og hlaut að launum
tveggja leikja bann. Búast má
við því að loftið verði lævi
blandið í Minnesota og ekki ann-
að í spilunum en að leikmenn
Minnesota ætli sér að komast í
úrslit vesturdeildarinnar í
fyrsta sinn.
Kevin Garnett, sem valinn
var leikmaður ársins í NBA-
deildinni, hefur verið öflugur í
liði Minnesota í þessu einvígi.
Hann hefur skorað 22,5 stig og
tekið 14,5 fráköst í leikjunum
sex. Latrell Sprewell hefur
skorað 19,8 stig að meðaltali og
Sam Cassell 17,0. Þessir þrír
leikmenn hafa borið uppi sókn-
arleik Minnesota bæði í þessu
einvígi sem og í allan vetur.
Peja Stojakovic er stigahæst-
ur leikmanna Sacramento með
18,5 stig að meðaltali, Chris
Webber hefur skorað 18 stig og
leikstjórnandinn Mike Bibby er
með 17,8 stig og 8,8 stoðsending-
ar að meðaltali.
Leikurinn verður sýndur
beint á Sýn og hefst kl. 00.30. ■
■ ■ SJÓNVARP
16.10 Olíssport á Sýn. Fjallað er
um helstu íþróttaviðburði heima
og erlendis.
16.40 Fákar á Sýn. Í þættinum
verður fjallað um allar hliðar
hestamennskunnar.
18.00 UEFA-bikarkeppnin á Sýn.
Bein útsending frá úrslitaleik
Marseille og Valencia í UEFA-bik-
arkeppninni.
21.00 Bandaríska mótaröðin á
Sýn.
22.00 Olíssport á Sýn. Fjallað er
um helstu íþróttaviðburði heima
og erlendis.
22.20 UEFA-bikarkeppnin á RÚV.
Sýnd verður samantekt frá úrslita-
leik Marseille og Valencia í
UEFA-bikarkeppninni.
23.15 Ensku mörkin á Sýn. Öll
mörkin úr leikjum helgarinnar.
23.45 Saga EM í fótbolta á RÚV.
00.15 Saga EM í fótbolta á RÚV.
00.25 NBA á Sýn. Bein útsending
frá sjöunda og síðasta leik
Minnesota Timberwolves og
Sacramento Kings.
00.45 Snjókross á RÚV. Þáttur um
kappakstur á vélsleðum.
NICOLAS MASSU
Chilebúinn sést hér í landsleik gegn Spáni
á heimsmeistaramótinu í tennis, sem fram
fer í Düsseldorf í Þýskalandi.
HVAÐ? HVENÆR? HVAR?
16 17 18 19 20 21 22
Miðvikudagur
MAÍ
ÓLYMPÍULEIKARNIR Í AÞENU
Kynskiptingar mega nú taka þátt í Ólympíuleikunum í fyrsta
sinn. Þurfa að uppfylla ákveðin skilyrði og ákveðnar efa-
semdarradir eru uppi.
THAKSIN SHINAWATRA
Forsætisráðherra Taílands og
auðkýfingur. Sést hér svara
spurningum blaðamanna um
væntanleg og nánast frágengin
kaup á 30% hlut í Liverpool.
SIGRI Í SJÖTTA LEIKNUM FAGNAÐ
Vlade Divac og Anthony Peeler, leikmenn
Sacramento Kings, fagna hér sigrinum
gegn Minnesota í sjötta leik liðanna.