Fréttablaðið - 18.03.2004, Page 10

10 18. mars 2004 FIMMTUDAGUR
GRÆNN BANKASTJÓRI
För James Wolfensohn, aðalbanka-
stjóra Alþjóðabankans, til Slóveníu
varð nokkuð eftirminnilegri en búast
hefði mátt við í upphafi. Þegar
Wolfensohn og Dusan Mramor, fjár-
málaráðherra Slóveníu, voru á leið á
bókakynningu vatt andstæðingur
hnattvæðingar sér að þeim og sletti
grænni málningu á þá. Fjármálaráð-
herrann varð heldur verr fyrir barðinu
á slettunum en báðir voru þeir vel
grænir eftir atburðinn.
Framtíð vistmanna í Arnarholti:
Ráðherrar gagnrýndir
ALÞINGI Hörð gagnrýni kom fram
á heilbrigðisráðherra og félags-
málaráðherra á Alþingi í gær, í
kjölfar fyrirspurnar Margrétar
Frímannsdóttur alþingismanns
um afdrif og framtíðarúrræði
fyrir það fólk sem nú dvelst í
Arnarholti. Ein af sparnaðar-
tillögum Landspítala - háskóla-
sjúkrahúss var að loka Arnar-
holti og hætta rekstri þar. Mar-
grét beindi fyrirspurn sinni til
heilbrigðisráðherra.
Í umræðunni sagði Rannveig
Guðmundsdóttir alþingismaður
það „óþolandi“ hvernig haldið
væri á þessum málum og gagn-
rýndi seinagang við að finna við-
unandi úrræði.
Hún spurði hvers vegna tveir
ráðherrar úr sama flokki gætu
ekki sest niður tímanlega og
ákveðið hvernig ætti að haga
málum, án þess að grípa til að
lokunar vistheimila og stofnana,
sem alltof oft hefði verið tíðkað
í tengslum við gerð fjárlaga.
Heilbrigðisráðherra vísaði til
starfshóps, sem hann hefði sett
á fót til að vinna að lausn á mál-
efnum skjólstæðinga í Kópavogi
og Arnarholti. Þar sem hópurinn
væri enn að störfum kvaðst ráð-
herra ekki telja rétt að ræða úr-
ræði sem til greina kæmu fyrir
vistmenn í Arnarholti. Ljóst
væri að leitað yrði allra ráða til
að finna bestu mögulegu úrræði
fyrir fólkið, þar með talin
félagsleg úrræði. ■
Fjárfestingar í fjarskiptum
nema 3,5 milljörðum króna
Borgarfulltrúar meirihlutans höfðu óbilandi trú á því að fjarskiptafjárfestingar Orkuveitu
Reykjavíkur yrðu arðsamar. Þegar málið var rætt í borgarstjórn í júní 1999 var fullyrt að
fjárfestingin yrði ekki meiri en 200 milljónir. Hugmyndinni var lýst sem byltingu.
Fulltrúar Reykjavíkurlistans full-yrtu margítrekað að fyrirhuguð
fjárfesting Orkuveitu Reykjavíkur
næmi einungis tvö hundruð milljón-
um króna. Þetta kom fram í umræð-
um um málið í borgarstjórn Reykja-
víkur 3. júní 1999. Þá höfðu þeir uppi
háleitar yfirlýsingar um þá byltingu
í gagnaflutningum sem nettenging í
gegnum rafmagnslínur myndi hafa í
för með sér. Fjórum árum síðar hafa
2,3 milljarðar runnið í Línu.Net og
samkvæmt upplýsingum hjá Orku-
veitu Reykjavíkur nýta sér á bilinu
1.500 til 2000 manns nettengingar í
gegnum rafmagnslínur.
Allt að 200 milljónum
„Málið er stórt vegna þess að það
vísar til framtíðar, en málið er ekk-
ert óskaplega stórt í tölum talað, því
það er verið að tala um að leggja inn
hlutafé í fyrirtæki sem er allt að 200
milljónir. Allt að 200 milljónir,“ sagði
Ingibjörg Sólrún Gísladóttir, þáver-
andi borgarstjóri, í umræðunni þann
3. júní 1999.
Helgi Hjörvar sá fyrir sér að
frumkvæði Reykjavíkurborgar í
gagnaflutningum ylli straumhvörf-
um. „Við erum einfaldlega að tala
um að það er hægt að horfa á hreyfi-
myndir á tölvuskjánum og það er
hægt að hlaða niður stórum gögnum
á örskömmum tíma,“ sagði hann.
Nú, tæpum fimm árum síðar, hafa
framlög Reykjavíkurborgar og
Orkuveitu Reykjavíkur til Línu.Nets
numið ríflega 2,3 milljörðum króna,
þar af hefur Orkuveitan lagt ríflega
970 milljónir í hlutafé í Línu.Net.
Þúsundir notenda Internetsins geta
horft á hreyfimyndir og hlaðið niður
gögnum á örskömmum tíma með því
að nýta sér hefðbundnar símateng-
ingur og þurfa ekki að reiða sig á
gagnaflutning í gegnum rafmagns-
línur til þess.
Þrátt fyrir hinn mikla stuðning
Orkuveitunnar hefur Línu.Neti ekki
enn tekist að skila afgangi af rekstri
sínum og er uppsafnað tap félagsins
898 milljónir króna frá árinu 1999.
Milljarðar í fjarskiptafyrirtæki
Eins og fram hefur komið í
Fréttablaðinu á Tetra Ísland, annað
fjarskiptafyrirtæki sem Orkuveita
Reykjavíkur á stóran hlut í, í miklum
rekstrarvanda nú þrátt fyrir að bak-
hjarlar þess, Orkuveitan og Lands-
virkjun, séu meðal öflugustu fyrir-
tækja landsins. Fjárfestingar OR í
Tetra Íslandi, sem nema 478 milljón-
um króna, eru að fullu tapaðar enda
er gert ráð fyrir að allt hlutafé í
Tetra Íslandi verði afskrifað. Fjár-
festing Orkuveitunnar í undirfélag-
inu Rafmagnslínu nema 240 milljón-
um en tap á þeim rekstri hefur
numið samtals um tuttugu milljón-
um á síðasta ári.
Á núvirði nema fjárfestingar
Orkuveitu Reykjavíkur í
Línu.Neti, Tetra Ís-
landi og Rafmagnslínu þremur og
hálfum milljarði.
Bylting boðuð
Þegar stofnun Línu.Nets var
kynnt í borgarstjórn árið 1999 höfðu
helstu hvatamenn að stofnuninni,
með Helga Hjörvar í broddi fylking-
ar, uppi háleitar yfirlýsingar. Þá var
félagið kynnt sem mikilvægur þátt-
ur í uppbyggingu innviða Reykjavík-
urborgar og sérstök áhersla lögð á
þá tækni, sem forsvarsmenn Reykja-
víkurlistans veðjuðu á, að nota mætti
rafmangstengingar til gagna-
flutninga um Internetið.
„Hin nýja tækni við að
flytja gögn eftir raf-
orkulínunum gerir okk-
ur kleift að flytja til og
frá neytandanum gögn
sem nema eitt til tvö
þúsund kílóbætum á
sekúndu. Það þarf í sjál-
fu sér ekki að hafa mörg
orð um hvað þessi þróun,
hvað þetta stóra stökk, myndi
gera, ekki bara fyrir upplýs-
ingatækni við iðnaðinn heldur fyrir
vinnuumhverfi almennt í borginni
og almenning allan. Við erum hér að
tala um tækni, sem ef okkur tekst að
innleiða hér í Reykjavík, mun marg-
falda þann hraða sem Reykvíkingar
munu fara á inn í upplýsingaöldina,“
sagði Helgi Hjörvar.
Viðvörunarorð minnihlutans
Inga Jóna Þórðardóttir,
sem þá var oddviti sjálf-
stæðismanna í borgar-
stjórn, greindi frá því að
minnihlutinn hefði lagt til
þá breytingu í stjórn veitu-
stofnana Reykjavíkur að fram færi
útboð og athugun á möguleikum til
nýtingu veitukerfa borgarinnar til
gagnaflutnings en ekki yrði stofnað
fyrirtæki.
„Ástæðan fyrir þessari breyting-
artillögu fulltrúa Sjálfstæðisflokks-
ins við meðferð málsins í stjórn
veitustofnana á fyrst og fremst ræt-
ur að rekja til þess að þær upplýs-
ingar og þau gögn sem fyrir hafa
legið í málinu, bæði í stjórn veitu-
stofnana svo og í borgarráði, gefa
mjög sterklega til kynna og sýna að
mínu viti mjög glöggt að ekki eru öll
kurl komin til grafar í þessu máli,
þ.e.a.s. það hafa ekki verið lögð fram
gögn sem sýna fram á það að það sé
tæknilega mögulegt að setja á lagg-
irnar netþjónustukerfi í gegnum raf-
dreifikerfi borgarinnar,“ sagði Inga
Jóna.
Inga Jóna hafnaði þeim fullyrð-
ingum sem fram komu hjá fulltrúum
Reykjavíkurlista að einungis væri
verið að ræða um tvö hundruð millj-
ón króna fjárfestingu og sagði: „Við
erum stödd þar sem komið er að
ákvörðunartöku í máli sem er í
sjálfu sér ekkert smámál. Það er
verið að stofna fyrirtæki sem á að
hafa í hlutafé 200 milljónir sem á að
vera með fjárfestingu upp á mörg
hundruð milljónir eða milljarða ef
marka má umfang málsins“.
Ekki efast um arðsemi
Alfreð Þorsteinsson, stjórnarfor-
maður Orkuveitu Reykjavíkur, líkti
sjálfstæðismönnum við þá bændur
sem gerðu hópreið til Reykjavíkur í
byrjun tuttugustu aldar til þess að
mótmæla tilkomu símans. „Ég ætla
nú að vona að það sannist ekki að
borgarfulltrúar minnihlutans hér í
borgarstjórn séu að efna til nýrrar
bændaferðar út af þessu máli,“ sagði
Alfreð.
Um arðsemi fyrirætlaðra fram-
kvæmda við lagningu ljósleiðara í
Reykjavík efaðist Helgi Hjörvar
ekki. „Viðræður okkar við ýmsa
aðila í borginni benda hins vegar ein-
dregið til þess að svo sé og að það sé
algjörlega einboðið og hafið yfir all-
ar spurningar um tækni að það sé
rétt að leggja ljósleiðara hér í
Reykjavík og það sé hægt að hefjast
handa við það tiltölulega mjög fljót-
lega, því það sé klárlega arðsamt
verkefni,“ sagði hann.
Í umræðunum kom skýrt fram sá
ásetningur meirihluta borgarstjórn-
ar að Línu.Neti yrði breytt í hluta-
félag og það selt á almenningsmark-
aði. Af því hefur ekki orðið. Þá hefur
komið í ljós að yfirlýsingar um að
skuldbindingar borgarinnar í félag-
inu næmu ekki meira en tvö hundruð
milljónum hafa langt í frá ræst,
heldur hafa 2,3 milljarðar runnið úr
sjóðum Orkuveitu Reykjavíkur yfir í
dótturfélagið Línu.Net.
thkjart@frettabladid.is
Með Avis kemst þú lengra
Pantaðu AVIS bílinn áður en þú
leggur af stað – Það borgar sig
Hringdu til AVIS í síma 591-4000
Innifalið í verði er ótakmarkaður akstur, trygging, vsk. og
flugvallargjald. (Verð miðast við lágmarksleigu 7 daga).
Ekkert bókunargjald - Gildir til 31. mars 2005.
Verð háð breytingu á gengi.
Benidorm kr. 1.900,- á dag m.v. A flokk
Alicante kr. 1.900,- á dag m.v. A flokk
Costa del Sol kr. 2.100,- á dag m.v. A flokk
www.avis.is
Við
gerum
betur
Spánn
AVIS Knarrarvogi 2 - 104 Reykjavík - Sími 591 4000 Fax 591 4040 - Netfang avis@avis.is
Munið Visa
afsláttinn
Austurland:
Flýta upphafi
framkvæmda
FRAMKVÆMDIR Reyðarál hefur til-
kynnt bæjarráði að upphafi fram-
kvæmda við álver fyrirtækisins í
Reyðarfirði verði flýtt í ljósi niður-
staða jarðfræði- og jarðtæknirann-
sókna á lóð fyrirtækisins. Stefnt er
á að jarðvegsskipti á lóðinni hefjist
í júní á þessu ári sem er mun fyrr
en upphaflega var gert ráð fyrir, en
það orsakast af meiri jarðvegsskipt-
um en áætlað var. ■
FENGIST VIÐ SPRENGJU
Palestínskir vígamenn útbúa sprengju
meðan Ísraelsher hélt inn
í bæ í Gaza í gær.
Átök á Gazasvæðinu:
Fimm féllu
GAZA, AP Fimm Palestínumenn lét-
ust á Gazasvæðinu í gær, fjórir í
flugskeytaárásum Ísraela á flótta-
mannabúðir og einn í skotbardaga
palestínskra lögreglumanna og
vopnaðra vígamanna.
Ísraelar gerðu tvær flug-
skeytaárásir á flóttamannabúðir.
Að sögn palestínskra embættis-
manna voru tveir óvopnaðir ung-
lingsdrengir og einn vígamaður á
meðal þeirra fjögurra sem létust í
þeim árásum.
Einn óbreyttur borgari lét lífið
og sautján særðust í skotbardaga
lögreglumanna og vígamanna
sem hófst eftir að vopnaðir menn
á bíl hlýddu ekki skipun lögregl-
unnar um að stöðva bíl sinn. ■
MARGRÉT FRÍMANNSDÓTTIR
Spurði um vistmenn í Arnarholti.
RANNVEIG GUÐMUNDSDÓTTIR
Gagnrýndi ráðherra.
INGIBJÖRG SÓLRÚN GÍSLADÓTTIR
„Málið er stórt vegna þess að það vísar til framtíðar, en
málið er ekkert óskaplega stórt í tölum talað, því það
er verið að tala um að leggja inn hlutafé í fyrirtæki
sem er allt að 200 milljónir. Allt að 200 milljónir,“
sagði hún 3. júní 1999.
INGA JÓNA ÞÓRÐARSDÓTTIR
„Við erum stödd þar sem komið er að
ákvörðunartöku í máli sem er í sjálfu sér
ekkert smámál. Það er verið að stofna fyr-
irtæki sem á að hafa í hlutafé 200 milljón-
ir sem á að vera með fjárfestingu upp á
mörg hundruð milljónir eða milljarða ef
marka má umfang málsins,“ sagði hún í
borgarstjórn 3. júní 1999.
Fréttaskýring
ÞÓRLINDUR KJARTANSSON
■ skrifar um átök vegna fjárfestinga
Orkuveitu Reykjavíkur í fjarskiptum.