Fréttablaðið - 06.04.2004, Síða 27

ÞRIÐJUDAGUR 6. apríl 2004
Ámorgun verður það ljóst hvortgömlu rokkhundarnir í Deep
Purple haldi aukatónleika hér á
landi eður ei. Einar Bárðarson hjá
tónleikafyrirtækinu Concert seg-
ist finna fyrir miklum áhuga á
aukatónleikum þar sem hann hafi
fengið marga tölvupósta frá fólki
sem ekki náði í miða.
Einar hefur sent fyrirspurn út
og verið er að athuga hvort liðs-
menn treysti sér til þess að leika á
tveimur tónleikum.
5.300 miðar seldust á innan við
klukkutíma þegar þeir fóru í sölu
fyrir helgi og segir Einar þau við-
brögð hafa jafnvel komið hörð-
ustu aðdáendum sveitarinnar í
opna skjöldu. Um þúsund manns
var vísað frá miðasölunni á Hard
Rock á föstudag, eftir að miðar
kláruðust.
Verði aukatónleikar er líklegt
að þeir verði í Laugardalshöll 23.
eða 25. júní. ■
Reynt við aukatónleika
DEEP PURPLE
Viðbrögðin við komu Deep Purple hafa
verið ótrúleg.
Fiskur og ljóð
Birna Þórðardóttir mun mæta íFiskbúðina, Freyjugötu 1,
klukkan fjögur í dag til þess að
árita og lesa upp úr ljóðabók sinni
Birna/BIRNA fram til kl. sex.
Ljóðabókin kom út á fimmtugs-
afmælisdegi Birnu, þann 26. febr-
úar, og er þetta fyrsta ljóðabók
hennar. „Ég hef ekki einu sinni
birt ljóð í Lesbók Morgunblaðs-
ins,“ sagði Birna við Fréttablaðið
þegar bókin kom út, en í henni má
finna ástarljóð af öllu tagi. Það eru
kannski ekki margir sem telja ljóð
tilvalin í soðið en Birna segir bara
að það sé tilvalið að njóta ljóða-
lesturs um leið og náð er í hinn
daglega fisk, enda fátt þjóðlegra
en fiskur og ljóð. Hver veit nema
þetta leiði til þess að viðskiptavin-
ir Fiskbúðarinnar gangi þaðan á
braut, rómantískari í lund en þeg-
ar inn var komið með uppskriftina
að ástinni í farteskinu. ■
BIRNA ÞÓRÐARDÓTTIR
Fátt er þjóðlegra
en fiskur og ljóð.