Fréttablaðið - 23.04.2004, Blaðsíða 40
Ég byrja daginn á því að æfaEdith Piaf niðri í Þjóðleik-
húsi,“ segir Þröstur Leó Gunnars-
son leikari, sem er 43 ára í dag.
„Ég fæ vonandi afmælisköku
og svo fer ég að leika um kvöldið í
Þetta er allt að koma. Þetta verður
þægilegur afmælisdagur og ekk-
ert vesen.“
Það er í mörgu að snúast hjá
Þresti á leiksviðinu. Hann leikur
Mikka ref í Dýrunum í Hálsaskógi
sem fer í sumarfrí 2. maí en byrj-
ar svo aftur í haust. Auk þess fer
hann með nokkur hlutverk í leik-
ritinu Þetta er allt að koma, sem
einnig er í Þjóðleikhúsinu. „Sú
sýning gengur rosalega vel og
slegist um miða. Kvennaskólinn
keypti upp salinn um daginn og
það var eins og að vera á tónleik-
um, stemningin var svo ótrúleg. Í
lok sýningar var öskrað og flautað
og ég hef sjaldan lent í svona mik-
illi stemningu á sýningu.“
Frá því að sýningar hófust á
Þetta er allt að koma hafa æfingar
staðið yfir á söngleiknum Edith
Piaf. „Hann er að smella saman
þessa dagana enda verður hann
frumsýndur 7. maí. Þetta er mikill
dans og söngur, sem ég er reynd-
ar ekki þekktur fyrir en mér þyk-
ir skemmtilegra að syngja en að
dansa. Ég verð bara að leika að
maður sé að dansa, enda er þetta
bara hluti af vinnunni.“
Það afmæli sem er efst í huga
Þrastar er fertugsafmælið. „Ég
var að vinna á Ísafirði við tökur á
Nóa albínóa og ætlaði ekkert að
gera fyrir afmælið. Síðan var ver-
ið að ýta á mig að gera eitthvað og
tveimur dögum áður ákvað ég að
finna húsnæði fyrir veislu hér í
bænum. Dóttir mín sá reyndar um
það og úr varð að veislan var hald-
in í sal Ásatrúarfélagsins niðri á
Granda. Ég sá svo um að hringja í
fólk og bjóða í veislu. Það varð
einhver misskilningur og af ein-
hverjum orsökum bauð ég öllum á
Grandaveg 8, sem er ekki til. Um
sjöleytið var svo eitthvað fátt
mætt til kvöldverðar, þar sem all-
ir gestirnir voru að rúnta fram og
til baka á Grandaveginum. En það
fór vel að lokum og flestir skiluðu
sér í afmælið. Þetta kennir manni
að hafa svolítið meiri fyrirvara á
þessu og ég mun gera það þegar
ég verð fimmtugur.“ ■
Árið 1886 bjó lyfjafræðingur-inn dr. John Pemberton til
drykk sem þróaðist yfir í Kóka
Kóla á skömmum tíma. Kókið
varð í kjölfarið vinsælasti gos-
drykkur heims og lagði grunninn
að gríðarlegu viðskiptaveldi fyrir-
tækisins, sem átti einkaréttinn á
leyniformúlunni sem engum hef-
ur enn þann dag í dag tekist að
stæla fullkomlega.
Það varð því uppi fótur og fit á
þessum degi árið 1985 þegar
Coca-Cola tilkynnti, eftir 99 ára
óslitna sigurgöngu, að fyrirtækið
ætlaði að breyta drykknum sí-
gilda. New Coke var kynnt til sög-
unnar. Það var ódýrara í fram-
leiðslu en gamla Kókið og eftir
200.000 bragðprófannir töldu
Kókmenn sig fullvissa um að nú
væru þeir komnir með gosdrykk-
inn sem myndi gera út af við aðal-
keppinautinn, Pepsi Cola.
Það kom þó strax á daginn að
Nýja Kókið var dæmt til þess að
verða stærstu markaðsmistök við-
skiptasögunnar eins og hún legg-
ur sig. Neytendur fúlsuðu við
Nýja Kókinu og það ríkti nánast
upplausn í bandarísku samfélagi í
kjölfar fréttarinnar af því að það
ætti að taka Coca-Cola af markaði
en nafnið, merki þess og drykkur-
inn eru greypt í þjóðarsálina.
Fyrirtækið lét undan þrýstingi
almennings þann 11. júlí og til-
kynnti að gamla kókið kæmi aftur
á markað undir nafninu Coca-Cola
Classic. Þetta þóttu slík tíðindi að
ABC-sjónvarpsstöðin rauf útsend-
ingu á þættinum General Hospital
til þess að flytja fréttina. ■
NÝJA KÓKIÐ
„Hvers vegna að laga það sem er ekki bil-
að?“ var spurningin sem brann á allra vör-
um þegar Kóka Kóla var breytt í New
Coke. Neytendur höfnuðu nýja drykknum
umsvifalaust og ári eftir að Nýja Kókið
kom á markað var markaðshlutdeild þess
aðeins 3%.
28 23. apríl 2004 FÖSTUDAGUR
■ Afmæli
Haraldur Jónsson myndlistarmaður er
43 ára.
Magnús Ver Magnússon kraftakarl er
41 árs.
Halla Margrét Árnadóttir söngkona er
40 ára.
■ Jarðarfarir
10.30 Sálumessa verður sungin Haraldi
Blöndal hæstaréttarlögmanni, í
Landakoti, Kristskirkju.
13.30 Bjarni Ásgeirsson, Skálaheiði 9,
Kópavogi, verður jarðsunginn frá
Bústaðakirkju.
13.30 Vigga Svava Gísladóttir verður
jarðsungin frá Laugarneskirkju.
14.00 Þórhallur Halldórsson, Önguls-
stöðum, verður jarðsunginn frá
Munkaþverárkirkju.
15.00 Hulda Júlíana Sigurðardóttir
verður jarðsungin frá Hafnarfjarð-
arkirkju.
Ég myndi gjarnan vilja heitabara einu nafni, en ekki svona
hjólhýsanafni eins og Davíð Þór,
Billy Bob, Peggy Sue, Inga Lind
eða eitthvað álíka,“ segir Davíð
Þór Jónsson, Radíusbróðir, þýð-
andi og margt, margt fleira. „Svo
er Davíð hebreskt nafn og ég hef
þvílíka óbeit á Síonisma að um
tíma leið mér illa með að heita eft-
ir konungi gyðinga en er farinn að
átta mig á því að ég heiti ekkert
eftir konungi gyðinga heldur bara
sjálfum mér. Í Njálu kemur fyrir
persóna sem er jarl í Orkneyjum
og heitir Dagviður og það er nafn
að mínu skapi. Þar sem ég er mik-
ill talsmaður fjölbreytni í manna-
nafnaflórunni hvet ég fólk ein-
dregið til að endurvekja þessa
fallegu norrænu mynd karl-
mannsnafnsins Davíð, Dagviður,
og ef ég ætti að breyta um nafn
tæki ég mér það nafn.“
Afmæli
ÞRÖSTUR LEÓ GUNNARSSON
■ er 43 ára. Byrjar daginn á
æfingu á Edith Piaf.
ROY ORBISON
Þessi hjartnæmi söngvari sem lést árið
1988 fæddist á þessum degi árið 1936.
23. apríl
Ég heimsótti systurdóttur mína,sem dvelur af og til inni á
deild A-2, á mánudaginn og tók þá
eftir því hvað bókaskápurinn þar
er óttalega ræfilslegur og úrvalið
ákaflega einsleitt,“ segir Unnur
Guðjónsdóttir, oftast kennd við
Kínaklúbb sinn, en hún ákvað að
færa deildinni þrjátíu og fimm
bækur að gjöf.
„Biblíur og sálmabækur voru
nánast það eina sem var að finna í
þessum bókaskáp, ekki bara ein
eða tvær, ég taldi ein fimmtán
stykki og hugsaði með mér að fólk
yrði einnig að komast í eitthvað
annað,“ segir Unnur og var ekki
lengi að fara af stað: „Ég spurði
bara starfsfólkið hvort það hefði
eitthvað á móti því að ég færði
deildinni bækur og það var nú al-
deilis ekki, þau voru bara mjög
ánægð með þetta. Bækurnar eru
af ýmsum toga og koma allar úr
mínu bókasafni, sem er orðið
býsna mikið að vöxtum. Þar á
meðal er að finna nokkrar sér-
stakar bækur sem hafa tilfinn-
ingalegt gildi fyrir mig og þarna
eru til að mynda fjórar bækur
sem móðir mín batt inn sjálf en
hún var mikil bókamanneskja
eins og reyndar margir í minni
fjölskyldu. Ég hef þrisvar áður
gefið bókagjafir svo þetta er mér
nokkuð hugleikið og ég gaf til
dæmis Þjóðarbókhlöðunni al-
fræðiorðabókina Britannica, á
kínversku. Það vantar fleiri bæk-
ur inn á hinar ýmsu stofnanir og
máttur þeirra verður seint ofmet-
inn. Því má segja að ég sé einnig í
smá bókabransa fyrir utan að
vera í Kínabransa,“ segir Unnur
og hlær dátt. ■
Bókagjöf
UNNUR GUÐJÓNSDÓTTIR
■ gaf geðdeild Landspítalans bækur á
degi bókarinnar.
Máttur bókarinnar
verður seint ofmetinn
UNNUR GUÐJÓNSDÓTTIR
Gefur deild A-2, geðdeild á Háskólasjúkra-
húsi Landspítalans við Hringbraut, þrjátíu
og fimm bækur í tilefni dags bókarinnar.
Hér taka hjúkrunarfræðingarnir Rannveig
og Lára við bókunum.
ÞRÖSTUR LEÓ GUNNARSSON
Sendi gestina á vitlaust heimilisfang í
fertugsafmælinu sínu.
Innilegar þakkir til allra sem sýndu okkur samúð og hlýhug vegna andláts
og útfarar elskulegrar móður okkar, tengdamóður, ömmu, langömmu
og langalangömmu
ÖNNU S.GUÐMUNDSDÓTTIR
Seyðisfirði
Mikael Jónsson Lilja G.Ólafsdóttir
Lovísa Jónsdóttir Hafsteinn Steindórsson
og fjölskyldur
■ Hvað vildirðu heita?
fyrir að dansaEr lítið
FR
ÉT
TA
B
LA
Ð
IÐ
/S
TE
FÁ
N
K
AR
LS
SO
N
23. apríl
1985
NÝJA KÓKIÐ
■ var kynnt til sögunnar sem arftaki
Kóka Kóla. Tíðindin tóku Bandaríkja-
menn á taugum. Þjóðin hafnaði breyting-
unni og fékk gamla Kókið aftur nokkrum
mánuðum síðar.
Bandaríkjamenn hafna nýju kóki