Fréttablaðið - 23.04.2004, Blaðsíða 46

34 23. apríl 2004 FÖSTUDAGUR
KEPPT UM SÆTI Á ÓLYMPÍULEIKUM
Ástralinn Louise Natoli er meðal 300
keppenda á heimsmeistaramótinu í róðri
sem fram fer í Aþenu. Keppnin er jafn-
framt úrtökumót fyrir Ólympíuleikana í
sumar.
Róður
NBA-deildin verðlaunar 70 ára gamlan þjálfara Memphis:
Hubie bestur
í annað sinn
KÖRFUBOLTI Hubie Brown var í gær
valinn þjálfari ársins í NBA-deildinni
en þessi sjötugi þjálfari stýrði í vetur
liði Memphis Grizzlies inn í úrslita-
keppnina í fyrsta sinn í sögu félags-
ins. Brown fékk 466 stig, þar af 62 út-
nefningar í 1. sætið af 122 möguleg-
um. Jerry Sloan hjá Utah varð enn
einu sinni í öðru sæti í þessu kjöri
með 424 stig og þeir Terry Porter hjá
Milwaukee og Stan Van Gundy hjá
Miami voru síðan jafnir í þriðja sæt-
inu með 54 stig.
„Það gátu að minnsta kosti tíu
þjálfarar unnið þessi verðlaun en ég
tileinka þau Jerry West, sem hafði trú
á mér og gaf mér aftur tækifæri til að
þjálfa í NBA-deildinni,“ sagði Brown
þegar hann tók við verðlaununum.
Þetta er í annað sinn sem Brown
er valinn þjálfari ársins en hann þótti
einnig bestur fyrir 26 árum er hann
þjálfari lið Atlanta Hawks tímabilið
1977-78. Brown er fyrsti þjálfarinn í 9
ára sögu Grizzlies til að fá þessa út-
nefningu en hann byrjaði að þjálfa
aftur á síðasta tímabili eftir 16 ára
hvíld. Á sínu fyrsta ári bætti Memph-
is félagsmetið með því að vinna 28
leiki en í vetur sló liðið í gegn, vann
50 af 82 leikjum og komst í fyrsta
sinn í úrslitakeppnina. Memphis-liðið
er stórstjörnulaust lið en Brown not-
ar þess í stað marga menn og leggur
mikla áherslu á ákafa vörn og góða
liðsheild. Liðið blómstraði í febrúar
og mars þegar liðið vann 23 af 27
leikjum en hefur tapað fyrstu tveim-
ur leikjunum í úrslitakeppninni gegn
San Antonio Spurs. ■
Fjögur lið áfram
FH, Valur, Fylkir og Víkingur tryggðu sér sæti
í átta liða úrslitum deildabikarsins í gær.
KNATTSPYRNA Riðlakeppni efri
deildar í deildabikar karla í
knattspyrnu lauk í gær með fimm
leikjum. Fjögur lið, KA og KR í A-
riðli og Keflavík og ÍA í B-riðli,
voru örugg áfram fyrir
gærdaginn en fjögur lið til viðbó-
tar, Fylkir og Víkingur í A-riðli og
FH og Valur í B-riðli, tryggðu sér
sæti í átta liða úrslitunum í gær.
KA-menn tryggðu sér efsta
sæti A-riðils með því að leggja
Njarðvíkinga að velli, 2–1, í
Reykjaneshöll. Njarðvíkingar
komust yfir strax á 6. mínútu og
var þar að verki Gunnar Örn
Einarsson. Allt virtist stefna í
sigur þeirra en þegar sex mínútur
voru eftir jafnaði Elmar Dan
Sigþórsson metin fyrir KA-menn
og Jóhann Þórhallsson tryggði
þeim sigur á síðustu mínútum
leiksins.
Fylkismenn unnu stórsigur,
4–0, á Þórsurum og tryggðu sér
þriðja sætið í A-riðli. Þórsarar,
sem voru í fjórða sæti fyrir leiki
gærdagsins, misstu það hins
vegar til Víkinga vegna tapsins.
Ólafur Páll Snorrason kom Fylki
yfir á 17. mínútu og Helgi Valur
Daníelsson bætti við öðru marki á
27. mínútu. Helgi Valur brenndi
síðan af vítaspyrnu rétt áður en
flautað var til leikhlés en Atli Már
Rúnarsson, markvörður Þórsara,
varði spyrnu hans sem var dæmd
eftir að brotið hafði verið á
Sævari Þór Gíslasyni. Ólafur
Stígsson skoraði þriðja markið á
61. mínútu og átta mínútum síðar
urðu Þórsarar fyrir því áfalli að
skora sjálfsmark.
Víkingar unnu auðveldan sigur
á Haukum, 5–1. Grétar Sigurðsson
skoraði tvö mörk fyrir Víking og
þeir Steindór Gíslason, Viktor
Bjarki Arnarsson og Daníel
Hjaltason eitt mark hver. Sævar
Eyjólfsson skoraði mark Hauka.
Víkingar náðu með sigrinum
fjórða sæti riðilsins og sitja
Þórsarar eftir með sárt ennið en
þeir voru í fjórða sætinu fyrir
leikina í gær.
Sigurbjörn Hreiðarsson
tryggði Valsmönnum 2-1 sigur á
Fram með marki úr vítaspyrnu á
75. mínútu. Andri Fannar
Ottósson hafði komið Fram yfir á
16. mínútu eftir varnarmistök en
Kristinn Lárusson jafnaði leikinn
átta mínútum fyrir hálfleik með
skalla eftir hornspyrnu Baldurs
Aðalsteinssonar.
Framarar fengu betri færi en
Valsmenn voru meira með boltann
og vítaspyrnan var dæmd þegar
Hans Fróði Hansen braut klaufale-
ga á Hálfdáni Gíslasyni en seinni
hálfleikurinn hafði annars verið
tíðindalaus og tilþrifalítil.
Það var hinn bráðefnilegi Atli
Guðnason sem tryggði FH sigur,
2-1, á Þrótti í Laugardalnum í gær.
Markið skoraði hann mínútu fyrir
leikslok þegar hann fékk stungu-
sendingu og lagði boltann laglega
í fjærhornið.
FH-ingar voru fyrri til að skora
í leiknum en það gerði Atli Viðar
Björnsson eftir ellefu mínútna
leik. Hann fékk góða stungu-
sendingu frá Emil Hallfreðssyni
og kláraði færið sitt vel. Þróttarar
jöfnuðu síðan fjórum mínútum
fyrir hlé. Það gerði Hallur
Hallsson með laglegu skoti fyrir
utan teig.
Annars var leikurinn ákaflega
lítið fyrir augað, miðjuþóf og lítið
um færi. Jafntefli hefði verið
sanngjörn úrslit en það er ekki
spurt að slíku í knattspyrnu. ■
SIGURBJÖRN MEÐ SIGURMARKIÐ
Sigurbjörn Hreiðarsson, fyrirliði Valsmanna, skoraði sigurmark Valsmanna gegn Frömurum
í gær úr vítaspyrnu stundarfjórðungi fyrir leikslok.
SJÖTUGUR ÞJÁLFARI BESTUR
Hubie Brown hjá Memphis Grizzlies var valinn þjálfari ársins í NBA-deildinni.