Fréttablaðið - 25.04.2004, Blaðsíða 11
11SUNNUDAGUR 25. apríl 2004
Það er óvenjulegt að sjá menngengisfella sjálfa sig jafn
harkalega og Eiríkur Bergmann
Einarsson gerir í blaðagrein í
Fréttablaðinu 22. apríl sl. Grein
hans er aumkunarvert dæmi um
órökstuddan óhróður um fólk
sem hefur aðrar stjórnmála-
skoðanir en hann sjálfur.
Tökum dæmi úr áðurnefndri
grein: „Manni finnst stundum
Vinstrihreyfingin - grænt fram-
boð hálf utanveltu í íslenskum
stjórnmálum“. Enginn rökstuðn-
ingur. „Flokkurinn er allur ein-
hvern veginn úr takti við þjóðfé-
lagið“. Enginn rökstuðningur.
„Einhvers konar furðulegt sam-
safn af últra kommum úr hinu
allra villtasta vinstri og svo
handfylli af öfgakenndum þjóð-
ernissinnum.“ Þetta er sú ein-
kunn sem Eiríkur Bergmann tel-
ur hæfa því vinstri- og umhverf-
issinnaða fólki sem hefur tekið
höndum saman í VG.
Og áfram heldur hann: Áður-
nefndir hópar eiga það eitt sam-
eiginlegt að vera „..á móti allri
framþróun...“ og „..er sérstak-
lega uppsigað við nútímann“. Er
þetta nú boðlegt, í alvöru talað?
Nei, auðvitað ekki og spyrja má
af hverju undirritaður vitnar í
ósköpin. Því er fljótsvarað: Ei-
ríki Bergmann er enginn meiri
óleikur gerður en að í skrif hans
sé vitnað.
Skítkast í stað raka
Auðvitað er Eiríkur Berg-
mann ekki einn um að flýja á
náðir skítkasts og frasa þegar
rökin skortir. Framsóknarmenn
völdu t.d. þann kost að segja að
Vinstri-grænir væru alltaf á
móti öllu í stað þess að tefla
fram rökum á móti því að Kára-
hnjúkavirkjun með Hálslóni ylli
óverjandi náttúruspjöllum.
Þarna var víglínan með eða á
móti náttúrunni. Formerki um-
ræðunnar með eða á móti ráðast
einfaldlega af því hvort er valið
sem andlag, náttúra eða virkjun.
Athyglisverð er sú söguskoð-
un háskólamannsins Eiríks að
VG sé arftaki Kommúnista-
flokks, Sósíalistaflokks og Al-
þýðubandalags. Ég hélt að það
væri a.m.k. að forminu til alveg
öfugt, að Samfylkingin, sem
mögulega stendur Eiríki nær en
mér, sé formlegur og skipulagð-
ur arftaki flokkanna sem hana
stofnuðu. VG er hins vegar nýr
flokkur, stofnaður frá grunni af
fólki sem annaðhvort hafði
aldrei verið í stjórnmálaflokki
eða hafði sagt skilið við þá sem
það hafði tilheyrt. Hinu stendur
ekki til að neita að margir liðs-
menn okkar eru komnir úr her-
búðum annarra flokka og síðast-
ur yrði ég til að sverja af mér
skyldleika við baráttu hugsjóna-
fólks í Kvennalista, Alþýðu-
bandalagi og forverum þess
fyrir betra þjóðfélagi.
VG markaði tímamót
Staðreyndin er að tilkoma VG
markaði tímamót í íslenskum
stjórnmálum. Í fyrsta skipti skil-
greindi stjórnmálahreyfing sig
sem umhverfisverndarsinnaða,
„græna“. Flokkurinn fékk svo
eldskírn í þeim málaflokki strax
á fyrstu árum sínum í baráttunni
fyrir verndun hálendisins og
gegn hömlulausri stóriðju-
stefnu.
VG hefur borið fjölmörg ný
baráttumál inn í íslensk stjórn-
mál og blásið lífi í önnur. Má af
handahófi taka sem dæmi:
· baráttu gegn vændi, mansali
og klámvæðingu samfélags-
ins, m.a. með því að gera
vændiskaup refsiverð.
· nýsköpun í atvinnumálum
gegnum sérstakan stuðning
við fjölbreytni í atvinnulífi
og við lítil og meðalstór
fyrirtæki (tillaga VG þar um
samþykkt á Alþingi fyrir
nokkru).
· gjaldfrjálsan leikskóla.
· að undirbúin verði löggjöf
um rétt til sveigjanlegra
starfsloka (tillaga VG þar um
samþykkt fyrir 2 árum).
· að Jökulsá á Fjöllum verði
friðlýst.
· að landið verði breið-
bandsvætt – og svo mætti
lengi telja.
VG hefur af einurð talað máli
friðarstefnu og lagst gegn stuðn-
ingi Íslands við stríðsbrölt og
hernaðarhyggju. Á landsfundi
sl. haust ákvað flokkurinn að
flétta áherslur kvenfrels-
is/femínisma og alþjóðahyggju
inn í stefnu sína. Þar með brjót-
um við aftur blað og verðum
fyrst hefðbundinna stjórnmála-
flokka til þess að skilgreina okk-
ur formlega á forsendum femín-
isma og alþjóðahyggju.
Þeir sem telja að sá málstaður
sem við stöndum fyrir eigi ekki
erindi við nútímann og framtíð-
ina eru af einhverjum öðrum
heimi stjórnmálanna en ég.
Lágt lotið
Lægst leggst Eiríkur Berg-
mann þar sem hann víkur að
Katrínu Jakobsdóttur, varafor-
manni Vinstri-grænna. Katrín
situr í fílabeinsturni, sbr. fyrir-
sögn, og um hana notar Eiríkur
orðin: „..hin annars stórefni-
lega..“ og vitnar til viðtals þar
sem Katrín orðaði löngun sína til
að breyta orðræðu íslenskra
stjórnmála. Er eitthvað að því?
Vildi ekki einhver umræðu-
stjórnmál? Og þarf það að þýða
að menn séu síður áhugasamir
um að bæta kjör almennings en
ella? Auðvitað ekki. Hér er enn á
ferðinni rökleysulágkúra Eiríks,
ef ekki í bland við annað verra,
þ.e. karlrembu. Um Katrínu Jak-
obsdóttur þarf hvorki að fjalla
sem fyrrverandi eða tilvonandi í
stjórnmálum. Hún er einfald-
lega rökfastur og málefnalegur
stjórnmálamaður og glæsilegur
fulltrúi fjölmennrar ungrar kyn-
slóðar sem lætur sífellt meira til
sín taka innan Vinstrihreyfing-
arinnar - græns framboðs. En
auðvitað fellur það illa að forn-
eskjustimplinum, sem Eiríkur
svo smekklega reynir að klína á
flokkinn. ■
Að gengisfella sjálfan sig
HELLUR STEYPA RÖR MÚRVÖRUR EININGAR
Reykjavík: Malarhöf›a 10 - S. 540 6800 • Hafnarfir›i: Hringhellu 2 - S. 540 6850 • Selfossi: Hrísm‡ri 8 - S. 540 6881
Hjá Steypustöðinni færðu faglega ráðgjöf hjá landslagsarki-
tektunum Birni Jóhannsyni, Einari Birgissyni eða Stanislas
Bohic um allt sem lýtur að því að skipuleggja nýjan garð eða
betrumbæta þann gamla.
Pantaðu tíma í síma 540 6800
og fáðu faglega ráðgjöf um
skipulag garðsins.
Ráðgjöf landslagsarkitekta
Nú er rétti árstíminn til að
huga að lóðarframkvæmdum
og garðvinnu sem fram-
undan eru í sumar.
Fáðu sendan nýjan bækling
okkar um hellur og steina
eða kynntu þér úrvalið á
steypustodin.is
Söludeildin er opin
alla virka daga
frá kl. 8-18
Hellur
steinar
N
O
N
N
I
O
G
M
A
N
N
I
I Y
D
D
A
•
N
M
1
1
9
6
3
/
s
ia
.i
s
Andsvar
STEINGRÍMUR J. SIGFÚSSON
■ formaður Vinstrihreyfingarinnar –
græns framboðs, svarar gagnrýni Eiríks
Bergmanns Einarssonar á VG.