Fréttablaðið - 25.04.2004, Blaðsíða 28

21SUNNUDAGUR 25. apríl 2004
Tælenskt karlmenni:
Lést við heimsmetstilraun
Elsti vinnandi maður Bandaríkjanna:
Hættir störfum 104 ára
Elsti vinnandi maður í Bandaríkj-unum, að talið er, hefur hætt
störfum, 104 ára. Prófessor Ray
Crist sagði upp kennarastöðu sinni í
Messiah-skólanum í Grantham,
Pennsylvaníiu í síðustu viku. Hann
hefur kennt þar í ein 34 ár en fékk
stöðuna eftir að hann fór á eftirlaun,
þá sjötugur. Crist fékk einn dollara
á ári í laun en það samsvarar tæp-
um 75 íslenskum krónum.
Árið 1926 fékk Crist doktors-
gráðu í efnafræði frá háskólanum í
Columbíu og í byrjun fimmta ára-
tugarins starfaði hann meðal annars
við að kljúfa atóm sem notað var í
vetnissprengju. Hann tók seinna við
forystuhlutverki í rannsóknunum en
meðal vina hans var Albert Einstein.
Fyrir tveimur árum hlaut Crist
nafnbótina elsti starfandi maður í
Ameríku sem hópurinn Experience
Works veitir.
Prófessorinn er síður en svo
dauður úr öllum æðum og ætlar að
halda rannsóknarstörfum áfram. ■
RAY CRIST
Hefur hætt störfum, 104 ára.
Tælenskur maður sem hugðistslá heimsmet í því að eyða tíma
með snákum lést eftir að mömbu-
tegund beit hann. Boonreung
Bauchan skráði nafn sitt í heims-
metabók árið 1988 þegar hann
eyddi heilli viku lokaður inni með
snákum. Hann hugðist slá eigið
met þegar mamban beit hann í
hægri olnbogann. Í fyrstu lét Boon-
reung bitið ekki hafa áhrif á sig og
drakk viskí og tók lyf til að lina
þjáningarnar. Eitrið dreifðist hins
vegar hratt um líkama hans og
hann lést áður en hann komst á
sjúkrahús.
Að sögn föður Boonreung eru
þrjátíu snákar á heimili hans en
þeir verða gefnir í dýragarð. ■
SNÁKUR
Tælendingur hugðist bæta heimsmet í því
að liggja með snákum.
RISAEÐLA
Engin veit hvernig risaeðlan dó út en
margar kenningar eru á lofti.
Ný rannsókn:
Karldýrin
útrýmdu
risaeðlunum
Risaeðlan gæti hafa dáið út þarsem karldýrin voru orðin of
mörg. Þetta er niðurstaða rann-
sóknar sem vísindamenn við há-
skólann í Leeds hafa unnið að.
Sú kenning hefur lengi verið á
lofti að loftsteinn hafi lent á jörð-
inni og útrýmt risaeðlunum. Vís-
indamennirnir í Leeds telja hins
vegar að loftsteinninn hafi haft
áhrif á loftslag jarðar. Þeir telja
að risaeðlan samsvari skriðdýrum
nútímans, eins og krókódílum, en
kyn þeirra ákvarðast af hitastigi í
lofti þegar þeir fæðast. Loft-
steinninn hafði þau áhrif að fjöll
fóru að gjósa og reykjarmökkur
skyggði á sólina sem varð til þess
að karldýrum risaeðlna fjölgaði
til muna. Þótt einhverjar risaeðl-
ur hafi lifað áreksturinn af áttu
þær í erfiðleikum með að finna
sér maka og þar með dáið út
ásamt öðrum dýrategundum.
Skiptar skoðanir eru á rann-
sóknum vísindamannana í Leeds
og telja sumir að loftið hafi verið
svo eitrað eftir áreksturinn við
loftsteininn að fá dýr hafi geta lif-
að það af. ■
LÖGREGLUAÐGERÐ
Lögreglan í Bandaríkjunum og 10 öðrum
löndum hefur lagt hald á um 200 tölvur.
Lögreglan bregst við
sjóræningjastarfsemi:
Tölvur gerð-
ar upptækar
Lögreglan í Bandaríkjunum ogtíu öðrum löndum hefur lagt
hald á yfir tvö hundruð tölvur til
að reyna stemma stigu við skipu-
lagðri sjóræningjastarfsemi sem
dreifir ólöglegu efni á netinu. Um
30 netþjónar voru notaðir til að
geyma efnið og dreifa en í allt
voru um 65 þúsund titlar í tónlist,
kvikmyndum, leikjum og öðrum
hugbúnaði gerðir upptækir.
John Ashcroft, dómsmálaráð-
herra Bandaríkjanna, segir að
aldrei hafi verið komið upp um
jafn mikla ólöglega starfsemi og
nú. Eins og gefur að skilja voru
fyrirmenni í skemmtana- og hug-
búnaðargeiranum yfir sig ánægð
með aðgerðir lögreglunnar. Talið
er að tap þeirra vegna ólöglegrar
útgáfu hlaupi á nokkrum milljörð-
um á hverju ári. ■