Fréttablaðið - 25.04.2004, Blaðsíða 30
SUNNUDAGUR 25. apríl 2004
vikna námskeið
hefjast 3. maí8
KONUR
Skráning er hafin á eftirtalin námskeið:
• Lokaðir aðhaldshópar 3x í viku
• Rope yoga 3x í viku
Innifalið: Þrír lokaðir hóptímar, frjáls aðgangur
í alla opna tíma á stundaskrá og
æfingaáætlun í tækjasal hjá þjálfurum World
Class í Laugum og Spönginni. Aðgangur að
Laugardalslauginni.
Vorglaðningur!
Þú færð aðgang að okkur rómuðu Baðstofu
í Laugum síðustu vikuna á námskeiðunum.
Sjá úrval opinna tíma á www.worldclass.is
www.worldclass.is
Spöngin s. 553 5000
Laugar s. 553 0000
www.worldclass.is
Flokkurinn hafði lengi verið klof-
inn og margir voru þreyttir á
þessum innri átökum. Ég var ekk-
ert þreyttur og hefði verið til í að
halda skipinu á floti eitthvað leng-
ur. Ég fann hins vegar að Stein-
grímur J. Sigfússon vildi fara í
eina átt og Margrét Frímannsdótt-
ir í aðra. Þannig var það og það
var ekki hægt að koma í veg fyrir
það.“
Var ekkert sárt að horfa upp á
þetta?
„Það þurfti að fara fram ákveð-
ið pólitískt uppgjör í vinstri
hreyfingunni. Strax í ársbyrjun
1999 má segja að ljóst hafi verið
að þróunin yrði á þann veg sem
orðið hefur. En það er ekki þar
með sagt að svo muni verða
áfram. Stjórnarsamstarf og ríkis-
stjórn á hverjum tíma hefur áhrif
á stjórnarandstöðuflokkana. Þeir
hafa verið í stjórnarandstöðu í
fimm ár sem gerir að verkum að
það er ekki komin nein raunveru-
lega reynsla á flokkana. Það verð-
ur gaman að fylgjast með þróun-
inni næstu árin.“
Maður heyrði í byrjun ýmsa
segja að nú værir þú, vinstri mað-
urinn, búinn að svíkja allar hug-
sjónir með því að koma þér vel
fyrir í sendiherraembætti. Hvað
segirðu við því?
„Það er ekki svo, en mér finnst
í sjálfu sér ekkert óeðlilegt við að
menn velti þessu fyrir sér. Ég er
fyrsti maðurinn af þessum kanti í
pólitík sem verður sendiherra.
Fyrir nokkrum árum hefði mér
sjálfum þótt það alveg óhugsandi.
Þegar ég varð ráðherra fyrir 25
árum fannst mér það eiginlega
hálfhlægilegt í viku. En það er nú
einu sinni þannig að menn lenda í
ýmsum aðstæðum í lífinu sem eru
kannski ekki fyrirséðar en þær
breyta ekki manninum, allavega
ekki mér.“
Saknarðu ekki Íslands?
„Ég sakna Íslands. Ég sakna
barnanna minna, hestanna, alls
þess sem er Ísland fyrir mér. Það
er fórn að vera í burtu frá Íslandi.
En okkur Guðrúnu finnst gaman
að vera í þessu starfi. Maður upp-
lifir sig sem hluta af Íslandsliði og
það er mjög mikilvægt fyrir mig í
þessu starfi að vera hluti af hópi.“
Samhent hjón
Svavar dregur ekki dul á að
þáttur eiginkonu hans, Guðrúnar
Ágústsdóttur, í sendiherrastarf-
inu er mikill. „Svona starfi verður
ekki sinnt almennilega nema þar
séu tveir einstaklingar sem séu
gífurlega samhentir,“ segir hann.
„Við Guðrún gerum alla hluti sam-
an, fáum hugmyndirnar og skipu-
leggjum verkefnin. Það er ekki
hægt að tala í eintölu um nokkurn
hlut sem gerist hér á okkar veg-
um. Þannig verður það að vera og
hlýtur að vera. En það er kannski
meira áríðandi í þessu starfi en
mörgum öðrum að fólk sé sam-
hent. Við Guðrún erum líka
þannig gerð að við höfum gaman
af að atast en það væri vissulega
hægt að taka þetta aðeins rólegar
en við gerum.“
Víkjum aðeins að pólitískri for-
tíð þinni, náðirðu þar að mestu
fram því sem þú vildir?
„Ég er ekki mikið fyrir að meta
verk stjórnmálamanna eins og
þeir hafi unnið þau algjörlega upp
á eigin spýtur. Maður er hluti af
heild og ég vann með félögum
mínum fyrir minn flokk. Á mínum
pólitíska ferli sinnti ég viðskipta-
ráðuneytinu, menntamálaráðu-
neytinu, heilbrigðisráðuneytinu
og félagsmálaráðuneytinu. Við
gjörbreyttum íslensku skólakerfi
og settum ýmis konar lög í menn-
ingarmálum sem ekki hefur enn
verið hróflað við, eins og til dæm-
is lögin um listamannalaun. Við
settum fyrstu lögin um málefni
fatlaðra og aldraðra. Við endur-
nýjuðum heilbrigðislögin, settum
fyrstu lögin um að ríkissjóður
borgaði fæðingarorlof allra úti-
vinnandi og settum lög um holl-
ustuvernd. Ég tel að þarna hafi
verið myndarlega að verki staðið
og gæti talið hundrað önnur dæmi
um það. Ég tel að þeir sem stóðu
að þessu ásamt mér geta verið
afar sáttir.“
Ævisaga í smíðum
Hver var erfiðasti tími þinn í
pólitík?
„Ég get varla talað um veru-
lega erfiðan tíma. Innanflokksá-
tökin í Alþýðubandalaginu voru
þreytandi en ég er frekar þolin-
móður pólitískt að minnsta kosti
og það er kannski ein ástæða
þess að ég get verið sendiherra,
því þolinmæði er eiginleiki sem
ekki er verra að hafa ætli menn
sér að starfa í utanríkisþjónust-
unni. Ég er hins vegar ekki þolin-
móður í verkum mínum frá degi
til dags svo ég lýsi því ekki nán-
ar. Ég var ekki orðinn þreyttur á
innanflokksátökunum í Alþýðu-
bandalaginu en aðrir voru það og
átökin voru oft leiðinleg af því
þau voru persónuleg og beinlínis
slítandi.“
Menn breytast og þroskast með
árunum en hefur eitthvað breyst í
þínum lífsskoðunum?
„Maður kynnist ýmsu í lífinu
sem breytir manni. Skoðanir mín-
ar hafa samt ekki breyst í grund-
vallaratriðum. Mótorinn innan í
manni er sá sami: jafnrétti, lýð-
ræði, Ísland. Þetta þrennt í ein-
hverjum hlutföllum. Þetta er fínn
mótor fyrir sendiherra.“
Sérðu fram á endurkomu í póli-
tík?
„Nei, ég geri það ekki. Ég hef
líka alltaf reynt að haga hlutum
þannig að aðrir kalli á mig fremur
en ég sé að troða mér að. Ég er
ekki að huga að endurkomu.“
Íslenskir stjórnmálamenn
hafa verið iðnir við það síðustu
árin að skrifa endurminningar
sínar. Svavar er þegar byrjaður
að huga að sinni ævisögu sem
hann ætlar að skrá sjálfur. „Ég
hef verið að flokka gögn sem ég
á, þannig að bráðlega get ég sest
niður og skrifað. Eitthvað er þó
komið á blað, ég var búinn að
skrifa nokkuð áður en ég hóf
störf í utanríkisþjónustunni og
hef skrifað reyting síðan. Þetta
verður pólitísk ævisaga. Ég mun
ekki skrifa bersöglismál. Ég
ætla mér að fara yfir ferilinn,
meta hvað tókst og hvað mis-
tókst og af hverju það tókst og af
hverju það mistókst. Þannig að
það getur vel verið að einhverj-
um finnist þetta mjög leiðinleg
ævisaga. Þá verður bara að hafa
það.“
kolla@frettabladid.is
M
YN
D
: PR
ESSEN
B
ILD
/FR
ED
R
IK PER
SSO
N
SKRIFAR ÆVISÖGU
„Ég hef verið að flokka gögn sem ég á, þannig að bráðlega get ég sest niður og skrifað.
Eitthvað er þó komið á blað, ég var búinn að skrifa nokkuð áður en ég hóf störf í utanrík-
isþjónustunni og hef skrifað reyting síðan. Þetta verður pólitísk ævisaga. Ég mun ekki
skrifa bersöglismál. Ég ætla mér að fara yfir ferilinn, meta hvað tókst og hvað mistókst og
af hverju það tókst og af hverju það mistókst.“
Ég sakna Íslands.
Ég sakna barn-
anna minna, hestanna,
alls þess sem er Ísland
fyrir mér. Það er fórn að
vera í burtu frá Íslandi.
En okkur Guðrúnu finnst
gaman að vera í þessu
starfi. Maður upplifir sig
sem hluta af Íslandsliði
og það er mjög mikilvægt
fyrir mig í þessu starfi að
vera hluti af hópi.
,,