Fréttablaðið - 02.05.2004, Blaðsíða 2

2 2. maí 2004 SUNNUDAGUR
„Nei, ég get nú ekki sagt það. En
maður reynir að ná sameiginlegum
niðurstöðum með öðrum sem
maður er í samstarfi við.“
Kristinn H. Gunnarsson studdi hvorki ákvæði
útlendingafrumvarpsins um aldursmörk né um
lífsýnatöku, en lét það ekki aftra sér í að styðja
frumvarpið í heild.
Spurningdagsins
Kristinn, ertu þá já-maður eftir allt
saman?
■ Lögreglufréttir
■ Lögreglufréttir
■ Lottó
1. MAÍ Hertari reglur gegn fólki af
erlendum uppruna sem vill setj-
ast hér að eru byggðar á ranghug-
myndum um útlendinga og því
hugarfari að þeir séu annars
flokks einstaklingar sem eigi ekki
rétt á sömu meðferð og réttindum
og aðrir hér á landi. Fulltrúaráð
verkalýðsfélaganna í Reykjavík
leggst gegn þeirri hugmynda-
fræði sem útlendingalögin byggja
á. Þetta kom fram í 1. maí ávarpi
þess.
Ráðið bendir á að öryggi þegn-
anna sé mikilvægt í kjölfar
hryðjuverka undanfarinna miss-
era en eftirlitsþjóðfélag, þar sem
öryggi þegnanna sé tryggt á
kostnað friðhelgi einkalífsins, sé
óásættanlegur kostur. Það segir
mikilvægt að samtök launafólks
tryggi að erlendir starfsmenn
njóti sömu kjara og réttinda og
Íslendingar. Stjórnvöldum beri að
taka í taumana sé brotið á réttind-
um þeirra.
Öllum stríðsrekstri og hryðju-
verkum var mótmælt í ávarpinu.
„Atburðir undanfarins árs, inn-
rásin í Írak, hryðjuverkin í Madrid
og víðar sýna að ofbeldi getur af
sér ofbeldi,“ segir í ávarpinu.
Fulltrúaráð verkalýðsfélag-
anna segir niðurskurð ríkisvalds-
ins í heilbrigðisþjónustu lands-
manna rjúfa þjóðarsátt um gott
heilbrigðiskerfi: „Með því sé
öryggi þjóðarinnar ógnað.“ Einnig
væri áhyggjuefni hversu illa
gengi að rétta kjör kvenna á
launamarkaði og ljóst væri að
tryggja þyrfti réttarstöðu eldri
starfsmanna til að koma í veg
fyrir að þeim sé mismunað vegna
aldurs. Ávinningum launafólks í
nýgerðum kjarasamningum var
fagnað: „Er sérstaklega ánægju-
legt að ríkisstarfsmönnum innan
ASÍ skyldi takast að rétta hlut
sinn í lífeyrismálum.“
Varað var við samþjöppun á
valdi og peningum í efnahags-og
fjármálalífi þjóðarinnar.
„Siðlausri sjálftöku sumra
stjórnenda fjármálastofnanna er
mótmælt enda í engu samræmi
við þann veruleika sem íslenskt
launafólk býr við.“ Að lokum lýsti
fulltrúaráð verkalýðsfélaganna í
Reykjavík áhyggjum sínum af að
viðvarandi atvinnuleysi væri
staðreynd og hærra en hægt væri
að sætta sig við.
gunnhildur@frettabladid.is
SKOÐANAKÖNNUN Tæplega 84 pró-
sent landsmanna eru fylgjandi því
að Þórólfur Árnason
borgarstjóri leiði
Reykjavíkurlistann í
borgarstjórnarkosn-
ingunum árið 2006.
Rúmlega 16 prósent
eru andvíg því að
hann leiði listann.
„Þetta er miklu
meiri stuðningur en
ég hefði getað
ímyndað mér,“ segir
Þórólfur. „Ég er
mjög ánægður með það traust
sem mér er sýnt og endurspeglast
í þessari niðurstöðu.“
Þórólfur segist
ekki hafa íhugað það
alvarlega að leiða list-
ann.
„Ég hef almennt
ekki talið tímabært að
gera það. Það eru enn
tvö ár í kosningarnar.
Nánast enginn
munur er á afstöðu
fólks á í þéttbýli og úti
á landsbyggðinni til
þess hvort Þórólfur eigi að leiða
listann. Þórólfur nýtur þó meiri
stuðnings á meðal karla en kvenna.
Rúmlega 86 prósent karla segjast
fylgjandi því að hann leiði Reykja-
víkurlistann, en tæplega 82 pró-
sent kvenna.
Úrtakið í könnuninni var 800
manns. Það skiptist jafnt milli
kynja og hlutfallslega eftir kjör-
dæmum. Tæplega 33% sögðust
óákveðnir eða neituðu að svara. ■
Niðurskurður varnarliðsins:
Enginn fund-
ur á dagskrá
VARNARLIÐIÐ Varnarliðið á Kefla-
víkurflugvelli hefur fengið boð
um að skera niður reksturinn um
200 milljónir aukalega vegna
kostnaðar Bandaríkjamanna af
stríðsrekstrinum í Írak.
Gunnar Snorri Gunnarsson,
ráðuneytisstjóri hjá utanríkis-
ráðuneytinu, var inntur eftir
áhrifum þess á atvinnumál Íslend-
inga á svæðinu. „Varnarliðsmenn
reka þessa stöð og verða að finna
það út sjálfir hvar þeir geta borið
niður í sparnaði. Þeir munu fara
yfir það eins vel og þeir geta hvar
hægt er að hagræða. Þar getur
verið um ýmsa kosti að ræða.
Þetta getur komið niður á starf-
semi sem er algerlega á þeirra
eigin vegum en ekki er hægt að
útiloka að þessi niðurskurður geti
haft einhverjar uppsagnir ís-
lenskra starfsmanna í för með
sér. Það kemur í ljós á næstu vik-
um eða mánuðum hvernig staðið
verði að þessu,“ segir Gunnar
Snorri. Ekki var honum kunnugt
um væntanleg fundahöld
íslenskra stjórnvalda og varnar-
liðsins vegna þessara tíðinda. ■
HRAÐAKSTUR Rúmlega 40 öku-
menn voru stöðvaðir af lögregl-
unni á Blöndósi fyrir of hraðan
akstur og aðrir 33 á Holtavörðu-
heiði af lögreglunni á Hólmavík á
föstudag og laugardag. Sá sem
hraðast ók var á 125 km hraða.
LÍKAMSÁRÁSIR Í VESTMANNA-
EYJUM Tvær líkamsárásir voru
kærðar í Vestmannaeyjum eftir
föstudagsnóttina og gisti einn
fangageymslur lögreglunnar.
Sauma þurfti í höfuð og andlit
annars fórnarlambsins.
RÓLEGT Í REYKJAVÍK Mjög rólegt
var í miðbæ Reykjavíkur föstu-
dagskvöld og þurfti lögreglan
ekki að hafa afskipti af skemmt-
anahaldi að þessu sinni.
Konur í brjóstaskoðun:
Fá mis-
vísandi upp-
lýsingar
HEILSA Konur eru bæði óvissar
og fá misvísandi upplýsingar
um það hvernig þær eigi að
finna krabbamein í brjóstum
sínum. Þetta kemur fram í nýrri
breskri rannsókn og birtust nið-
urstöður hennar í tímaritinu
Journal of Medical Ethics.
Upplýsingar frá hinu opin-
bera eru óskýrar og misvísandi
samkvæmt rannsókninni og fyr-
ir vikið vita konur ekki að
hverju þær eiga að leita. Í rann-
sókninni, sem var framkvæmd í
austurhluta London, voru kann-
aðar upplýsingar sem gefnar
höfðu verið út í bæklingum og á
heimasíðum á Netinu. ■
FJÖLDASLAGSMÁL Á EGILSSTÖÐ-
UM Á annan tug manna slógust
við Hótel Valaskjálf við lokun
staðarins föstudagskvöld. Lög-
reglan á Egilsstöðum stöðvaði
slagsmálin sem stóðu milli ís-
lenskra verkamanna af Kára-
hnjúkum og heimamanna. Enginn
þurfti á læknisaðstoð að halda.
Lögreglan stöðvaði einnig öku-
mann sem grunaður er um
ölvunarakstur.
INNBROT Í SUMARBÚSTAÐI Brot-
ist var inn í tvo bústaði í um-
dæmi Selfosslögreglu. Eigandi
bústaðs við hliðiná kom auga á
opnar dyr og tilkynnti eigundum
um innbrotið. Um óvenju snyrti-
leg brot var að ræða sagði tals-
maður lögreglunnar, en eigendur
sakna rafmagnstækja og annarra
verðmæta úr bústöðunum.
LONDON, AP Tony Blair, forsætis-
ráðherra Bretlands, sagði í gær
að öll misnotkun hermanna á
íröskum föngum væri algjörlega
óásættanleg. Hann bætti því þó
við að breskir hermenn væru
yfirhöfuð að standa sig með sóma
í starfi sínu í Írak.
„Ég held að öllum myndi
hrylla við þeirri tilhugsun að her-
menn bandamanna hafi misnotað
íraska fanga,“ sagði Blair. „Ef
misnotkun hefur átt sér stað held
ég að hún sé einstakt dæmi, en
það gerir hana síður en svo ásætt-
anlega.“
Bresk yfirvöld hafa nú til rann-
sóknar ásakanir um misnotkunina
eftir að dagblaðið Daily Mirror
birti myndir af hettuklæddum
íröskum fanga sem virtist vera
misþyrmt af breskum hermönn-
um. Á forsíðumynd blaðsins sást
hermaður kasta af sér vatni á
fangann sem sat á gólfinu.
Bæði þessar myndir og þær
sem CBS fréttastofan birti af
bandarískum hermönnum að
pynta írska fanga hafa vakið
mikla reiði í Miðausturlöndum.
Hafa arabar sakað Bandaríkja-
menn um tvöfalt siðgæði í mann-
réttindum. „Bandaríkjamenn eiga
að skammast sín,“ sagði Mustafa
Saad sem AP-fréttastofan ræddi
við í Egyptalandi. „Hvernig
geta þeir sannfært okkur núna um
að þeir séu verjendur frelsis, lýð-
ræðis og mannréttinda?“ Bæði
George W. Bush Bandaríkjafor-
seti og Tony Blair hafa fordæmt
athæfið. ■
Tony Blair fordæmir pyntingar á föngum í Írak:
Breskir hermenn
sakaðir um pyntingar
FORSÍÐA DAILY MIRROR
Bresk yfirvöld hafa nú til rannsóknar
ásakanir um misnotkunina eftir að
dagblaðið Daily Mirror birti myndir af
hettuklæddum íröskum fanga sem virtist
vera misþyrmt af breskum hermönnum.
Skoðanakönnun Fréttablaðsins:
Um 84% vilja að
Þórólfur leiði R-listann
ÞÓRÓLFUR ÁRNASON
Þórólfur segist ekki hafa íhugað það alvarlega að leiða R-listann fyrir næstu kosningar.
FYLGJANDI
84%
ANDVÍGIR
16%
Ertu fylgjandi eða andvígur því
að Þórólfur Árnason borgarstjóri
leiði R-listann?
Útlendingalög byggja
á ranghugmyndum
Fulltrúaráð verkalýðsfélaga Reykjavíkur gagnrýnir stjórnvöld í ávarpi sínu
á baráttudegi verkalýðsins. Ráðið segir niðurskurð ríkisvaldsins í heil-
brigðisþjónustu landsmanna rjúfa þjóðarsátt um gott heilbrigðiskerfi.
1. MAÍ Í MIÐBORG REYKJAVÍKUR
Fjöldi fólks hlýddi á ræður verkalýðsforystunnar á Ingólfstorgi í gær. Baráttufundir
launþega voru víða um land í tilefni af baráttudegi verkalýðsins.
FR
ÉT
TA
B
LA
Ð
IÐ
/R
Ó
B
ER
T
EINN MEÐ ALLAR RÉTTAR Einn
var með allar tölurnar réttar í
Lottóinu í gær. Hann fær 17,6
milljónir króna í vinning.