Fréttablaðið - 02.05.2004, Blaðsíða 34

22 2. maí 2004 SUNNUDAGUR
„Miklar skemmdir urðu á austur-
horni netagerðarbryggjunnar í
Neskaupstað í norðaustan stormi
sem var á þriðjudagskvöldið, þeg-
ar landfestar skips sem lá við
hana gáfu sig. Skipið, Bjarni
Ólafsson AK, skemmdist hins
vegar ekki en talið er að vindhvið-
an sem skall á því hafi verið 36
metrar á sekúndu. Ekki verður
ráðist í viðgerðir fyrr en í sumar.“
Þetta sagði meðal annars í stuttri
frétt frá fréttaritara Fréttablaðs-
ins í Norðfirði í annarri viku febr-
úar. En það var einmitt vegna
þessara skemmda sem lík
Vaidasar Jucevicius fannst. Þor-
geir Jónsson kafari fann líkið.
„Mér brá hrikalega og get
varla lýst því hvernig mér leið,“
sagði hann í viðtali við Fréttablað-
ið um þessa sérstöku reynslu.
„Það var algjör tilviljun að lík-
ið fannst svona fljótt,“ sagði Gísli
Sigurbergur Gíslason, hafnar-
stjóri á Neskaupstað.
Gísli sagði að bryggjan hafi
skemmst í óveðri. Hann segir að
viðgerðir á bryggjunni hefðu ekki
verið áætlaðar fyrr en seinna á ár-
inu eða jafnvel því næsta. Hann
hafi hins vegar rætt við Þorgeir
Jónsson kafara á þriðjudag og
beðið hann að athuga hvort
skemmdir væru á stólpum
bryggjunnar. Þorgeir hafði sam-
band við Gísla daginn eftir til að
láta vita að hann ætlaði að fara
niður þá um daginn þar sem veðr-
ið væri svo gott.
Fyrst benti allt til morðs
Lögreglan heima fyrir og sér-
fræðingar frá Reykjavík hófu
strax rannsókn. Allt benti til
morðs.
„Áverkarnir sem eru á líki
mannsins sem fannst í höfninni í
Neskaupstað benda til að maður-
inn hafi verið myrtur á kaldrifjað-
an hátt. Mikil áhersla verður lögð
á að upplýsa hver varð manninum
að bana. Lögregla hefur fáar vís-
bendingar til að styðjast við við
rannsóknina,“ sagði í Fréttablað-
inu 13. febrúar.
Fimm stungusár eru á líkinu, á
kvið og brjóstholi. Áfram beindist
athygli rannsóknarinnar fyrst og
síðast að því að framið hefði verið
ógeðfellt morð. Líkið var sent til
krufningar og þá tók málið
kúvendingu. Strax hermdu heim-
ildir Fréttablaðsins að niðurstaða
krufningarinnar hafi leitt til að
lögregla teldi sig nokkru nær um
málið. Mynd af þeim látna var
send til norsku lögreglunnar þar
sem hún var sýnd skipverjum
norska loðnuskipsins Senior en
skipið var í Neskaupstað fáum
dögum fyrir líkfundinn. Ekki var
útilokað að skipverjarnir gætu
gefið gagnlegar upplýsingar.
Kúvendingin mikla
Við krufninguna kom fram að Vai-
das Jucevicius hafði innbyrt mik-
ið magn amfetamíns. Sannað þótti
að Vaidas hefði látist af völdum
fíkniefnanna og var í fyrstu talið
hugsanlegt að gat hefði komið á
umbúðir og amfetamín komist í
blóðið. Það var þó útilokað eftir
greiningu sýna úr líkinu. Fimm
stungusár eru á líkinu, á kvið og
brjóstholi og er talið að þau hafi
verið veitt eftir að maðurinn lést
og það hafi verið gert til að forð-
ast gasmyndun sem veldur því að
líkið flýtur upp eftir ákveðinn
tíma í vatni eða sjó. Þeir sem til
þekkja segja sárin veitt af kunn-
áttumönnum.
Grunur beindist að ákveðnum
mönnum og lögregla leitaði
tveggja Íslendinga og eins Litháa
sem eru grunaðir um að hafa kom-
ið líkinu fyrir í höfninni. Hverjir
hinir grunuðu voru var ekki gefið
upp. Svo fór að þeir gáfu sig fram
við lögreglu og eftir að hafa rætt
við réttvísina var þeim sleppt. Þá-
verandi lögmaður þremenning-
anna sagði sér ekki kunnugt um
að þremenningarnir hafi haft rétt-
arstöðu grunaðra manna.
„Rannsóknin beinist að stórum
hluta að því að kortleggja eins ná-
kvæmlega og unnt er ferðir allra
grunaðra og allra sem til greina
koma og kortleggja þá sólar-
hringa sem þessir atburðir eiga
sér stað. Við vinnum eftir öllum
þeim staðreyndum sem við getum
safnað saman,“ sagði Arnar Jens-
son hjá ríkislögreglustjóra á
blaðamannafundi.
Við réttarkrufningu kom í ljós
að Vaidas var ekki með minna en
400 grömm af hvítu efni, meðal
annars amfetamíni, innvortis í 50
til 60 sérútbúnum plasthylkjum.
„Í gær kom staðfesting frá
Vilníus þess efnis að fingraför
mannsins, sem fannst látinn í
höfninni í Neskaupstað, væru
samkennd við fingraför þarlends
ríkisborgara,“ sagði Inger L.
Jónsdóttir, sýslumaður á Eski-
firði, föstudaginn 20. febrúar.
Þrír í gæsluvarðhald
Tveir Íslendingar og einn Lithái
voru úrskurðaðir í ellefu daga
gæsluvarðhald í Héraðsdómi
Reykjavíkur sunnudaginn 22.
febrúar. Mennirnir eru þeir Grét-
ar Sigurðarson, Jónas Ingi Ragn-
arsson og Litháinn Tomas Mala-
kauskas. Þeir eru grunaðir um
ólögleg fíkniefnaviðskipti, ósæmi-
lega meðferð á líki og að bjarga
ekki manni í lífsháska eða um
morð af yfirlögðu ráði.
Lögregla telur að Tomas og
Jónas hafi tekið á móti Vaidasi
annan febrúar. Eitt af því sem
tengir þá við Vaidas er að Jónas
breytti flugmiða hans og bókaði
hann í flug frá landinu tveimur
dögum síðar en hann upphaflega
átti að fara. Síðar var brottför Vai-
dasar seinkað um óákveðinn tíma.
Lést í Reykjavík
Allt bendir til að Vaidas Jucevici-
us hafi látist í Reykjavík og að
ekið hafi verið með líkið til Nes-
kaupstaðar. Talið er víst að Jónas
og Tomas hafi ferðast með líkið í
tvo daga pakkað inn í teppi sem
keypt var í Byko.
Á leiðinni urðu þeir veður-
tepptir á Djúpavogi frá föstudags-
kvöldi til sunnudags. Þeir komu til
Neskaupstaðar sunnudaginn 9.
febrúar og héldu aftur til Reykja-
víkur daginn eftir. Líki Vaidasar
var sökkt við netabryggjuna í
Neskaupstað um miðnætti á
sunnudagskvöldið.
Rannsóknin hélt áfram og lög-
reglan lagði hald á tvo bíla, fólks-
bíl og jeppa, sem taldir eru tengj-
ast þremenningunum. Að sögn
Arnars Jenssonar, aðstoðaryfir-
lögregluþjóns hjá ríkislögreglu-
stjóra, hefur lögregla tekið bílana
Tilviljun að málið komst upp
Ellefu vikur eru frá því að Þorgeir Jónsson kafari fann lík Juceviciusar í höfninni við netagerðarbryggjuna í Neskaupstað.
Ríkislögreglustjóri hefur lokið rannsókn og sent málið til ríkissaksóknara.
HJÖRDÍS RUT SIGURJÓNSDÓTTIR
BLAÐAMAÐUR
BAKSVIÐS
LÍKFUNDARMÁLIÐ Í
NESKAUPSTAÐ
SKEMMDIR Á BRYGGJUNNI
Ef Þorgeir Jónsson kafari hefði ekki
farið niður að kanna tjón á
stólpum netagerðarbryggju
Neskaupstaðarhafnar væri Vaidas
Jucevicius sjálfsagt enn á hafsbotni.