Fréttablaðið - 02.05.2004, Blaðsíða 18

18 2. maí 2004 SUNNUDAGUR
■ Leitin að Reykjavík
HULDAR BREIÐFJÖRÐ
spáir í Ísland í augum Frakka.
Sennilega er maður aldreimeiri Íslendingur en í útlönd-
um. Um leið og maður fer að
heiman er maður byrjaður að
svara spurningum um hvernig
lífið sé eiginlega þarna hinum-
megin. Er ekki kalt? Er ekki
dimmt? Er ekki ískalt? Hvernig
er arkitektúrinn í Reykjavík?
Góð spurning.
Ég er í ferðalagi og þessa vik-
una staddur í Frakklandi. Þótt
þjóðin birtist sem frekar andfúl
kelling hefur maður eitthvað
verið að spjalla. Öllu heldur set-
ið fyrir svörum. Því hér er mað-
ur svo mikið frá
Íslandi.
Ekki að ég viti
af hverju, en
alltaf skal maður
gleyma því að í
útlöndum er Ís-
land enn nánast
óþekkt fyrirbæri. Kannski er
þetta komplex. Kannski er þetta
þrá eftir að tilheyra heiminum.
En alltaf skal maður halda að
þetta sé komið, að fólk viti nú
flest um Ísland, þar til maður yf-
irgefur það. Og byrjar aftur að
svara þessum sömu spurningum
um kulda, myrkur og ískulda.
Ísland í Frakklandi
Enn hef ég ekki hitt mann-
eskju hér í Frakklandi sem hef-
ur komið til Íslands. Flestir segj-
ast langa voðalega mikið til að
fara þangað en eru vissir um að
það sé hrikalega dýrt. Líka þeir
sem vita ekkert um landið. Einn
og einn hipster hefur hlustað á
Sigur rós og heyrt af ýmist
mynd eða bók eða bar sem heitir
101 Reykjavík. Stöku furðufugl
kemur manni í vandræði með
því að vita meira en maður sjálf-
ur. Og bendir svo á eitthvað eins
og að hálendi Íslands sé í raun
stærsta eyðimörk Evrópu.
Aldrei séð það þannig.
En það sem er almennt vitað í
Frakklandi um Ísland er að for-
setinn heitir Vigdís. Að landið er
lítil eyja með um milljón íbúa
sem margir hverjir trúa á álfa.
Það er dimmt og kalt og trjá-
laust. Geitahöfuð er borðað sem
snakk. Fólk liggur mikið í heit-
um laugum og
horfir á
n o r ð u r -
l j ó s i n .
Enda allt
á kafi í
snjó og
lítið annað hægt að gera. Því er
þjóðin frekar drykkelld og
sjálfsmorðstíðni sláandi há. Og
Björk er frá Íslandi.
Semsagt, þetta er ekki enn
komið. Ástæðan er sú að fólki á
meginlandinu finnst þessi
beyglaða mynd af landinu miklu
skemmtilegri en veruleikinn.
Fólk vill að Ísland sé skrýtna
landið. Sambland af teiknimynd
og hrollvekju. Það skiptir engu
máli hvort eyjan er best eða
næstbest. Svo lengi sem á henni
eru álfar og stöff.
Fyrir fólki í Frakklandi minn-
ir Íslendingur á einangraðan
bónda sem hefur barist í gegn-
um dimma skafla til að komast í
kaupstaðinn. Og það nennir ekki
að hlusta á hann lýsa venjulegu
lífi heima fyrir. Af þeim er nóg.
Það vill draugasögur og öðru-
vísi. Þessvegna mun þetta aldrei
koma. Þessvegna verður þetta
alltaf svona. Er ekki kalt? Er
ekki dimmt? Er ekki dýrt? Af
sömu ástæðum endar maður yf-
irleitt á að detta í Thule gæjann
og byrjar að ljúga að fólki því
sem það vill heyra.
Maður lýgur því að Íslending-
ar séu á meðal hinna staðföstu
þjóða. Lýgur því að pólitískum
flóttamanni hafi ekki verið veitt
hæli á Íslandi svo árum skipti.
Lýgur því að nokkurhundruð
innfluttir portúgalskir þrælar
séu að reisa lygilega stóra virkj-
un undir norðurljósunum. Mað-
ur lýgur því að viðskiptalífið
stjórnist af höndum tveggja
feðga. Lýgur því að stjórnmálin
séu í einkaeign ákveðins manns.
Maður lýgur því að geimverur
hafi átt að lenda á Snæfellsjökli.
Og alltaf er fólk meira en tilbúið
að trúa þessu öllu. Enda gott
stöff.
Frakkland í Frakklandi
Annars er allt í allrabesta lagi
í Frakklandi. Lóan er farin,
löngu komið sumar og lífið líður
jafn átakalaust áfram og nýi Air
diskurinn. Þeim sem tala frön-
sku er gaman að segja frá því að
fyrirsögnin framan á Le Figaro í
dag er: „Chirac: l’Europe est une
chance pour notre avenir“ Það
hlýtur að þýða eitthvað gott. En
þrátt fyrir nokkra tilgerð og
þörf á þjóðarátaki í almennri
tannhirðu er landið vel dá-
samlegt á köflum. Því fær
það 7,3 af tíu mögulegum. ■
■
„Maður lýgur
því að Íslend-
ingar séu á
meðal hinna
staðföstu
þjóða.
VIGDÍS FINNBOGADÓTTIR
„En það sem er almennt
vitað í Frakklandi um Ís-
land er að forsetinn heit-
ir Vigdís. Að landið er
lítil eyja með um millj-
ón íbúa sem margir
hverjir trúa á álfa. Það
er dimmt og kalt og
trjálaust. Geitahöfuð
er borðað sem
snakk.“
Íslönd
Tuttugumanna loftfimleikaatriði er meðal þess sem boðið verður upp á á
fyrstu dögum Listahátíðar í Reykjavík. Gísli Örn Garðarsson hefur unnið
að undirbúningi atriðisins og hrósar íslensku verkviti.
Ástin er í loftinu
Listahátíð í Reykjavík verðursett eftir tæpar tvær vikur og
að vanda er dagskrá hennar fjöl-
breytt. Meðal þess sem vakið hef-
ur sérstaka spennu og eftirvænt-
ingu er atriðið: „Að dýfa sér fram
af 15 metra byggingu“ en um það
hefur aðeins verið sagt: „Hið víð-
förla Vesturport verður með mikil-
fenglegt áhættuatriði í miðborg-
inni“.
Gísli Örn Garðarsson, leikari og
leikstjóri, hefur veg og vanda af
atriðinu en loftfimleikar af ýmsu
tagi standa honum nærri eftir við-
fræga uppfærslu hans og félaga á
Rómeó og Júlíu í Reykjavík og
Lundúnum. Nú í fyrsta skipti hef-
ur hann fallist á það að greina frá
því hvað hið dularfulla atriði mun
fela í sér.
„Starfsfólk Listahátíðar hafði
samband við mig og bað mig um að
setja saman atriði sem gæti gerst
utan dyra í miðbæ Reykjavíkur og
höfðaði til allrar fjölskyldunnar.
Ég hugsaði málið og ræddi við mitt
nánasta samstarfsfólk og svo kom
hugmyndin,“ segir Gísli Örn en
Vesturport og Artbox standa að
verkefninu.
Og líkt og í Rómeó og Júlíu er
ástin í aðalhlutverki í þessu atriði.
„Þetta verður sumsé ástaratriði
sem gerist í háloftunum.“
En hvað munu áhorfendur sjá?
„Þeir munu sjá unga og fagra konu
í mikilli lofthæð og karla sem
keppast um hylli hennar.“
Góðir samstarfsmenn
Um 20 manns taka þátt í atrið-
inu sem fram fer í Austurstræti,
laugardaginn 15. maí og stendur í
um 20 mínútur. Gísli Örn segir
undirbúning hafa tekið langan
tíma og ýmsu sé til tjaldað. „Þarna
sameinast verkfræðikunnátta og
færni í að kasta sér fram úr hárri
hæð án þess að hálsbrotna.“
Og hann hrósar þeim sems að
verkefninu hafa komið. „Starfs-
menn Orkuveitunnar og GP-krana
hafa verið okkur innan handar og
þar fara miklir og góðir fagmenn.
Við unnum með sirkussérfræðing-
um í London þegar við settum upp
Rómeó og Júlíu þar og ég verð að
segja að Íslendingarnir eru klassa
yfir ofan Bretana í þessum málum.
Við erum að komast að því að það
er hægt að búa til svona atriði hér
á Íslandi af engu minni stórfeng-
leika en maður sér erlendis.“
Gísli Örn segir gaman og
spennandi að vinna að þessu, ekki
síst í ljósi þess að ekki sé hægt að
taka upp símann og slá á þráðinn
til kunnáttumanna í sirkusatriðum
og leita ráða. Hann og hans fólk
verði að leysa úr sínum vandamál-
um sjálft og á sama tíma sé búin til
þekking á þessum fræðum á Ís-
landi.
Á ekki að vera hættulegt
Loftfimleikum fylgir áhætta en
Gísli Örn vill ekki gera mikið úr
henni. „Það á ekki að fylgja þessu
áhætta en það má svo sem segja að
þetta sé áhættuíþrótt. Menn eiga
hinsvegar að kunna sitt fag og vera
það vel undirbúnir að slysin gerist
ekki en auðvitað geta þau gerst í
þessu eins og öðru.“ Hann ítrekar
hinsvegar að undirbúningurinn eigi
að vera þannig að þó þetta líti
hættulega út þá viti menn hvað þeir
eru að gera og hangi fastir þegar
þeir láti sig detta.
Sjálfur ætlar Gísli Örn að
standa á jörðinni á meðan atriðið
fer fram, hann tekur sumsé ekki
þátt í því sjálfur. Og hann er ófáan-
legur til að láta nokkuð uppi um
hverjir svífi um loftin blá í mið-
borginni, annan laugardag.
Rómeó og Júlía í
Borgarleikhúsinu í maí?
Gísli Örn hefur að vanda í
mörg horn að líta. Nú á föstudag
var síðasta sýning á leikritinu
Brimi eftir Jón Atla Jónasson en
verkið var skrifað fyrir Vestur-
port sem farið hefur með það um
landið að undanförnu.
Og Rómeó og Júlía eru enn
uppi á borðum. „Við erum alltaf
með þau á hliðarlínunni,“ segir
hann. „Það er mjög líklegt að við
verðum með nokkrar sýningar í
Borgarleikhúsinu nú í maí.“
Þegar hann er spurður hvort
líklegt sé að uppsetning Vestur-
ports á þessum ástarharmleik
Shakespeare’s verði færð á fjalir í
útlöndum á ný, svarar hann:
„Framtíðin er björt á því sviði.“
Stutt og laggott. Og um næstu
spor sín á leiksviði segir hann:
„Það verður á einhverjum góðum
stað með góðu fólki.“ Sem sagt,
ekkert hægt að toga upp úr hon-
um.
Gísli Örn hefur hinsvegar hug-
ann við loftfimleikana í miðborg-
inni þessa dagana og ekki að efa
að margir munu horfa opinmynnt-
ir upp í loftið þegar þar að kemur.
bjorn@frettabladid.is
ÚR RÓMEÓ OG JÚLÍU
Dágóð þekking á sirkus og loftfim-
leikum er að verða til í landinu.
GÍSLI ÖRN GARÐARSSON
Fólk mun sjá unga og fagra konu í mikilli
lofthæð og karla sem keppast um hylli
hennar.