Fréttablaðið - 10.06.2004, Side 45
Síðustu tónleikar Sinfóníu-hljómsveitar Íslands á þessu
starfsári verða í Háskólabíói í
kvöld. Vladimir Ashkenazy
stjórnar hljómsveitinni, sem ætl-
ar að flytja þrjú verk eftir Igor
Stravinskí: Pulcinellu, Eldfuglinn
og Vorblót.
Öll þessi þrjú verk Stravinskís
eru samin sem balletttónlist, en
Vorblótið er þeirra frægast, og
ekki bara fyrir þær hrikalegu
móttökur sem það fékk við frum-
flutninginn í París hinn 29. maí
árið 1913, þegar áheyrendur
trylltust bókstaflega af bræði og
kalla þurfti á lögregluna til að
rýma salinn.
Vorblótið var vægast sagt
byltingarkennt verk á þeim tíma,
þar sem áheyrendur áttu hvorki
að venjast jafn ómstríðum tónum
og brjálæðislegum hrynjanda,
þótt slíkt þyki afar hversdagslegt
nú á tímum.
Æ síðan hefur þetta verk átt
miklum vinsældum að fagna.
Samhliða æfingum hefur Ash-
kenazy unnið að upptökum fyrir
nýjan geisladisk með Sinfóníu-
hljómsveitinni fyrir japanska
fyrirtækið Octavia, sem hefur
áður gefið út í Japan tvo diska
með flutningi hljómsveitarinnar
undir stjórn Ashkenazys.
Tónleikarnir hefjast klukkan
19.30. Klukkutíma fyrir tónleik-
anna efnir Vinafélag Sinfóníu-
hljómsveitar Íslands til samveru-
stundar í Sunnusal Hótel Sögu,
þar sem Árni Heimir Ingólfsson
kynnir efni tónleikanna og kemur
með hljóðdæmi. ■
FIMMTUDAGUR 10. júní 2004
Ný sending!
Bikini frá kr. 3.980
Sundbolir frá kr. 5.790
Undirfatasett frá kr. 3.580
Stærðir 70A - 100H
VERSLUN FYRIR ALLAR KONUR
SMÁRALIND
Sími 517 7007
■ ■ DANSLIST
20.00 Dansleikhús. Níu dansverk
eftir 14 höfunda taka þátt í sam-
keppni í Borgarleikhúsinu.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
HVAÐ? HVENÆR? HVAR?
Vorblót í Vesturbænum
■ TÓNLEIKAR
FR
ÉT
TA
B
LA
Ð
IÐ
/G
VA
ASHKENAZY Á ÆFINGU MEÐ SINFÓNÍUNNI
Sinfónían flytur Vorblótið, Eldfuglinn og Pulcinellu eftir Stravinskí á tónleikum
í Háskólabíói í kvöld.