Fréttablaðið - 05.08.2004, Blaðsíða 6
6 15. júlí 2004 FIMMTUDAGUR
KÍNA, AP Eitt barn lést og fimmtán
slösuðust, þar af tvö alvarlega,
þegar starfsmaður leikskóla réðst
með hnífi að leikskólabörnum og
kennurum þeirra. Þrír kennarar
særðust í árásinni.
Sá sem er grunaður um verkn-
aðinn er rúmlega fimmtugur
maður sem starfaði á leikskólan-
um um tveggja ára skeið. Hann
dvaldi á geðsjúkrahúsi um fimm
mánaða skeið árið 1999.
Maðurinn réðst á leikskólabörn
og kennara og skar þau með hnífi.
Átta lögreglumenn voru sendir á
vettvang og handtóku þeir mann-
inn.
„Ég sá börnin liggjandi á jörð-
inni. Það var blóð út um allt gólf,“
sagði maður á vettvangi sem hjálp-
aði við að koma fólki á sjúkrahús.
Fréttamaður fréttastofunnar
Xinhua sem var viðstaddur þegar
komið var með særða á sjúkrahús
sagði börnin vera löðrandi í blóði
og skelfingu lostin. ■
FLÓTTAFÓLK Hælisleitendur sem
bíða úrskurðar Útlendingastofn-
unar fá úthlutað matvælum og
öðrum nauðsynjum en fá ekki
greidda vasapeninga. Þetta er
breyting frá því sem áður var
þegar umsjá hælisleitenda var hjá
Rauða krossinum, en um áramót
tók Reykjanesbær við þessum
verkefnum samkvæmt samningi
við dómsmála-
ráðuneytið og Út-
lendingastofnun. Í
samningi Útlend-
ingastofnunar við
Reykjanesbæ er
kveðið á um
greiðslur upp á
5.500 krónur á sól-
arhring vegna
hvers hælisleit-
anda. Þar segir:
„Innifalið í
daggjaldinu eru
einnig vasapen-
ingar til hælisleitenda eftir regl-
um sem aðilar samningsins setja í
samningum.“
Í síðustu viku greindi Frétta-
blaðið frá aðstæðum tveggja fjöl-
skyldna sem hér hafa verið í fimm
mánuði meðan mál þeirra eru til
meðferðar hjá Útlendingastofnun.
Þar voru börn í hópnum og þótti
föður þeirra sárt að hafa ekki einu
sinni tök á að gleðja þau með smá-
ræði á borð við sætindi. Þá veit
blaðið til þess að biðin hafi orðið
a.m.k. einum flóttamanni sem
reykir mjög erfið, því sá hafði
engin tök á að svala fíkn sinni.
Hjördís Árnadóttir, félagsmála-
stjóri hjá Reykjanesbæ, segir að
þarna hafi verið um einstakt til-
felli að ræða og málalyktir þær að
viðkomandi hafi sæst á að fá ekki
afhent tóbak. „Fólki er séð fyrir
öllu, en fær ekki peninga í hendur
eins og var hjá Rauða krossinum,“
sagði Hjördís og taldi þjónustu
Reykjanesbæjar við hælisleitend-
ur síst verri en hjá Rauða krossin-
um. Þá bendir hún á að sumir hæl-
isleitendur eigi sjálfir einhverja
peninga. „Við útvegum fólki ekki
áfengi, tóbak eða önnur eiturlyf.
Það eru ekki taldar nauðsynjar.
Börnin fá hins vegar sælgæti og
við sjáum fyrir leikföngum, allri
læknisþjónustu og öðru sem fólk
þarf á að halda.“ Hjördís segir
meðvitaða ákvörðun hafa verið
tekna um að haga málum með
þessum hætti og telur jafnvel að
hælisumsóknum hér hafi fækkað
vegna þess að spurst hafi út að
fólk fái ekki peninga. „Starfsfólk
Rauða krossins hefur sagt að ekki
sé ósennilegt að hingað hafi leitað
fólk vegna þess að spurst hafi út
að það fengi hér peninga. Yfir höf-
uð erum við að fá mjög gott fólk,
þannig að kannski grisjar þetta
aðeins úr þá sem koma bara til að
ná sér í peninga frá hinum sem
eru raunverulegir flóttamenn.“
olikr@frettabladid.is
Órangútanapar:
Hnefaleika-
keppni hætt
BANGKOK, AP Taílenskum dýragarði
hefur verið gert að hætta reglu-
legum hnefaleikakeppnum
órangútanapa meðan lögregla
rannsakar hvort grunsemdir um
að öpunum hafi verið smyglað
ólöglega frá Indónesíu séu á
rökum reistar.
Rannsókn lögreglu á dýragarð-
inum hefur staðið yfir síðan í nóv-
ember eftir að ábendingar bárust
um að þar væri friðuðum dýrum
haldið án leyfis. Áttu yfirvöld
dýragarðsins að sjá til þess að
dýrin væru lokuð inni meðan
rannsókn málsins stæði yfir en
því var ekki sinnt. ■
,,Fólki er
séð fyrir
öllu, en fær
ekki pen-
inga í
hendur eins
og var hjá
Rauða
krossinum.
GENGI GJALDMIÐLA
Bandaríkjadalur 71,99 0,31%
Sterlingspund 130,96 0,31%
Dönsk króna 11,63 0,07%
Evra 86,48 0,24%
Gengisvísitala krónu 121,25 0,33%
KAUPHÖLL ÍSLANDS
Fjöldi viðskipta 267
Velta 1.502 milljónir
ICEX-15 3.091 0,48%
Mestu viðskiptin
Burðarás hf. 463.500
Landsbanki Íslands hf. 374.136
Actavis Group 185.050
Mesta hækkun
Kaldbakur hf. 2,00%
Flugleiðir hf. 1,90%
Íslandsbanki hf. 1,67%
Mesta lækkun
Hampiðjan hf. -3,45%
Jarðboranir hf. -2,60%
Hlutabréfasj. Búnaðarbankans hf. -1,94%
ERLENDAR VÍSITÖLUR
DJ * 10.088,8 -0,31%
Nasdaq * 1.847,1 -0,66%
FTSE 4.408,1 -0,49%
DAX 3.823,7 -1,38%
NIKKEI 11.010,0 -1,17%
S&P * 1.094,7 -0,45%
*Bandarískar vísitölur kl. 17.15
VEISTU SVARIÐ?
1Hvaða íslenska fyrirtæki keypti rúm-an þriggja prósenta hlut í enska bank-
anum Singer and Friedlander á dögunum?
2Bók hvers í Svíþjóð þykir líkjast mjögMýrinni eftir Arnald Indriðason?
3Hvers konar fæði ætlar Árni ValdiBernhöft að lifa á næsta mánuðinn?
Svörin eru á bls. 42
fiú veist fletta allt!
Skiptibókamarka›urinn er í fullum gangi. Komdu til okkar me›
gömlu skruddurnar og skiptu í n‡jar e›a nota›ar – og flú fær›
frábærar skólavörur fyrir afganginn.
FÍ
TO
N
/
S
ÍA
F
I0
10
23
9
Réðst á börn
vopnaður hnífi
Leikskólastarfsmaður myrðir einn og særir átján:
BARN FLUTT Á SJÚKRAHÚS
Börn og kennarar voru skelfingu lostin eftir
árás leikskólastarfsmanns sem var
vopnaður hnífi.
HÆLISLEITENDUR TIL FIMM MÁNAÐA
Hjónin Kantharaj og Francisca ásamt börn-
um sínum Shanjesh, fimm mánaða og
Shantosh, þriggja ára, hafa verið hér á
landi í fimm mánuði meðan mál þeirra er
til umfjöllunar hjá Útlendingastofnun.
Hættu greiðslu vasa-
peninga um áramót
Hætt var að leggja umsækjendum um pólitískt hæli til vasapeninga þegar umsjá þeirra færðist frá
Rauða krossinum til Reykjanessbæjar um síðustu áramót. Fólkinu er úthlutað „nauðsynjum“.
FR
ÉT
TA
B
LA
Ð
IÐ
/R
Ó
B
ER
T
Hlutabréfamarkaðir:
Víðast
lækkun
NEW YORK, AP Í kjölfar methækkun-
ar á hráolíuverði hafa hlutabréfa-
markaðir víðast um heim lækkað
á síðustu dögum. Olía er mikil-
vægasta hrávaran í alþjóðavið-
skiptum og óttast fjárfestar að
hækkun á oíuverði hrindi af stað
verðbólgu.
Hátt olíuverð hefur ekki að-
eins áhrif á bensín heldur einnig
flutningskostnað á vöru og hefur
þannig margfeldisáhrif í hag-
kerfinu.
Í gær fengu fjárfestar hins
vegar góðar fréttir af eftirspurn á
fyrirtækjarmakaði en hún hækkaði
um 0,7 prósent á milli mánaða sem
var umfram það sem vænst var. ■