Fréttablaðið - 05.08.2004, Blaðsíða 16

16 5. ágúst 2004 FIMMTUDAGUR
FORNLEIFAUPPGRÖFTUR
Á ÚTIMARKAÐI
Ísraelskir fornleifafræðingar vinna að upp-
greftri á flóamarkaði í borginni Jaffa. Þar
fundust leifar frá 12. öld þegar farið var að
vinna að endurbótum á svæðinu.
Bæjarstjórinn á Akranesi:
Væntir samkomulags við tollinn
SÆGARPAR Gísli Gíslason, bæjar-
stjóri á Akranesi, telur ekki að
vandkvæði ættu að vera fyrir
sægarpann Hafstein Jóhannsson,
kafara frá Akranesi, að afhenda
Byggðasafni Akraness seglskút-
una Eldingu að gjöf. „Hafsteinn er
mikill sægarpur sem gert hefur
garðinn frægan,“ segir Gísli og
vísar meðal annars til siglingaraf-
reks Hafsteins, þegar hann fór á
Eldingunni einsamall umhverfis
hnöttinn.
Hafsteinn, sem verið hefur bú-
settur í Noregi síðustu áratugi,
ánafnaði Byggðasafninu á Akra-
nesinu skútuna árið 1993, en hefur
umráð yfir henni þar til hann vill
skila henni. Hann hafði hér vetur-
setu síðasta vetur og hafði ekki
áttað sig á að einungis mætti vera
með skútuna ár hér við land án
þess að borga af henni toll. Hann
sigldi því af landi brott sl. mánu-
dag án þess að ljúka hringsiglingu
um landið sem hafin var. Að henni
lokinni ætlaði hann jafnvel að láta
af siglingum.
„Ég minnist þess ekki að
greiddur hafi verið tollur sérstak-
lega af kútter Sigurfara þegar
hann kom frá Færeyjum árið
1974,“ sagði Gísli og átti ekki von
á öðru en að samkomulag næðist
við tollayfirvöld um farsæl mála-
lok þegar að því kæmi að
Hafsteinn færði Byggðasafninu
skútuna. „Væntanlega er munur á
því hvort verið er að flytja inn skútu
til siglinga, eða sýningargrip.“ ■
Eignir sjóðanna hærri
en landsframleiðslan
Eignir lífeyrissjóðanna vaxa hratt og hraðar en vöxtur framleiðslu þjóðarinnar. Eignir sjóðanna
eru nú 102 prósent af landsframleiðslu. Ávöxtun sjóðanna hefur verið góð og líklegt að eignirnar
fari yfir þúsund milljarða á næsta ári.
LÍFEYRIR Eignir íslenskra lífeyris-
sjóða eru orðnar meiri en sem
nemur heildarframleiðslu þjóðar-
innar á einu ári. Eignir lífeyris-
sjóðanna eru nú um 870 milljarðar
eða 102 prósent af landsfram-
leiðslunni.
Ísland er í hópi þriggja ríkja
sem bera af þegar litið er til
eignamyndunar í lífeyrissjóðum.
Hin tvö eru Sviss og Holland.
Ástandið hjá sumum þjóðum er
slæmt í þessum efnum. „Það er
sérstaklega slæmt hjá mörgum
þjóðum í Suður-Evrópu og í ríkj-
um Austur-Evrópu,“ segir Hrafn
Magnússon, framkvæmdastjóri
Landssamtaka lífeyrissjóða. Hann
segir búið gott því auk sterkrar
sjóðstöðu er meðalaldur á Íslandi
lægri en í nágrannaríkjum okkar.
„Við þetta bætist að fólk hér er
lengur á vinnumarkaði en í lönd-
unum í kringum okkur.“
Samtök lífeyirssjóðasambanda
í Evrópu taka saman skýrslu um
eignir lífeyrissjóða. Síðasta sam-
antekt frá árslokum 2002. Það ár
var eitt versta ár í ávöxtun líf-
eyrissjóða. Markaðir heimsins
lækkuðu mikið. Á þeim lista eru
Íslendingar í þriðja sæti. Eignir
lífeyrissjóða voru þá 88,6 prósent
af landsframleiðslunni. Í fjórða
sæti eru svo Bretar sem eiga
langt í land með að ná okkur með
eignir sem nema 57 prósent af
landsframleiðslu. Þjóðir eins og
Frakkar og Ítalir munu standa
frammi fyrir miklum vanda þegar
stórar kynslóðir fara á eftirlaun.
Eignir lífeyrissjóða til þess að
mæta skuldbindingum nema ein-
ungis 3,12 prósent af landsfram-
leiðslu hjá Frökkum og 2,74 pró-
sent hjá Ítölum. Af þjóðunum sem
listinn nær til er ástandi verst í
Króatíu þar sem eignir lífeyris-
sjóða nema 1,25 prósentum af
landsframleiðslu. Afkoma eftir-
launaþega framtíðarinnar verða
því að stærstum hluta á herðum
vinnandi kynslóðar þess tíma.
Hrafn segir eignir íslenskra líf-
eyrissjóða vaxa töluvert umfram
landsframleiðslu. Hlutfallið hér
fari stöðugt hækkandi. „Með þessu
áframhaldi reiknum við með að
eignir lífeyrissjóðanna fari yfir
þúsund milljarða á næsta ári.“
Þrátt fyrir þrjú ár í röð með nei-
kvæðri ávöxtun árin 2000 - 2002
var meðalraunávöxtun íslenskra
lífeyrissjóða á ári 1991 - 2003 5,58
prósent, en langtímamarkmið sjóð-
anna er að þeir skili 3,5 prósenta
raunávöxtun.
haflidi@frettabladid.is
Annar flótti í Svíþjóð:
Þrír fangar
struku
STOKKHÓLMUR, AP Þrír menn struku
úr fangelsi í grennd við Stokk-
hólm í Svíþjóð. Þeir nutu aðstoðar
grímuklæddra manna sem báru
skotvopn. Þetta er í annað skiptið
á rúmri viku sem fangar flýja úr
sænsku fangelsi.
Grímuklæddu mennirnir keyrðu
sendiferðabíl í gegnum fangelsis-
hliðið og flúðu síðan ásamt föng-
unum í annan bíl sem keyrði af
vettvangi.
Engum skotum var hleypt af
meðan á flóttanum stóð og hvorki
fangaverðir né fangar slösuðust.
Lögreglan leitar mannanna í gren-
nd við fangelsið með aðstoð þyrlu,
báta og hunda. ■
ASÍA, AP Nær tvö þúsund manns
hafa nú látist í gríðarlegum
monsúnflóðum í suðurhluta Asíu
sem hófust í lok júní. Meira en
þúsund manns hafa nú látist af
völdum flóðanna á Indlandi og
rúmlega sex hundruð í Bangla-
dess auk dauðsfalla í Pakistan og
Nepal.
Stofnanir Sameinuðu þjóðanna
funduðu með erlendum styrkveit-
endum og opinberum embættis-
mönnum í höfuðborg Bangladess,
Dakka, í gær vegna flóðanna.
Reynt var að meta skemmdir af
völdum flóðanna og þörf íbúa
fyrir aðstoð.
Flóðin í Bangladess eru þau
verstu í sex ár og er gert ráð
fyrir því að einn sjöundi íbúanna,
rúmar tuttugu milljónir, komi til
með að þurfa mataraðstoð á
næstu mánuðum.
Bændur hafa orðið sérstaklega
illa úti í flóðunum í Bangladess en
milljónir ekra af ræktuðu landi
hafa eyðilagst af völdum flóð-
anna. Talið er flóðin hafi skaðað
4,5 milljónir bænda og fjölskyldur
þeirra.
Veðurfræðingar spá miklum
rigningum í norður- og vestur-
hluta Indlands í næstu viku.
Áhyggjur af austurhéruðum
landsins og Bangladess snúast
hins vegar aðallega um að koma
mat til þeirra sem svelta og veita
hundruðum þúsunda skjól sem
ekki eiga í nein hús að venda. ■
MÓTMÆLENDUR Í SÚDAN
Mótmælin voru skipulögð af ríkisstjórninni
og beindust að ályktun Sameinuðu þjóð-
anna.
Mótmæli í Súdan:
Vara við
hernaðar-
íhlutun
KHARTÚM, AP Rúmlega 100 þúsund
manns komu saman á götum
Khartúm, höfuðborgar Súdans, og
mótmæltu ályktun Sameinuðu
þjóðanna sem veitir súdönskum
yfirvöldum mánaðarfrest til að
stöðva ofsóknir vígasveita í
Darfur-héraði. Mótmælin voru
skipulögð af hinu opinbera.
Mótmælendur vöruðu enn-
fremur við að önnur ríki sendu
inn herlið því það gæti leitt til
svipaðs ástands og í Afganistan og
Írak. Enginn hefur lagt til að
senda herlið inn í landið en það er
hugsanlegur valkostur í stöðunni.
Frakkar hafa sent lítinn herafla
meðfram landamærum Tsjad til
að hindra að vígamenn ráðist á
flóttamannbúðir þar. ■
Verð frá 29.910 kr.*
Hversdagsleg
og ævintýraleg
í senn
www.icelandair.is/london
Í London er auðvelt að láta sér líða
eins og heima hjá sér enda eru
borgarbúar afslappaðir. Leikhúslífið í
London er rómað sem og enska
kráarmenningin, en fjölbreytni mann-
lífsins í hinum ýmsu og ólíku hverfum
þessarar stóru borgar er meðal þess
sem gerir hana svo heillandi.
VR orlofsávísun
Munið ferða-
ávísunina
*Henry VIII á mann í tvíbýli
12.-14. nóv., 26.-28. nóv., 28.-30.
jan., 4.-6. feb., 19.-21. mars.
Innifalið: Flug, gisting í 2 nætur
m. morgunverði, flugvallarskattar,
þjónustugjald og eldsneytisgjald.
5000 Ferðapunktar
upp í pakkaferð
Fyrir handhafa Vildarkorts VISA
og Icelandair. Jafnvirði 5000 kr.
Gildir til 1. september.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
C
E
25
37
0
0
7/
20
03

SKÝLA SÉR FYRIR REGNINU
Nemendur í Bombay reyna eftir mætti að skýla sér fyrir regninu þrátt fyrir að vaða flóð upp að hnjám.
Nær tvö þúsund manns látnir í flóðum í Suður-Asíu:
Miklum rigningum spáð í næstu viku
AP
M
YN
D
GÍSLI
GÍSLASON
Bæjarstjórinn á
Akranesi segist
þess fullviss að
vandalaust
verði að taka
við seglskút-
unni Eldingu
þegar eigandi
hennar og
skipstjóri vill
láta hana af
hendi til
Byggðasafns
Akraness.
Í GÓÐUM MÁLUM
Hrafn Magnússon, framkvæmdastjóri landssamtaka lífeyrissjóða, segir Ísland í sérflokki
þegar litið sé til eigna lífeyrissjóða. Eignir í hlutfalli við landsframleiðslu eru með því
mesta sem þekkist og er Ísland í þriðja sæti þegar litið er til eigna lífeyrissjóða í hlutfalli
við landsframleiðslu.
FR
ÉT
TA
B
LA
Ð
IÐ
/Þ
Ö
K