Fréttablaðið - 15.08.2004, Blaðsíða 2
2 15. ágúst 2004 SUNNUDAGUR
Friðarviðræður í Najaf skila ekki árangri:
Viðræður út um þúfur
ÍRAK, AP Tilraunir til að semja um
vopnahlé í Najaf eftir meira en
vikulanga bardaga virtust í gær-
kvöld við það að renna út í sand-
inn. Þar með eykst ótti manna
við að bardagar brjótist út af
fullum krafti á nýjan leik.
Helsti samningamaður
stjórnvalda sagðist hafa ákveðið
að hætta samningaviðræðum
eftir að þriggja daga viðræður
hefðu engum árangri skilað.
Samstarfsmenn sjíaklerksins
Muqtada al-Sadr sögðu hins veg-
ar að samningar hefðu verið við
það að nást þegar forsætisráð-
herra bráðabirgðastjórnarinnar
hefði lagt blátt bann við því.
Í gærmorgun héldu um tíu
þúsund mótmælendur frá
Bagdad til Najaf til að styðja við
bakið á al-Sadr og sveitum hans
sem hafa barist við bandarískar
og íraskar hersveitir í borginni.
Mótmælendur tóku sér stöðu í
Imam Ali moskunni þar sem
bardagasveitir al-Sadr hafa
hafst við undanfarið.
Nokkur hundruð manns eru
talin hafa fallið í átökunum
síðustu tíu daga. ■
Verður kraftmeiri
með hverjum degi
Davíð Oddsson segist við ágæta heilsu miðað við aðstæður og finnur kraft sinn aukast daglega.
Hann segir það mikla reynslu að hafa dvalið á sjúkrahúsi og hrósar starfsfólki þar.
Óvíst er hvenær hann snýr aftur til starfa.
STJÓRNMÁL „Mér líður ágætlega,
þetta er allt að koma,“ sagði Davíð
Oddsson þegar hann kom fram
opinberlega í fyrsta skipti síðan
hann var lagður inn á sjúkrahús
hinn 21. júlí.
Davíð segir að læknar telji
batahorfur góðar. „Þetta er allt
mælt í prósentum
og sem betur fer
er ég réttu megin
í þeim efnum.“
Hann segir það
hafa verið skrýt-
na breytingu og
mikla lífsreynslu
að vera fluttur
skyndilega á
s j ú k r a h ú s .
„Tveimur dögum
eftir að hafa verið
störfum hlaðinn
komst ég ekki
framúr rúminu
nema með hjálp
tveggja hjúkrun-
arkvenna. Því gleymi ég ekki að
það er hægt að verða öðrum háður
um einföldustu hluti.“
Davíð segir gott að hafa kynnst
heilbrigðiskerfinu innan frá.
„Starfsemi sjúkrahússins gengur
markvisst fyrir sig og fólk í heil-
brigðisstétt vinnur erfitt og flókið
starf af mikilli samviskusemi og
elju.“
Hann segir ekki víst hvenær
hann snúi aftur til starfa, hann
þurfi að virða sjúkdóminn og fara
eftir því sem læknarnir segi sér.
„Ég er kraftlaus en finn máttinn
vaxa dag frá degi. Ég hef lesið
mikið eftir að ég kom heim, geng-
ið um gólf og gert léttar leikfimi-
æfingar og þess á milli farið upp í
rúm eins og mér er sagt að gera.“
Davíð tók á móti Göran Pers-
son, forsætisráðherra Svíþjóðar,
og eiginkonu hans að heimili sínu.
Hann sagði þetta hafa verið
ánægjulegan vinafund. „Göran
var ánægður með ferðina hingað
og fundinn sem hann átti með
Halldóri Ásgrímssyni um síðustu
helgi. Hann var líka afskaplega
heppinn með veður.“
Á fundi forsætisráðherra
Norðurlandanna um síðustu helgi
sagði Persson það nauðsynlegt
fyrir Norðurlöndin að Ísland og
Noregur gangi í Evrópusamband-
ið og að Svíar myndu styðja aðild-
arumsókn þeirra. „Göran hefur
aldrei sagt Íslendingum fyrir
verkum í samtölum við mig, enda
veit hann að ég myndi henda hon-
um út,“ segir Davíð. „Þetta er
málum blandið því við höfum
þekkst lengi og hann þekkir af-
stöðu okkar til Evrópusambands-
ins.“
bergsteinn@frettabladid.is
Lögreglan í Keflavík:
Eltu bíl á
ofsahraða
LÖGREGLUMÁL Lögreglan í Keflavík
handtók ökumann í gærmorgun eft-
ir að hafa elt hann á ofsahraða um
Sandgerðisveg og Reykjanesbraut.
Eftirförinni lyktaði þannig að
maðurinn ók á fiskisíló í Sandgerði
og skemmdist bíllinn mikið. Farþegi
var í bílnum en hvorki hann né öku-
manninn sakaði.
Lögreglan hafði afskipti af
manninum í gærmorgun og ók hann
þá burt út úr bænum. Hann ók á 160
kílómetra hraða á Sandgerðisvegi
og lenti meðal annars utan vegar og
ók á kyrrstæðan lögreglubíl áður en
eftirförinni lauk. Grunur leikur á að
ökumaður hafi verið ölvaður. ■
„Væri ég verstur vildi ég tví-
mælalaust vera næstbestur, en
á þjóðin ekki að velja góða
sjónvarpsmenn frekar en DV?“
Gísli Marteinn Baldursson dagskrárgerðarmaður
var valinn versti sjónvarpsmaður landsins af DV.
SPURNING DAGSINS
Gísli, er ekki betra að vera verstur en
næstbestur?
Barsmíðar á Húsavík:
Tveir lamdir
LÍKAMSÁRÁSIR Tveir menn gengu í
skrokk á manni á fimmtudags-
aldri á Húsavík, aðfaranótt gær-
dagsins. Hlaut hann af nokkra
áverka og var fluttur á sjúkrahús.
Tvímenningarnir voru handteknir
og haldið föngnum fram á hádegi
í gær. Árásin mun hafa verið til-
efnislaus og er málið talið upp-
lýst.
Sömu nótt var ráðist á annan
mann á Húsavík og er sá bólginn
og blár á eftir. Í þessu tilviki voru
árásarmennirnir þrír og er vitað
hverjir voru að verki. ■
FERÐAMENN Í SJÁLFHELDU Kalla
þurfti til björgunarsveitir í þjóð-
garðinn í Skaftafelli þegar þrír
ferðamenn lentu í sjálfheldu á
leið sinni upp á Öræfajökul. Sam-
kvæmt upplýsingum frá land-
vörðum í Skaftafelli lenti fólkið í
sjálfheldu þegar leiðin var hálfn-
uð og drógu björgunarmenn fólk-
ið upp þaðan sem það var.
BÍLVELTA Í ÍSAFJARÐARDJÚPI Bíl-
velta varð á Langadalsströnd í
Ísafjarðardjúpi rétt fyrir klukkan
þrjú í gær. Erlendir ferðamenn,
sem í bílnum voru, slösuðust ekki
en ökumaður missti stjórn á hon-
um í lausamöl. Bíllinn er stór-
skemmdur.
ÚTAFAKSTUR VIÐ FLÓKALUND Bíll
fór út af veginum við Flókalund
undir hádegi í gær. Ökumaður
slasaðist ekki og gat haldið áfram
för eftir að bíll hans hafði verið
dreginn upp á veginn á ný.
FLUTTUR Á SLYSADEILD EFTIR
FALL AF HESTI Maður á sextugs-
aldri var fluttur á slysadeild
Landspítalans í Fossvogi eftir að
hann féll af hestbaki á reiðvegi í
Skeiðahreppi. Að sögn vakthaf-
andi læknis hlaut maðurinn yfir-
borðssár sem ekki voru talin al-
varleg og var hann útskrifaður
eftir að gert hafði verið að þeim.
Pantið eintak eða nálgist á
völdum bensínstöðvum Esso.
Ný og endurbætt heimasíða full af frábærum
ferðamöguleikum www.kuoni.is
Nýr og glæsilegur
ferðabæklingur 2004-2005
Holtasmára 1 • 201 Kópavogi • Sími: 5 100 300 • Símbréf: 5 100 309
Netfang: langferdir@langferdir.is • Heimasiða: www.kuoni.is
Opnunartímar alla virka daga frá 10:00-17:00
Blíðviðrið heldur áfram:
Heitast á Hellu í gær
VEÐUR Veðurblíðan heldur áfram
að leika við landsmenn og var gott
veður um allt land í gær.
Hæstur mældist hitinn á Hellu
og var 25 stig þegar mest var. Á
Vestfjörðum mældist mestur hiti í
Bolungarvík og var 19 stig. Á
Akureyri mældist 17 stiga hiti og
á Egilstöðum náði hann 18 stigum
sem og á Kirkjubæjarklaustri.
Pálína Kristinsdóttir, hjá Sölu-
skálanum Vegamótum skammt
frá Hellu, segist ekki hafa haft
undan við afgreiðslu á ís og köld-
um drykkjum. Mikið er af ferða-
mönnum á Hellu um helgina
vegna töðugjalda, en Pálína segist
langt frá því að vera uppiskroppa
með birgðir enda sé hún sjóuð í
þessum efnum.
Samkvæmt upplýsingum frá
Veðurstofu Íslands mun hitastig
lækka um allt land á næstu dögum
en veður verður enn gott, sérstak-
lega á Austurlandi. Hvert hita-
metið á fætur öðru hefur verið
slegið undanfarna daga, síðast í
fyrradag á Vestfjörðum þegar hiti
mældist 26 stig á Ströndum. ■
■ LÖGREGLUFRÉTTIR
GÖRAN KVADDUR
Davíð Oddsson og Göran Persson kvödd-
ust innilega áður en Persson hélt á brott.
VIÐ ELDHÚSBORÐIÐ
Forsætisráðherrarnir og konur þeirra drukku te og ræddu saman í eldhúsinu hjá Davíð og Ástríði.
,,Göran
hefur aldrei
sagt Íslend-
ingum fyrir
verkum í
samtölum
við mig,
enda veit
hann að ég
myndi
henda hon-
um út.
FR
ÉT
TA
B
LA
Ð
IÐ
/P
JE
TU
R
BIRGÐIR FLUTTAR TIL NAJAF
Stuðningsmenn al-Sadr fögnuðu eftir að
þeim bárust birgðir frá stuðningsmönnum
í Fallujah.
FR
ÉT
TA
B
LA
Ð
IÐ
/P
JE
TU
R
ÚR LAUGARDALNUM
Ferðafólk með hjólhýsi í eftirdragi grillaði og gerði sér glaðan dag.