Fréttablaðið - 15.08.2004, Blaðsíða 18
Hvernig væri að fá sér aukavinnu með skólanum? Það er miklu
skemmtilegra að eiga pening fyrir alls kyns skemmtunum en að
skulda mömmu og pabba þegar skólaárið er búið. Farðu að leita sem
fyrst að þeirri aukavinnu sem hentar þér best.
Ásta Þorleifsdóttir jarðfræðing-
ur er ein þeirra mörgu sem hafa
haft leiðsögn að aukastarfi og er
nýkomin úr gönguferð um Viðey
þegar við hittum hana. Þar hafði
hún verið að uppfræða hóp af Ís-
lendingum og segir ekkert síður
þörf á góðri leiðsögn fyrir Ís-
lendinga en útlendinga. „Ég hef
unnið talsvert fyrir Ferðafélag
Íslands og fyrir 20 árum vissu
þeir sem voru í hópnum oft
miklu meira en ég en á tímabili
breyttist það. Nú hefur aftur
komið vakning hjá Íslendingum
í að vita meira um landið sitt.
Hugsanlega í kjölfar virkjana-
málsins. Kannski menn eins og
Guðmundur Páll Ólafsson og
Ómar Ragnarsson hafi bara end-
urvakið áhuga fólks á Íslandi,“
segir hún brosandi.
Hún kveðst taka eftir að Ís-
lendingar séu farnir að ferðast
mikið um eigið land. Tjaldstæð-
in séu full um helgar, fólk fjár-
festi í bókum um land og þjóð en
þiggi líka að fara í styttri ferðir
um svæðin og þá gjarnan með
leiðsögn. Því þurfi leiðsögu-
menn með þekkingu, menntun
og reynslu að vera sem víðast.
Ásta segir flesta leiðsögu-
menn fara út í starfið vegna
áhuga á ferðalögum og einnig
finni þeir gleði í því að uppfræða
aðra um landsins gæði og sögu.
„Í gegnum leiðsögnina er hægt
að sameina hvorutveggja,“
bendir hún á og heldur áfram:
„Algengt er að námsmenn í há-
skóla byrji í þessu fagi, enda er
leiðsögumannsstarfið dásamleg
sumarvinna. Þeir sem halda
áfram eru í mörgum tilfellum
kennarar en með lengingu ferða-
tímans hefur heilsársstörfum
fjölgað í þessari grein. Flestir
sem sinna þessu starfi fara í
gegnum Leiðsögumannaskólann
sem er í Menntaskólanum í
Kópavogi, undir ferðamála-
brautinni. Ég tók hann fyrir 20
árum og þetta er skemmtilegt
nám.“
gun@frettabladid.is
Í sumar hefur Hélene Magnússon
unnið að verkefni um rósaleppa-
prjón en til þess fékk hún styrk
frá Nýsköpunarsjóði námsmanna.
Hélene er frönsk og hefur búið á
Íslandi í sjö ár en í vor útskrifað-
ist hún frá Listaháskóla Íslands úr
textíl- og hönnunardeild. „Ég tek
íleppamynstrið, stækka það og
nota í peysur, vettlinga og fleira.
Einnig hef ég prentað mynstrið á
fóður og notað það bæði til að
setja inn í flíkur eða sem skraut á
þær,“ segir hún.
Hélene segir íleppana einstakt
fyrirbæri sem hvergi annars stað-
ar þekkist í Evrópu en það hefur
hún rannsakað. „Mér finnst tækn-
in og litasamsetning rósaleppa-
prjónsins sem notað var í leppana
í sauðskinnsskóna í gamla daga
mjög sérstök. Ég varð því hissa
þegar ég sá hvað þetta einstaka
mynstur var lítið notað og hve fáir
vissu af því. Upp frá því fékk ég
hugmyndina að verkefninu en í
því hanna ég uppskriftir að hand-
prjónuðum peysum með því að
nota gamla rósaleppamynstrið.
Tæknilega séð er mynstrið frekar
erfitt og er afskaplega sérstakt að
garðaprjónn skuli vera notaður í
myndprjón,“ segir hún.
Hélene stefnir að því að gefa út
bók um íleppa fyrir jólin 2005 og
mun einn kafli hennar fjalla um
rósaleppaprjón. „Bókin verður
gefin út af útgáfufélagi Sölku og
mun fjalla um íleppa og tæknina
við að prjóna þá en í henni munu
einnig verða uppskriftir. Ég er
byrjuð að taka myndir og undir-
búa umfjöllunina í bókinni svo ég
er aðeins komin af stað,“ segir
hún.
Verkefni Hélene er unnið í
samstarfi við Handprjónasam-
band Íslands og er umsjónarmað-
ur þess María Ólafsdóttir. ■Fleiri fyrirtæki flytja nú starfsemi sína
til landa í Austur-Evrópu og Asíu. Í
þeim löndum komast þau upp með
að ráða starfskraft á miklu lægri laun-
um en í Svíþjóð. Lönd sem um er að
ræða eru helst Indland, Kína, Tékk-
land og Pólland.
Svíar sjá nú fram á að missa um
fimmtán þúsund störf til umræddra
landa á næstu fimm árum. Tékkland
býður upp á starfskrafta á lágum laun-
um og mjög góðar verksmiðjur sem og
Indland og Kína. Því verður eflaust hart
barist á milli Asíu og Austur-Evrópu á
næstu árum um að fá til sín störf frá
Evrópu. ■
„Mér finnst ekki ganga nógu vel að fækka atvinnu-
lausu fólki innan skrifstofu- og verslunargeirans og
þar gengur enn margt fólk með tölvukunnáttu og
reynslu í sölustarfsemi atvinnulaust,“ segir Jón
Baldvinsson hjá Ráðningarþjónustunni á Háaleitis-
braut. Þó má sjá nokkur afgreiðslu- og þjónustustörf
auglýst á heimasíðu Ráðningarþjónustunnar,
www.radning.is Jón segir góðu fréttirnar hins vegar
þær að nóg sé að gera í jarðvegs- og byggingar-
bransanum. „Þar virðist allt vera á fullu og iðnaðar-
menn í flestum greinum í bullandi atvinnu um allt
land,“ segir hann.
Samkvæmt vef Vinnumálastofnunar fækkaði at-
vinnulausum í sölu, afgreiðslu og þjónustu um 120
frá maílokum til júníloka, úr 1.602 í 1.482. Júlítölur
liggja ekki á lausu enn. ■
Fyrirsætan á myndinni klæðist hér einni
af flíkum Hélene; vesti með högnakylfu-
mynstri.
Hélene Magnússon:
Rósaleppaprjón í nýju ljósi
Vinnumiðlun:
Iðnaðarmenn í bullandi atvinnu
FR
ÉT
TA
B
LA
Ð
IÐ
/V
AL
LI
Byggingar- og iðnaðarmenn hafa yfirleitt nóg fyrir stafni.
FR
ÉT
TA
B
LA
Ð
IÐ
/H
AR
I
Mörg fyrirtæki í Svíþjóð flytja starfsemi sína til annarra landa til að lækka kostnað.
Fyrirtæki í Svíþjóð:
Flytja starfsemi annað
Starfið mitt:
Leiðsögn um landið
dásamleg sumarvinna
FR
ÉT
TA
B
LA
Ð
IÐ
/G
VA
Ásta og tíkin hún Táta njóta þess að ganga um
landið og hafa oft trítlað saman á Esjuna.
Hélene Magnússon hefur að undanförnu unnið að verkefni um rósaleppaprjón en til verkefnisins fékk hún styrk frá Nýsköpunar-
sjóði námsmanna. Á myndinni er Hélene í flík sem hún hefur hannað og búið til.