Fréttablaðið - 15.08.2004, Blaðsíða 28
20 15. ágúst 2004 SUNNUDAGUR
HVAÐ? HVENÆR? HVAR?
12 13 14 15 16 17 18
Sunnudagur
JÚLÍ
■ ■ LEIKIR
17.00 ÍBV og FH mætast á
Hásteinsvelli í Landsbankadeild
karla.
18.00 Fylkir og Fram mætast á
Fylkisvelli í Landsbankadeild karla.
18.00 ÍA og KR mætast á
Akranesvelli i í Landsbankadeild
karla.
18.00 Grindavík og KA mætast á
Hásteinsvelli í Landsbankadeild
karla.
■ ■ SJÓNVARP
06.55 Ólympíuleikarnir í Aþenu
2004 á RÚV. Bein útsending frá
keppni í sundi þar sem Íris Edda
Heimisdóttir er á meðal keppen-
da.
10.00 Ólympíuleikarnir í Aþenu
2004 á RÚV. Samantekt af keppni
gærdagsins.
11.30 Formúla 1 á RÚV. Bein
útsending frá kappakstrinum á
Hungaroring í Ungverjalandi.
12.30 Á vellinum með Snorra Má
á Skjá einum. Umræðuþáttur
með gestum um komandi leiki
dagsins í enska boltanum.
13.00 Enski boltinn á Skjá einum.
Bein útsending frá leik Everton
og Arsenal í ensku úrvalsdeildin-
ni í fótbolta.
14.00 Ólympíuleikarnir í Aþenu
2004 á RÚV. Samantekt af keppni
morgundagsins.
15.05 Enski boltinn á Skjá einum.
Bein útsending frá leik Chelsea
og Man.Utd.l í ensku úrvals-
deildinni í fótbolta.
15.30 Ólympíuleikarnir í Aþenu
2004 á RÚV. Valdir kaflar frá leik
Íslendinga og Króata í handbolta
frá því í gær.
16.10 Gullmót JB á SÝN. Sýnt frá
Gullmóti JB og Breiðabliks í yngri
flokkum kvenna í knattspyrnu.
16.30 Ólympíuleikarnir í Aþenu
2004 á RÚV. Útsending frá úrslit-
um í sundi.
16.45 Landsbankadeildin á Sýn.
Bein útsending frá leik ÍBV og FH
í toppslag Landsbankadeildar
karla í knattspyrnu.
19.00 USA PGA Championship
2004 á Sýn. Bein útsending frá
PGA-meistaramótinu í golfi sem
fram fer í Wisconsin.
22.10 Ólympíukvöld á RÚV. Í
þættinum er fjallað um helstu
viðburði á Ólympíuleikunum í
Aþenu. Umsjón hefur Logi
Bergmann Eiðsson.
22.40 Fótboltakvöld á RÚV. Sýnt
úr leikjum í 14. umferð
Íslandsmótsins.
23.00 Ólympíuleikarnir í Aþenu
2004 á RÚV. Samantekt frá kepp-
ni dagsins á Ólympíuleikunum í
Aþenu.
23.30 Íslensku mörkin á Sýn.
Sýnt frá leikjum 14. umferðar í
Landsbankadeild karla í knatt-
spyrnu sem lauk í kvöld.
Búið að vera mikið stress
Keflvíkingurinn Íris Edda Heimisdóttir var örugg inn á ÓL þrem vikum fyrir leikana og hún
ætlar að hafa gaman af því sem hún er að gera. Íris Edda hefur keppni í dag.
ÓLYMPÍULEIKAR „Mér líður mjög vel
hérna í lauginni enda finnst mér
hún frábær. Hún er hröð og góð og
hentar mér vel. Það gengur líka
mjög vel hjá mér þannig að það er
yfir litlu að kvarta nema kannski
hitanum. Það er það eina sem
þurfti að venjast en það er alveg
komið,“ sagði hinn tvítugi Keflvík-
ingur Íris Edda Heimisdóttir sem
æfir með Íþróttabandalagi Reykja-
nesbæjar.
Íris Edda er að keppa á sínum
öðrum ólympíuleikum og hún seg-
ir það skipta máli að hafa reynslu
af slíku móti. Hún þurfti að hafa
mikið fyrir því að komast á leikana
og eftir að hún komst inn hvarf
stressið hjá henni. „Það er ekkert
stress hjá mér núna. Það er alveg
horfið. Ég var stressuð yfir því að
komast ekki á leikana enda var ég
í harðri baráttu við aðra stelpu um
að komast hingað. Það var bara
þrem vikum fyrir leikana sem ég
fékk að vita að ég hafi komist inn
og þá hvarf stressið. Nú er bara að
hafa gaman af þessu. Það þýðir
ekkert annað.“ ÓL-lágmarkinu
náði Íris Edda á HM í fyrra en
þrátt fyrir það var hún ekki örugg
inn á leikana fyrr en seint í sumar.
„Þetta er búið að taka á taugarn-
ar í sumar. Ég fór síðast á mót í júlí
og það var algjört baráttumót. Þá
var ég að keppa í Króatíu en hin
stelpan helgina á eftir mér. Þannig
að ég varð að bíða í heila viku eftir
því að vita hvort ég kæmist inn og
það var erfitt.“
Líkt og Jakob Jóhann keppir
Íris Edda í 100 metra bringusundi
og hún hefur sett stefnuna á að
nálgast enn frekar Íslandsmet
Ragnheiðar Runólfsdóttur í
Aþenu.
„Eins og hjá fleirum þá verður
örugglega smá stress rétt áður en
ég keppi. Það er fullt af fólki og
þetta eru Ólympíuleikar. Það þýðir
samt ekkert að velta sér of mikið
upp úr því. Maður verður bara að
vera jákvæður og hafa gaman af
því sem maður er að gera. Ég er í
topp líkamlegu og andlegu formi
og undirbúningur hefur gengið
mjög vel. Ég hef aðeins þurft að
glíma við andlegu hliðina, það hef-
ur verið mín veika hlið en það er
allt að koma og vonandi smellur
þetta hjá mér,“ sagði Íris Edda sem
á best 1:13,28 mínútur en hún
stefnir á að komast undir 1:13 í
Aþenu.
ÍRISI LÍÐUR VEL Í LAUGINNI Keflvíking-
urinn Íris Edda Heimisdóttir hefur keppni á
Ólympíuleikunum í dag.