Fréttablaðið - 15.08.2004, Blaðsíða 4

4 15. ágúst 2004 SUNNUDAGUR
Líf og fjör í Hólminum á dönskum dögum:
Íbúafjöldinn sjöfaldaðist
MANNLÍF Talið er að 8.500 manns
séu í Stykkishólmi um helgina þar
sem danskir dagar eru haldnir há-
tíðlegir. Er það margföldun á
íbúafjölda en um 1.200 manns eru
búsettir í Hólminum.
Tjaldað er á hverjum auðum
bletti og húsbílar skipta tugum.
Danskan er auðvitað í hávegum
höfð auk alls þess sem danskt er.
Allt hafði farið vel fram í gær og
lögregla og aðstandendur hátíðar-
haldanna í skýjunum. Veðrið spillti
ekki fyrir, hitinn var hátt í 20 stig
og nánast lygnt, sem ku ekki vera
algengt í Stykkishólmi. Bryggju-
ball og flugeldasýning voru meðal
dagskrárliða í gærkvöld. ■
Gífurleg eyðilegging
og mannfallið mikið
Fimmtán létust þegar öflugasti hvirfilbylur í tólf ár gekk yfir Flórída.
Þúsundir misstu heimili sín. „Versti ótti okkar varð að veruleika,“ sagði
ríkisstjórinn Jeb Bush.
BANDARÍKIN, AP Öflugasti hvirfilbyl-
urinn til að ríða yfir Flórída kost-
aði fimmtán manns hið minnsta líf-
ið og olli gífurlegu eignatjóni sem
skildi mörg þúsund íbúa eftir
heimilislausa.
„Ég heyrði naglana rifna úr
þakinu,“ sagði Anne Correia sem
hafðist við í skáp í íbúð sinni í tvo
tíma meðan hvirfilbylurinn gekk
yfir. „Veggirnir skulfu rosalega,
fram og aftur, fram og aftur. Þetta
var ótrúleg og ógnvænleg upplif-
un,“ sagði hún.
Tvær milljónir heimila og fyrir-
tækja misstu allt rafmagn vegna
skemmda sem veðurofsinn olli.
Eftir að hvirfilbylurinn gekk aftur
út á haf gekk hann um skeið yfir
Suður-Karólínu. Þar höfðu 180.000
íbúar og ferðamenn verið fluttir á
brott í varúðarskyni.
„Það er allt farið,“ sagði Dan
Strong þegar hann sneri heim til
sín á hjólhýsasvæði sem hafði
gjöreyðilagst í veðurofsanum.
Hann leitaði persónulegra muna,
fata og ljósmynda í rústum heimil-
is síns.
Jeb Bush ríkisstjóri heimsótti
hamfarasvæðin í gær og sagði að
það sem Flórídabúar hefðu óttast
mest hefði orðið að veruleika.
Hann líkti hvirfilbylnum við annan
hvirfilbyl, Andrew sem gekk yfir
suðurhluta Flórída árið 1992 og
kostaði 26 manns lífið. „Þetta er
Andrew á nýjan leik. Við teljum að
margir hafi látið lífið,“ sagði hann.
George W. Bush, Bandaríkjafor-
seti og bróðir ríkisstjórans, skoðar
hamfarasvæðin í dag.
Þrjú sjúkrahús urðu fyrir
skemmdum. Eitt þeirra
skemmdist svo mikið að flytja
varð alla sjúklinga á burt. Til
þess voru notaðir 200 sjúkrabíl-
ar. „Við verðum að koma sjúk-
lingunum héðan. Staðurinn er
ekki lengur öruggur,“ sagði
Peggy Greene hjúkrunarfor-
stjóri. ■
DE KLERK YFIRGEFUR FLOKK
SINN F.W. De Klerk, fyrrverandi
forseti Suður-Afríku, sem var
hvatamaðurinn að afnámi að-
skilnaðarstefnunnar hefur sagt
sig úr sínum gamla flokki. Það
gerir hann eftir að flokkurinn
gekk til liðs við Afríska þjóðar-
ráðið. De Klerk óttast afleiðing-
ar þess að einn flokkur ráði sí-
fellt meiru.
ÞÝSK AFSÖKUNARBEIÐNI Einni
öld eftir að þýskar hersveitir í
Namibíu, sem þá var þýsk ný-
lenda, börðu niður uppreisn
heimamanna af mikilli hörku
hafa Þjóðverjar í fyrsta sinn
beðist afsökunar. Þýskur embætt-
ismaður baðst afsökunar við upp-
haf minningarathafnar um þrigg-
ja ára langa uppreisnina.
Aflaverðmæti:
100 milljónir
á land
ÚTGERÐ Guðmundur Einarsson ÍS
frá Bolungarvík skilaði mestum
verðmætum að landi af smábátum
á síðasta ári. Aflaverðmætið var
rétt tæpar 100 milljónir króna en
þetta er sjötta árið í röð sem
Guðmundur trónir á toppnum.
„Ætli við séum ekki bara dug-
legri að fara á sjó en aðrir,“ segir
Guðmundur Einarsson skipstjóri
á nafna sínum. Hann er vanur sjó-
sókn og velgengni því í 20 ár var
hann í áhöfn gömlu Guggunnar
sem jafnan gerði það gott á mið-
unum. „Ég fór fyrst á sjóinn um
átta ára aldurinn og byrjaði af al-
vöru 15 ára,“ segir Guðmundur.
Hann fór ekki á sjó í gær enda
stefna á þeim bænum að taka því
rólega í júlí og ágúst og vinna
bara fimm daga vikunnar. ■
Á einhver Íslendingur eftir að
vinna til verðlauna á
Ólympíuleikunum í Aþenu?
Spurning dagsins í dag:
Ætlar þú að fylgjast með
enska boltanum á Skjá einum?
Niðurstöður gærdagsins
á visir.is
18,2%
81,8%
Nei
Já
KJÖRKASSINN
Farðu inn á visir.is og segðu þína skoðun
visir.is
VIÐ KJÖRBORÐIÐ
Aðalfundur Heimdallar fór fram í Valhöll í gær.
Heimdallur:
Bolli vann
STJÓRNMÁL Bolli Thoroddsen, 23
ára verkfræðinemi, var kjörinn
formaður Heimdallar, félags
ungra sjálfstæðismanna í Reykja-
vík, á aðalfundi þess í gær. Bolli
hlaut 495 atkvæði en Helga Árna-
dóttir, sem einnig var í kjöri, 396.
Tvær fylkingar hafa tekist á um
völdin í Heimdalli undanfarin ár
og naut Helga stuðnings fráfar-
andi stjórnar. Má því segja að ný
öfl hafi tekið við stjórnartaumun-
um í félaginu. Meðal áherslu-
atriða Bolla og hans fólks í kosn-
ingabaráttunni var að fjölga
Heimdellingum svo félagið gæti
haft raunverulegt vægi í þjóð-
málaumræðunni. ■
Húsavíkurhöfn:
Krani á
hliðina
VINNUÓHAPP Krani fór á hliðina við
Húsavíkurhöfn um hálftólf leytið
í gær. Verið var að skipa upp salti
þegar eitthvað gaf sig og kraninn
féll af miklum þunga á bryggjuna.
Undur má heita að ekki hafi
orðið slys á mönnum því þrír
menn stóðu álengdar en náðu að
forða sér á hlaupum undan kran-
anum. Kranamaðurinn má líka
heita heppinn að hafa ekki slasast.
Þegar unnið var við að koma
krananum aftur á lappir slitnaði
vír með þeim afleiðingum að
kraninn féll aftur til jarðar. Að
þessu sinni hafnaði hann á salt-
sílói sem eyðilagðist að hluta.
Ekki er vitað hversvegna kran-
inn féll á hliðina en málið er í
rannsókn. ■
Jóhannes Páll páfi annar í Lourdes:
Páfi í pílagrímsför
FRAKKLAND, AP Jóhannes Páll páfi
annar hélt í gær í pílagrímsför
til lindanna í Lourdes í Frakk-
landi sem margir telja að lækni
ýmis mein þeirra sem halda
þangað í pílagrímsför.
Páfi var veiklulegur, rödd
hans lág og virtist óstöðugur
þegar hann kraup í bæn á staðn-
um helga. Hann vitnaði þar til
eigin veikinda, nokkuð sem
hann er ekki gjarn á að gera.
„Ég deili með ykkur æviskeiði
sem einkennist af líkamlegri
þjáningu en er þrátt fyrir það
engu síðri en önnur æviskeið í
hinni dásamlegu sköpun Guðs,“
sagði í ávarpi Jóhannesar Páls
páfa annars sem var lesið upp af
aðstoðarmanni hans. Páfi hafði
áður rætt við Jacques Chirac
Frakklandsforseta. Þá þótti ljóst
að hann átti erfitt og síðar gerði
hann ekki tilraun til að flytja
ávarp sitt sjálfur.
„Kæru bræður og systur sem
þjáist. Mikið vildi ég faðma ykk-
ur öll að mér af ástúð og segja
ykkur hversu nærri ég stend
ykkur og hversu mikið ég vil
styðja við bakið á ykkur,“ sagði
páfi í gegnum aðstoðarmann
sinn.
Páfinn þjáist af parkinson-
veiki auk þess sem hné hans og
mjöðm eru farin að gefa sig. ■
■ AFRÍKA
HVERFIÐ Í RÚSTUM
Mickey Pariseau dregur eigur vinar síns út
úr Vindmylluþorpi, hjólhýsahverfi í Punta
Gorda-sýslu í Flórída sem varð verst úti
þegar hvirfilbylurinn gekk yfir.
SVARTUR HIMINN
Það myrkvaði yfir þegar hvirfilbylurinn reið yfir Flórída.
M
YN
D
ÍR
IS
H
U
LD
S
IG
U
R
B
JÖ
R
N
SD
Ó
TT
IR
FJÖLMENNI Á DÖNSKUM DÖGUM
Á níunda þúsund manns ver helginni í Stykkishólmi.
FR
ÉT
TA
B
LA
Ð
IÐ
/P
JE
TU
R
Uppreisnarmenn:
Myrtu nær
200 manns
BÚRÚNDÍ, AP Nær tvö hundruð
flóttamenn frá Kongó voru myrtir
þegar árásarmenn af Hútúætt-
bálki réðust inn í flóttamannabúð-
ir þeirra rétt innan landamæra
Búrúndí.
Árásarmenn skutu á fólkið og
hjuggu það með sveðjum að sögn
fólks sem lifði árásina af. Upp-
reisnarmenn úr röðum Hútúa
lýstu ábyrgð á hendur sér og sögð-
ust hafa verið á höttunum eftir
búrúndískum hermönnum sem
hefðu flúið inn í búðirnar úr ná-
lægri herstöð. ■
■ SVEITARSTJÓRNARMÁL
NÝIR LEIKSKÓLAR Þrír nýir leik-
skólar hafa verið teknir í notkun
í Reykjavík. Þeir eru Berg við
Kléberg á Kjalarnesi, Geisla-
baugur við Kristnibraut í Grafar-
holti og Sólabakki við Stakkahlíð.
Alls rúmast 220 börn í leikskólun-
um þremur. Leikskólar Reykja-
víkurborgar eru 77 talsins.
PÁFI Í LOURDES
Páfi var veiklulegur þegar hann kom til
Lourdes. Hann sagðst skilja og finna til
með þeim sem ættu við veikindi að stríða.