Fréttablaðið - 15.08.2004, Blaðsíða 29

SUNNUDAGUR 15. ágúst 2004 21
TVÖ GLÆSILEG MÖRK FRÁ OKOCHA Jay-Jay Okocha átti frábæran fyrsta dag á nýju
keppnistímabili og skoraði tvö mörk fyrir Bolton í 4–1 sigri á Charlton. AP
LEIKIR GÆRDAGSINS:
Tottenham–Liverpool 1–1
0–1 Cisse (38.), 1–1 Defoe (71.).
Aston Villa–Southampton 2–0
1–0 Vassell (12.), 2–0 Cole (34.).
Blackburn–West Bromwich 1–1
0–1 Clement (33.), 1–1 Short (70.).
Bolton–Charlton 4–1
1–0 Okocha (11.), 2–0 Pedersen (30.),
3–0 Okocha (59.), 3–1 Lisbie (67.), 4–1
Pedersen (72.).
Man. City–Fulham 1–1
1–0 Fowler (28.), 1–1 Collins (56.).
Norwich–Crystal Palace 1–1
1–0 Huckerby (16.), 1–1 Johnson (73.).
Portsmouth–Birmingham 1–1
0–1 Savage (10.), 1–1 Unsworth (16.,
víti).
Middlesbrough–Newcastle 2–2
0–1 Bellamy (14.), 1–1 Downing (73.), 1–2
Shearer (83., v.), 2–2 Hasselbaink (90.)
LEIKIR DAGSINS Í DAG:
Everton–Arsenal Kl. 13.00
Chelsea–Man. Utd. Kl. 15.05
LEIKIR GÆRDAGSINS
ENSKA ÚRVALSDEILDIN
Glæsisigur Bolton
Enska úrvalsdeildin í knattspyrnu hófst með
átta leikjum í gær. Sex leikir enduðu jafnir.
FÓTBOLTI Enska úrvalsdeildin hófst í
gær með átta leikjum. Stórleikur
dagsins var á White Hart Lane í
Lundúnum þar sem Tottenham
Hotspur tók á móti Liverpool.
Leiknum lauk með jafntefli, 1-1.
Voru það frekar vinsælar tölur
þennan fyrsta leikdag því fjórir
aðrir leikir enduðu með þessari
markatölu. Það voru viðureignir
Blackburn og WBA, Manchester
City og Fulham, Portsmouth og
Birmingham, og svo nýliðaslagur-
inn á milli Norwich og Crystal
Palace.
Skemmtilegasti leikur dagsins
var þó án efa á milli Bolton og
Charlton. Þar var leikin blússandi
sóknarknattspyrna og þá sérstak-
lega af hálfu Bolton-manna, sem
unnu stóran og glæsilegan sigur, 4-
1. Þar fór fremstur í flokki Níger-
íumaðurinn Jay Jay Okocha. Hann
lék Hermann Hreiðarsson og aðra
varnarmenn Charlton grátt, hvað
eftir annað, og auk þess að skora
tvö mörk átti hann margar glæsi-
legar sendingar. Fyrra mark
Okocha, fyrsta mark leiksins, var
af glæsilegri gerðinni – frábært
skot, beint úr aukaspyrnu af 30
metra færi sem hafnaði efst uppi í
markhorninu. Flottur sigur Bolton
staðreynd og liðið greinilega til
alls víst en það spilaði geysivel
undir lok síðasta keppnistímabils.
Jay-Jay fagnaði 31 árs afmæli sínu
í gær og einnig fyrstu mörkum
sínum í 35 úrvalsdeildarleikjum en
hann skoraði ekki eitt einasta
mark í fyrra.
„Við byrjuðum einnig svona vel
fyrir þremur árum og það er mikil-
vægt að við náum að fylgja þessu
eftir eins og þá. Þetta var bæði
frábær frammistaða og frábær
sigur. Nú er besti leikurinn hjá
mér að ná liðinu aftur niður á jörð-
ina fyrir næsta leik,“ sagði Sam
Allardyce, framkvæmdastjóri
Bolton, eftir leikinn.
Aston Villa bar sigurorð af
Southampton. Þá var heilmikið
fjör á lokakaflanum í leik
Newcastle og Middlesborough en
leiknum lyktaði með jafntefli, 2-2.
Alan Shearer kom Newcastle í 2-1
sjö mínútum fyrir leikslok en það
var Jimmy Floyd Hasselbaink sem
jafnaði metin á 90. mínútu.