Fréttablaðið - 22.08.2004, Blaðsíða 2
2 22. ágúst 2004 SUNNUDAGUR
Heimastjórnarhátíð
alþýðunnar:
Tókst framar
vonum
HÁTÍÐARHÖLD „Hér hefur allt gengið
eins og í bestu sögu og mig hefði
aldrei órað fyrir þvílíkri vel-
gengni,“ sagði Jón Fanndal Þórðar-
son, upphafsmaður að Heima-
stjórnarhátíð alþýðunnar er fram
fór á Ísafirði í gær. Veður var með
eindæmum gott og tókst hátíðin í
alla staði afar vel miðað við að hún
var haldin í fyrsta sinn og skipu-
lögð að mestu af sjálfboðaliðum.
Kyndilhlaup frá nágranna-
byggðarlögum fór vel fram og
mættust sex kyndilberar frá ná-
grannabyggðarfélögum á Silfur-
torgi þar sem hátíðin var form-
lega sett.
Jón segir að miðað við hversu
vel tókst til sé þjóðráð að endur-
taka leikinn við tækifæri. „Það er
með ólíkindum hversu gaman
hefur verið hér í dag. Forsetinn
heiðraði okkur með nærveru sinni
og gaf öllum sem þátt tóku í
hlaupinu verðlaun og mér sýnist
ungir sem aldnir hafa skemmt sér
í alla staði vel.“ ■
Góður andi á
Menningarnótt
Sif Gunnarsdóttir, verkefnastjóri Menningarnætur, var að rifna úr
hamingju í gær yfir vel heppnaðri hátíð. Um fjörutíu þúsund voru í
miðborginni að deginum. Sannkölluð fjölskylduhátíð, segir Sif.
MENNING „Ég er búin að þvælast
út um allan bæ og hef farið á þá
staði þar sem fjöldinn hefur
verið þéttastur og ég er hrein-
lega að rifna úr hamingju. And-
inn í bænum er rosalega fínn,“
sagði Sif Gunnarsdóttir,
verkefnastjóri Menningarnæt-
ur, þegar Fréttablaðið ræddi við
hana í gærkvöld.
Sif segir að jafn mikill fjöldi
fólks hafi ekki sést áður strax
upp úr hádegi á Menningarnótt.
Hún hafi staðið efst í Banka-
strætinu um fjögurleytið og
horft yfir mannhaf. Allir við-
burðir fyrir börnin hafi verið
mjög vel sóttir og augljóst sé að
Menningarnótt sem fjölskyldu-
hátíð hafi slegið í gegn þetta
árið. Um níuleytið í gærkvöld
sagði Sif stemninguna vera að
breytast, enn hafi verið barna-
fólk í bænum en svo virtist sem
yngstu börnin væru komin í
háttinn. „Veðrið hefur verið
yndislegt og ég get ekki ímynd-
að mér hvernig það hefði getað
verið betra,“ sagði Sif í gær-
kvöldi.
Umferð var mjög þung í
Reykjavík í gær en hafði í gær-
kvöld gengið stórslysalaust
fyrir sig að sögn Karls Steinars
Valssonar, yfirlögregluþjóns í
Reykjavík. Karl Steinar segir
umferðina hafa vaxið jafnt og
þétt frá hádegi. Margir hafi þó
sýnt fyrirhyggju og lagt bílum
sínum talsvert frá miðbænum
og gengið það sem upp á hafi
vantað.
Um fjörutíu þúsund manns
voru í miðbæ Reykjavíkur að
deginum til samkvæmt tölum
frá lögreglunni og bættist í
þegar líða fór á kvöldið. Karl
Steinar var sjálfur meira og
minna í miðbænum og sagðist
varla hafa séð ölvun á nokkrum
manni um daginn, ásýnd
mannlífsins hafi því verið mjög
góð.
Tómlegt var í risinu hjá mið-
bæjarpresti, á fundarstað týndra
barna, en klukkan níu í gærkvöld
höfðu aðeins fimm börn komið og
beðið eftir foreldrum eða for-
ráðamönnum sínum. Ekkert barn-
anna þurfti að bíða lengur en í
klukkutíma eftir að verða sótt.
hrs@frettabladid.is
Farþegaflugvélar:
Lentu nær
því í árekstri
PORTÚGAL, AP Rúmlega 30 manns
slösuðust þegar flugstjóri portú-
galskrar farþegaþotu ekki aðra leið
til að forða árekstri en að taka
snögga dýfu. Árekstravarnakerfi
flugvélarinnar varaði þá við því að
minni tveggja hreyfla farþegaflug-
vél væri það nærri að mikil hætta
væri á árekstri.
Flestir sem slösuðust voru ekki
með beltin spennt. 31 þeirra skall í
loftinu eða baki stólsins fyrir fram-
an þegar vélin tók dýfuna. Tveir úr
áhöfninni meiddust líka. Nokkrir
voru fluttir á sjúkrahús til aðhlynn-
ingar þegar flugvélin lenti nærri
Lissabon. ■
„Ég er nú gamall kennari og veit alveg
hvaða upplýsingar ég er að fara með
og var ekki að læra neitt nýtt í því.“
Kristján Þór Júlíusson, bæjarstjóri á Akureyri, er í
samninganefnd sveitarfélaganna um kjaramál
grunnskólakennara. Kennararnir urðu fúlir og
gengu af fundi þegar Kristján Þór kynnti útreikn-
inga um kostnaðaraukninguna sem hann telur
felast í kröfum kennara.
SPURNING DAGSINS
Kristján, ertu búinn að læra
þína lexíu?
Atlantsolía:
Verðhækkun
á föstudaginn
BENSÍNVERÐ Að morgni næsta
föstudags hækkar Atlantsolía
hjá sér verð á bensíni og olíu. Í
tilkynningu félagsins kemur
fram að áætlað sé að bensín
hækki um 4 krónur, úr 99,90 í
103,90 krónur, og að dísilolía
hækki um 6,40 krónur, úr 43,50 í
49,90 krónur.
Fram kemur að innkaupsverð
eldsneytis hjá Atlantsolíu hafi
hækkað síðustu tvo mánuði en
fram til þessa hafi fyrirtækið
haldið aftur af þeim hækkunum.
„En mikið lengur verður ekki
við svo búið,“ segir í tilkynningu
Atlantsolíu. ■
Pantaðu nýjan og glæsilegan ferðabækling.
Fylgstu með á heimasíðu okkar www.kuoni.is
Tæland
Ævintýralandið okkar
Holtasmára 1 • 201 Kópavogi • Sími: 5 100 300 • Símbréf: 5 100 309
Netfang: langferdir@langferdir.is • Heimasiða: www.kuoni.is
Opnunartímar alla virka daga frá 10:00-17:00
Tryggðu þér vetrarfrí hið fyrsta!
Ferðir um jólin og janúar að fyllast.
Bæklingar á völdum
Esso-stöðvum.
Jomtien/Pattaya
Tilboð í lok sept. og okt.
Verð á mann í tvíbýli frá:
95.800 kr.
með öllum sköttum!
Síðustu sætin í lúxusgistingu
í lok sept. og byrjun okt. í 2 vikur
Verð á mann í tvíbýli frá:
115.900 kr.
með öllum sköttum!
Sleppt úr fangelsi:
Þvingaður
til að játa
TEXAS, AP Rúmum fjörutíu árum
eftir að Robert Carroll Coney
var dæmdur í lífstíðarfangelsi
fyrir að ræna stórmarkað var
honum sleppt úr haldi. Dómara
þótti þá sýnt að hann hefði verið
pyntaður til játningar á sínum
tíma.
Ránið átti sér stað árið 1962
og var Robert Coney handtekinn
nokkru síðar. Hann lýsti þegar
yfir sakleysi sínu og taldi að sér
hefði verið ruglað saman við
mann sem hann hafi verið sam-
ferða daginn sem ránið var
framið.
Lögreglumenn brutu fingur
hans og hótuðu að myrða hann
til að fá hann til að játa á sig
ránið.
Coney, sem nú er 76 ára, segist
ætla að einbeita sér að því að
vinna upp þann tíma sem hann
hefur tapað á bak við lás og slá. ■
Hafnarfjörður:
Fundu
mikið hass í
húsleit
LÖGREGLA Tæp 400 grömm af fíkni-
efnum fundust í húsleit í Hafnar-
firði í fyrrakvöld. Leitin var gerð
á heimili rúmlega tvítugs manns,
sem var handtekinn í kjölfarið.
Mestur hluti fíkniefnanna var
hass en einnig fannst lítilræði af
ætluðu amfetamíni. Maðurinn ját-
aði í yfirheyrslum hjá lögreglunni
eign efnisins og að það hafi verið
ætlað til sölu. Manninum var
sleppt seint í fyrrakvöld að yfir-
heyrslum loknum og telst málið
upplýst. Lögreglan hafði fylgst
með manninum, sem hefur áður
komið við sögu lögreglu, um nokk-
urt skeið. Húsleitarúrskurður
fékkst í Héraðsdómi Reykjaness
og lét lögreglan til skarar skríða í
fyrrakvöld. ■
LÖGREGLUMÁL Ökumaður jeppa-
bifreiðar þeirrar er lögregla
leitaði að í tengslum við náttúru-
spjöll við Úlfsvatn á Arnar-
vatnsheiði gaf sig fram eftir
umfjöllun í fjölmiðlum um mál-
ið. Viðurkenndi hann verknað-
inn en lögregla hefur þó ekki
tekið af honum skýrslu enn sem
komið er. Um talsverð spjöll var
að ræða á gróðri í mýrarflóa við
vatnið en talsverð umferð ferða-
manna hefur verið um þetta
svæði undanfarin ár, enda þykir
náttúrfegurðin einstök. Telja
náttúrufræðingar að förin muni
sjást í tugi ára. ■
Náttúruspjöll við Úlfsvatn:
Ökumaðurinn játaði
M
YN
D
/G
U
Ð
B
ER
G
U
R
M
. G
U
Ð
M
U
N
D
SS
O
N
SKEMMDIRNAR EFTIR JEPPANN
Förin telja menn að muni sjást í tugi ára.
FORSETINN Á ÍSAFIRÐI
Forseti Íslands var heiðursgestur Heimastjórnarhátíðar alþýðunnar sem fram fór á Ísafirði.
VAKTI LUKKU
Góður rómur var gerður að fiðluleik
Hjörleifs á svölum JC-hússins.
Hjörleifur Valsson:
Fiðlarinn á
svölunum
MENNINGARNÓTT Fiðluleikarinn
Hjörleifur Valsson var einn hinna
fjölmörgu listamanna sem settu
svip sinn á miðbæ Reykjavíkur á
Menningarnótt. Gerðu áhorfend-
ur afar góðan róm að flutningi
Hjörleifs og mátti sjá fólk í ná-
lægum byggingum njóta tónlistar
hans af svölum sínum í blíðskap-
arveðrinu sem stóð allan daginn
og kvöldið. Máttu gestir hafa sig
alla við til að upplifa allt það sem
í boði var enda margir atburðir í
gangi í einu. ■
BÍLVELTA VIÐ FLÓKALUND Bíll
valt á veginum við Flókalund
laust fyrir miðnætti í fyrrakvöld.
Tildrög slyssins eru ókunn en
ökumaðurinn var einn í bílnum.
Hann slasaðist lítillega en bíllinn
skemmdist talsvert.
HRAÐAKSTUR UNDIR JÖKLI Lög-
reglan í Ólafsvík stöðvaði 15 öku-
menn á veginum skammt fyrir
utan bæinn. Lögregla segir þann
fjölda ekki meiri en gengur og
gerist. Allir ökumennirnir fengu
sekt.
FÓTBROT Í FJALLI Lögregla á
Hólmavík fékk fregnir af konu
sem fótbrotnaði við fjallaklifur á
nálægum slóðum. Ekki var um al-
varlegt beinbrot að ræða.
■ LÖGREGLUFRÉTTUR
TÓNLISTAR NOTIÐ Á MENNINGARNÓTT
Fjöldi listamanna skemmti gestum og gangandi í miðborginni á Menningarnótt í Reykjavík
í gær. Fleiri voru snemma á ferðinni nú en síðustu ár, en lögreglu taldist til að um 40
þúsund manns hefðu skemmt sér í borginni yfir daginn.
FR
ÉT
TA
B
LA
Ð
IÐ
/R
Ó
B
ER
T
FR
ÉT
TA
B
LA
Ð
IÐ
/R
Ó
B
ER
T
02-03 fréttir 21.8.2004 22:27 Page 2