Fréttablaðið - 22.08.2004, Blaðsíða 18
Ísland er gríðarlega heitur staður
bæði í Bandaríkjunum og Evrópu
að sögn Björns Steinbekk, eins af
forsvarsmönnum fyrirtækisins
2006 sem unnið hefur að því að fá
MTV-tónlistarverðlaunahátíðna til
landsins. Hann segir þetta, ásamt
þeirri staðreynd að hryðju-
verkaógnin þyki lítil á Íslandi og
öryggisgæsla góð, vera megin-
ástæðuna fyrir því að forsvars-
menn hátíðarinnar vilji halda hana í
Reykjavík.
„Markaðslega séð þykir for-
svarsmönnum MTV mjög spenn-
andi að halda hátíðina hér,“ segir
Björn. „Að koma hingað, á þessa
litlu eyju í Norður-Atlantshafinu,
með fjöldann allan af stórstjörnum
er eitthvað sem þeim finnst flott og
góð hugmynd. Þeim finnst það allt
annað en að fara til Osló, Kaup-
mannahafnar eða Berlínar. Þeir líta
á þetta sem einstakt tækifæri.“
Fékk hugmyndina á hótel-
herbergi í London
Undanfarna mánuði hafa reglu-
lega birst fréttir í íslenskum fjöl-
miðlum um að íslenskir athafna-
menn hafi verið að reyna að fá há-
tíðina til Íslands árið 2006, en er það
frágengið?
„Það sem liggur fyrir er að for-
svarsmenn MTV vilja að hátíðin
verði haldin hér á landi og við för-
um eftir þeirri vinnureglu að hún
verði haldin hér,“ segir Björn. „Það
er hins vegar ekki alveg ljóst hvort
hún verður haldin árið 2006 eins og
við vorum að falast eftir því MTV
vill jafnvel halda hana hér strax á
næsta ári. Það ætti að skýrast á
næstu vikum hvort hún verður
haldin á næsta ári eða eftir tvö ár.“
Björn hefur verið aðalhvata-
maður þess að fá hátíðina hingað.
„Ég fékk þessa hugmynd þegar
ég var úti í London síðasta haust að
horfa á hátíðina, sem þá var haldin
í Edinborg, í sjónvarpinu inni á hót-
elherbergi. Síðan hefur þetta undið
upp á sig. Ég hef verið í samstarfi
við Sigurjón Sighvatsson og það vill
þannig til að hann á vin sem þekkir
Tom Freston, forstjóra Viacom,
fjölmiðlarisans sem á CBS, MTV
Networks, Nickelodeon og fleiri
fjölmiðla. Málið var kynnt fyrir
Freston og í framhaldinu funduðum
við í London í sumar og eftir það
eru menn á því að það eigi að halda
þetta hérna.“
Slegist um hátíðina
Björn segir íslenska tónleika-
markaðinn orðinn mjög erfiðan en
hann hefur staðið fyrir fjölmörgum
tónleikum á Íslandi og flutti meðal
annars inn hljómsveitina Korn í
sumar.
„Menn hafa verið að tapa millj-
ónum á tónleikahaldi hér í sumar.
Þegar ástandið er orðið eins og það
er þá verður maður bara að finna
sér eitthvað annað – eitthvað nýtt
og stærra verkefni. Ég held að það
að halda MTV-tónlistarverðlauna-
hátíðina verði ekkert toppað. Það
sem við erum líka að hugsa er að
landfræðileg lega Íslands, mitt á
milli meginlands Evrópu og Banda-
ríkjanna, býður upp á marga mögu-
leika í framtíðinni í ráðstefnu- og
sýningahaldi. Fyrir okkur er MTV-
hátíðin ákveðinn prófsteinn. Við
ætlum að sýna að það er vel hægt
að halda svona stóra hátíð hérna.“
Björn segir að borgir í Evrópu
sláist um að fá að halda MTV-tón-
listarverðlaunahátíðina.
„Yfirvöld í stórum borgum Evr-
ópu eru til í leggja tugi ef ekki
hundruð milljóna króna til að fá há-
tíðina. Við erum búnir að leggja átta
milljónir króna í þetta þegar. Aðal-
kostnaðurinn hefur verið vegna
kynningarefnis sem við gerðum.
Við bjuggum til stutta kvikmynd,
140 blaðsíðna bók og vefsíðu.“
Milljarður manna fylgist með
Að sögn Björns gæti komið til
þess að það þyrfti að borga MTV
fyrir að fá hátíðina hingað.
„Borgaryfirvöld í Kaupmanna-
höfn, sem vilja halda hátíðina árið
2006, eru tilbúin að leggja hund-
rað milljónir króna í þetta. Menn-
ingarmálafulltrúi Kaupmanna-
hafnar hefur sagt að það sé ekki
hægt að verja peningunum betur,“
segir Björn. „Við höfum átt við-
ræður við Þórólf Árnason borgar-
stjóra og höfuðborgarstofu um að
borgin styrki hátíðina. Enn sem
komið er hefur ekki fengist nein
niðurstaða í það mál. Ég held að
það geri sér enginn grein fyrir því
hérna heima hvað þetta er stórt
og hvað þetta þýðir fyrir Ísland.
Um 330 milljónir heimila munu ná
útsendingunni. Það er áætlað að
um einn milljarður manna hafi
fylgst með hátíðinni þegar hún
var haldin í Globen í Stokkhólmi
árið 2000. Það verður því einn
milljarður manna sem mun heyra
nafnið Reykjavík og Ísland stans-
laust í heila viku. Markaðsvirði
svona útsendingar er talið í kring-
um átta milljarðar króna.“
Vill hið opinbera með í dæmið
Björn segist telja raunhæft að
ríki og borg leggi um áttatíu millj-
ónir króna í verkefnið og þá muni
fyrirtækið 2006 leggja þrjátíu til
fjörutíu milljónir króna í það. Auk
Björns standa Kári Sturluson,
Gunnlaugur Þráinsson, Ingvar
Sverrisson, Kevin Wall og Sigurjón
Sighvatsson á bak við fyrirtækið
2006. Björn segir að bara það sem
hið opinbera muni fá til baka
vegna virðisaukaskatts vegna
framleiðslunnar í tengslum við há-
tíðina sé í kringum 250 til 300
milljónir króna.
„Borgin er að setja 30 milljónir
króna á ári í Listahátíðina. Borgin
er sem sagt að setja milljónir í
hátíð sem mér finnst ekki vera að
skila miklu samanborið við það
sem MTV-hátíðin myndi skila. Ef
það er hægt að setja 30 milljónir í
Listahátíðina, sem skilar nánast
engri kynningu annars staðar en
bara hér á landi, er þá ekki raun-
hæft að setja 30 milljónir í við-
burð sem fer inn á hundruð millj-
óna heimila í heiminum?
Björn segir að hátíðin verði
haldin hvort sem hið opinbera
muni koma að henni eða ekki.
„Við munum þá bara einfald-
lega fjármagna þetta eftir öðrum
leiðum.“
Ólafur Elíasson hannar sviðið
Hátíðin verður haldin í Egilshöll.
Björn segir að ekki þurfi að breyta
miklu þar inni. Það eina sem þurfi
að fá sé sætakerfi fyrir sjö til átta
þúsund manns.
Þeir sem hafa séð MTV-hátíðina
í sjónvarpi hafa væntanlega tekið
eftir því að sviðið sjálft er oft gríð-
arlega íburðarmikið og flott. Björn
segir að Ólafur Elíasson listamaður
hafi lýst því yfir við forsvarsmenn
MTV að hann vilji hanna sviðið á Ís-
landi.
„Það er mikill ávinningur því
Ólafur er að verða einn stærsti
samtímalistamaður Evrópu. Þegar
við töluðum við Ólaf um þetta var
hann fljótur að segja já. Hann veit
alveg hvað þetta er stór viðburður.“
1.500 miðar verða seldir
Björn segir að um 1.500 miðar
verði seldir í almennri sölu.
„Við munum sjálfir úthluta tvö
þúsund miðum. MTV mun síðan
bjóða um fjögur þúsund manns.
Tvö þúsund af þeim er fólk úr
plötuiðnaðinum, auglýsendur og
fleiri. Hátíðin sjálf verður haldin í
október eða nóvember og stendur í
viku með tónleikahaldi og ýmsum
uppákomum. Hátíðinni lýkur með
sjálfri verðlaunahátíðinni og efni
frá tónleikum og uppákomum sem
haldnir verða í borginni á meðan
hátíðin stendur yfir verður sýnt á
lokakvöldinu og á MTV-stöðinni
mánuðum eftir að hátíðinni lýkur.
Við munum þurfa að framleiða allt
þetta efni fyrir MTV. Það munu um
tvö þúsund til tvö þúsund og fimm-
hundruð Íslendingar vinna við
þetta enda munum við setja þessa
hátíð algjörlega upp. MTV kemur
síðan bara með sína leikstjóra og
framleiðendur.“
Forsvarsmenn MTV hafi þegar
séð að öll þessi kunnátta sé fyrir
hendi hér á landi að sögn Björns.
Kosturinn við að halda þetta á Ís-
landi sé einnig sá að Íslendingar
vinni mjög vel.
„Tökumaðurinn getur líka verið
smiður, rafvirki og málað sviðs-
myndina. Það er þetta sem skiptir
miklu máli þegar verið er að setja
upp svona hátíð.“
Vill Sykurmolana á hátíðina
Fjöldinn allur af stórstjörnum
mun koma til landsins vegna hátíð-
arinnar.
„Á verðlaunahátíðinni sjálfri
munu tólf til fjórtán hljómsveitir
koma fram. Við fáum að tilnefna
tvær hljómsveitir. Við eigum eftir
að skoða hverjar þær verða. Ég
myndi helst vilja sjá Sykurmolana
koma saman aftur en það er bara
óskhyggja hjá mér. Það hefur ekk-
ert verið rætt. Við eigum náttúr-
lega fullt af hljómsveitum sem
koma til greina.“
Björn segir að öll stærstu nöfn
poppsins muni koma til landsins. Á
hátíðinni í Edinborg í fyrra hafi til
að mynda Eminem, Kylie Minogue,
Beyoncé og Justin Timberlake
komið fram. Þá hafi hljómsveitir
eins og U2, Red Hot Chili Peppers
og fleiri stór nöfn oft komið fram á
hátíðunum. Hann segir að kynnar
hátíðarinnar séu einnig mjög
frægir. Í fyrra hafi Christina
Aguilera og Vin Diesel séð um þá
deild.
„Það liggur þegar fyrir að það
er ekki nægt hótelpláss í Reykjavík
fyrir allt það fólk sem mun koma.
Það munu um fjögur til fimm þús-
und manns koma, þar af um sjö
hundruð blaða- og sjónvarpsmenn.
Í borginni eru bara um tvö þúsund
og fimmhundruð herbergi. Við
munum því þurfa að leigja tvö
skemmtiferðaskip til að geta hýst
allt þetta fólk. Það er náttúrlega
fokdýrt en við erum að hugsa leiðir
til að gera það ódýrara. Það er
mjög dýrt að sigla tómum skipum
til landsins og ein af þeim hug-
myndum sem við erum með er að
bjóða upp á ódýrt flug til Banda-
ríkjanna eða Evrópu og bjóða síðan
upp á siglingu til landsins. Það
sama mætti síðan gera þegar hátíð-
inni er lokið. Þá yrði boðið upp á
siglingu til Evrópu eða Bandaríkj-
anna og ódýrt flug til baka.“
Á leið til Rómar
Björn segir að eftir rúma viku
muni hann og fleiri fara á MTV-
hátíðina í Miami í Bandaríkjunum í
boði MTV. Í lok september muni
her manna frá sjónvarpsstöðinni
koma til Íslands til að skoða aðstæð-
ur og vinna að skipulagi.
„Við höfum líka þekkst boð MTV
að fara til Rómar í nóvember og
fylgjast með uppsetningu hátíðar-
inar þar. Síðan er bara að sjá hvort
hátíðin verður hér á næsta ári eða
eftir tvö ár, það ætti að skýrast um
mánaðamótin.“
trausti@frettabladid.is
18 22. ágúst 2004 SUNNUDAGUR
BJÖRN STEINBEKK Björn segir borgir í Evrópu slást um að fá að halda MTV-tónlistar-
verðlaunahátíðina.
Reykjavík verður
miðpunktur poppheimsins
MTV-tónlistarverðlaunahátíðin verður haldin í Reykjavík. Borgir Evrópu slást um að fá að halda hátíðina. Fjöldinn allur
af stórstjörnum mun koma til landsins. Leigja þarf skemmtiferðaskip því hótelpláss borgarinnar dugir ekki.
CHRISTINA AGUILERA Aguilera og hasar-
myndaleikarinn Vin Diesel voru kynnar á
MTV-hátíðinni í Edinborg í Skotlandi í fyrra.
50 CENT OG EMINEM Fjöldinn allur af
stórstjörnum kemur fram á evrópsku tón-
listarverðlaunahátíðinni. Í fyrra var Eminem
á meðal þeirra sem komu fram.
18-19 helgarefni 21.8.2004 19:34 Page 2