Fréttablaðið - 22.08.2004, Blaðsíða 45

SUNNUDAGUR 22. ágúst 2004 25
„Þetta er snarbiluð kerling sem ég
leik,“ segir Ingveldur Ýr Jóns-
dóttir söngkona, sem fer með
hlutverk frú Lovett í uppfærslu
Íslensku Óperunnar á Sweeney
Todd, rakaranum morðóða. Frú
Lovett rekur bökubúð en í harð-
indunum í Lundúnum er örðugt að
fá kjöt. Nágranni hennar myrðir
mann og þá hleypur á snærið hjá
frúnni. Bökurnar seljast sem
aldrei fyrr. „Þetta er auðvitað
absúrd saga en rullan er bráð-
skemmtileg. Frú Lovett hefur á
sér margar hliðar, bæði ást og
hlýju og svo algjört kaldlyndi.“
Æfingar á tónlistinni eru hafn-
ar en leikæfingar byrja eftir mán-
aðarmót. Frumsýnt verður í byrj-
un október.
Ingveldur Ýr segir það ekki
vefjast fyrir sér að setja sig inn í
hugarheim konu sem notar
mannakjöt í bökurnar sínar.
„Þetta er ekkert mál,“ segir hún
og hlær. „Ég hef svo oft þurft að
leika illkvendi, maður fer bara í
einhvern annan gír.“ Hún skilur
samt ekki almennilega hvers-
vegna hún er svo oft valin í slík
hlutverk. „Kannski ég hafi ein-
hverja klikkun í mér sem gerir
það að verkum að ég get þetta. Og
númer eitt þarf maður að þora.“
Af eigin bökugerð segist Ing-
veldur Ýr hafa bakað eplabökur
en kjötið verið víðs fjarri enda er
hún grænmetisæta.
Ingveldur Ýr hefur í nægu að
snúast þessi dægrin því auk und-
irbúnings fyrir Sweeney Todd
kennir hún söng í eigin söngskóla
og er vetrarstarfið í þann mund að
hefjast. Söngfólk á öllum aldri
nýtur handleiðslu hennar bæði
byrjendur og lengra komnir. ■
Ingveldur Ýr leikur Frú Lovett í Sweeney Todd:
Þetta er snarbiluð kerling
INGVELDUR ÝR JÓNSDÓTTIR
„Ég hef svo oft þurft að leika illkvendi,
maður fer bara í einhvern annan gír.“
Björk í D&C
Septemberhefti breska tónlistar-
og tískutímaritsins Dazed and
Confused inniheldur forsíðuviðtal
við Björk Guðmundsdóttur. Við-
talið var tekið rétt áður en Björk
kom fram á Ólympíuleikunum í
Aþenu en blaðamaður segist hafa
hitt Björk hamingjusama og af-
slappaða heima á Íslandi. Í viðtal-
inu kemur fram að eftir ellefu ára
raftónlistarferil notist Björk ein-
ungis við raddböndin á nýjum
geisladiski og í septembertímarit-
inu ræðir Björk um Bush, beat-
boxing og bestu söngvara í heimi.
DAZED AND CONFUSED Björk ræðir
meðal annars um Bush í septembertíma-
riti blaðsins.
Gaf Britney
Kabbalah-bók
Söngkonan Madonna eyddi nýver-
ið milljónum króna í bók frá 12. öld
sem fjallar um Kabbalah-trúar-
brögðin. Gaf hún vinkonu sinni
Britney Spears bókina.
Britney er heltekin af trúar-
brögðunum og hefur lesið bókina,
sem kallast Zohar, gaumgæfilega
síðan hún fékk hana í hendurnar.
Hún segir að bókin hafi að geyma
heimspeki sem nýtist vel í lífinu
auk þess sem stjörnu- og talna-
fræðin sem þar er að finna komi að
góðum notum. Segir hún að bókin
gefi stærri heildarsýn á lífið en
Biblían. „Þessi bók er mjög áhuga-
verð fyrir mig vegna þess að ég
hef aldrei lesið um þessi trúar-
brögð áður,“ sagði Britney.
Heimildarmenn segja að
Madonna hafi alltaf passað upp á
Britney eins og hún væri dóttir sín.
„Þegar Britney fór í gegnum mikla
erfiðleika fyrr á þessu ári notaði
Madonna Kabbalah-trúarbrögðin
til að hjálpa henni. Britney var
mjög ánægð með bókina. Hún
hefur lesið hana spjaldanna á milli
og virðist hugfangin af henni.“ ■
BRITNEY OG MADONNA Britney Spears
og Madonna á góðri stundu. Madonna
passar upp á Britney eins og hún væri
dóttir sín.
FR
ÉT
TA
B
LA
Ð
IÐ
/R
Ó
B
ER
T
24/45 (24-25) helgarefni 21.8.2004 20:57 Page 3