Fréttablaðið - 26.08.2004, Side 4

4 26. ágúst 2004 FIMMTUDAGUR
Kæra send til ríkissaksóknara:
Kærir lögreglu fyrir að
stofna lífi sínu í hættu
KÆRA Vélhjólamaður hefur kært
lögreglumann í Reykjavík fyrir
að hafa stofnað lífi sínu og limum
í hættu. Hilmar Ingimundarson,
lögmaður vélhjólamannsins, segir
lögregluna hafa farið yfir á öfug-
an vegarhelming til að stöðva vél-
hjólamanninn sem kom á móti lög-
reglubílnum á Ægisíðunni.
Málið var kært til lögreglunnar
í Reykjavík sem áframsendi mál-
ið til ríkissaksóknara. Lögreglan
er vanhæf til að rannsaka kærur á
hendur sínum starfsmönnum og
félögum. Hilmar segir með ólík-
indum að lögreglumaður hafi ætl-
að sér að stöðva mótorhjól á ferð
með þessum hætti. Hann segir
lögregluna hafa fyrr um kvöldið
hafa verið að eltast við vélhjól á
mikilli ferð en þeir hafi ekki vitað
hvort um sama hjól hefði verið að
ræða eða ekki. „Hann var alltof
seinn að bremsa og lenti á lög-
reglubílnum sem var á öfugum
vegarhelming. Hann hlaut skrám-
ur og mar og hjólið fór mjög illa,“
segir Hilmar.
Lögreglumaðurinn segist hafa
sett viðvörunarljósin á en vélhjóla-
maðurinn kannast ekki við það og
hefur Hilmar farið fram á rann-
sókn. Í tetrakerfinu á að vera hægt
að sjá hvar lögreglubílar eru stadd-
ir, á hvaða hraða og hvort þeir séu
með viðvörunarljósin á. Slysið varð
31. maí og fór Hilmar fram á rann-
sóknina 10. júní þar sem upplýsing-
ar úr tetrakerfinu væru ekki
geymdar nema í tvo mánuði. ■
Jón Steinar vill bæta
störf Hæstaréttar
Hjördís Hákonardóttir og Eiríkur Tómasson íhuga að sækja um stöðu hæstaréttardómara.
Umsóknarfrestur rennur út á morgun. Jón Steinar Gunnlaugsson segir of mikið álag á hæsta-
réttardómara og þeir hafi ekki nægan tíma fyrir hvert mál.
HÆSTIRÉTTUR Hjördís Hákonar-
dóttir, dómstjóri í Héraðsdómi
Suðurlands, og Eiríkur Tómas-
son, lagaprófessor við Háskóla
Íslands, íhuga að sækja um
stöðu hæstaréttardómara en
umsóknarfrestur rennur út á
morgun. Jón Steinar Gunnlaugs-
son hæstaréttarlögmaður hefur
þegar sent inn umsókn sína.
Hjördís og Eiríkur sóttu um
stöðu hæstaréttardómara þegar
hún var auglýst síðast en Ólafur
Börkur Þorvaldsson var þá ráð-
inn. Í kjölfarið sendu þau, auk
Ragnars H. Hall hæstaréttarlög-
manns sem einnig sóttist eftir
embættinu, kvörtun til umboðs-
manns Alþingis vegna ráðning-
arinnar á þeim forsendum að
Ólafur hafi ekki verið hæfasti
umsækjandinn. Umboðsmaður
úrskurðaði að ekki hefði verið
staðið rétt að ráðningunni. Í úr-
skurði sínum hvatti hann jafn-
framt Al-
þingi og
dómsmálaráðherra að taka af-
stöðu til þess hvort þörf væri á
því að endurskoða fyrirkomulag
um skipun hæstaréttardómara
og jafnvel að breyta lögum sem
um það gilda.
Hördís Hákonardóttir kærði
jafnframt ráðninguna til kæru-
nefndar jafnréttisráðs sem
komst að þeirri niðurstöðu að
dómsmálaráðherra, Björn
Bjarnason, hefði brotið gegn
jafnréttislögum með því að ráða
Hjördísi ekki í stöðuna.
Hjördís staðfesti í samtali við
Fréttablaðið að hún væri að
íhuga að sækja um. „Ég vil þó
ekki gefa það upp fyrr en á
föstudag hvort af því verður, en
það kemur til greina,“ sagði hún.
Eiríkur Tómasson sagði að það
kæmi til greina að hann sótti
um. „Ég útiloka það ekki en hef
ekki tekið ákvörðun af eða á,“
sagði hann.
Jón Steinar Gunnlaugsson
var spurð-
ur hvort hann muni reyna að
koma á breytingum á störfum
Hæstaréttar í samræmi við þá
gagnrýni sem hann hefur við-
haft opinberlega um Hæstarétt,
verði hann ráðinn. „Ef ég fæ
þetta starf, sem er óljóst ennþá,
mun ég vinna að því að bæta
störf réttarins í góðu samstarfi
við þá dómara sem þar eru fyrir.
Ég geri ráð fyrir því að allir vilji
gera eins vel og hægt er,“ segir
Jón Steinar.
Spurður hvað það væri helst
sem hann vildi bæta segir hann
að ansi mikið starfsálag sé á
hæstaréttardómurum, meðal
annars vegna þess hve mörg
mál séu þar dæmd. „Það væri
verðugt að huga að því hvort
hægt væri að draga úr álagi svo
hvert og eitt mál fái lengri tíma.
Hægt væri til dæmis að bæta
stöðuna með fjölgun aðstoðar-
manna dómara en sú ákvörðun
er ekki á valdi réttarins sjálfs,“
segir hann.
sda@frettabladid.is
BANDARÍKIN, AP Dick Cheney, vara-
forseti Bandaríkjanna, er ósam-
mála George W. Bush forseta um
að banna eigi hjónabönd samkyn-
hneigðra.
„Frelsi þýðir frelsi fyrir
alla,“ sagði Cheney á framboðs-
fundi í Davenport í Iowa. Bush
vill breyta stjórnarskránni þan-
nig að hjónabönd samkyn-
hneigðra verði bönnuð. Cheney,
sem segist virða skoðun Bush í
málinu, vill að ríkin sjálf ákveði
hvort samkynhneigðum verði
leyft að giftast.
Á fundinum í Davenport sagði
Cheney fjölskyldu sína vera vel
inni í málum samkynhneigðra því
dóttir hans væri lesbísk.
Talsmenn réttindabaráttu sam-
kynhneigðra fögnuðu yfirlýsingu
Cheney og sögðu hana sína að
repúblikanar væru klofnir í mál-
inu. Íhaldssamir repúblikanar
gagnrýndu hins vegar yfirlýsing-
una og sögðu hana gefa væntan-
legum kjósendum í forsetakosn-
ingunum misvísandi skilaboð um
stefnu flokksins í málinu. Cheney
sagði skoðun sína persónulega og
ekki hafa áhrif á stefnu Hvíta
hússins í málinu. ■
Fylgdist þú með úrslitakeppninni
í stangarstökki kvenna á Ólymp-
íuleikunum?
Spurning dagsins í dag:
Ætlarðu að endurfjármagna íbúðalán
þín með nýju láni frá bönkunum?
Niðurstöður gærdagsins
á visir.is
23%
77%
Nei
Já
KJÖRKASSINN
Farðu inn á visir.is og segðu þína skoðun
visir.is
SETNINGARATHÖFN
Fjölmenni var við setningu ráðstefnunnar í
hátíðarsal Háskólans í gær.
Alþjóðleg ráðstefna:
Gestir frá
35 löndum
RÁÐSTEFNA Alþjóðleg ráðstefna um
lífsiðfræðileg álitamál var sett í
hátíðarsal skólans í gær. Á ráð-
stefnunni, sem standa mun fram á
laugardag, verður fjallað um
gagnagrunna og lífsýnabanka en
einnig afleiðingar læknavísind-
anna fyrir greiningu og meðferð
sjúkdóma.
Tæplega þrjúhundruð manns
frá 35 löndum sækja ráðstefnuna
og þar verða flutt 150 erindi í 41
málstofu. Siðfræðistofnun Há-
skóla Íslands stendur fyrir ráð-
stefnunni sem markar lok evr-
ópska lífsiðfræðiverkefnisins
ELSAGEN sem Siðfræðistofnun
hefur séð um undanfarin ár með
styrkjum frá ESB. ■
Dick Cheney ósammála Bush um réttindi samkynheigðra:
Vill ekki banna hjóna-
bönd samkynhneigðra
CHENEY OG LYNNE
Dick Cheney og eiginkona hans Lynne. Cheney sagði á fundi að dóttir hans væri
samkynhneigð.
ÁREKSTUR LÖGREGLUBÍLS OG VÉLHJÓLS
Segir lögreglumann hafa ekið í veg fyrir vélhjólamann með því að fara yfir á rangan vegar-
helming.
JÓN STEINAR GUNNLAUGSSON:
Vill bæta störf Hæstaréttar verði hann ráðinn sem dómari. Vill minnka starfsálag á dóm-
ara svo hvert og eitt mál fái betri tíma.
HJÖRDÍS HÁKONARDÓTTIR
Íhugar að sækja um stöðu hæstaréttar-
dómara.
EIRÍKUR TÓMASSON
Var í gær ekki búinn að ákveða hvort hann
ætlaði að sækja um.
Smáralind:
Krakkadag-
ar í gangi
SKEMMTUN Í dag hefjast Krakka-
dagar í Smáralind og munu þeir
standa yfir fram til sunnudagsins
29. ágúst. Mikil dagskrá verður í
boði þessa daga fyrir smáfólkið.
Bárður og Birta úr Stundinni okk-
ar verða á vappi um verslunar-
miðstöðina. Fígúrur úr Latabæ
koma við á laugardaginn og verða
þá jafnframt síðustu forvöð á að
versla fyrir Lató peninga. Þess
utan verður ýmislegt fleira um að
vera, andlitsmálun, sippó, snú-snú
og allir sem koma fá blöðrur. ■
FRÁ SMÁRALIND
Mikið verður þar um að vera fyrir smáfólk-
ið næstu daga enda sérstakir Krakkadagar
í gangi fram á sunnudag.