Fréttablaðið - 26.08.2004, Síða 6

6 26. ágúst 2004 FIMMTUDAGUR
Samruni háskóla í Reykjavík:
Skólagjöldin bakdyramegin
SKÓLAMÁL Björgvin G. Sigurðsson,
þingmaður Samfylkingarinnar,
óttast að með sameiningu skól-
anna sé verið að lauma skólagjöld-
um í háskóla í eigu ríkisins. Hann
segist þó fylgjandi sameiningum
skóla á háskólastigi, fylgi þeim
aukið fjármagn.
„Meginvandi háskólastigsins
er enda ekki fjöldi skóla heldur
fjársvelti af hálfu stjórnvalda,“
segir hann og áréttar að huga
verði að því að í þessu tilfelli sé
annars vegar um að ræða skóla í
einkaeigu og hins vegar háskóla í
ríkiseigu. „Meginforsenda fyrir
slíkri sameiningu er að nemend-
ur við Tækniháskólann þurfi ekki
að greiða hærri skólagjöld en
þeir gera í dag. Ekki gengur að
þarna sé verið að fara bakdyra-
megin að því að innleiða skóla-
gjöld í háskóla hins opinbera. Sé
svo kemur sameining ekki til
greina og Tækniháskólinn væri
þá betur borgið undir regnhlíf
Háskóla Íslands,“ segir Björgvin,
en telur þó sameiningu skólanna
skoðunar virði að uppfylltum
ákveðnum skilyrðum. „Sérstak-
lega að ekki verði tekin upp
skólagjöld og að sá hluti sem
myndar Tækniháskólann verði í
eigu ríkisins.“ ■
Viðbúið að skólagjöld hækki
Sameining Tækniháskólans og Háskólans í Reykjavík gæti þýtt margföldun skólagjalda í þeim
fyrrnefnda. Nemendur Tækniháskólans fá að ljúka námi á sömu forsendum og voru í byrjun,
segir menntamálaráðherra en vísar annars á Lánasjóð íslenskra námsmanna.
SKÓLAMÁL Útlit er fyrir að nem-
endur sem hefja nám í sameinuð-
um háskóla Tækniháskóla Íslands
og Háskólans í Reykjavík þurfi að
greiða skólagjöld á borð
við þau sem tíðkast í þeim
síðarnefnda. Að undirlagi
menntamálaráðuneytisins
standa yfir viðræður um
samruna skólanna og eiga
niðurstöður þeirra að ligg-
ja fyrir í lok næsta mán-
aðar.
Háskólinn í Reykjavík
er rekinn af sjálfseignar-
stofnun Verzlunarráðs Ís-
lands um viðskiptamennt-
un. Innheimt eru skóla-
gjöld upp á tæpar 200 þús-
und krónur fyrir veturinn
fyrir hvern nemanda.
Tækniháskóli Íslands er í ríkis-
eigu og innheimtir lögum sam-
kvæmt 32 þúsund krónur á ári.
Stefanía Katrín Karlsdóttir,
rektor við Tækniháskóla Íslands,
segist á þessu stigi ekki
geta sagt fyrir um mögu-
legar breytingar á skóla-
gjöldum, komi til samein-
ingar. Hún segir hins veg-
ar ljóst að sameinaður
skóli verði ekki ríkishá-
skóli og þar af leiðandi
með heimild til að taka
upp slík gjöld. „En hvort
af verður, eða hversu há,
er seinni tíma mál,“ sagði
hún.
Þorgerður Katrín
Gunnarsdóttir mennta-
málaráðherra segir ekk-
ert benda til að skólagjöld
fæli efnaminni nemendur frá
námi heldur hafi sýnt sig að á
sama tíma og skólum sem inn-
heimta slík gjöld hefur fjölgað
hafi ásókn í háskólanám aukist.
„Ég vil líka benda á að
Lánasjóður íslenskra
námsmanna, sem er einn
best rekni lánasjóður
heimsins að mínu mati,
kemur til með að lána
fyrir skólagjöldum,“ segir
hún og bætir við að skóla-
gjöld séu bara einn hluti af
formlegum samrunavið-
ræðum skólanna, sem eru
nýhafnar.
Þorgerður Katrín taldi
líklegast að sameinaður
skóli fengi rekstrarform sjálfs-
eignarstofnunar eða hlutafélags.
„Þá er ekkert ólíklegt að tekin
verði upp skólagjöld án þess að
ég gefi mér nokkuð um þá niður-
stöðu. Hins vegar er alveg ljóst
af minni hálfu að nemendur
Tækniháskólans fá að ljúka því á
sömu forsendum og voru
þegar nám var hafið.“
Þorgerður Katrín seg-
ir sameiningu Tæknihá-
skólans og Háskóla Ís-
lands ekki hafa verið inni
í myndinni, enda væri
frekar snertiflötur í
námi Háskólans í
Reykjavík og Tæknihá-
skólans. Nemendur Há-
skólans í Reykjavík eru
um 1.400 talsins og
nemendur Tæknihá-
skólans tæplega 1.000, þannig að
sameinaður skóli yrði með
stærstu háskólum landsins.
olikr@frettabladid.is
GENGI GJALDMIÐLA
Bandaríkjadalur 72,26 0,72%
Sterlingspund 129,71 0,14%
Dönsk króna 11,75 0,37%
Evra 87,36 0,34%
Gengisvísitala krónu121,94 0,15%
KAUPHÖLL ÍSLANDS - HLUTABRÉF
Fjöldi viðskipta 363
Velta 2.636 milljónir
ICEX-15 3.406,42 2,70%
Mestu viðskiptin
Kaupþing Búnaðarbanki hf. 1.631.446
Burðarás hf. 312.464
Íslandsbanki hf. 224.333
Mesta hækkun
Kaupþing Búnaðarbanki hf. 5,02%
Landsbanki Íslands hf. 4,00%
Íslandsbanki hf. 2,02%
Mesta lækkun
Nýherji hf. -0,65%
Og fjarskipti hf. -0,56%
Erlendar vísitölur
DJ* 10.119,8 0,2%
Nasdaq* 1.845,1 0,4%
FTSE 4.411,6 0,1%
DAX 3.788,9 0,5%
NIKKEI 11.130,0 1.32%
S&P* 1.095,8 -0,0%
*Bandarískar vísitölur kl. 17.00
VEISTU SVARIÐ?
1Hvað heitir bandaríski öldungar-deildarþingmaðurinn sem var í heim-
sókn á Íslandi með Hillary og Bill Clinton?
2Í hvaða sæti varð Þórey Edda Elís-dóttir í stangarstökki á Ólympíuleik-
unum?
3Hvað heitir rektor KennaraháskólaÍslands?
Svörin eru á bls. 42
■ VIÐSKIPTI
BREYTING Á TILKYNNINGU Orri
Vigfússon, bankaráðsmaður í Ís-
landsbanka, sendi nýja tilkynn-
ingu inn á Kauphöll Íslands
vegna sölu á bréfum í bankanum
til Burðaráss. Kauphöll Íslands
gerði athugasemdir við að verð í
viðskiptunum væri ekki gefið
upp. Í tilkynningunni segir að
verðið hafi verið grundvallað á
verði í framvirkum samningi 25.
febrúar síðastliðinn.
KB BANKI HÆKKAR Bréf KB
banka hækkuðu um rúm fimm
prósent í gær annan daginn í röð.
Hækkun bankans kemur í kjölfar
frumkvæðis bankans í nýjum
íbúðalánum. Einnig kann að hafa
áhrif að söluþrýstingur vegna
hlutafjárútboðs sé minni nú en
hann var í kringum gjalddaga
greiðsluseðla vegna kaupanna,
eindagi var 20. ágúst.
BJÖRGVIN G. SIGURÐSSON
Björgvin telur ótækt að nemendur sem
annars hefðu sótt nám í Tækniháskólanum
þurfi að greiða há skólagjöld eftir samruna.
HÁSKÓLAR Í HÖFUÐBORGINNI
Yfir standa viðræður um samruna Háskólans í Reykjavík, sem er með um 1.400 nemendur, og Tækniháskóla Íslands, sem er með tæplega 1.000 nemendur.
RÁÐHERRA
Þorgerður Katrín segir
ótta við skólagjöld lýsa
vanþekkingu á skóla-
kerfinu.
REKTOR TÆKNI-
HÁSKÓLANS
Stefanía Katrín segir
ekki verða ljóst fyrr
en að samrunavið-
ræðum loknum,
með hvaða hætti
skólagjöldin verði.
Leigjendasamtökin:
Vilja fá inni
hjá borginni
FÉLAGASAMTÖK Viðræður standa
yfir milli Leigjendasamtakanna
og Reykjavíkurborgar um lausn
á húsnæðismálum samtakanna.
Þórir Karl Jónasson, nýkjörinn
formaður samtakanna, segir
sumarfrí hafa tafið málið en var
vongóður um að samtökin yrðu
komin í hús hjá borginni með
haustinu.
Leigjendasamtökin misstu að
sögn Þóris Karls fyrir nokkru að-
stöðu í húsnæði sem Iðnnemasam-
bandið flutti í.
Ný stjórn Leigjendasamtak-
anna var kjörin á aðalfundi sam-
takanna í lok síðasta mánaðar. ■