Fréttablaðið - 26.08.2004, Page 18

18 26. ágúst 2004 FIMMTUDAGUR
SPORÐDREKAKONAN
Malena Hassan, sem fengið hefur viður-
nefnið „Sporðdrekakonan,“ reynir þessa dag-
ana að endurheimta heimsmeistaratitil sinn í
að dvelja í glerbúri með fjölda sporðdreka.
Hún er nú lokuð í glerbúri með yfir 6.000
sporðdrekum og ætlar að dvelja þar í 36
daga samfleytt. Myndin er tekin árið 2001,
en þá sló hún met með því að dvelja í slíku
búri í 30 daga með 2.700 sporðdrekum. Ári
síðar sló tælensk kona, Kanchana Ketkeaw,
metið þegar hún dvaldi í 32 daga með
3.400 sporðdrekum.
Opnun í næstu viku:
Unnið fram á kvöld
í Þjóðminjasafninu
SAFN „Þetta klárast daginn sem við
opnum en hér er allt á fullu og
gengur bara vel,“ segir Margrét
Hallgrímsdóttir þjóðminjavörður.
Þjóðminjasafnið verður formlega
opnað að nýju fyrsta september í
næstu viku en það hefur verið
lokað síðan árið 1998 vegna fram-
kvæmda. Húsið verður opnað al-
menningi daginn eftir frá klukkan
ellefu til fimm.
Margrét segir unnið fram á öll
kvöld, stemningin mikil og frum-
sýningarskrekkur sé í starfs-
fólkinu. Allt safnhúsið verður opn-
að með nýjum sýningum og nýrri
starfsemi. Verið er að leggja loka-
hönd á að koma húsinu í stand til
að það geti hýst þjóðminjasafn
með öllum þeim minjum sem það
varðveitir og sýnir. Ný grunnsýn-
ing er að verða klár og verður hún
fastasýning safnsins en hún nefnist
Þjóð verður til. Í sýningunni er
fjallað um samfélag Íslands frá
landnámi til dagsins í dag. Sama
dag verða opnaðar tvær sérsýn-
ingar, önnur þeirra er um brúð-
kaupssiði Íslendinga en hin um
mótun ljósmyndunar á Íslandi. Þá
verða opnaðar þrjár rannsóknar-
sýningar auk þess verður tekin í
gagnið ný veitingastofa og safn-
búð með nýjum minjagripum. ■
Blikur á lofti í
atvinnumálum
Bygging sex milljarða króna stálpípuverksmiðju í Helguvík hefur dregist á langinn.
Bæjarstjóri Reykjanesbæjar segist vongóður um að verksmiðjan verði reist. Fjármögnun
er enn ekki lokið. Ástand bæjarins er slæmt.
Fjármögnun fyrirhugaðrar stál-pípuverksmiðju í Helguvík í
Reykjanesbæ er enn ekki lokið.
Nú eru tvö og hálft ár síðan for-
svarsmenn bandaríska fyrir-
tækisins International Steel and
Tube LP komu til landsins og
undirrituðu lóðaleigusamning.
Síðasta sumar var því lýst yfir að
framkvæmdir við verksmiðjuna
myndu hefjast þá um haustið en
þær eru enn ekki hafnar.
Fjármögnun lýkur í nóvem-
ber
Árni Sigfússon, bæjarstjóri
Reykjanesbæjar, segist vera
bjartsýnn á að fjármögnunin
klárist á þessu ári þannig að verk-
smiðjan geti jafnvel hafið starf-
semi í lok næsta árs.
„Samkvæmt þeim skjölum sem
við höfum séð og staðfestingu frá
evrópskum banka sem hafði tekið
að sér að leiða fjármögnun verk-
efnisins þá á fjármögnuninni að
ljúka í lok nóvember,“ segir Árni.
„Þannig að stefnt er að því að
hefja byggingu verksmiðjunnar í
byrjun næsta árs.“
Árni segir að forsvarsmenn
fyrirtækisins hafi upphaflega
ætlað að byggja verksmiðjuna í
tveimur áföngum. Nú sé verið að
skoða þann möguleika að ljúka
öðrum áfanga fyrr og það sé já-
kvætt og hraði uppbyggingunni í
Helguvík. Bæjarstjórinn segist
ekki vera farinn að örvænta þrátt
fyrir bágt atvinnuástand í bænum
en í lok júlí voru 233 skráðir at-
vinnulausir í Reykjanesbæ.
„Miðað við upphaflega samn-
inga þá er alveg ljóst að málið
hefur dregist. Án þess að maður
sé að segja of mikið þá er ég von-
góður. Það er verið að vinna þetta
verkefni samkvæmt áætlun. Eftir
að hafa séð upplýsingarnar frá
þessum evrópska banka finnst
mér líkurnar á að þetta gerist
vera meiri en ég hef áður talið.“
Skapar 200 ný störf
Kostnaður við byggingu verk-
smiðjunnar, sem verður með
framleiðslugetu upp á 150 til 175
þúsund tonn, er áætlaður um sex
milljarðar króna. Árni segir að
gert sé ráð fyrir að verksmiðjan
muni skapa um 200 ný störf í
bænum.
„Það er viðkvæmt eða sérstakt
atvinnuástand hér,“ segir Árni.
„Óneitanlega höfum við verið að
veðja á að þessi verksmiðja verði
reist á hentugum tíma og leysi
hluta af atvinnuvandanum.“
Aðspurður hvort bæjarstjórnin
sé að treysta um of á að verk-
smiðjan leysi atvinnuvandann á
svæðinu segist Árni ekki telja svo
vera.
„Hér horfum við til margra
þátta til að byggja upp stoðirnar í
atvinnumálum. Það er hvergi
verið að slaka á annars staðar
vegna þess að mögulega sé eitt-
hvað að gerast í Helguvík. Við
sjáum uppbygginguna í Leifsstöð,
við erum að vinna að ferðamálum
og heilbrigðisstofnun Suðurnesja
er nýbúin að ljúka samningum við
ráðuneytið og er að færa út
kvíarnar. Öll þessi uppbygging á
að skapa atvinnutækifæri fyrir
mismunandi hópa samfélagsins.“
400 milljónir í lóðafram-
kvæmdir
Meginþorri þeirra sem skráðir
eru atvinnulausir í Reykjanesbæ
eru konur en langstærsti hluti
þeirra starfa sem skapast vegna
verksmiðjunnar verða karlastörf.
Aðspurður hvort hann hafi
áhyggjur af atvinnuástandi
kvenna segir Árni: „Það er ekki
eins og þessi verksmiðja leysi á
einu bretti atvinnuleysisvandann.
Þess vegna erum við að leggja
áherslu á uppbyggingu í skóla-
málum, ferðaþjónustu og heil-
brigðismálum. Það eru störf sem
eru kannski frekar kvennastörf
en störf í verksmiðju.“
Reykjanesbær hefur þegar
lagt út í mikinn kostnað vegna
lóðaframkvæmda fyrir stálpípu-
verksmiðjuna.
„Framkvæmdirnar í Helguvík
hafa kostað á fjórða hundrað
milljónir króna. Þeim fjármunum
hefur ekki bara verið varið í að
búa til eina lóð. Við höfum nýtt
allt efnið í sjóvarnargarða með-
fram strönd bæjarins. Við höfum
einnig nýtt tækifærið til að búa til
fleiri atvinnulóðir í Helguvík sem
eru lóðir til framtíðar fyrir ýmsa
aðra starfsemi.“
Bandaríska fyrirtækið
International Steel and Tube LP er
með höfuðstöðvar í Fíladelfíu.
Fyrirtækið á stálverksmiðjur í
Bandaríkjunum og í Austur-
Evrópu og myndu stálpípurnar
hér verða unnar úr hráefni sem
kæmi frá verksmiðjunum í A-
Evrópu. Stálpípur eru meðal
annars mikið notaðar í olíu-
leiðslur og gasleiðslur. ■
Ísrael:
Atvinnuleysi
vandamál
ATVINNUMÁL Atvinnuleysi er viðvar-
andi vandamál í Ísrael og þrátt
fyrir hagvöxt undanfarna mánuði
eru enn tæplega 300 þúsund
þegnar landsins á atvinnuleysis-
skrá.
Tölur yfir annan ársfjórðung sýna að
atvinnuleysi jókst lítillega milli mánaða
og er nú 10,7 prósent vinnufærra manna.
Er það fjögurra prósenta hækkun frá
sama tíma á síðasta ári. ■
BRESK SKÓLABÖRN
Mörg börn þar í landi dvelja hjá fósturfjöl-
skyldum sem ekki standast kröfur.
Bretland:
Sár skortur
á fósturfjöl-
skyldum
BARNAVERND Þúsundum barna í
Bretlandi er komið í fóstur til fjöl-
skyldna sem eru með öllu óhæfar
þar sem fjárskortur þjáir þær
deildir sveitarfélaga sem um slíkt
eiga að sjá. Hefur verið litið fram
hjá vandamálinu svo lengi að hæf-
ar fjölskyldur geta ekki lengur
séð um þau börn sem þeim er falið
þar sem greiðslur fyrir slíkt duga
rétt aðeins fyrir helstu nauðsynj-
um og litlu öðru. Hefur umsækj-
endum fækkað um átta þúsund á
tveimur árum vegna þessa og eft-
ir sitja þær fjölskyldur sem ekki
standast allar þær kröfur sem
gerðar eru til fósturfjölskyldna. ■
Dauðsföll í Tælandi:
Ásókn í
Víagra eftir-
líkingar
TÆLAND Fjöldi ferðamanna í
Tælandi sýkist alvarlega eða deyr
á ári hverju eftir að hafa innbyrt
skammta af eftirlíkingum Viagra.
Í landinu er kynlífsiðnaður blóm-
strandi sem aldrei fyrr og sem
dæmi er engin þörf á lyfseðlum til
kaupa á stinningarlyfinu eftir-
sóknarverða. Pakkinn þykir þó
dýr og því bregða sumir á það ráð
að kaupa eftirlíkingar sem geta
haft alvarlegar afleiðingar fyrir
heilsu manna. ■
OPNUN ÞJÓÐMINJASAFNSINS
Frumsýningarskrekkur er í starfsfólkinu sem unnið hefur fram á kvöld vegna opnunar
Þjóðminjasafnsins í næstu viku.
FR
ÉT
TA
B
LA
Ð
IÐ
/R
Ó
B
ER
T
TRAUSTI HAFLIÐASON
BLAÐAMAÐUR
FRÉTTAVIÐTAL
BYGGING STÁLPÍPU-
VERKSKMIÐJU Í REYKJA-
NESBÆ HEFUR DREGIST Á
LANGINN
LÓÐIN TILBÚIN
Reykjanesbær hefur þegar lagt út í mikinn kostnað vegna lóðaframkvæmda fyrir stálpípuverksmiðjuna. Framkvæmdirnar hafa kostað á fjórða hundrað milljónir króna.
ÁRNI SIGFÚSSON
Bæjarstjórinn segist ekki vera farinn að ör-
vænta þrátt fyrir bágt atvinnuástand í bæn-
um en í lok júlí voru 233 skráðir atvinnu-
lausir í Reykjanesbæ.
FR
ÉT
TA
B
LA
Ð
IÐ
/G
VA