Fréttablaðið - 14.09.2004, Blaðsíða 14

Allt bendir til að sala Símans hafi
verið slegin út af borðinu í bili.
Nokkurt skrið komst á málið á síð-
ustu vikum og var útlit fyrir að
hægt yrði að hefja ferlið innan
mjög skamms tíma. Nú virðist
sem bakslag sé komið í þróunina.
Samkvæmt heimildum Frétta-
blaðsins hafði einkavæðingar-
nefnd komist að niðurstöðu um
ráðleggingar til ríkisstjórnarinn-
ar. Næsta skref hefði því verið að
auglýsa eftir ráðgjafa til þess að
vera nefndinni innan handar um
framkvæmd á sölu Símans. Allt
benti til þess að ekkert væri því
til fyrirstöðu að setja söluferlið í
gang. Nú um helgina kom annað
hljóð í strokkinn og nú er talið að
áherslumunur stjórnarflokkanna
sé meiri en áður var talið.
Einkavæðingarnefnd löngu
tilbúin
Fyrir um hálfu ári var einkavæð-
ingarnefnd komin í startholurnar
og tilbúin með auglýsingu þar
sem til stóð að lýsa eftir ráðgjafa
til þess að sjá um sölu fyrirtækis-
ins. Síðan þá hefur málið tafist.
Meðal annars hafa stjórnarflokk-
arnir haft ólíkar skoðanir á því
hvort selja beri fyrirtækið í einu
lagi, að hluta til kjölfestufjárfest-
is eða með algjörlega dreifða
eignaraðild að leiðarljósi.
Framsóknarmenn hafa viljað
fara hægar í sakirnar og vilja
jafnvel að farin verði áþekk leið
og var gert þegar Búnaðarbank-
inn var seldur. Þá var hlutafé selt
í skömmtum. Framsóknarmenn
vilja ekki útiloka þá leið og hafa
viðrað þá hugmynd að byrja eigi á
því að selja lítinn hlut af fyrirtæk-
inu og sjá svo til hver reynslan af
því verði. Sjálfstæðismenn munu
hins vegar hafa lagt áherslu á að
söluferlið fari ekki í gang nema
búið sé að hnýta alla lausa enda og
aðilar á markaði geti frá upphafi
gert sér grein fyrir hverjar fyrir-
ætlanir ríkisstjórnarinnar séu.
Þeir telja að þetta sé mikilvægt til
þess að tryggja að ásættanlegt
verð fáist fyrir félagið auk þess
sem slík leið sé gagnsærri.
Héldu að málið væri komið
á skrið
Sjálfstæðismenn töldu að yfirlýs-
ingar framsóknarmanna á síðustu
vikum gæfu sölunni byr undir
báða vængi . Þá sagði Hjálmar
Árnason þingflokksformaður að
Framsóknarflokkurinn stæði með
því að Síminn yrði seldur í heilu
lagi til eins kaupanda. „Það er
beðið eftir réttu tilboðunum,“
sagði hann í viðtali við Fréttablað-
ið 30. ágúst.
Valgerður Sverrisdóttir tók þá
í sama streng og sagði að sér virt-
ist ekki nein hreyfing vera á mál-
inu en að ekki stæði á stuðningi
framsóknarmanna. „Það er ekkert
því til fyrirstöðu af hálfu iðnaðar-
og viðskiptaráðuneytisins eða
framsóknarmanna yfirleitt að
selja Símann,“ sagði hún við
Fréttablaðið sama dag.
Í kjölfar þessara yfirlýsinga
taldi einkavæðinganefnd ekkert
lengur vera málinu til fyrirstöðu
og fyrir helgi voru tillögur sendar
til ráðherranefndar um einkavæð-
ingu. Svo virðist hins vegar sem
ekki hafi verið einhugur meðal
ráðherranna um framhald máls-
ins.
Áherslumunur um dreifi-
kerfið
Um helgina virtist sem á yfirborð-
ið kæmi ágreiningur um hvernig
hátta ætti uppbyggingu dreifi-
kerfis á landsbyggðinni. Fram-
sóknarmönnum brá í brún þegar
Davíð Oddsson lýsti því yfir að
engin skilyrði myndu fylgja sölu
Símans enda hafði Framsóknar-
flokkurinn samþykkt söluna með
þeim fyrirvara að tryggð yrði
uppbygging dreifikerfis Símans á
landsbyggðinni. Nú gera þeir hins
vegar lítið úr þeim ágreiningi.
Jónína Bjartmarz, þingmaður
Framsóknarflokksins, segist
ekki koma auga á áherslu-
mun milli flokkanna og seg-
ir ekkert því til fyrirstöðu
af hálfu framsóknar-
manna að selja Símann.
„Ég get ekki séð annað
en að skilningur okkar
sé hinn sami og skiln-
ingur forsætisráð-
herra. Það er því eng-
in fyrirstaða hjá
okkur um það að
Síminn verði
seldur,“ segir
hún.
Hjálmar Árnason
tekur í sama streng.
Hann segir að póli-
tísk ákvörðun um
sölu fyrirtækis-
ins liggi fyrir en
nánari útfærsla
verði í höndum
einkavæðing-
a r n e f n d a r.
„Það er ekki
e f n i s -
l e g u r
ágreining-
ur. Menn
m u n u
finna lausn
á því með
hvaða hætti
þeir fara í
verkið,“ segir
Hjálmar.
Framsókn-
armenn hafa
lagt mikla áher-
slu á að sala
Símans fari ekki í
gegn nema að
tryggt sé að sam-
hliða liggi fyrir áætl-
un um eflingu dreifikerfa Símans
á landsbyggðinni. „Þetta er spurn-
ing um tímasetningar. Það er
spurning hvort menn fara fyrst út
í að efla dreifikerfið og selja svo.
Það kemur líka til greina að nota
ágóðann af sölunni í það verkefni
og það er heldur ekkert sem úti-
lokar að þetta tvennt geti átt sér
stað á sama tíma,“ segir Hjálmar.
Góður tími til að selja...
Fjárfestar og greiningardeildir
bankanna hafa að undanförnu
bent á að nú sé góður tími til að
selja Símann og fá gott verð fyrir.
Markaðurinn er frísklegur og
mikið fjármagn í umferð.
Þessar aðstæður voru einnig
uppi síðast þegar reynt var
að einkavæða Símann. Þá
var hins vegar beðið of
lengi og markaðurinn
hafði kólnað svo mjög
þegar salan fór loksins
af stað að áhuginn var
takmarkaður. Áhuga-
menn um einkavæð-
inguna óttast að
pólitísk togstreita
kunni að valda því
að annað gott
tækifæri fari for-
görðum sökum póli-
tískra trakteringa.
Í samtali við
Fréttablaðið í gær
segir Davíð Odds-
son forsætisráð-
herra að Síminn
verði einka-
væddur fyrir
lok kjörtíma-
bils. Ekki sé
um aðrar
t í m a t a k -
markanir að
ræða í þeim
e f n u m .
Þetta er í
s a m r æ m i
við það
sem hann
sagði í viðtali
við Morgun-
blaðið um
helgina. Þar
sagði hann að
ríkisstjórnin
væri „ekki á
neinni hrað-
ferð“ með mál-
ið.
Davíð segist ekki
telja að ágreiningur
sé á milli flokkanna
um málið. „Manni
sýnist þetta vera
óskaplega lítill
ágreiningur en það
getur vel verið að
hann eigi eftir að
vaxa,“ segir hann.
Hann gerir ráð
fyrir að breytingar verði gerðar
á einkavæðingarnefnd þegar
Halldór Ásgrímsson tekur við
embætti forsætisráðherra á
morgun. Davíð segir að við mat á
því hvenær salan skuli fara fram
verði miðað við „hvenær [sé]
hagfelldast fyrir ríkissjóð og alla
að klára þá sölu“.
...en óvíst að það verði nýtt
Allt þetta hnígur að sömu niður-
stöðu. Síminn verður ekki seldur
strax þótt teikn um slíkt hafi ver-
ið uppi allt fram á síðustu daga.
Ýmis mál eru óleyst áður en hald-
ið verður út í það ferli. ■
14 14. september 2004 ÞRIÐJUDAGUR
SAMRUNI EKKI STÖÐVAÐUR
Hugbúnaðarfyrirtækið Oracle hefur fengið
grænt ljós á kaup á hugbúnaðarfyrirtæk-
inu Peoplesoft. Stjórnvöld óskuðu eftir að
samruninn yrði stöðvaður á grundvelli
samkeppnislaga. Á myndinni sjást höfuð-
stöðvar Oracle í Kaliforníu.
Fjármálaráðuneytið endurskoðar hagvaxtarspá:
Hagvöxtur verði yfir fimm prósent
EFNAHAGSMÁL Landsframleiðsla á
öðrum ársfjórðungi óx um 6,4
prósent frá því á sama tíma í
fyrra. Hagvöxtur hefur ekki ver-
ið meiri síðan í lok aldamótaupp-
sveiflunnar.
Mikill vöxtur landsframleiðslu
í ár er knúinn áfram af 21 pró-
sents aukningu í fjárfestingu og
7,4 prósenta aukningu á verðmæti
útflutnings. Einkaneyslan eykst
um 6,5 prósent.
Greiningardeild Íslandsbanka
spáir því að hagvöxtur á árinu
verði 3,9 prósent og gerir ráð
fyrir að heldur hægi á vextinum á
síðari hluta ársins. Greiningar-
deildin vekur einnig athygli á því
í Morgunkorni í gær að þrátt fyrir
kröftugan hagvöxt fari atvinnu-
leysi ekki minnkandi. Því er sú
ályktun dregin að orsök hagvaxt-
arins sé aukin framleiðni vinnu-
afls, þ.e. að fólk afkasti meiru á
hverja vinnustund.
Bolli Þór Bollason, skrif-
stofustjóri efnahagsskrifstou
fjármálaráðuneytisins, segir
þróunina ekki koma á óvart.
„Þróunin síðustu mánuðina hef-
ur verið sú að hagvöxturinn sé
klárlega heldur meiri en við
gerðum ráð fyrir í okkar síðustu
spá,“ segir hann.
Fjármálaráðuneytið spáði því í
apríl að hagvöxtur í ár yrði 4,5
prósent. Nú er unnið að uppfærslu
þeirrar spár og gerir Bolli ráð
fyrir að enn meiri hagvexti verði
spáð. „Við verðum klárlega í
fimm prósentum eða þar yfir,“
segir hann. ■
Símasalan sett í salt
Allt útlit var fyrir að söluferli Símans væri innan seilingar þangað til um helgina. Þá kom hik
á ríkisstjórnina og ágreiningur um uppbyggingu dreifikerfisins kom upp á yfirborðið.
Nú bendir allt til þess að verkefnið sé komið í bið.
■ VIÐSKIPTI
GENGI GJALDMIÐLA
Bandaríkjadalur 71,55 -0,67%
Sterlingspund 128,77 -0,02%
Dönsk króna 11,79 -0,35%
Evra 87.69 -0,33%
Gengisvísitala krónu 121,83 -0,63%
KAUPHÖLL ÍSLANDS
Fjöldi viðskipta 302
Velta 1.953 milljónir
ICEX-15 3.558,68 0,87%
MESTU VIÐSKIPTIN
Kaupþing Búnaðarbanki hf. 725.775
Bakkavör Group hf. 511.427
Burðarás hf. 224.838
MESTA HÆKKUN
Og fjarskipti hf. 12,04%
Burðarás hf. 3,05%
HB Grandi hf. 2,13%
MESTA LÆKKUN
Össur hf. -2,89%
Flugleiðir hf. -1,70%
Nýherji hf. -1,28%
ERLENDAR VÍSITÖLUR
DJ* 10.332,5 0,2%
Nasdaq* 1.914,8 1,1%
FTSE 4.558,5 0,3%
DAX 3.953,3 1,7%
NIKKEI 11.253,1 1,5%
S&P* 1.127,1 0,3%
*Bandarískar vísitölur kl. 17.00
OG VODAFONE HÆKKAR Hluta-
bréf í Og Vodafone hækkuðu um
tólf prósent í líflegum viðskipt-
um í Kauphöll Íslands í gær.
Þetta gerist í kjölfar kaupa Norð-
urljósa á 35 prósenta hlut í félag-
inu um helgina. Norðurljós keyp-
tu hlut sinn á genginu 4,20 en
lokagengi bréfa í Og Vodafone í
gær var 4. Verðið sem Norðurljós
greiddi var um sautján prósent-
um yfir markaðsverði á föstudag-
inn en þá stóð gengi þeirra í 3,57.
ÞÓRLINDUR KJARTANSSON
BLAÐAMAÐUR
BAKSVIÐS
SALA SÍMANS
I II III IV I II III IV I II III IV I II
2001 2002 2003 2004
BREYTING LANDSFRAMLEIÐSLU EFTIR
ÁRSFJÓRÐUNGUM - HAGVÖXTUR
7,9%
0,1% 0,2%
1,3%
0,0% 0,1% -0,2% -1,8%
4,7%
3,4% 3,5%
4,9% 4,6%
6,4%
Heimild: Hagstofa Íslands