Fréttablaðið - 14.09.2004, Blaðsíða 29

FÓTBOLTI Riðlakeppni Meistara-
deildar Evrópu fer á skrið í dag.
Samkvæmt venju munu þrjátíu og
tvö lið gera atlögu að titlinum eft-
irsótta og er þeim skipt í 8 riðla.
Tvö lið komast upp úr hverjum
riðli en strax í fyrstu umferð
verða nokkrar mjög athyglisverð-
ar rimmur.
Leverkusen reynir að hefna sín
David Beckham og félagar hjá
Real Madrid mæta Bayer
Leverkusen en þýska liðið á
harma að hefna síðan 2002 þegar
Real vann úrslitaleikinn gegn því
í meistaradeildinni, 2-1. Einhver
losarabragur hefur verið á leik
Leverkusen undanfarið og tapaði
liðið 2-0 fyrir FSV Mainz á laugar-
daginn var. Klaus Augenthaler,
þjálfari Leverkusen, sagði að sín-
ir menn hefðu gerst sekir um ein-
beitingarskort í leiknum og auð-
séð hefði verið hvað var efst í
hugum leikmanna liðsins. „Þeir
voru farnir að hugsa um leikinn
gegn Real og það var nákvæmlega
það sem ég kveið fyrir,“ sagði
Augenthaler.
Chelsea á góðri siglingu
Það væsir ekki um stuðnings-
menn Chelsea en liðið er á feikna-
skriði um þessar mundir og hefur
unnið fjóra leiki og gert eitt jafn-
tefli í ensku deildinni. Chelsea-
menn mæta Paris St. Germain og
er stefnan tekin á að byrja sterkt í
riðlakeppninni. PSG mætir ein-
beitt til leiks. „Við eigum eftir að
fínpússa vissa hluti, bæði lið eru á
siglingu og eiga enn eitthvað í
land að ná sínum mesta styrk,“
sagði Vahid, þjálfari franska liðs-
ins. „Ég vil sjá árangur gegn Chel-
sea,“ bætti þjálfarinn við.
Franska liðið Olympique Lyon
vonast til að ná hagstæðum úrslit-
um gegn Manchester United, sem
hefur átt erfitt uppdráttar í ensku
deildinni og aðeins unnið einn af
fyrstu fimm leikjum tímabilsins.
Lyon er hins vegar taplaust það
sem af er í frönsku deildinni og
spilar sú staðreynd stóra rullu í
sjálfstrausti liðsins gegn United.
„Það skiptir sköpum í þessum
leik. Það að við erum taplausir
hjálpar okkur að vera fullir sjálfs-
trausts í leiknum gegn Manchest-
er United,“ sagði Jean-Michel
Aulas, forstjóri Olympique Lyon.
Manchester-liðið er í tíunda sæti
að fimm umferðum loknum og
þarf að rífa sig upp á hnakka-
drambinu til að komast upp úr
riðlinum í meistaradeildinni.
Larsson heimsækir Celtic
Það verður fróðlegt að fylgjast
með Svíanum Henrik Larsson,
sem mætir ásamt félögum sínum í
Barcelona á Parkhead-leikvang-
inn í Glasgow. Má búast við að
andrúmsloftið verði magnþrungið
en Larsson lék um árabil með
Glasgow Celtic og er í guðatölu
hjá aðdáendum liðsins. Martin
O’Neill, knattspyrnustjóri Celtic,
sagði Larsson eiga lof skilið frá
áhorfendum. „Menn munu rísa úr
sætum og klappa fyrir honum,
þegar hann gengur inn á völlinn,“
sagði O’Neill. „Ég vil þó síður að
hann fái klapp í hvert sinn sem
hann snertir boltann.“
Porto, sem varð Evrópumeist-
ari meistaraliða í fyrra þegar liðið
vann Monaco, tekur á móti CSKA
Moskvu. Þá mætir AC Milan
Shakhtar Donetsk en hið fyrr-
nefnda á sex Evróputitla í sínum
fórum. Valencia tekur á móti
Anderlecht, Inter Milan fær
Werder Bremen í heimsókn og
Juventus fer í heimsókn til
Amsterdam en þá fær framherj-
inn öflugi Zlatan Ibrahimovic
tækifæri til að heilsa upp á sína
gömlu félaga í Ajax. Arsenal tek-
ur á móti PSV Eindhoven og
Maccabi Tel Aviv mætir Bayern
München á heimavelli.
smari@frettabladid.is
■ ■ LEIKIR
 18.00 ÍBV og Haukar mætast í
Eyjum í meistarakeppni kvenna í
handbolta.
 19.00 Grindavík og Haukar
mætast í Keflavík í Reykjanes-
mótinu í körfubolta.
 19.15 Fram og KA mætast í
Framhúsinu í Norðurriðli efstu
deildar karla í handbolta.
 19.15 Þór Ak. og FH mætast í
Höllinni á Akureyri í Norðurriðli
efstu deildar karla í handbolta.
 19.15 Grótta/KR og Stjarnan
mætast á Seltjarnarnesi í
Suðurriðli efstu deildar karla í
handbolta.
 19.15 Valur og Selfoss mætast á
Hlíðarenda í Suðurriðli efstu
deildar karla í handbolta.
 20.00 ÍBV og ÍR mætast í Eyjum í
Suðurriðli efstu deildar karla í
handbolta.
 21.00 Keflavík og Njarðvík
mætast í Keflavík í Reykjanes-
mótinu í körfubolta.
■ ■ SJÓNVARP
 15.05 Trans World Sport á SÝN.
Íþróttir um allan heim.
 16.25 Olíssport á SÝN. Íþrótta-
viðburðir heima og erlendis.
 17.40 Ryder-bikarinn á SÝN.
Umfjöllun um sögu og keppend-
ur í Ryder-bikarnum í golfi.
 18.05 Meistaradeildin á SÝN.
Fréttir af liðum og leikmönnum.
 18.30 Meistaradeildin á SÝN.
Beint frá leik Arsenal og PSV
Eindhoven.
 20.35 Meistaramörk á SÝN. Öll
mörkin úr leikjum kvöldsins í
meistaradeild Evrópu.
 21.10 Meistaradeildin á SÝN. Sýnt
frá leik PSG og Chelsea.
HVAÐ? HVENÆR? HVAR?
11 12 13 14 15 16 17
Þriðjudagur
SEPTEMBER
ÞRIÐJUDAGUR 14. september 2004 21
- mest lesna blað landsins
Á FIMMTUDÖGUM

Upphafið á skemmtilegu ferðalagi

Auglýsingasíminn er 550 5000

auglysingar@frettabladid.is
Meistaradeildin af stað
Keppni bestu knattspyrnuliða Evrópu fer í gang í dag en 32 lið etja
kappi um titilinn góða. Skemmtilegir leikir eru strax í fyrstu umferð.
HVAÐ ER AÐ GERAST Á OLD TRAFFORD? Alex Ferguson, stjóri Manchester United, fórnar hér höndum yfir leik sinna manna en nú
byrjar fyrst alvaran þegar meistaradeild Evrópu fer af stað. United mætir franska liðinu Lyon í fyrsta leik.