Fréttablaðið - 27.09.2004, Blaðsíða 16
Þórdís Elva Þorvaldsdóttir
Bachmann, leikkona, hefur
selt Hafnarfjarðarleikhúsinu sitt
fyrsta leikrit í fullri lengd. Þór-
dís er að vonum yfir sig ánægð
með áhugann sem þessi frum-
raun hennar, sem leikskáld, vakti
í Hafnarfirðinum ekki síst þar
sem hún er aðeins 24 ára gömul.
„Ég er ekki búin að ákveða
endanlegt nafn á verkið en
vinnutitilinn er Brotið og það
getur vel farið svo að hann haldi
sér,“ segir Þórdís Elva sem byrj-
aði að skrifa leikritið síðasta
haust. „Það kom eiginlega bara
til mín. Ég sat eitt kvöldið með
tölvuna í fanginu og skrifaði
senu. Ég var svo ánægð með
hana að ég bætti og bætti við.
Kærastinn minn, Guðmundur
Ingi Þorvaldsson leikari, hafði
tröllatrú á verkinu en ég var
frekar hógvær sjálf og ætlaði
ekki að hampa þessu mikið í
byrjun enda var þetta bara
fyrsta uppkast og venjulega þarf
að endurskrifa svona texta oft.
Guðmundur vildi hins vegar
að við hefðum leiklestur með
ungum leikurum og hæfileikarík-
um krökkum. Það var ofboðslega
gaman. Leikararnir voru mjög já-
kvæðir og hvöttu mig áfram
þannig að í einhverju hugdirfsku
kasti sendi ég verkið á nokkra
aðila og fékk svona jákvæð við-
brögð frá Hafnarfjarðarleikhús-
inu sem keypti verkið að lokum.“
Þórdís Elva segir að hlutirnir
hafi gerst hratt eftir að hún
sendi verkið frá sér. „Ég ætlaði
ekki að sýna neinum þetta í upp-
hafi þannig að það er skemmti-
legt að þetta hafi gengið svona
vel og að framleiðsluferlið sé
farið af stað. Þetta er framar
öllum mínum vonum.“
Þórdís lagði leiklistina fyrir
sig sem leikkona og segist ekki
hafa lært neitt viðkomandi leik-
ritun. „Mig grunaði því ekki fyr-
ir ári síðan að ég myndi standa
uppi sem leikskáld og hefði þótt
tilhugsunin mjög fyndin.“
Þórdís Elva segist vera í
miklum ham þessa dagana og
hafi til að mynda skrifað heilt
leikrit á innan við sólarhring í
síðustu viku. „Ég er hálf ofvirk
en þetta er að vísu 20 mínútna
örverk.“ Þórdís segist vera
sískrifandi en það megi með
sanni segja að Brot sé hennar
fyrsta leikrit, í það minnsta í
fullri lengd, en einþáttungurinn
hennar, Áttu smit vakti athygli í
sumar.
Þórdís mun taka virkan þátt í
að koma verkinu á fjalirnar og á
jafnvel von á að það gerist strax
í byrjun næsta árs. „Þetta er af-
skaplega spennandi verkefni en
ég er samt nett stressuð. Það er
gott að vera viðstaddur sem
höfundur og vera til viðræðu
um hvað betur megi fara og
þess háttar. Hættan er sú að
maður verði of mikið til staðar
og þrengi að leikurunum en þá
verður manni bara sagt að
pakka sér saman í viku eða svo.
Ég ætla fyrst og fremst að læra
sem mest af þessari reynslu
enda er ég að stíga mín fyrstu
skref í atvinnuleikhúsi.“
thorarinn@frettabladid.is
16 27. september 2004 MÁNUDAGUR
GWYNETH PALTROW
Þessi fjölhæfa Óskarsverðlauna-
leikkona er 32 ára í dag.
Frumraunin fer beint á svið
Þórdís Elva 24 ára leikskáld kemur frumraun sinni á fjalirnar.
„Fegurð er fyrir mér að vera sátt-
ur við sína eigin húð. Eða brjálæð-
islega rauður varalitur.“
Útlitspælingarnar vefjast ekki fyrir afmælisbarninu
Gwyneth Paltrow.
timamot@frettabladid.is
AFMÆLI
Sigurður Dagsson knattspyrnumaður er
60 ára.
Jón Steinar Gunnlaugsson, lögmaður
og prófessor, er 57 ára.
Sigurður Jónsson knatt-
spyrnumaður er 42 ára.
ÞÓRDÍS ELVA ÞORVALDSDÓTTIR BACHMANN Er ákaflega ánægð með að frumraun
hennar sem leikskáld verði sett upp i hinu nýja Hafnarfjarðarleikhúsi. „Þetta nýja hús er
gífurlega spennandi og ég óska Hafnarfjarðarleikhúsinu innilega til hamingju með það.
Hópurinn sem stendur á bak við Hermóð og Háðvöru er búinn að vera ótrúlega ötull og
duglegur í gegnum tíðina og það er frábært að þau séu komin með þessa aðstöðu.“
27. september 1999
Ólafur Ragnar Grímsson, forseti Íslands, axlarbrotnaði þegar hann féll
af hestbaki um sjöleytið að kvöldi þessa dags árið 1999. Forsetinn var
í útreiðartúr austur að Leirubakka í Landsveit ásamt mönn-
um sem þá voru áberandi í íslensku viðskiptalífi og heitkonu
sinni Dorrit Moussaieff.
Hestur forsetans tók upp á þeim óskunda að kasta honum
af baki með þeim afleiðingum að hann brotnaði illa á vinstri
öxl. Það þótti ekki ráðlegt að hreyfa forsetann og því var á-
kveðið að kalla til þyrlu Landhelgisgæslunnar sem flutti hann
á sjúkrahús í Reykjavík. Gunnar V. Andrésson, ljósmyndari
DV, var með í för og náði hann nokkrum ógleymanlegum
myndum af Dorrit þar sem hún sat við hlið forsetans og
hlúði að honum á meðan beðið var eftir þyrlunni. Þjóðin var
að vonum mjög forvitin um þessa dularfullu konu sem forsetinn vildi
fá að kynnast í tilfinningalegu svigrúmi en þetta atvik og myndir
Gunnars urðu strax til þess að færa hana nær hjarta þjóðarinnar enda
sást blika á tár á hvarmi hennar þegar forsetinn var fluttur í þyrluna.
ÞETTA GERÐIST
ÓLAFUR RAGNAR GRÍMSSON AXLARBROTNAÐI EFTIR FALL AF HESTI
MERKISATBURÐIR
1825 George Stephenson stjórnaði
fyrstu eimreiðinni sem dró far-
þegalest.
1964 Warren-nefndin skilaði skýrslu
sinni um morðið á John F.
Kennedy, Bandaríkjaforseta,
en rannsókn nefndarinnar
lauk með þeirri niðurstöðu að
morðinginn Lee Harvey
Oswald hefði verið einn að
verki.
1983 Larry Bird skrifaði undir 7 ára
samning við Boston Celtics.
Samningurinn tryggði honum
1.5 milljón dollara í laun og
gerði hann að tekjuhæsta
leikmanni í sögu Celtics.
1996 Talibanar náðu yfirráðum í
Kabúl, höfuðborg Afganistans,
og hengdu fyrrverandi forset-
ann Najibullah.
1998 Sósíaldemókratinn Gerhard
Schroeder var kosinn kanslari
Þýskalands í kosningum sem
bundu enda á 16 ára hægri-
stjórn í landinu.
Forsetinn fellur af baki
sem andaðist á gjörgæsludeild Landspítalans við Hringbraut
mánudaginn 20. september, verður jarðsungin frá Kópavogskirkju
þriðjudaginn 28. september kl. 13.30.
Ingibergur Sigurðsson, Íris Kristjánsdóttir, Anton G. Ingibergsson,
Kristján A. Írisarson, Valgerður Ý. Ásgeirsdóttir, Steinunn Gísladóttir,
Hulda Leifsdóttir, Bjarni Pálsson, Hafdís Leifsdóttir, Sigurbjörn
Sigurðsson og aðrir aðstandendur.
Ástkær móðir mín, tengdamóðir, amma,
dóttir og systir,
Helga Leifsdóttir
Trönuhjalla 19, Kópavogi,
Elskulegur eiginmaður minn, faðir okkar,
tengdafaðir, afi og langafi,
Halldór Jón Ólafsson
bólstrari, Hátúni 6b
Jónína Sigurðardóttir, Ólafur Halldórsson, Rósa Friðriksdóttir, Sólveig
Halldórsdóttir, Jóhann Björn Arngrímsson, Erla Halldórsdóttir,
Tryggvi Sigurðsson, Jón M. Halldórsson, Ingibjörg Svavarsdóttir, börn
og barnabörn.
verður jarðsunginn frá Laugarneskirkju þriðjudaginn
28. september kl. 15.00.
Ráðherra heiðrar skákkrakka
Þorgerður Katrín Gunnarsdóttir,
menntamálaráðherra, heiðraði á
miðvikudaginn hinar vösku skák-
sveitir Rimskóla og Laugalækjar-
skóla en þær tryggðu sér fyrsta
og annað sætið á Norðurlandamóti
skólaskáksveita á dögunum. Ráð-
herrann bauð skákfólkinu unga,
þjálfurum, aðstandendum og
öðrum til móttöku í Þjóðmeninng-
arhúsinu. Þar ávarpaði hún sam-
komuna og rómaði afrek krakkanna
og sagðist stolt af árangrinum sem
þau hefðu náð. Þá hét menntamála-
ráðherra því að bjóða hverri þeirri
skólaskáksveit sem ynni Norður-
landameistaratitil í skák til mót-
töku í ráðuneytinu.
Guðfríður Lilja Grétarsdóttir,
forseti Skáksambands Íslands,
þakkaði öllum þeim sem komu að
undirbúningi og vinnu við Norður-
landamótið og þá sérstaklega af-
reksfólkinu unga en sveit Rima-
skóla sigraði mótið og sveit Lauga-
lækjarskóla hafnaði í öðru sæti.
Helgi Árnason, skólastjóri
Rimaskóla, færði Þorgerði Katrínu
að gjöf myndabók um sögu skák-
listarinnar í Rimaskóla en sú saga
er jafn gömul skólanum sjálfum
enda hefði hann, sem skólastjóri,
verið fyrri til að kaupa taflborð en
skólaborð.
Sigurliðin voru að vonum upp-
veðruð yfir móttökunum í Þjóð-
menningarhúsinu og það þarf ekki
að draga það í efa að áhugi ráða-
manna á afrekum þeirra verði þeim
hvatning til frekari landvinninga í
framtíðinni. ■
MENNTAMÁLARÁÐHERRA Heiðraði hinar ungu skólaskáksveitir Rima- og Laugalækjar-
skóla í Þjóðmenningarhúsinu en krakkarnir tryggðu sér fyrsta og annað sætið á Norður-
landameistaramóti skáksveita fyrir viku síðan.
ANDLÁT
Eiríkur Helgason, Garðastræti 19,
Reykjavík, lést 23. september.
JARÐARFARIR
15.00 Emelía Kofoed-Hansen Lyber-
opoulos verður jarðsungin frá
Dómkirkjunni.
15.00 Sigurður Þormar, Hvassaleiti 71,
verður jarðsunginn frá Laugarnes-
kirkju.
15.00 Ari Freyr Jónsson, Vallarbarði 3,
Hafnarfirði, verður jarðsunginn frá
Fríkirkjunni í Hafnarfirði.
FRIENDTEX Á ÍSLANDI OG KRABBA-
MEINSFÉLAG ÍSLANDS Halda áfram
samstarfi sínu, sem hófst fyrir einu ári, en
það felur í sér að fimmtíu sölufulltrúar
Friendtex bjóða viðskiptavinum sínum að
styrkja Krabbameinsfélagið með því að
kaupa litla bangsa. Hver bangsi kostar 500
krónur og rennur allur ágóðinn til Krabba-
meinsfélagsins. Samstarfið hefur þegar
skilað miklum árangri en nær tvö þúsund
bangsar hafa verið seldir hér á landi.