Fréttablaðið - 04.10.2004, Blaðsíða 2

2 4. október 2004 MÁNUDAGUR
Kjaradeila kennara og sveitarfélaga:
Ákveðnum áfanga náð
þótt enn sé langt í land
KJARADEILA Samninganefndir
kennara og sveitarfélaga sátu á
fundi síðdegis í gær og eru
deilendur sammála um að örlítið
hafi þokast í viðræðunum. Ekki er
þó útlit fyrir að verkfallið leysist
á næstunni. Nýr fundur verður
haldinn klukkan eitt í dag.
Að sögn Eiríks Jónssonar, for-
manns KÍ, náðist á fundinum í
gær samstaða um ákveðin atriði
sem snerta vinnutíma kennara.
Þessir þættir eru þó háðir því að
viðræðunefndirnar verði jafn-
framt sammála um aðra liði samn-
ingsins. Ef það bregst þá er öll
vinna síðustu daga til einskis. Þótt
fyrstu skrefin í átt að nýjum
kjarasamningi hafi þannig á viss-
an hátt verið tekin þá varar Eirík-
ur við of mikilli bjartsýni. „Mér
fannst hljóðið í samfélaginu farið
að verða fullbjartsýnt. Ekki það
að ég sé á móti bjartsýni en ég vil
að fólk fái raunsanna mynd af því
sem er að gerast og það er ennþá
langt í land,“ segir Eiríkur sem
telur ólíklegt að lausn finnist á
deilunni alveg á næstunni.
Sest verður að samningaborð-
inu á nýjan leik um hádegisleytið
í dag og útilokaði Eiríkur ekki að
ljón gætu þá verið á veginum.
„Við erum alltaf að fást við eitt-
hvað sem getur sprengt allt í loft
upp“ ■
IÐNAÐUR Sigurður Bragi Guð-
mundsson, framkvæmdastjóri
Plastprents og stjórnarmaður í
Samtökum Iðnaðarins, gagnrýnir
stjórnvöld harðlega fyrir losara-
lega efnahagsstjórn sem komið
hafi niður á starfsumhverfi iðnað-
arfyrirtækja. „Núverandi ríkis-
stjórn hefur algjörlega misst tök-
in á launakostnaði hins opinbera,“
segir hann og telur að iðnaðurinn
mæti ekki nægum skilningi yfir-
valda.
Sigurður bendir á að iðnaður
skapi meiri atvinnu en bæði land-
búnaður og sjávarútvegur til sam-
ans. „Í iðnaði starfa um 20 prósent
vinnandi fólks en 10 til 12 prósent
í sjávarútvegi og um 2 prósent í
landbúnaði,“ segir hann og telur
ranga gengisskráningu og launa-
þróun hins opinbera hafa skaðað
iðnaðinn. „Við erum aðallega að
missa störf úr landi vegna þess að
núverandi ríkisstjórn hefur al-
gjörlega misst tökin á þróun
launakostnaðar hjá ríkinu og ís-
lenskur iðnaður
á erfitt með að
keppa við laun-
in sem þar eru í
boði. Þessum
gífurlega kostn-
aðarauka hjá
hinu opinbera
hefur svo verið
velt yfir á fyrir-
tækin í landinu,
hvort sem það
er með trygg-
ingagjaldi eða öðrum hætti,“ segir
hann.
Plastprent á í samningaviðræð-
um um kaup á verksmiðju í Lit-
háen og verður eftir kaupin með
um 80 prósenta markaðshlutdeild
þar líkt og í Lettlandi, þar sem
fyrirtækið á tvær verksmiðjur.
Sigurður Bragi sér fram á að
verkefni færist í auknum mæli út
til Lettlands og Litháen næstu ár.
Þar er markaður upp á 5 til 6
milljónir manna og plastpoka-
notkun fer ört vaxandi. „Næstu
árin er áætlaður 50 prósenta vöxt-
ur árlega á þessum markaði,“ seg-
ir hann.
Að sögn Sigurðar er viðbúið að
einhverjir tugur starfa flytjist til
útlanda frá fyrirtækinu á ári
hverju næstu árin. Hjá Plastprent
Group starfa alls um 400 manns,
þar af milli 160 og 180 hér á landi.
Sigurður bendir á að margföldun-
aráhrif séu af því að missa störf
úr landi því bak við hvert eitt
starf í framleiðslu geta verið tvö
til þrjú önnur störf. Hann áætlar
að meðalaunatekjur starfsmanna,
með launatengdum gjöldum, séu
um 200 þúsund krónur. Síðustu
launahækkanir segir hann þýða
um þrjátíu þúsund króna kostnað-
arauka á mánuði vegna hvers
starfsmanns. „Sú hækkun ein er
meiri en heildarlaunin úti, sem
eru um 28 þúsund krónur á mán-
uði,“ bendir hann á.
Kröfur um afhendingartíma
gera að verkum að ekki flyst öll
starfsemi til útlanda. „Kallið eftir
loðnupokum getur til að mynda
komið fyrirvaralaust og sjávarút-
vegurinn getur ekki beðið í neinar
fjórar vikur eftir að þeir berist með
frakt. Það verður þess vegna alltaf
ákveðin vinnsla hér,“ segir hann.
olikr@frettabladid.is
HAUST Í LAUGARDALNUM
Haustið er komið með auknu hvassviðri
og kuldabola. Þessi tvö börn létu breytt
veðurfarið þó ekki á sig fá og skemmtu sér
prýðilega innan um fallin laufblöðin í
göngutúr í Laugardalnum.
Hjaltlandseyjar:
Stökk af
Norrænu
NORRÆNA Flóttamaður stökk í sjó-
inn af Norrænu við Hjaltlandseyj-
ar þegar ferjan var á leið til Nor-
egs. Maðurinn komst ekki í land á
Íslandi þar sem hann var með
falsað vegabréf en hann fór um
boð í skipið í Bergen í Noregi.
Maðurinn krafðist þess að Nor-
rænu yrði snúið aftur til
Hjaltlandseyja, þegar skipið var
skammt frá eyjunum. Ætlaði hann
að stökkva í sjóinn yrði skipinu
ekki snúið við. Skipstjórinn byrj-
aði að snúa skipinu og kallaði út
þyrlu. Þegar maðurinn sá þyrluna
lét hann sig falla í sjóinn af rúm-
lega tuttugu metra hæð. Áhöfn
þyrlunnar náði manninum úr
sjónum en hann hlaut aðeins
nokkur rifbeinsbrot. ■
“Já, miðað við hvað tölvuforritin
eru orðin sterk getur hún farið létt
með það.“
Meistaramót skáktölva fer fram þessa dagana á
vegum Hróksins og Iðnskólans í Reykjavík. Skák-
forritið Fritz 8 sem Kristian taldi sterkast tapaði.
SPURNING DAGSINS
Kristian, skákar tölvan manninum?
RJÚKANDI RÚSTIR
Reykur stígur upp úr rústum flugeldaverk-
smiðjunnar í gær. Að minnsta kosti fjórtán
manns fórust í sprengingunni.
Flugeldaverksmiðja:
Fjórtán
fórust
TAÍLAND Að minnsta kosti fjórtán
manns fórust og þó nokkrir særð-
ust þegar sprenging varð í flug-
eldaverksmiðju í borginni Ayutt-
haya í Taílandi.
Verksmiðjan eyðilagðist algjör-
lega við sprenginguna auk þess
sem nærliggjandi hús skemmdust.
Ekki er vitað hvað olli slysinu. Að
sögn lögreglunnar í Taílandi missti
verksmiðjan starfsleyfi sitt fyrir
tíu árum vegna annarrar spreng-
ingar sem þá varð. Síðan þá hafði
hún starfað ólöglega. Á meðal þeir-
ra sem fórust var fjögurra ára
drengur. ■
Bandaríkjaher í Írak:
Árás á vopnageymslu
ÍRAK Bandarískir hermenn gerðu
sína þriðju árás á borgina Falluja
í Írak á einum sólarhring snemma
í gær. Sprengdu þeir meðal ann-
ars upp byggingu sem þeir sögðu
að væri notuð af uppreisnarsinn-
um sem vopnageymsla.
Talið er að allt að fimmtán
grunaðir skæruliðar hafi verið að
flytja vopn og skotfæri í bygging-
una þegar árásin var gerð. Fórust
þeir að öllum líkindum allir.
Bandaríkjaher með hjálp
Írakshers hefur náð valdi á borg-
inni Samarra, sem er 95 km frá
Bagdad, eftir margra daga bar-
áttu við skæruliða. Stefna stjórn-
valda beggja landa er að yfirbuga
skæruliða í sem flestum borgum
Íraks áður en kosningar fara þar
fram í janúar.
Háværar óánægjuraddir hafa
heyrst vegna mikils mannfalls í
Samarra. Af þeim 70 sem hafa lát-
ist, eru 23 börn og 18 konur. Að
auki hafa um 160 manns særst.
„Fólkið sem hefur meiðst er aðal-
lega venjulegt fólk sem tekur
engan þátt í þessum átökum,“
sagði Abdel Latif, íbúi borgarinn-
ar, vonsvikinn. ■
EIRÍKUR JÓNSSON OG ÁSMUNDUR
STEFÁNSSON
Formaður KÍ og ríkissáttasemjari á góðri
stund. Viðræðunefndir kennara og sveitar-
félaga hittast á ný síðdegis.
Í GEGNUM SJÓNAUKANN
Bandarískur hermaður horfir í gegnum
sjónauka sinn fyrir framan aðalbænahús
borgarinnar Samarra í Írak.
BÍLVELTA Í LAUSAMÖL Bílvelta
varð á Fjarðarheiði skömmu eftir
hádegi á sunnudag þegar ökumað-
ur missti stjórn á bíl sínum eftir
að hafa keyrt utan í lausamöl. Bíl-
stjórinn var einn á ferð og var
fluttur til aðhlynningar á sjúkra-
hús en reyndist lítið slasaður. Bíll-
inn er hins vegar talinn ónýtur.
■ LÖGREGLUFRÉTTIR
Nýtt frumvarp:
Neytendur
fá talsmann
STJÓRNMÁL Embætti talsmanns
neytenda verður stofnað gangi
áætlanir ríkisstjórnarinnar eftir
að sögn Valgerðar Sverrisdóttur
iðnaðar- og viðskiptaráðherra.
Valgerður segir frumvarp þess
efnis verða lagt fram fljótlega. Í
frumvarpinu er lögð fram sú
breyting að Samkeppniseftirlitið
verði til úr Samkeppnisstofnun en
önnur starfsemi stofnunarinnar
fari undir Löggildingarstofu.
Nafni Löggildingarstofu verður
hins vegar breytt í Neytendastofu
og innan hennar mun embætti
talsmanns neytenda tilheyra en
það verður þó alveg sjálfstætt að
sögn Valgerðar. Talsmaður neyt-
enda mun verða skipaður til fimm
ára í senn. ■
Reykjavík:
Notaði hníf
við ránið
LÖGREGLA Maður vopnaður hnífi
gerði tilraun til að ræna verslun
á Langholtsvegi í Reykjavík um
klukkan fimm í gær.
Afgreiðslustúlka og tveir ung-
lingspiltar voru í versluninni
þegar ræninginn kom inn og
krafði stúlkuna um peninga.
Áður en hún lét nokkra peninga
af hendi kom styggð að ræningj-
anum og hann hljóp á brott úr
versluninni. Maðurinn huldi
hluta andlits síns. Þegar blaðið
fór í prentun í gær vann lögregla
eftir vísbendingum um útlit
mannsins og bifreiðar sem hann
er talinn hafa notað til að komast
á brott. Engan sakaði í ránstil-
rauninni. ■
PLASTPRENT VIÐ FOSSHÁLS
Tugir missa vinnuna hjá Plastprenti á næstu árum eftir því sem fleiri verkefni verða færð
til Lettlands og Litháens. Ákveðin framleiðsla fer þó ekki úr landi.
SIGURÐUR BRAGI
Á næstu árum fara
tugir starfa úr landi
Plastprent flytur verkefni til Eystrasaltslanda þar sem launakostnaður
er lítill. Framkvæmdastjóri fyrirtækisins segir óstjórn Geirs Haarde fjár-
málaráðherra í launamálum hins opinbera íþyngja íslenskum iðnaði.