Fréttablaðið - 04.10.2004, Blaðsíða 18
Hvernig væri að kaupa sér verkfærakassa og dytta að því sem hefur setið á
hakanum. Lakka lamirnar á hurðunum, skipta um peru á ganginum og skrúfa skrúfuna
almennilega sem þú rekur þig alltaf í. Þegar veturinn skellur á þá nennirðu engu í
kuldanum nema liggja undir sæng hvort sem er.
Láttu gæði og góða reynslu
ráða vali þínu á ofnhitastillum
Danfoss ofnhitastillar fyrir þig
Danfoss hf
Skútuvogi 6 104 Reykjavík
Sími 510 4100 • www.danfoss.isDanfoss er leiðandi í framleiðslu ofnhitastilla
R
A
2
0
0
0
D
B
L
Húbert Nói Jóhannesson mynd-
listarmaður segist eftir nokkra
umhugsun velja gamla Árbæinn í
Árbæjarsafni sem fegursta hús
Reykjavíkur. „Mér finnst líka
eitthvað fallegt við þá staðreynd
að gamli Árbærinn skuli ennþá
vera í Reykjavík. Svo er það heill-
andi að hægt sé að róta upp húsi
svona eiginlega beint úr um-
hverfinu, úr grjóti, torfi og reka-
við.“
Húbert Nói er alinn upp í Ár-
bænum og á þaðan ljúfar minn-
ingar úr æsku. „Þetta var náttúr-
lega í útjaðri byggðar og afskap-
lega „kreatívt“ umhverfi, sem
fæddi af sér marga skapandi ein-
staklinga. Maður varð að hafa
ofan af fyrir sér og finna upp á
einhverju skemmtilegu því það
voru engin skipulögð leiksvæði.
Ég og vinur minn fengum til
dæmis allskyns dót til afnota sem
tengdist starfi föður hans hjá
Hafrannsóknastofnuninni. Þetta
dót varð grunnur að margvísleg-
um vísindarannsóknum í Árbæn-
um og við fórum aldrei út úr húsi
án þess að vera með poka í beltis-
stað með matador-húsum, eld-
spýtum og allskyns drasli sem við
ætluðum að nota ef við þyrftum
að bregðast við krísuástandi í
hverfinu. Það kom nú reyndar
aldrei til, en við vorum tilbúnir að
mæta hverju sem var og gátum
gert skyndikort af svæðinu með
aðstoð matador-húsanna ef á
þyrfti að halda.“
Húbert Nói er ekki frá því að
hann sæki eitthvað af sínum
myndlistarneista í gamla hverfið
sitt. „Til dæmis litaskalinn, það
var ekki mikil ljósmengun í Ár-
bænum þótt það yrði auðvitað
aldrei niðamyrkur heldur mis-
munandi djúpir bláir tónar. En út-
línur Esjunnar í myrkrinu settust
að í sálinni svo og andrúmsloftið í
Árbænum sem var alveg sér-
stakt.“
Húbert Nói ætlaði að verða líf-
efnafræðingur og segist vera það
að einum þriðja. „Svo sá ég fram
á að ég myndi enda sem líffræði-
kennari og svissaði snarlega yfir í
myndlistina.“
Nú er hann að undirbúa sýn-
ingu sem opnar í Kaupmannahöfn
26. nóvember næstkomandi.
„Mér var bara boðið að koma og
halda sýningu og ef ég er beðinn
að koma slæ ég til. Það er ekkert
flóknara,“ segir hann glaðbeittur.
edda@frettabladid,is
Mikið hefur færst í aukana er-
lendis að gróðri sé komið fyrir á
húsþökum. Í löndum eins og
Þýskalandi hefur þetta náð sér-
staklega miklum vinsældum því
lögin krefjast þess að hluti af
byggingum og svæðinu þar í
kring séu græn og eru nú þök á
heimilum, iðnaðarhúsnæði og
skólum þakin ýmiskonar gróðri.
Í Bandaríkjunum hefur græna
þakbylgjan látið að sér kveða og
þykja þau einstaklega skemmti-
leg lausn í miklu þéttbýli þar
sem lítið er um gróð-
ursvæði og hefur ráð-
húsið í Chicago verið
þakið grænum gróðri.
Í kjölfarið hafa
sprottið upp fyritæki
sem hanna og selja
sérstök kerfi sem
komið er fyrir á þak-
inu svo gróðursvæðið
fái sem bestan jarð-
veg án þess að það
valdi skemmdum á
húsnæði.
Helstu kostirnir
við grænt þak þykja
að dregið er úr orku-
kostnaði þar sem
gróðurinn dregur til
sín hitann sem ann-
ars myndi leita inn í
húsið. Veður og
vindar sem yfirleitt
valda skemmdum á
hefðbundnu þaki
verða bestu vinir
þaksins og viðhalda
gróðrinum. ■
Gróður á þakinu:
Blómstrandi húsþök
Með útlínur Esjunnar í sálinni:
Alltaf viðbúinn krísu-
ástandi í Árbænum
Gamli Árbær í Árbæjarsafninu er fallegasta húsið í Reykjavík, að mati Húberts Nóa Jóhannessonar myndlistarmanns.
Í Þýskalandi eru græn
þök sérlega vinsæl.
Haustverkin:
Garðinum bjargað
frá frostinu
Garðaunnendur kvíða marg-
ir fyrir vetrinum og sjá
fyrir sér garðinn algjör-
lega í rúst þegar vora tekur.
Margt er hægt að gera til
að verja garðinn fyrir frostinu og
kuldanum og því um að gera að
drífa í því áður en það verður of
seint.
Gott er að hreinsa alla aðskota-
hluti úr beðum. Haustlauf geta bor-
ið með sér sjúkdóma sem gætu
eyðilagt eitthvað yfir veturinn.
Einnig er gott að vökva, vökva síð-
an aðeins meir og vökva smá í við-
bót. Vökvaðu allt - meira að segja
trén. Ræturnar þurfa nóg af raka
til að lifa af næstkomandi mánuði.
Kórónaðu síðan hreingerninguna
með því að koma jarðveginum í
gott lag og næra hann af góðum
áburði.
Ekki er hægt að gera meira að
sinni, nema náttúrlega koma haust-
laukunum vel fyrir, og gaman er að
sjá árangurinn þegar vorar. ■
Þó að haustlaufin séu
falleg á að líta geta þau verið
algjör plága yfir vetrartímann.