Fréttablaðið - 04.10.2004, Blaðsíða 4

4 4. október 2004 MÁNUDAGUR
Kvikmyndahátíðin Canavese á Ítalíu:
Ómar vann aðalverðlaun
VERÐLAUN Heimildarmynd Ómars
Ragnarssonar um Kárahnjúka
vann aðalverðlaun á kvikmyndahá-
tíðinni Canavese á Ítalíu í gær.
Verðlaunin komu Ómari á óvart og
segir hann þau vera skref sem
hugsanlega geti opnað ýmsa mögu-
leika. Bókaútgefandi gaf sig á tal
við Ómar og sýndi áhuga á að gefa
Kárahnjúkabók hans út á ítölsku.
Myndin heitir In Memoriam og
er byggð á myndinni Á meðan
land byggist sem sýnd var í Sjón-
varpinu á síðasta ári. Bresk kona
sem var á vegum BBC á hátíðinni
bað Ómar um eintak af myndinni
hans. „Ég bað hana um að bíða því
ég vildi gera myndina betur,“
sagði Ómar í samtali við Frétta-
blaðið í gær.
Aðspurður um hvort myndin
fari á fleiri kvikmyndahátíðir seg-
ist Ómar síður eiga von á því, hann
hafi hvorki tíma né peninga til
þess. Nú sé hann nánast búinn að
nota allt sitt frí hjá Sjónvarpinu í
þetta og hið daglega strit sé að
taka við. Þótt Ómar hafi ekki skilið
rökstuðning fyrir verðlaunaveit-
ingunni þar sem hann var á ítölsku
segist hann hafa haft spurnir af
því að það hafi hjálpað til að frétt
fólst í myndinni. Menn hafi undr-
ast að hafa ekki vitað um þetta
gríðarlega stóra mál sem Kára-
hnjúkavirkjunin er. ■
Vilja lækka matarskatt
og styrkja menntakerfið
Samfylkingin kynnti áherslur sínar í þingbyrjun í Alþingishúsinu í gærdag. Ef hag-
vaxtarspár ganga eftir ætlar flokkurinn að beita sér fyrir að hagnaðurinn verði til
þess að matarskattur verði lækkaður og að fjármagn til skólanna verði aukið til muna.
STJÓRNMÁL Lækkun matarskatts til
helmings og að fimmtán milljörð-
um verði varið í menntakerfið
umfram áætlanir ríkisstjórnar-
innar eru meðal þess sem Sam-
fylkingin vill beita sér fyrir á
komandi þingi. Áherslur flokksins
voru kynntar á blaðamannafundi í
Alþingishúsinu í gær.
Samfylkingin ætlar að flytja
tillögu, með Vinstri grænum og
Frjálslynda flokknum, um að Ís-
land verði tekið út af lista hinna
sjálfviljugu þjóða. Eins að Alþingi
lýsi yfir að stuðningurinn við inn-
rásina í Írak hafi verið mistök.
Stjórnarandstaðan vill einnig að
sett verði á fót nefnd til að kanna
forsendur stuðnings Íslands við
innrásina. Þá verður einnig lagt til
stofnun embættis talsmanns neyt-
enda til að styrkja stöðu neytenda
á hinum frjálsa markaði. Þá vill
Samfylkingin lækka matarreikn-
ing fjölskyldna um fimm millj-
arða króna með
því að lækka virð-
isaukaskatt á mat-
væli, vörur og
þjónustu úr fjórt-
án prósentum í
sjö prósent.
„Að fjárfest-
ing í menntakerf-
inu verði aukin
um fimmtán
milljarða er skil-
yrt því að hag-
vaxtarspár gangi
eftir. Við viljum
nota hagvaxtar-
aukann til að
fjárfesta í
menntakerfinu og lækka matar-
skattinn en ekki til að fella niður
hátekjuskatt og lækka tekju-
skattinn,“ segir Björgvin G. Sig-
urðsson, þingmaður Samfylking-
arinnar. Hann segir að með auk-
inni fjárfestingu í menntakerf-
inu skapist fjölbreyttara at-
vinnulíf. Því þurfi að nota hag-
vaxtaraukningu í skólana í stað
þess að virkja og byggja nýjar
álbræðslur. „Fólk vill fara í skól-
ana og mikil eftirspurn er eftir
hvers konar námi. Við verjum
langminnstu til háskólastigsins
af Norðurlandaþjóðunum eða 0,9
prósent af landsframleiðslu. Á
sama tíma veita hin Norðurlönd-
in 1,2 til þremur prósentum til
háskólanna,“ segir Björgvin. Að
fótur sé settur fyrir menntasókn
Íslendinga þar sem nemendum
bæði í framhaldsskóla og há-
skóla sé vísað frá segir Björgvin
vera hneyksli. Ljóst sé að Sam-
fylkingin vilji fara hina leiðina
og greiða leið fólks til mennta.
hrs@frettabladid.is
Miðbærinn:
Ölvun og
óspektir
LÖGREGLUFRÉTTIR Mikill mann-
fjöldi safnaðist saman í miðbæ
Reykjavíkur á aðfaranótt
sunnudags og hélt gleðinni
áfram langt fram á sunnudags-
morgun.
Að sögn lögreglunnar í
Reykjavík var ölvun áberandi
meðal borgaranna og talsvert
um læti, skemmdarfýsn og
óspektir. Tveir voru fluttir í
fangageymslu þegar ólætin fóru
úr böndunum og gistu úr sér
vímuna og ófriðinn. Lögregla
sagði nóttina annars hafa verið
tíðindalausa og rólega í öðrum
hverfum borgarinnar. ■
■ LÖGREGLUFRÉTTIR
,,Að fjár-
festing í
mennta-
kerfinu
verði aukin
um fimmt-
án millj-
arða er
skilyrt því
að hagvaxt-
arspár
gangi eftir.
Var rétt af stjórnarandstöðuþing-
mönnum að yfirgefa þingsal
vegna ræðu Halldórs Blöndal við
setningu Alþingis?
Spurning dagsins í dag:
Sækirðu tónlist eða kvikmyndir af net-
inu?
Niðurstöður gærdagsins
á visir.is
16%Nei
Já
KJÖRKASSINN
Farðu inn á fréttahluta visir.is
og segðu þína skoðun
FÍLHRAUSTUR
John Kerry er fílhraustur um þessar mundir
og laus við krabbameinið sem hrjáði hann
fyrir tæpum tveimur árum.
John Kerry:
Laus við
krabbann
WASHINGTON, AP Læknar forseta-
frambjóðandans John Kerry
segja hann vera algjörlega lausan
við krabbameinið í blöðruháls-
kirtli, sem hann átti í höggi við
fyrir tæpum tveimur árum.
Segja læknarnir litlar líkur á
að meinið taki sig upp á ný næsta
áratuginn. „Ég er læknaður,“
sagði hinn sextugi Kerry í viðtali
fyrir skömmu. Bætti hann því við
að meinið kæmi kosningabarátt-
unni við George W. Bush Banda-
ríkjaforseta ekkert við. ■
GLERBROT
Rúðubrjótur hefur farið mikinn á Húsavík
síðustu daga og er leitað af lögreglu.
Myndin tengist ekki atburðum að öðru
leyti en að á henni má sjá brotið gler.
Húsavík:
Óupplýst
rúðubrot
LÖGREGLUFRÉTTIR Lögreglan á
Húsavík leitar nú logandi ljósi að
skemmdarvargi sem á síðustu
dögum hefur lagt í vana sinn að
brjóta rúður í verslunum og fyrir-
tækjum í bænum. Aðfaranótt
föstudags var rúðum stútað í raf-
tækjaverslun með þeim afleiðing-
um að grjót hafnaði í nýju sjón-
varpstæki og mölvaði sjónvarps-
skjáinn mélinu smærra. Aðfara-
nótt laugardags virðist hinn sami
hafa haldið uppteknum hætti því
tilkynnt var um stór rúðubrot í
skrifstofuhúsnæði Vélaverkstæð-
isins Gríms og gamla kaupfélags-
húsinu á Húsavík. Skemmdar-
vargurinn virðist hafa það eitt að
markmiði að skemma en stelur
engu. Lögreglan á Húsavík biður
hugsanleg vitni að gefa sig fram í
síma 464 1303. ■
Kona í Malmö:
Stungin til
bana
SAKAMÁL 37 ára gömul kona var
stungin til bana í Svíþjóð í fyrri-
nótt. Atvikið átti sér stað
skömmu eftir miðnætti á veit-
ingastaðnum Wendys Kitchen í
miðborg Malmö.
Þegar lögreglan mætti á
svæðið var konan látin en eigin-
maður hennar lá þungt haldinn
með útúrstungin augu á götunni
fyrir utan staðinn. Þau höfðu
bæði verið rænd. Tvö börn
þeirra hjóna fundust hins vegar
heil á húfi inni á staðnum. Þau
eru á aldrinum 8 til 10 ára.
Að sögn lögreglunnar í Sví-
þjóð sást til tveggja grímu-
klæddra manna yfirgefa veit-
ingastaðinn og stendur nú yfir
umfangsmikil leit að þeim. ■
HJÓNADEILUR Talsverðar annir
voru hjá lögreglunni í Keflavík
aðfaranótt sunnudags. Laust eft-
ir miðnætti var óskað aðstoðar
að húsi í Njarðvík þar sem kona
hafði lent í útistöðum við eigin-
mann sinn og skorist illa á höfði.
Var hún flutt á sjúkrahús þar
sem sauma þurfti saman sárin.
LÍKAMSÁRÁS Leigubílstjóri
óskaði aðstoðar lögreglu eftir að
farþegi hafði hlaupið á brott án
þess að greiða ökugjaldið og
undir morgun var óskað aðstoð-
ar að Hafnargötu í Keflavík
vegna líkamsárásar. Tveir piltar
höfðu ráðist á annan og var um
minniháttar áverka var að ræða.
Í átökunum urðu þó skemmdir á
nærliggjandi bifreið.
HRAÐAKSTUR Í morgunsárið
barst tilkynning um skemmdar-
verk á vörubifreið þar sem bíl-
rúða og spegill voru brotin. Þá
bárust tvö hávaðaútköll og fimm
voru teknir fyrir of hraðan akst-
ur í umdæminu; sá sem hraðast
fór var á 116 km/klst þar sem
leyfður hámarkshraði er 90
km/klst.
Samfylkingin kynnir áherslur í þingbyrjun:
Vilja talsmann neytenda
STJÓRNMÁL Neytendamál eru eitt
þeirra mála sem Samfylkingin
ætlar að leggja áherslu á nú í
þingbyrjun. Lagt verður til að
stofnað verði embætti talsmanns
neytenda til að styrkja stöðu neyt-
enda á frjálsum markaði.
„Þessi málaflokkur hefur verið
útundan hjá stjórnvöldum mjög
lengi. Þær breytingar til batnaðar
sem hafa verið gerðar og þau lög
sem hafa verið sett hafa komið í
gegnum EES-samninginn á síð-
ustu tíu árum. Við erum áratugum
á eftir nágrannalöndum okkar í
neytendavernd og neytendarétti,“
segir Þórunn Sveinbjarnardóttir,
þingmaður Samfylkingarinnar.
Þórunn segir mál neytenda hafa
verið á jaðrinum hjá Samkeppnis-
stofnun. Stofnunin hafi haft mjög
mikið að gera og fjárveitingar til
neytendamála ekki verið sér-
greind. Því telur hún mikilvægt
að embætti talsmanns hefði sjálf-
stæðan fjárhag og almennt sjálf-
stæði. Talsmaðurinn þurfi að vera
sýnilegur þannig að fólki finnist
auðvelt og sjálfsagt að leita réttar
síns. ■
84%
ÞÓRUNN SVEINBJARNARDÓTTIR
Hún segir neytendamál hafa orðið útundan og einu breytingar til batnaðar hafi verið í
gegnum EES-samninginn.
FR
ÉT
TA
B
LA
Ð
IÐ
/V
IL
H
EL
M
BJÖRGVIN G. SIGURÐSSON, ÖSSUR SKARPHÉÐINSSON OG ÞÓRUNN SVEIN-
BJARNARDÓTTIR
Össur segir lækkun matarskatts eins og Samfylkingin leggur til koma sér vel fyrir þá sem
hafa úr minnstu að moða. Lækkun tekjuskatts um eitt prósent færi þeim efnaminni einn
bleyjupakka á mánuði en þeim tekjuháu allt upp í tvær utanlandsferðir.
FR
ÉT
TA
B
LA
Ð
IÐ
/V
IL
H
EL
M
ÓMAR RAGNARSSON
Hann á ekki von á að myndin fari á fleiri kvikmyndahátíðir því til þess hafi hann hvorki
tíma né peninga.
FR
ÉT
TA
B
LA
Ð
IÐ
/R
Ó
B
ER
T