Fréttablaðið - 15.10.2004, Blaðsíða 2

2 15. október 2004 FÖSTUDAGUR
Hafa þurft að leita aðstoðar lögreglu vegna barna:
Agaleysi og eltinga-
leikur í Egilshöll
VERKFALL Börn eru í reiðileysi og
sýna agaleysi í verkfalli kennara,
segir Hjörleifur Helgason, vakt-
stjóri í Egilshöll. Hann segir að-
sóknina að íþróttamiðstöðinni
hafa aukist mikið. Börn frá átta
ára aldri séu mætt upp úr níu á
morgnana og þau síðustu fari
heim um tíu á kvöldin.
„Börnin eru villt og hafa ekk-
ert við að vera í verkfalli kenn-
ara. Þau nota húsnæðið sem leik-
svæði og eru þá ekki að koma á
æfingar eða á skauta. Þau eru í
eltingaleik og feluleik. Erfitt er
að eiga við þau,“ segir Hjörleifur.
„Agaleysið lýsir sér þannig að
börnin brúka munn, hlutir hafa
verið skemmdir hérna í húsinu,
þau taka ekki tilsögn og eru gróf
í orðum og gerðum,“ segir Hjör-
leifur.
Hjörleifur telur að það stafi af
lítilli festu í verkfallinu. Hann
segir einn starfsmanna hafa
þurft að hringja á lögregluna
þegar þrír drengir létu öllum ill-
um látum í höllinni. Krakkarnir
séu velkomnir á skauta og að
nýta sér Egilshöllina meðan það
sé gert innan þeirra reglna sem
þar gilda. - gag
Benda hvorir á aðra
Forystumenn kennara og samninganefndar sveitarfélaga benda hvorir á aðra þegar rætt er á hverju
strandi að klára kjarasamninga og ljúka kennaraverkfalli sem hefur staðið í nær fjórar vikur.
KJARABARÁTTA Tvennt kemur í veg
fyrir að kennarar geti gengið að
tilboði samninganefndar sveitar-
félaganna frá í síðustu viku, segir
Eiríkur Jónsson, formaður Kenn-
arasambands Íslands. Annað er að
samninganefnd sveitarfélaganna
hafi ekki enn sýnt hvað nákvæm-
lega sé verið að bjóða kennurum,
en hitt er að vinnutímalækkun
komi ekki fram fyrr en seint og
síðar meir.
„Í fyrsta lagi hafa þeir ekki
sagt okkur hvað þeir eru að bjóða
okkur. Það er grundvallaratriði.
Við höfum verið með mjög skýra
kröfu upp á ákveðna upphæð. Við
höfum spurt á móti hvað það sé í
raun sem þeir eru að bjóða okkur
þannig að við getum séð hver okk-
ar prósenta er og hver þeirra
prósenta er. Því hafa þeir ekki
getað svarað,“ segir Eiríkur.
Hitt er að þrátt fyrir að sveit-
arfélögin bjóði kennslulækkun
komi hún ekki fram fyrr en sein-
na, einn klukkutími eftir ár og
annar ekki fyrr en eftir fjögur ár.
„Ef vinnutímabreytingin væri í
nútíðinni en ekki einhvern tíma
inni í framtíðinni liti myndin
öðruvísi út. Fólk sem er búið að
vera einhverjar vikur í verkfalli
og fórna miklu horfir á daginn í
dag og daginn á morgun og næstu
daga. Það kaupir það enginn út úr
verkfalli fyrir eitthvað sem á að
gerast 2008.“
Annað sem kemur í veg fyrir
þetta er að ef forsendur samn-
ingsins bresta á samningstíman-
um glata kennarar seinni tíman-
um ef þeir segja samningnum
upp, en það segir Eiríkur ekki
koma til greina.
- bþg
KJARABARÁTTA „Kennarar tóku
ákvörðun um að fara í verkfallið,
það ákváðu ekki sveitarfélögin, og
kennarar ákveða hvenær því
lýkur,“ segir Birgir Björn Sigur-
jónsson, formaður Launanefndar
sveitarfélaganna. Um hvað skýri
mikla aðsókn í kennaranám þrátt
fyrir lág laun segir hann:
„Mér hefur sýnst að aðsóknin í
störf kennara og í námið sýni að
launin séu ekki hindrun. En ég get
einnig sagt að ef eitthvað þarf að
laga er það fyrst og fremst laun
yngstu kennaranna. Það er í okkar
augum forgangshópurinn,“ segir
Birgir Björn.
„Mér finnst það raunverulega
ekki með jafn ljósum hætti í til-
lögum forystu kennara og okkar.
Mér finnst hún svona frekar vilja
gera meira fyrir alla.“
Birgir Björn segir að hann
heyri á kennurum að sveitarfélög-
in hafi ekki fjárhagslega getu til
að verða við kröfum þeirra. „Af
þeim sökum hafa þeir verið að
snúa sér til allra mögulega ann-
arra, sérstaklega ríkisins, með
kröfur um að það borgi það sem
upp á vantar,“ segir Birgir Björn.
Það sýni að kröfur kennara séu of
háar og óraunsæar:
„Ég á líka erfitt með að sjá
hvernig ríkið getur farið að koma
inn og borga hluta launa hjá ein-
stökum starfsmannahópum sveit-
arfélaganna.“ Deilan sé mjög snúin.
Birgir Björn segir vonbrigði að
kennarar hafi ekki litið á samning
sveitarfélaganna sem lagður var
fyrir þá í síðustu viku. Tilboðið
hafi verið mun hærra en það fyrra
sem hljóðaði uppá 18,6% hækkun
launatengdra gjalda.
- gag
„Fundurinn átti sér aldrei stað.
Þeir vita samt af mér og það er
spurning hvort þeir nýti sér það
ekki. Ég bíð spenntur.“
Þórhallur Sverrisson lék fótboltaáhugamanninn
Tóta í myndinni Íslenski draumurinn og í auglýs-
ingu um Íslandsmótið í fótbolta þar sem hann
bauð Loga Ólafssyni landsliðsþjálfara á fund svo
hann gæti gefið honum og Ásgeir Sigurvinssyni
góð ráð um hvernig ætti að stýra landsliðinu.
SPURNING DAGSINS
Þórhallur, þáðu þeir ekki góðu ráðin?
Vinstri grænir:
Útsvarið
hækki um 1%
STJÓRNMÁL Þingflokkur vinstri
grænna hefur lagt fram frumvarp
sem felur í sér
heimild til
sveitarfélaga
til að hækka út-
svar um eitt
prósentustig úr
13,03% í
14,03%. Stein-
grímur J. Sig-
fússon, formað-
ur flokksins,
segir að frum-
varpið sé lagt
fram vegna þess að sveitarfélögin
sem heild hafi verið gerð upp með
halla og safnað skuldum í einn og
hálfan áratug.
„Sú spennitreyja sem sveitar-
félögin eru í kristallast í yfir-
standandi kennaradeilu,“ segir
Steingrímur.
Vinstri grænir telja að sveitar-
félögin myndu fá 5 milljarða í
auknar tekjur með 1% hækkun út-
svars. Þó ber þess að geta að ekki
hafa öll sveitarfélög nýtt að fullu
sínar heimildir og munar þar ein-
um milljarði.
-ás
AÐ LEIK Í EGILSHÖLLINNI
Opnunartími Egilshallarinnar var færður til klukkan níu svo börnin gætu nýtt íþróttaað-
stöðuna meira í verkfalli kennara. Borið hefur á því að börnin staldri lengur við en leikn-
um nemur. Skemmdir hafa verið unnar. Börnin á myndinni tengjast ekki efni greinarinnar.
FR
ÉT
TA
B
LA
Ð
IÐ
/E
. Ó
L.
STJÓRNMÁL Hart var tekist á í um-
ræðum á Alþingi í gær um barna-
bætur og frammistöðu Framsókn-
arflokksins í þeim málaflokki.
Össur Skarphéðinsson, Samfylk-
ingunni, sagði að frá því að Fram-
sóknarflokkurinn settist í ríkis-
stjórn og til 2003 hefðu ellefu
milljarðar verið „plokkaðir af
barnafólki“ með lækkun barna-
bóta. Hefðu barnabætur verið 1%
af landsframleiðslu þegar Fram-
sókn tók við af Alþýðuflokki í rík-
isstjórn en aðeins 0,55% í árslok
2003. „Hvar eru efndirnar á kosn-
ingaloforðum? Eintóm svik og
blekkingar,“ sagði Össur.
Birkir Jón Jónsson, Fram-
sóknarflokki, sagði að einum og
hálfum milljarði hefði verið bætt
við í barnabætur og ríkisstjórnin
hefði lofað þremur til viðbótar
fyrir lok kjörtímabilsins. „Það er
því ekki rétt að tala um niður-
skurð. Stefna Samfylkingarinnar
er eintóm yfirboð.“
Össur Skarphéðinsson sagði að
með þessu væri aðeins verið að
„skila hluta ránsfengsins til
baka“. -ás
STEINGRÍMUR J.
Sveitarfélögin í
spennitreyju.
Sólbakur:
Landað var
án átaka
SJÁVARÚTVEGUR Landað var úr Sól-
baki á Akureyri í gær. Sæmundur
Friðriksson, útgerðarstjóri
Brims, segir að löndunin hafi
gengið vel.
„Það sást ekki nokkur einasti
maður frá sjómannahreyfing-
unni.“ Landað var sjötíu tonnum
af þorski sem unnin verða í frysti-
húsi félagsins á Akureyri. Verið
er að skipta um svonefndan
krapatank í skipinu og mun skipið
halda aftur til hafs í dag. ■
Sýna okkur ekki
hvað þeir bjóða
Kennarar ákveða
hvenær verkfalli lýkur
EIRÍKUR JÓNSSON
Áherslan er á að hækka laun
yngstu kennaranna. „Við viljum
gera það með því að hækka þá
elstu hæfilega mikið og draga
þá yngri upp að þeim.“
BIRGIR BJÖRN SIGURJÓNSSON
Birgir segir að til tals hafi komið að
semja til styttri tíma svo skrefin í launa-
málum kennara væru ekki eins stór.
FR
ÉT
TA
B
LA
Ð
IÐ
/P
JE
TU
R
FR
ÉT
TA
B
LA
Ð
IÐ
/E
.Ó
L.
TEKIST Á UM BARNABÆTUR
Össur Skarphéðinsson gagnrýndi Framsókn, en Birkir Jón Jónsson benti á að stjórnin
hefði sett milljarða í þennan málaflokk.
Össur ræðst gegn Framsókn:
11 milljarðar teknir af barnafólki
FR
ÉT
TA
B
LA
Ð
IÐ
/G
VA