Fréttablaðið - 15.10.2004, Blaðsíða 46

Breska hljómsveitin The
Prodigy, sem nýlega gaf út sína
fimmtu plötu, Always Outnum-
bered, Never Outgunned, heldur
tónleika í Laugardalshöll í
kvöld, þá fimmtu í röðinni hér á
landi. Sveitin hefur í rúm tíu ár
verið í fremstu röð á sviði dans-
tónlistar. Er hún fræg fyrir
svala slagara á borð við Their
Law, Poison, Firestarter og
Smack My Bitch Up þar sem
rokki og danstónlist er blandað
saman á smekklegan hátt.
Þreyttur eftir síðustu plötu
Liam Howlett, forsprakki sveit-
arinnar, gaf sér stuttan tíma í
gær frá hljóðversvinnu til að
spjalla við Fréttablaðið og virk-
aði bara hress í símanum þrátt
fyrir annríkið. „Ég er að gera
alls konar hluti þessa dagana,
halda tónleika, taka upp nýtt
efni. Ég hef verið mjög skap-
andi síðan við kláruðum síðustu
plötu,“ segir Howlett. „Þegar
við lukum við The Fat of the
Land var ég mjög þreyttur á að
vera í hljóðveri en eftir þessa
plötu hélt ég bara áfram að
semja tónlist.“
Og hvernig hljóma nýju lögin?
„Þú heyrir það á morgun,“
segir Howlett og hlær. „Við spil-
um eitt nýtt lag á Íslandi sem
heitir Warning. Þetta er nokkuð
hart lag sem Keith syngur. Það
er blanda af drum&bass og
pönki. Það er öðruvísi en það
sem við höfum áður gert.“
Frábærir áhorfendur á Íslandi
Hlakkar þú til Íslandsfarar-
innar?
„Já, virkilega. Það er frábært
á Íslandi. Tónleikarnir sem við
höfum haldið þar hafa alltaf
verið góðir Áhorfendurnir eru
frábærir og veita okkur góðan
stuðning.“
Ætlið þið að gera eitthvað sér-
stakt þegar þið komið hingað til
lands, t.d. að heimsækja Bláa
lónið?
„Við erum sérstakir,“ segir
Howlett í hneykslunartón en
hlær síðan. „Við erum með nýja
plötu og nýtt lag til að spila
fyrir ykkur en við ætlum ekki
að heimsækja Bláa lónið, við
höfum komið þangað áður.
Hvernig er veðrið þarna ann-
ars? – „Það er bara fínt,“ svara
ég. „Það er búið að rigna aðeins
en ekkert frost eða neitt svoleið-
is, bara frekar hlýtt.“ – „Gott,“
svarar Howlett. „Þá þarf ég ekki
að taka úlpuna mína með.“
Er síðan stefnan sett á miðbæ
Reykjavíkur eftir tónleikana?
„Já, engin spurning. Við för-
um heim snemma um morgun-
inn. Við ætlum að vaka alla nótt-
ina og sofa svo í flugvélinni.„
Barnið breytir ekki persónunni
Þú ert nú orðinn fjölskyldu-
maður og verður líklega sallaró-
legur í bænum, ekki satt?
„Nei, ég verð ennþá brjálað-
ari,“ segir hann ákveðinn en
hlær síðan. „Ég er afslappaður
heima hjá mér en þegar ég fer
út á lífið er gott tækifæri til að
láta öllum illum látum. Annars
er ég alltaf afslappaður. Ég er
búinn að eignast barn, sem
hefur bætt tilveru mína á öllum
sviðum. En fjölskyldulífið hefur
ekki breytt tónlistinni minni eða
mínum persónuleika. Ég geri
hlutina bara betur núna og horfi
á þá frá öðru sjónarhorni.“
Nú eru liðin sjö ár síðan The
Fat of the Land kom út. Af
hverju þessi langa bið?
„Þegar sú plata kom út vildi
ég komast í frí. Við vorum út-
brunnir og búnir að spila á of
mörgum tónleikum. Ég hafði
engan tíma til að semja nýja tón-
list og þess vegna ákvað ég að
gera ekkert í eitt ár. Árið 2001
fór ég aftur í hljóðverk og samdi
ný lög en þau voru ekki nógu
fersk. Ég endaði ég á að semja
Baby’s Got a Temper. Í lok árs-
ins 2002 fannst mér lögin sem
ég hafði samið ekki hljóma eins
og Prodigy. Ég byrjaði aftur frá
grunni og ákvað að gera þessa
plötu. Mig langaði að fara aftur í
bítin og sampla aftur eins og
plötusnúður. Það hljómaði bara
rétt.“
Það er ég sem ræð
Keith Flint og Maxim Reality
syngja ekkert á nýju plötunni.
Hvernig stendur á því?
„Hlutirnir eru bara góðir ef
þeir gerast á eðlilegan hátt. Ef
eitthvað hljómar skringilega
reyni ég ekki að þvinga það til
að gerast. Allir áttu von á því að
ég myndi nota Keith aftur en
mig langaði bara ekki til þess.
Mig langaði að gera aftur það
sem væri virkilega traust, og
34 15. október 2004 FÖSTUDAGUR
Stærsta hljóðkerfið til þessa
BRJÁLAÐARI en nokkru sinni fyrr
THE PRODIGY Liam Howlett, í miðjunni, ásamt félögum sínum í The Prodigy. Sveitin heldur sína fimmtu tónleika hér á landi í Laugar-
dalshöll í kvöld.
Hljóðkerfið sem sett verður upp fyrir tónleika
Prodigy í kvöld verður það stærsta sem sett
hefur verið upp í Laugardalshöll.
Hljóðkerfið sem var notað á seinustu tónleik-
um sveitarinnar árið 1998 í Laugardalshöll,
verður nú einungis notað uppi á sviði hjá
hljómsveitinni og ef einhvern tímann hefur
verið hætta á að þakið rifni af Höllinni þá er
það í kvöld. Tónleikar The Prodigy hafa alltaf
verið mikið fyrir augu og eyru og var það ósk
meðlima Prodigy að stærð hljóðkerfisins yrði
jafn ógurlegt og raun ber vitni.
Ásamt þessu verður mikil ljósasýning og stór
sviðsmynd sem The Prodigy tekur með sér til
að allt verði eins og best verður á kosið.
Enn er hægt að ná sér í miða á tónleikana á
Nestisstöðvum Esso á höfuðborgarsvæðinu
en miðasala hefur tekið snarpan kipp síðustu
daga og eru örfáir miðar eftir. Frá hádegi í
dag verður síðan einungis hægt að kaupa
miða í Laugardalshöll.
Við vorum útbrunnir
og búnir að spila á
of mörgum tónleikum. Ég
hafði engan tíma til að
semja nýja tónlist og þess
vegna ákvað ég að gera
ekkert í eitt ár.
,,