Fréttablaðið - 20.10.2004, Síða 34

Borgarleikhúsið í Reykjavík var vígt á þessum degi árið
1989 en þá flutti Leikfélag Reykjavíkur starfsemi sína í
húsið sem hafði verið í byggingu í 14 ár.
Leikfélag Reykjavíkur er eitt elsta starfandi menning-
arfélag á Íslandi, stofnað 11. janúar 1897. Leikfélag
Reykjavíkur starfaði óslitið í Iðnó þar til öll starfsemi
félagsins flutti í Borgarleikhúsið sem Reykjavíkurborg
byggði í samvinnu og samráði við Leikfélag Reykjavíkur.
Heildarkostnaður við nýju bygginguna var rúmlega 1,5
milljarðar króna en húsið rúmar 840 manns í sæti í sölun-
um tveimur en í Iðnó voru sæti fyrir allt að 240 manns.
Davíð Oddsson var borgarstjóri og formaður byggingarnefndar og hann sagði við
vígslu hússins að Reykvíkingar hlytu að gera miklar kröfur til Leikfélags Reykjavíkur
þegar þeir afhentu því þetta mikla mannvirki til rekstrar. Þá benti Davíð á að þó húsið
væri „vissulega mikið og fagurt er ljóst, að það verður aldrei annað en rammi um það
starf og þá sköpun, sem á sér stað innan veggja. Víst er mikilvægt að sá rammi sé sem
fullkomnastur, en hversu haganlegur sem hann er og vel lagaður verður hann aldrei ann-
að en umgjörð.“
„Ég er staddur hérna ásamt konu
minni í fallegum smábæ í Tékk-
landi og ætlum við að hvíla okkur
og njóta dagsins,“ segir Guðlaug-
ur Bergmann sem er 66 ára í dag.
Hann segist ekki vera mikið af-
mælisbarn en konan hans sé hins-
vegar mikið fyrir afmæli og muni
alla afmælisdaga. „Margir karl-
menn eru sennilega á sama báti
og muna ekki eftir afmælum en
eru jafnvel eins heppnir og ég að
eiga svona góða konu sem man
þetta. Ég er alveg viss um að hún
á eftir að gera eitthvað fyrir mig í
dag sem á eftir að gleðja mig,“
segir Guðlaugur. „Bærinn sem við
erum nú stödd í er með bullandi
hverum og héðan kemur fólk alls
staðar að til að fara í spa eins og
það er kallað. Eftir veruna hér
eigum við eftir að koma heim með
hausinn fullan af hugmyndum um
hvað við Íslendingar getum gert
með allt okkar heita vatn, en við
ættum að geta gert mun meira en
bjóða bara upp á Bláa Lónið,“ seg-
ir Guðlaugur sem er frumkvöðull
á sviði umhverfisvænnar ferða-
þjónustu og hefur ásamt konu
sinni hrint af stað svokölluðu
snæfellsnesverkefni. „Okkur var
boðið að koma hingað og kynna
verkefnð hérna og var því afskap-
lega vel tekið en það þykir ein-
stakt á heimsvísu. Fimm sveitafé-
lög á Snæfellsnesi og þjóðgarður-
inn Snæfellsjökull koma að þessu
en aldrei áður hafa svona mörg
sveitafélög tekið höndum saman
með jafn umfangsmikla áætlun
um umhverfismál, en það sem er
kannski merkilegast er að þetta
er hafið yfir alla pólitík. Þarna
eru aðilar sem ekki alltaf hafa
verið vinir sem leggjast á eitt
með að vinna að þessu málefni
sem sýnir gífurlega framsýni og
vonumst við til að slíkt hið sama
muni gerast um allt land,“ segir
Guðlaugur og er að vonum
ánægður með viðtökurnar. Af-
mælisdagurinn er því skemmti-
legur endir á góðri ferð og ætti að
verða eftirminnilegur af þeim
sökum. „Annars átti ég mjög góð-
an afmælisdag þegar ég varð sex-
tugur þó svo ég hafði ákveðið að
halda ekki upp á það. Synir mínir
fimm buðu mér þess í stað til sín
þar sem saman voru komin konur
þeirra og börn og áttum við virki-
lega góða stund. Ég fékk besta
staðinn í miðjunni og besta bitann
af lærinu og eins og ég get nú
talað mikið þá var ég hálforðlaus
og sat með kökk í hálsinum yfir
ríkidæmi mínu,“ segir Guðlaugur.
kristineva@frettabladid.is
„Myndirnar í bókinni eru úr safni
afa míns Helga Magnússonar,
járnsmiðs og kaupmanns í Reykja-
vík,“ segir Sigurður Gylfi Magnús-
son sagnfræðingur sem tengir
saman ljósmyndir og texta í bók
sinni Snöggir blettir. „Hann safn-
aði þessum myndum af ókunnum
ástæðum en þetta hefur sjálfsagt
verið tómstundagaman hjá honum.
Ég fékk þessar myndir í hendurn-
ar við upphaf níunda áratugarins
þegar ég var að byrja háskólanám
í sagnfræði en það var ekki fyrr en
20 árum síðar sem ég fann ein-
hverja leið til að nýta mér þetta.“
Sigurður Gylfi segir að mynd-
irnar hafi vakið forvitni sína og í
þeim sá hann tækifæri til þess að
horfa á afa sinn sem hann þekkti
ekki en Helgi var látinn þegar
Sigurður fæddist. „Fólkið á mynd-
unum fór svo að sækja meira og
meira á mig og ég fór að spyrja
mig að því hvað það væri við
þetta fólk sem skipti raunveru-
legu máli.“ Sigurður segir að það
hafi lítið komið út úr þeim vanga-
veltum framan af en síðan byrjaði
hann að skrifa stutta texta sem
tengdust myndunum mismikið.
„Ég stillti myndunum upp fyrir
framan mig og horfði á hverja
mynd fyrir sig í um það bil hálfan
mánuð og fékk einhverja hug-
mynd. Fyrr en varði var ég kom-
inn með texta við allar myndirnar
í safninu og þegar ég fór að huga
að því hvernig ég gæti unnið úr
þessu sá ég að ég var í raun kom-
inn með bók. Vinur minn sem las
textann benti mér á að ég væri
ansi mikið þarna inni og að þetta
væri hálfgerð sjálfsævisaga mín.
Ég er að skrifa aðra bók sem kem-
ur út eftir nokkrar vikur en hún er
fræðileg úttekt á sjálfsævisögum
og þótti því kjörið að steypa þessa
bók í mót sjálfsævisögunnar. En
um leið má segja að ég sé að
sprengja sjálfsævisagnaformið
þannig að þetta er sjálfsævisaga
sem er ekki sjálfsævisaga.“ ■
26 20. október 2004 MIÐVIKUDAGUR
ARTHUR RIMBAUD
Franska ljóðskáldið fæddist
á þessum degi árið 1854.
Með hausinn fullan af hugmyndum
GUÐLAUGUR BERGMANN: ER Í TÉKKLANDI Á 66 ÁRA AFMÆLINU SÍNU
„Lífið er farsinn sem allir verða að leika í.“
- Það vafðist ekki fyrir Rimbaud að draga lífið
allt saman í eina setningu.
timamot@frettabladid.is
20. OKTÓBER 1989
Borgarleikhúsið í Reykjavík var vígt.
ÞETTA GERÐIST MERKISATBURÐIR
1935 Maó lýkur göngunni löngu
í Hanoi eftir að hafa verið á
faraldsfæti í rúmt ár. Þegar
hann nam loksins staðar
setti hann upp höfuðstöðv-
ar kínverskra kommúnista.
1947 Kommúnistafárið berst til
Hollywood þegar rann-
sóknarnefnd á óamerískum
athöfnum beindi sjónum
sínum að meintum áhrif-
um kommúnista í kvik-
myndaiðnaðinum.
1993 Janet Reno, dómsmálaráð-
herra Bandaríkjanna, bend-
ir forkólfum sjónvarpsiðn-
aðarins í landinu á að tími
sé til kominn að þeir
stemmi stigu við ofbeldi á
skjánum.
1995 Bretland, Frakkland og
Bandaríkin kynna sam-
komulag sem leggur bann
við kjarnorkusprengjutil-
raunum í Kyrrahafinu.
Leikfélag Reykjavíkur flytur
Rúnar
Geirmundsson
Sigur›ur
Rúnarsson
Elís
Rúnarsson
Útfararþjónustan ehf.
Stofnað 1990
Síðastliðin 14 ár höfum við feðgar aðstoðað
við undirbúning útfara.
Símar 567 9110, 893 8638 og 897 3020
Þegar andlát ber að
lést á Landspítalanum við Hringbraut aðfaranótt 13. október
síðastliðins. Útför Gunnars fer fram frá Grafarvogskirkju
fimmtudaginn 21. október og hefst athöfnin klukkan 13.30.
Jarðsett verður í Grafarvogskirkjugarði.
Gíslína Erna Einarsdóttir
Ragnar Georg Gunnarsson Guðríður Sigurjónsdóttir
Eiríkur Gunnarsson Bára Jensdóttir
Már Gunnarsson Erna Sigurðardóttir
Einar Gunnarsson Matthildur Sigurðardóttir
Sveinn Gunnarsson Jóna Birna Guðmannsdóttir
Aldís Gunnarsdóttir Hafsteinn Örn Guðmundsson
Hulda Gunnarsdóttir
Örn Gunnarsson
Elskulegur eiginmaður minn, faðir okkar
og tengdafaðir
Gunnar Haukur Eiríksson
Flétturima 6, Reykjavík
AFMÆLI
Sverrir Haukur Gunnlaugsson sendi-
herra er 62 ára.
Ástríður Thorarensen utanríkisráðherra-
frú er 53 ára.
Súsanna Svavarsdóttir bókmenntaræð-
ingur er 51 árs.
María Sigurðardóttir leikstjóri er 50 ára.
ANDLÁT
Margrét Inger Olsen, Austurvegi 5,
Grindavík, lést 17. september. Útförin
hefur farið fram í kyrrþey.
Þuríður Katarínusardóttir, Sunnubraut
14, Akranesi, lést 4. október. Útförin hef-
ur farið fram í kyrrþey.
Guðrún Þórdís Björgvinsdóttir lést 14.
október.
Snorri Laxdal Karlsson lést 14. október.
Árni Magnússon, frá Hjalteyri, lést 14.
október.
Eiríkur Ingi Jónmundsson, Breiðuvík
65, lést 15. október.
Hans Hinrik Schröder, Lautarsmára 51,
lést 16. október.
Erla Jóna Helgadóttir, Álfhóli 1, Húsa-
vík, lést 16. október.
Unnur Stefánsdóttir, frá Reyðará, Siglu-
nesi, lést 16. október.
Ólafur Randver Jónsson, Æsufelli 2,
lést 16.október.
JARÐARFARIR
14.00 Ásdís Arnfinnsdóttir, Krókahrauni
6, Hafnarfirði, verður jarðsungin
frá Akraneskirkju.
GUÐLAUGUR BERGMANN Hann er staddur í Tékklandi á afmælinu sínu þar sem hann sótti ráðstefnu alþjóða ferðamálaráðsins. „Eftir
veruna hér eigum við eftir að koma heim með hausinn fullan af hugmyndum um hvað við Íslendingar getum gert með allt okkar heita
vatn, en við ættum að geta gert mun meira en bjóða bara upp á Bláa Lónið.“
SIGURÐUR GYLFI MAGNÚSSON Segir Snögga bletti vera tilbrigði við einsögukenning-
ar og sjálfsævisögu þó allt sé það á lágstemmdu nótunum. „Fræðin eru svo sannarlega
ekki þarna inni og ég vona að þegar lesandinn horfi á myndirnar og lesi textann verði til
önnur saga í huga hans, ný saga.“
Hughrif tengd gömlum myndum