Fréttablaðið - 27.10.2004, Síða 36

27. október 2004 MIÐVIKUDAGUR12
BERGUR ÞÓR INGÓLFSSON LEIKARI
Góður stóll að gleyma sér í
Bergur Þór Ingólfsson leikari er ekki
lengi að nefna uppáhaldshúsgagnið sitt.
„Ég held að ég verði að nefna græna
stólinn í stofunni minni sem er voða fínt
að sitja í, bæði til að horfa á sjónvarpið
og líka bara til að spjalla. Þar er líka gott
að sitja með kex og mjólk. Dætrum
mínum finnst gott að hrúgast í stólinn
þegar ég sit þar og hnoðast á pabba
sínum þannig að stóllinn hefur mjög
víðfeðmt hlutverk á heimilinu.“ Stóllinn
á sér leyndardómsfulla sögu sem Bergur
þekkir ekki. „Við keyptum stólinn í Góða
hirðinum en honum fylgdi hvorki ættar-
tré né annað það sem fylgir til dæmis
rándýrum gæludýrum. Mér finnst
gaman að fara í Góða hirðinn og gram-
sa og fer þangað alltaf annað slagið. Við
keyptum okkur líka tólf kampavínsglös
fyrir slikk þar og það voru líka feiknalega
góð kaup. Ég man ekkert hvað þessi
stóll kostaði en hann var á vægu og
hentugu verði fyrir okkur hjónin.“ Bergur
hefur í ýmis horn að líta þessa dagana,
hann leikur titilhlutverkið í leikritinu Héri
Hérason og að auki í hinum feiknavin-
sælu sýningum Línu langsokki og
Chicago í Borgarleikhúsinu. Svo er hann
að leikstýra hjá Leikfélagi Keflavíkur leik-
ritinu Eftirlitsmaðurinn eftir Gogol sem
frumsýnt verður bráðlega. Undir svona
álagi er um að gera að eiga sér góðan
stól til að gleyma sér í stundarkorn ... Í þessum stól er gott að sitja með kex og mjólk og hugsa málin.
[ SNIÐUGT Í STOFUNA ]
Öðruvísi stólar.
Svarti á 17.900 kr. og hvíti á 19.900
kr. í Í húsinu.
Sætt skraut.
Stórt box á 400 kr. og minni á 200
kr. stykkið í Tiger.
Lakkað viðargólf og plastparkett Við
dagleg þrif er mikilvægt að nota ekki
fitumiklar sápur. Ef mikil fita er í sáp-
unni myndar hún fitulag á gólfið sem
dregur óhreinindin í sig og gólfið verð-
ur skítugra og skítugra. Ekki bóna lakk-
að parkett. Bónið sest í samskeyti og
ofan á parketið. Notið alltaf vel undnar
tuskur og passið að skúra ekki gólfið
eins og um dúk sé að ræða.
Olíuborið parkett Nýtt gólf þarf að
olíubera þannig að olían gangi vel nið-
ur í viðinn. Látið þorna og berið á aftur
daginn eftir til að fá húð á gólfið. Þá fer
olían ofan í viðinn og örlítið á yfirborð-
ið. Gott er að olíubera aftur eftir sex til
átta mánuði og svo einu sinni til tvisvar
á ári fyrstu tvö árin. Þá kemur himna á
gólfið sem þarf að halda við. Mikilvægt
er að nota réttar sápur sem gera olí-
unni ekki mein. Í flestum sérverslunum
með parkett eru til sápur sem næra olí-
una.
FR
ÉT
TA
B
LA
Ð
IÐ
/P
JE
TU
R
Viðhald á
viðargólfum
HEIMILISBLAÐIÐ