Fréttablaðið - 26.09.2004, Blaðsíða 9

Við eigum ekki að
telja það mönnum
til tekna, að þeir sitji að-
gerðalausir hjá, þegar rétt-
indi fólks eru brotin.
Hæstaréttardómarar eiga að hafa réttlætiskennd
Ólafur Hannibalsson ritaði
grein í Fréttablaðið í gær til að
halda því fram að föður minn,
Jón Steinar Gunnlaugsson
skorti jafnaðargeð, yfirvegun
og heilbrigða dómgreind. Til
marks um það tók Ólafur bréf
sem Jón Steinar sendi Þorvarði
Elíassyni, skólastjóra Verzlun-
arskólans. Ólafur Hannibalsson
fór ótrúlega vitlaust með for-
sögu málsins og sleppir líka
mikilvægum atriðum. Ég vona
að það sé ekki viljandi gert.
Nú er það svo að bréf Jóns
Steinars var harðort, en ég get
vottað að Þorvarður Elíasson
hafði fyrir því unnið. Það var
meira að segja nokkuð hófstillt
miðað við tilefnið. Hann hafði
ítrekað komið fram með slíkum
fautagangi gagnvart mér og
reyndar öðrum að það er ekki
hægt að taka því þegjandi þegar
hann sendir ítrekað bréf til
systkina minna með boðum um
skólagöngu. Auðvitað hefði Jón
Steinar ekki ritað á sama hátt
um þennan mann opinberlega.
Sannleikurinn um hann er
slíkur. En Þorvarður ákvað
sjálfur að birta bréfið, og getur
því lítið kvartað.
Ólafi bendi ég á að kynna sér
málið. Vegna opinberrar um-
fjöllunar um málið birti Jón
Steinar grein um aðalatriði þess
í DV 29. maí sl. Ólafur mætti
kannski lesa hana. Ég býð Ólafi
líka að hafa samband við mig, ef
hann vill – og ég skal þá líka
segja honum það sem ég dirfist
ekki að birta opinberlega. Það
er skynsamlegra að kynna sér
mál, áður en maður tjáir sig um
þau opinberlega. Ólafur hefur
engar forsendur til að segja að
bréf Jóns Steinars hafi verið
óviðeigandi.
Ég held að í þessu máli komi
fram ástæða þess að sumir
beita sér af hörku gegn því
að Jón Steinar verði skip-
aður hæstaréttardómari. Hann
stendur með fólki sem er mis-
rétti beitt. Hann ver réttlætið.
Alltaf. Hann er engin heybrók,
eins og svo margir, sem eru
alltaf að passa að hafa alla góða
og vera þess vegna óumdeildir.
Fleiri þyrftu að vera eins og
hann. Of mikið óréttlæti við-
gengst vegna þess að gott fólk
þorir ekki að takast á við það.
Ég er ekki sammála þeim, sem
virðast telja að hæstaréttar-
dómarar eigi helst aldrei að
hafa tjáð skoðanir sínar. Við
eigum ekki að telja það mönn-
um til tekna, að þeir sitji að-
gerðalausir hjá, þegar réttindi
fólks eru brotin. ■
9SUNNUDAGUR 26. september 2004
GUNNLAUGUR JÓNSSON
UMRÆÐAN
HÆSTARÉTTAR-
DÓMARAR
,,
AF NETINU
Næg skotmörk
Árið 1951 var bandarískri herstöð troð-
ið upp á Íslendinga. Núna er sú herstöð
á fallanda fæti en á hinn bóginn fjölgar
herstöðvum á vegum Bandaríkjanna og
NATO ört á Balkanskaga, við Persaflóa
og í Mið-Asíu. Bandarískar hersveitir eru
nú í 130 löndum víðs vegar um heim-
inn. Þessar herstöðvar eru ekki til
komnar að kröfu almennings í þessum
löndum. Þvert á móti hefur andstaða
við herstöðvar sem Bandaríkin hafa
fengið að setja upp í skjóli einræðis-
stjórna leitt marga út í vopnaða baráttu
og jafnvel hryðjuverk. Þar má nefna her-
setu Bandaríkjanna í Sádí-Arabíu og nú
seinast í Afganistan og Írak. Á hverjum
degi láta tugir manna lífið vegna þess-
arar hersetu. Hryðjuverkamenn framtíð-
arinnar eiga næg skotmörk.
Sverrir Jakobsson á vg.is/postur
Ritningin er alveg skýr
Þórhallur [Heimisson] segir nauðsynlegt
að kirkjan stökkvi ofan af brúsapallinum
og taki afstöðu í málefnum samkyn-
hneigðra. Þar er ég honum hjartanlega
sammála en bendi á að lendingin er
þegar ljós. Ritning kristinna manna er
alveg skýr í þessum efnum. Bæði
Mósebækur og skrif Páls postula vitna
um að samkynhneigð skuli skoðast sem
viðurstyggð og gengur Páll meira að
segja svo langt að telja þá er leita eigin
kyns réttdræpa, um leið og hann kallar
þá öllum illum nöfnum aftast í Róm-
verjabréfinu. Menn innan kirkjunnar
hafa sjálfir bent á að þeir hafi enga
heimild frá meintu yfirvaldi sínu á himn-
um til að breyta afstöðu sinni. Kirkjan
hlýtur því að vera dæmd til að halda á
lofti fordómum manna sem opinberuðu
ranghugmyndir sínar í þeim árþús-
undagamla texta sem kristnir menn
hafa alla tíð dýrkað.
Birgir Baldursson á vantru.net
Vera þakklátir kennurum
Þegar kennararnir fara í verkfall er strax
skotið á þá og sagt að þeir nenni ekki
að vinna vinnu sína. Menn ættu frekar
að vera þakklátir kennurum fyrir það
starf sem þeir vinna venjulega. Þeir gera
ýmislegt meira en að reikna dæmi, tala
dönsku eða blaðra um orma í 40 mín-
útur. Kennararnir þurfa að vera hin styr-
ka stoð nemenda. Þeir eiga að vera
góðar fyrirmyndir, hjálpa nemendum að
glíma við félagsleg vandamál og leiða
þá á rétta braut. Auk þess þurfa þeir að
halda uppi félagslífi nemenda og vinna
mikla heimavinnu (semja próf, fara yfir
verkefni o.s.frv.) til að nemendur læri
eitthvað og komi vel undirbúnir í fram-
haldsskóla. Og fyrir allt þetta fá margir
kennarar innan við 180.000 þó meðal-
grunnlaun teljist 210.000-215.000.
Björn Reynir Halldórsson á uvg.vg.
Ekki allt fallegt á netinu
Ekki er allt fallegt á Internetinu. Það held
ég að hafi sannast á heldur óhugnanleg-
an hátt með því hvernig hryðjuverka-
menn í Írak nota netið til að auka á ótta
almennings á vesturlöndum. Nú síðast
með aftöku á bandarískum gísli, Eugene
Armstrong að nafni. Slíkar myndir hafa
hins vegar líklega öfug áhrif. Slíkar mynd-
ir eru frekar til þess fallnar að auka dóm-
hörku og fordóma gagnvart múslimum.
Slíkar myndir eru frekar til þess fallnar að
fá Vesturlandabúa til að yppta öxlum í
skeytingarleysi þegar tölur berast um
mannfall meðal Íraka. Og slíkar myndir
eru frekar fallnar til þess að fólk fari að
hugsa í einföldum lausnum og hætti að
sjá heildarmyndina.
Jón Einarsson á suf.is
08-09 skodun 25.9.2004 19:30 Page 3