Fréttablaðið - 21.10.2004, Blaðsíða 54
GOLF „Ef við komum heim með
skottið á milli lappanna getum
við engum um kennt nema sjálf-
um okkur,“ segir Örn Ævar
Hjartarson, kylfingur úr Golf-
klúbbi Suðurnesja.
Örn er einn þriggja íslenskra
keppenda á heimsmeistaramóti
áhugamanna í golfi sem fram
fer í Puerto Rico í lok mánað-
arins.
Örn Ævar fullyrðir að
þangað eigi Íslendingar fullt
erindi og ekki sé verra að í þetta
sinn verði farið fyrr út en
endranær og því verði undirbún-
ingur liðsins með betra móti en
verið hefur en liðið mun nota
vikurnar fram að mótinu til
æfinga í Orlando í Flórída. „Við
erum allir í toppformi og höfum
allir verið að spila með besta móti
undanfarið. Þarna eru aðstæður
ólíkar því sem við eigum að venj-
ast en á móti kemur að við förum
fyrr út og ættum að vera hundrað
prósent tilbúnir til keppni þegar
þar að kemur.“
Auk Arnar Ævars fara til kepp-
ni Sigmundur Einar Másson frá
GKG og Heiðar Davíð Bragason
frá golfklúbbnum Kili. Keppnin
fer fram á Rio Mar sveitaklúbb-
num en þar eru tveir alþjóðlegir
golfvellir og aðstaða öll til fyrir-
myndar. ■
38 21. október 2004 FIMMTUDAGUR
FÓTBOLTI Kókaínmál Adrian Mutu
hjá Chelsea hefur vart farið fram-
hjá sparkunnendum hér heima.
Mutu hefur skráð sig í daglega
meðferð hjá ráðgjafa, að sögn
Victor Becali sem er einn af um-
boðsmönnum Mutu. „Meðferðin
fer fram í London og verður ein
klukkustund á dag,“ sagði Becali
og bætti því við að leikmaðurinn
væri mjög samstarfsfús.
Mutu, sem er 25 ára gamall,
gæti átt yfir höfði sér tveggja ára
bann vegna málsins og er að sögn
Becalis eyðilagður yfir málinu.
„Hann hefur þó aðeins braggast
eftir nokkra mjög slæma daga.“
Jose Mourinho, knattspyrnu-
stjóri Chelsea, vildi lítið sem ekk-
ert tjá sig um kókaínmálið fræga.
„Ég stjórna tuttugu og fjórum
mönnum. Ég veit ekki hvað neinn
þeirra gerir utan vinnunnar. En
við erum með reglur og þær
reglur eru okkur mikils virði,“
sagði Mourinho en það var einmitt
hann sem gerði það að verkum að
upp komst um kókaínneyslu
Mutus. Mourinho bað um að tekið
yrði lyfjapróf á kappanum eftir
að hann missti af æfingu og
það lyfjapróf leiddi í ljós að
Mutu neytti eiturlyfja.
Þess má geta að Mark
Bosnich, fyrrum mark-
vörður Chelsea, fékk 9
mánaða bann fyrir
kókaínneyslu en hann
varð uppvís að neyslu
efnisins í desember
2002. Bosnich hefur
ekki spilað síðan hann
var settur í bann og
rekinn frá Chelsea.
Helsta von Mutus felst
einmitt í því að vera samvin-
nufús en þá segja sér-
fræðingar að hann geti
jafnvel sloppið með sex
mánaða bann, tveimur mán-
uðum minna en Rio Ferdinand
fékk fyrir að mæta ekki í
lyfjapróf. ■
ADRIAN MUTU Fullur eftirsjár og ætlar
að taka sig á.
Rúmeninn Adrian Mutu snýr við blaðinu og er farinn í meðferð:
Daglega í ráðgjöf
vegna kókaínfíknar
Þrír Íslendingar spila á HM áhugamanna í golfi:
Allir í toppformi
ÍSLENSKU KEPPENDURNIR Örn Ævar Hjartarson og Heiðar Davíð Bragason keppa fyrir
Íslands hönd á heimsmeistaramóti áhugamanna sem fram fer í Puerto Rico. Á myndina
vantar Sigmund Einar Másson. Fréttablaðið/Vilhelm
54-55 (38-39) sport 20.10.2004 21:17 Page 2