Fréttablaðið - 21.10.2004, Blaðsíða 6
6 21. október 2004 FIMMTUDAGUR
Fréttamenn RÚV styrkja kennara:
Segja styrk ekki
stuðning í deilu
STJÓRNMÁL Félag fréttamanna
á Ríkisútvarpinu og Ríkissjón-
varpinu hefur afthent verkfalls-
sjóði Kennarasambands Íslands
styrk að upphæð 220 þúsund krón-
ur. Jón Gunnar Grjetarsson, for-
maður félagsins vísar því á bug að
með þessu séu fréttamenn ríkis-
fjölmiðlanna orðnir vanhæfir til
að fjalla um kennaradeiluna. „Já,
ég tel að við getum alveg fjallað
hlutlægt um þessa deilu. Þetta er
aðeins táknrænn stuðningur stétt-
arfélags.“ Jón Gunnar þvertekur
fyrir að tekin sé afstaða með
kennurum í deilunni með þessum
fjárstuðningi. Fjárstyrkurinn sé
hluti af stuðningi Bandalags há-
skólamanna við kennara en Félag
fréttamanna eigi aðild að því.
Bogi Ágústsson, yfirmaður
fréttasviðs útvarps og sjónvarps
ríkisins, hafði ekki heyrt af sam-
þykktinni þegar Fréttablaðið
hafði samband við hann og sagðist
þurfa að kynna sér málið. Spurn-
ing um vanhæfni hefði vissulega
vaknað ef lýst hefði verið stuðn-
ingi við málstað verkfallsmanna
en svo virtist ekki vera. - ás
Kynbundinn munur sá
sami og almennt gerist
Launamunur kynjanna hjá ríki og bæ er sá sami og á almennum vinnu-
markaði. Ný rannsókn sýnir að fólk telur launaleynd skaðlega, en hún
virðist aukast. Margir stunda símenntun sem þó hækkar ekki laun.
KJARAMÁL Karlar eru með 17
prósent hærri heildarlaun á mán-
uði en konur, samkvæmt könnun
sem Hagrannsóknarstofnun sam-
taka launafólks í almannaþjónustu
(HASLA) lét gera á starfskjörum
félaga í aðildarfélögum Bandalags
háskólamanna (BHM), Bandalags
starfsmanna ríkis og bæja (BSRB)
og Kennarasambands Íslands
(KÍ). Munurinn er skýrður með
aukagreiðslum sem karlar fá
frekar en konur.
Sé eingöngu horft til fastra
mánaðarlauna er kynbundinn
launamunur 7 prósent, en í tölun-
um er búið að leiðrétta fyrir
vinnutíma, menntun, aldur og
starf, þannig að horft er til fólks
með sömu menntun við sambæri-
leg störf. Án slíkrar leiðréttingar
væru föst laun karla 10 prósentum
hærri en kvenna og heildarlaunin
28 prósentum hærri. Að sögn
Kristjönu Stellu Blöndal, aðstoðar-
forstöðumanns Félagsvísinda-
stofnunar Háskólans, sem ásamt
Heiði Hrund Halldórsdóttur vann
skýrsluna, er kynbundni launa-
munurinn sem þarna kemur fram
sambærilegur við launamun
sem fram hefur komið í launa-
könnunum Verslunarmannafélags
Reykjavíkur.
Í máli aðstandenda könnunar-
innar kom fram að þótt lesa mætti
út úr henni upplýsingar um
viðhorf starfsfólks og launamun
kynjanna, væru meðallaunatölur
sem í henni koma fram of háar
vegna þess að yngra fólk og launa-
lægra í félögunum hafi látið hjá
líða að svara könnuninni sem var
póstkönnun. Rúmlega 50 prósent
svöruðu könnuninni sem gerð var
í vor, 75 prósent konur og 25
prósent karlar. Kynjahlutfallið
endurspeglar kynjasamsetning-
una í félögunum þremur.
Spurt var um fjölda atriða í
könnuninni, meðal annars um við-
horf til launaleyndar, en 65 pró-
sent svarenda telur hana skaða
kjör launafólks. Ögmundur Jónas-
son, formaður BSRB, segir
áhyggjuefni sem kemur fram að
fimmtungur forstjóra opinberra
fyrirtækja og stofnana krefjist
launaleyndar. „Þessi þróun virðist
færast í aukana, líkt og á almenn-
um vinnumarkaði, en launaleynd
þarf að uppræta,“ segir hann. Um
leið taldi Ögmundur ánægjuefni
hversu margir nýttu sér tækifæri
til símenntunar, eða um 77 pró-
sent. Af þeim sögðu þó 92 prósent
að símenntunin hefði ekki skilað
sér í hærri launum. Ögmundur
áréttaði að símenntun væri eftir-
sóknarverð í sjálfu sér og taldi
varhugavert að tengja hana beint
við laun, en Halldóra Friðjónsdótt-
ir, formaður BHM, taldi eðlilegt að
fólk hefði væntingar til þess að fá
hærri laun eftir því sem hæfni
þess sem starfskraftur yrði meiri.
olikr@frettabladid.is
Kosningar í Írak:
Veita ekki
næga aðstoð
ÍRAK, AP Sameinuðu þjóðirnar
standa ekki undir væntingum þegar
kemur að aðstoð við undirbúning
kosninganna í Írak sem fram eiga
að fara í janúar. Þetta sagði
Hoshyar Zebari, utanríkisráðherra í
írösku bráðabirgðastjórninni.
Allt starfsfólk Sameinuðu þjóð-
anna í Írak var flutt frá landinu
eftir mannskæða árás á höfuðstöðv-
ar þeirra í Bagdad fyrir ári. Síðan
þá hafa Sameinuðu þjóðirnar sent
fámennara starfslið til landsins en
Kofi Annan, aðalritari samtakanna,
segir að fjölmennara starfslið verði
ekki sent á vettvang fyrr en öryggi
starfsmanna verði tryggt. ■
■ ALÞINGI
VEISTU SVARIÐ?
1Hvað voru margir í bílbelti af 40 far-þegum í rútu sem valt undir Akra-
fjalli?
2Hvaða alþingismaður hefur krafisthluthafafundar í Landssímanum?
3Veiðar á hvaða sjávardýri verðabannaðar í Ísafjarðardjúpi í vetur?
Svörin eru á bls. 54
STJÓRNMÁL Valgerður Sverrisdótt-
ir, viðskipta- og iðnaðarráðherra,
segir uppgreiðslugjald ekki bann-
að í íslenskum neytendalögum og
sama gildi um löggjöf í nágranna-
löndunum. Ákvæði um þetta
mætti að hluta rekja til tilskipana
Evrópusambandsins.
Í svari við fyrirspurn Jóhönnu
Sigurðardóttur Samfylkingu sagði
viðskiptaráðherra að bankar
hefðu ekki ótakmarkað svigrúm
til gjaldtöku, það yrði að vera rök-
studd ákvörðun þar sem sýnt væri
fram á kostnað. „Það kemur vel til
greina að setja frekari skorður
við uppgreiðslugjaldi“.
Fyrirspyrjandinn Jóhanna Sig-
urðardóttir sagði að það gæti
kostað 160 þúsund krónur að
borga 8 milljóna skuld. „Það er
óþolandi að fólki sé refsað svo
harkalega fyrir að greiða skuldir
sínar.“ Sagði Jóhanna svar ráð-
herra opið í báða enda, þó bæri að
fagna að til greina kæmi að setja
frekari skorður við slíkri gjald-
töku.
- ás
Viðskiptaráðherra um
fjármálaeftirlitið:
Stjórnvalds-
sektir koma
til greina
STJÓRNMÁL Valgerður Sverris-
dóttir, viðskiptaráðherra segir
koma til greina að Fjármálaeft-
irlitið fái heimild til að beita
stjórnvaldssektum. Ráðherrann
lét þau orð falla í svari við fyrir-
spurn Jóhönnu Sigurðardóttur
Samfylkingu á Alþingi í gær.
Jóhanna benti á að í nýlegri
tilskipun Evrópusambandsins
væri kveðið á um að eftirlitsað-
ilar skuli búa yfir heimildum til
þess að beita stjórnsýsluviður-
lögum. Þetta ætti sérstaklega
við um innherjasvik og mark-
aðsmisnotkun á verðbréfamark-
aðnum.
- ás
FRÉTTAMENN VANHÆFIR?
Fréttamenn RÚV segjast ekki vanhæfir til
að fjalla um kennaradeiluna þótt þeir hafi
styrkt annan deiluaðila fjárhagslega.
NIÐURSTÖÐURNAR KYNNTAR
Kristjana Stella Blöndal, aðstoðarforstöðumaður Félagsvísindastofnunar Háskóla Íslands,
kynnti niðurstöður nýrrar skýrslu um starfskjör fólks í BHM, BSRB og KÍ. Einnig má þekkja
á myndinni Halldóru Friðjónsdóttur, formann BHM, og Ögmund Jónasson, formann BSRB.
FR
ÉT
TA
B
LA
Ð
IÐ
/P
JE
TU
R
Uppgreiðslugjald lána:
Frekari skorður koma til greina
VIÐSKIPTARÁÐHERRA
segir flest benda til að upp-
greiðslugjald sé löglegt en til
greina komi að setja frekari
skorður í lögum.FR
ÉT
TA
B
LA
Ð
IÐ
/G
VA
GERVITUNGL Þrettán þingmenn
úr fjórum flokkum hafa lagt
fram á Alþingi þingsályktunar-
tillögu þar sem menntamálaráð-
herra er falið að láta Ríkisút-
varpið gera áætlun um að meta
kostnað við að senda dagskrá
sína út um gervitungl.
UPPKAUP BÚJARÐA Tvær utan-
dagskrárumræður fara fram á
Alþingi í dag. Jón Bjarnason,
Vinstri grænum, er málshefjandi
í umræðum um uppkaup á bú-
jörðum og samþjöppun fram-
leiðsluréttar. Guðni Ágústsson
landbúnaðarráðherra er til and-
svara.
ÁFENGISAUGLÝSINGAR Þá er
Mörður Árnason Samfylkingu
málshefjandi þegar rætt verður
um áfengisauglýsingar utan dag-
skrár en Jón Kristjánsson heil-
brigðisráðherra er til andsvara.
06-07 20.10.2004 21:25 Page 2