Fréttablaðið - 21.10.2004, Blaðsíða 64
Hugleikur Dagsson myndasögu-
maður segist alltaf hafa verið
heillaður af Godzilla úr fjar-
lægð. „Ég hef séð nokkrar
myndir en ekki þessar nýjustu í
Japan,“ segir Hugleikur. „Ég var
mjög hrifinn af einni sem heitir
á ensku Destroy All Monsters.
Ég var alltaf mjög hrifinn af
öllum þessum Godzilla-myndum
sem fólu í sér aukaskrímsli sem
komu úr geimnum og
fljúgandi furðu-
hluti. Því meira
sem var af
slíku í
m y n d u n -
um, því
skemmtilegri voru þær.“
Godzilla-myndirnar eru frek-
ar gervilegar og játar Hugleikur
að það sé ein ástæðan fyrir
áhuga sínum. „Það er líka sér-
stakt að hugsa til þess að
Godzilla er japanskur og margir
segja hann afkvæmi Hiroshima-
sprengjunnar. Bæði Godzilla og
margar japanskar myndir, t.d.
teiknimyndir eins og Akira, eru
vísun í sprenginguna miklu í
Japan undir lok stríðsins. Það er
alltaf verið að vísa í ein-
hverja gífurlega tortím-
ingu og síðan þessa
rosalegu endurfæð-
ingu,“ segir hann og
bætir við: „Ég
myndi segja að
Godzilla sé
bara Japan.
L a n d i ð
v a r
eyði-
lagt í stríðinu og síðan reis það
aftur upp. Það saman má segja
um Godzilla, hann reis upp úr
öskunni eins og Fönix.“
Godzilla-myndin sem gerð
var í Hollywood fyrir nokkrum
árum hefur fengið misjafnar
viðtökur. Hugleikur segist hafa
gaman af henni þó hún sé alls
ekki besta Godzilla-myndin.
„Ég hef alltaf gaman af öllu
þar sem einhver stór
skrímsli rústa mann-
virkjum. Það nægir
mér,“ segir hann að
lokum. - fb
48 21. október 2004 FIMMTUDAGUR
Fimmtíu ár eru liðin síðan fyrs-
ta kvikmyndin um skrímslið
Godzilla leit dagsins ljós í Jap-
an. Af því tilefni fær það stjörnu
sína lagða í frægðargangstétt
Hollywood þann 29. nóvember.
Sama dag verður frumsýnd
28. og síðasta myndin í Godzilla
-bálknum, sem ber heitið
Godzilla Final Wars. Í henni
berjast tíu skrímsli innbyrðis,
bæði gömul og ný, innan um
skýjakljúfa í París, New York,
Shanghaí og Sydney. Ekki er
miklum peningi eytt í tölvu-
brellur í nýju myndinni því með
hlutverk Godzilla fer maður í
gúmmíbúningi. „Þessi kvik-
mynd á eftir að gleðja marga og
koma enn fleirum á óvart, bæði
gömlum aðdáendum og nýjum,“
sagði Shogo Tomiyama, for-
stjóri Toho, sem framleiðir
myndirnar.
Godzilla er erfðabreytt,
eldspúandi skrímsli sem reis
upp úr hafinu eftir mikið kjarn-
orkuslys. Tengist uppruni þess
kjarnorkutilraun Bandaríkja-
manna í Suður-Kyrrahafi
snemma á sjötta áratugnum.
Eftir hana jókst ótti fólks gríð-
arlega um að kjarnorkustyrjöld
brytist út. Skrímslið er þekkt
sem Gojira í Japan. Nafnið er
blanda af orðunum górilla og
hvalur í japanskri tungu. Fyrsta
Godzilla-myndin kom á hvíta
tjaldið í Japan árið 1954;
svart/hvít í leikstjórn Ishiro
Honda. Telst hún til sígildra
kvikmynda í dag. Aðeins átta
mánuðir voru þá liðnir frá
kjarnorkutilrauninni. Eftir
miklar vinsældir skrímslisins í
Japan var Godzilla aðlöguð að
Hollywood árið 1998 í sam-
nefndri mynd með miklum
tilkostnaði. Leikstjóri var Ron-
ald Emmerich, sem áður hafði
leikstýrt hinni gríðarvinsælu
Independence Day.
Í tilefni af 50 ára afmæli
Godzilla verður einnig haldin
ráðstefna í Kansas um skrímslið
og áhrif þess á umheiminn.
Ráðstefnan stendur yfir í þrjá
daga. Ekki verður þó bara rætt
um skrímslið því einnig verður
rætt um alþjóðavæðingu, jap-
anska poppmenningu og tengsl
Japana og Bandaríkjamanna
eftir síðari heimsstyrjöldina.
Áhuginn á skrímslinu er gríð-
arlegur og til marks um það
mun mikill fjöldi fræðimanna
víðsvegar að úr heiminum
sækja ráðstefnuna. „Ég vil að
fólk taki Godzilla alvarlegar en
áður,“ sagði Bill Tsutsui, pró-
fessor í sögu við háskólann í
Kansas og höfundur bókarinnar
Godzilla on My Mind. Andrew
Kar frá Bandaríkjunum hefur
verið aðdáandi skrímslamynda
síðan í æsku. „Þegar þú ert 35
ára gamall maður og hefur enn-
þá gaman af svona myndum
hlýturðu að spyrja þig hvers
vegna,“ sagði hann. „Fyrir suma
okkar er þetta mjög eðlilegur
áhugi en öðrum finnst þessi
árátta vera algjörlega út í hött.“
freyr@frettabladid.is
Skrímslið Godzilla fimmtíu ára
50 ár eru liðin síðan skrímslið Godzilla hóf að skelfa japanska kvikmyndagesti. Ráðstefna verður haldin í Kansas á næstunni.
GODZILLA Hið eldspúandi sjávar-
skrímsli, Godzilla, hefur gert allt vit-
laust í 28 kvikmyndum í Japan. Ekki er
gott að verða á vegi þess því það stígur
ofan á allt. Skiptir þá engu máli hvort
um háhýsi er að ræða eður ei.
Godzilla er Japan
HUGLEIKUR DAGSSON
Hugleikur segist hafa gaman af stórum
skrímslum eins og Godzillu sem ganga
um og rústa mannvirkjum.
TÍU GODZILLA-MYNDIR:
Godzilla (1954)
Godzilla, King of the Monsters (1956)
King Kong vs. Godsilla (1962)
Godzilla vs. the Giant Moth (1964)
Godzilla vs. Megalon (1974)
The Return of Godzilla (1984)
Godzilla vs. Mechagodzilla (1993)
Godzilla (1998)
Godzilla 2000 (1999)
Godzilla Final Wars (2004)
64-65 (48-49) fólk 20.10.2004 21:23 Page 2